阿彌陀佛素心園 (已結業)

😋一班傻人，犧牲工作時間，黎做義工。由唔識煮嘢食，到出盡渾身解數，努力學煮嘢食，瞬間個個都變成入得廚房出得廳堂嘅大廚，就係為左提供絕對乾淨嘅素食比全純者。食得一餐得一餐，食少一條生命得一條生命。珍惜生命，食一餐素，你我都好容易做到。

我已經係呢間餐廳食左差唔多一年啦！因為係街坊，所以經常會落來。雖然唔係100%食素人，但來呢度既原因係因為呢度既野食好健康，完全無味精，似屋企煮家飯！豆腐好味新鮮！30蚊自己裝碟的快餐，不同蔬菜任你自己裝，好佛心的價錢，因為出面閒閒地食個飯都40-50蚊，多味精又無兩條菜比你。所以呢度係好選擇！環境抒服，員工好服務、有人情味，有時會送水果、豆奶。加5蚊一壺茶，茶好香好飲。總括我推薦多d人來呢度，呢度變左屋企食堂敢制。如果有時想健康，又唔想自己煮，來呢度係好選擇！

第一次到葵涌的阿彌陀佛素心園。這裡只提供純素食物。餐廳位於葵涌花園中心商場內。一個人流不多的舊式商場。平常多是在附近工作的人光顧。 這裡由佛家人經營。所以，餐廳內會供奉佛像。也有與佛學有關的物品發售。 餐廳地方寛敞。燈光明亮。昨天我到Loving Nature Fortunate Coffee取月餅，之後到這裡來吃稍遲的午餐。大約下午三時到達。所以客人很少。這裡提供的小菜款式不算多。也沒有一人份量的湯麵。所以，我選擇了快餐，$30。 快餐是自助取菜的。取菜的次數只限一次，但份量則沒有規定。客人可以將碟子裝得滿滿的。當然，要清楚自己的食量。不要浪費食物。米飯好像可以再添加。 昨天因為是過了午飯時間才來到餐廳，菜只剩下兩個款式。（原本是有三款的。）有豉椒茄子和紹菜豆卜。都是家常小菜，但味道不錯。我喜歡吃茄子，所以夾取了不少。原來很辣，但很惹味。我自己煮茄子常常會煮得過於軟腍，不好吃。因此，出外便喜歡點茄子的菜式。茶資是$5。茶葉是店家隨機挑選，客人不可選擇。飯後將錢放到錢箱中便可。喜歡的便多付一些。如沒有零錢，可先向店員兌換才放進錢箱中。 第一次來這裡光顧，店員送我這些來結緣。謝謝！

估唔到真係純素冇味精，我對肉過敏，食完都冇事，而且口都唔乾，仲好好食，真係好神奇，佢地仲話啲油都係用刀嘜牌，認真好貴，良心店家，讚!啲野都吵得好靚，義工有禮貌，人又好，連佢地食飯既菜都係義工自己買，好有心。以下係我認為好味既菜其實佢地啲開支都幾高，店舖又開起地下，真心難做，我都希望依個良心店家可以繼做落去，加油! 。。。。。。。。。。。。。。。。。。。。。。。。。。。。。。

午飯時間, 同事想找間素食去消化一下工作的怨氣.呢間素食開左好耐了, 不多顧客, 入口只見一些擺設.內裡乾淨, 光猛, 店員十分有禮貌, 好客氣, 感覺好WARM.小炒價錢不太平宜, 不過係即叫即炒, 聽到廚房炒野聲架薑粒炒飯 - 好多薑粒, 切得好細好細的, 味道好好, 但炒得仲有少少濕, 不夠乾身, 不過味道加番唔少分數!蓮藕冬菇豆腐卜 - 個汁好好味, 蓮藕夠爽, 冬菇同豆腐卜都好入味.什菜煎餅 - 用了更多粉醬來煎, 煎得十分香, 個邊脆脆的, 但什菜就少左D. 還配上了自家製的辣醬, 用了多種蔬菜及辣椒做的, 好有心機!

十分滿意的素食餐廳，價錢便宜，環境整潔，食品非常美味，服務一流，還有佛教書籍可免費取。 我們沒有叫餐，但送菜價錢也不貴，我見快餐$30 三送，是自己裝送飯，十分抵吃，下次會試快餐

無仿肉，無味精，少鹽少油地方光猛，清潔餃子及煎餅值得一試上次點了各一份及北菇淮山，好有鮮味仲有30蚊快餐 幫到好多低下階層嘅人快餐菜式都唔少 雖然冇食過下次經過都會再幫襯

本人已不是第一次來素心園食素食快餐了, 難得見到其他朋友開了帖文, 當然要支持！店內環境乾淨舒適; 人員都是親切有禮的義工們  (辛苦了, 欣賞您們的無私奉獻精神)。 每款炒菜都是無味精的, 廚師技巧不錯; 以簡單的調味就帶出食材的清鮮味道, 每款菜色都是由幾種精心配搭過的菜蔬組合而成, 通常有三個菜色可供選擇, 個人覺得每一個菜色都吃一些最能獲取均衡營養, 本人不太挑食亦非常喜歡清淡口味。  飯餸份量是各取所需的, 適合不同胃口的人, 環保不浪費。素心園師傅有包容的胸襟, 本人很認同大家都可不執宗教; 共同以愛為中心令世界更美好這個理念！   加油~ 

😀 昨天本來想趁假期，食番個素食自助午餐，誰知以前幫襯開的齋舖已經結業！換上呢間“阿彌陀佛素心園”！甫進場，有一位師父在場招呼，謂中午可以用$30點個三餸快餐，如須茗茶則另加$5。OK！付款後，我只可以1次性的，挑選指定的素食及白飯；今次是炒豆角、豆腐及蒸南瓜，煮得頗為清甜，不太膩，亦唔似有D素食店，落較重的調味料！飯底則中規中矩！壺茶就較為清淡D！在FB內亦有呢間素食店的專頁，聽說此店係一些佛門弟子，集資捐助下而開的。既然咁有意義，當然值得支持啦……👍👍👍！