阿木台灣生活百貨

營業中

休息中

又去返嚟阿木台灣麵，因為好掛住佢哋嘅紅燒牛肉麵，係一碗非常引人入勝的台灣式牛肉麵。湯底呈現深紅色,可見湯汁味道濃郁,應該是經過長時間熬煮而成。肉塊看起來鮮嫩可口,配以香蔥和蔬菜的點綴,更添風味。麵條也有好的口感,似乎是以優質面粉製作。朋友嗰碗就唔辣嘅，但係佢比嘅評語都係非常之高，佢話下次都會帶朋友嚟食。整體而言,這是一碗符合台灣傳統風味的美味牛肉麵,對於想品嘗正宗台灣風味的食客來說，絕對是一個不錯的選擇。

有日跟朋友過嚟買嘢，發現新大陸呀，呢度有好多台灣食品賣，我都忍唔住買咗d 蛋糕、包點同只需翻熱嘅食品回家食，除時加餸都得呀，非常方便店內仲有得預購食品，下次可以預購定先

上次去旺角食完串燒之後去咗阿木台灣生活百貨行吓，諗住入下貨，嚟緊有幾日假期可以儲吓糧。嗰度有好多急凍食品，有台灣蔥油雞、蔥油餅、餃子、蒸包、湯包等等，仲有一啲台灣零食飲品。佢哋仲會定時做團購，幫大家搜羅一啲台灣特色食物，咁就幾時都食到台灣特定美食啦😋今次我就買咗一包台灣餃子、一包客家小炒、同埋一包台灣尾珍珠😊剝皮辣椒鮮肉餃 $88一包有16隻，可以分幾次食，有盒排得整整齊齊，不過我冰格唔夠大，我拆散佢用保鮮袋放。餃子大小適中，皮有厚度咬口得嚟又唔太硬，餡料脹卜卜，剝皮辣椒好惹味，少少辣配上豬肉餡料好食，我用餃子嚟配新竹米粉一流👍🏻另外，我仲買咗包客家小炒，諗住之後懶煮飯🙈，晚餐可以番熱食。裏面有豬肉、魷魚、芹菜，炒熱佢應該幾惹味爽口。我仲買咗包台灣尾珍珠，即係醬燒雞屁股🙊店員話用氣炸鍋整就ok，夜晚整嚟餸啤酒睇波超正😆

行經過旺角真係要去呢間台灣食品雜貨店睇睇打個圈🤗， 應該都有豐富收穫。 邊方面積不大， 但係就擺放住好多唔同種類嘅台灣食品， 每一個貨架都好似尋寶咁好新奇❤️。泡菜灌湯餃: 台式嘅泡菜會係點嘅味道？ 食完之後覺得呢款湯餃更適合香港人口味， 泡菜冇咁辣同埋冇咁鹹， 灌湯餃皮入口仍然有彈牙口感🤤， 急凍食品黎講真係唔做得幾好。阿木客家小炒: 小編不嬲都鍾意食福建菜, 呢個小菜有建子肉， 豆乾，蒜苗，魷魚等等惹味材料炒成， 成個包裝袋溫水坐熱就食得🙊， 無論係宵夜或者晚餐加數都係好好選擇。涼拌干絲: 入口好爽口彈牙😘， 好似食緊肉絲咁， 估唔到用豆腐乾造成嘅麵條可以咁好食, 下次再去要大量入貨😏。~~~~~~~~😋味道: 8.5/10📸賣相: 8.5/10🛋️環境：8/10💁‍♂️服務: 8/10💎性價比: 9/10💲人均： 豐儉由人🙊⏪回頭率：85%~~~~~📍阿木台灣生活百貨旺角白布街8號地舖~~~~~

朋友開始報復式旅行，台灣都係港人旅行熱點之一，見大家去得咁開心，今次就推介下香港e間專賣台灣地道野嘅小店喇🤓店入面有各種嘅風味台灣小食，急凍食物，仲有得預訂台灣直送嘅產品☺️我地買左以下：🌺 剝皮辣椒水餃🥟水餃🥟入面爆汁，剝皮辣椒脆嫩鮮甜，味道唔算太辣👍🏻口感Q軟🌺 醬燒雞屁股係台灣熱門嘅小食，食落唔太肥🌺蜂蜜蛋糕-紅柴蜂蜜蛋糕🤓平時去台灣都會購買，蛋糕質感細滑，甜度適中👍🏻帶香香嘅蜂蜜味

今日約咗朋友係旺角白布街食晚飯， 可能係星期六既關係， 同埋又剛剛解除口罩令，去到間餐廳都幾多人， 要等位.我見應該都要等一段時間， 係附近周圍行， 經過見到間《阿木台灣生活百貨》， 入面有好多各色各樣既台灣百貨， 包括零食， 甜品， 急凍食品， 一見到d 野食都忍唔住要買返幾樣.今次買咗阿木剝皮辣椒鮮肉餃， 台灣尾珍珠同客家小炒.第二日我已經整咗d 水餃黎食， －包有16 隻，味道唔錯， 唔係好辣， 個皮唔厚👍👍其他咗二樣未試.另外， 重見到有其他台灣品牌食品都可以團購預訂， 價格還比其他地方便宜.

早幾日去咗「阿木台灣生活百貨」買咗三款台灣地道食品, 可以回味一下台灣夜市嘅風味～ 除咗冷藏食品, 仲有台灣夜市小食、零食、飲品、台灣必買甜品等等都搵到, 好多種類選擇呢！𓌈˒˒ 剝皮辣椒鮮肉餃 一包有16粒餃子🥟, 一口一粒, 方便食用～ 餃子皮比較煙韌, 皮薄餡多, 粒粒飽滿, 肉餡多汁！用上台灣地道食材 - 剝皮辣椒🌶️, 並混合豬肉, 好特別呢！原來剝皮辣椒唔會好辣, 辛辣味唔會太強烈, 反而能提升豬肉嘅鮮味, 微微嘅辣椒味唔會搶咗鮮肉味, 幾惹味！𓌈˒˒ 阿木客家小炒 只要放入水中加熱♨️, 剪開包裝就食得, 好方便！客家小炒配料有好多, 有建子肉、魷魚、豆乾、蔥、芹菜、蒜苗, 調味都相當唔錯👍🏻！充滿蔥同蒜味, 好有台灣風味⸝⸝ 𓆸𓌈˒˒ 涼拌干絲係一道夏天開胃嘅冷菜！材料有干絲、芹菜、蒜頭🧄、辣椒🌶️, 吃起來好順口, 豆干軟嫩, 有豆香味, 加上清爽嘅芹菜絲, 口感爽脆, 十分開胃！

之前疫情嚴重無得飛個陣成日都好掛住台灣野食 為一解鄉愁 小編就會去阿木生活百貨個買D凍貨 佢地仲會有團購可以直送甜品同凍貨黎香港 好正 之前成日買開佢地個蛋餃🍳 真係好好食 大推💯阿木客家小炒 ($39) 其實即係芹菜 肉絲 乾魷魚加麻油炒 之前係台灣熱炒店食過好鬼惹味🤤 送飯真係一流 呢度有得買細細包凍包番屋企慢慢食阿木涼拌干絲 ($45)另一款凍包就係涼拌干絲 原來以為係麵 但原來係啲干絲係豆干黎 即買 啱晒減緊肥嘅小編 又可以飽肚又唔洗食咁多澱粉 加埋蘿蔔絲蒜頭 辣椒 連埋小炒一齊食 好正👍🏻麻辣燙豬肉水餃🥟 ($88)最迎小編愛上左食辣嘅餃子 香口又過癮 麻辣燙唔算非常辣 啱晒唔太食得辣但又想過下口癮嘅朋友 一盒有成16粒 可以慢慢食😍

未有時間去台灣夜市掃街食野!? 黎阿木台灣生活百貨, 係台灣嘅地區美食都可以係度搵到，係旺角位置都算方便，好多貨品種類選擇，價錢都合理，撐小店！🥟剝皮辣椒鮮肉餃 $88一盒有16粒，典型台式手工水餃，食落惹味而不太辣，加埋juicy既肉汁，好正！怕辣人士都可以一試。 客家小炒 $39醬汁炒豬肉絲、魷魚、三色椒及洋蔥等配料涼拌干絲 $45材料有干絲,辣椒,芹菜店舖職員教我將兩包浸水解凍，再將兩個炒埋一齊食。果然無講錯，好好食，好有台灣風味。

今日喺旺角呢度附近餐廳等位 期間見到呢間台灣食品百貨 估唔到入面咁多唔同類型嘅台灣食物，例如蚵仔煎，肉腸，鵝肉丸子，茶類，醬汁類等等今次我揀咗三樣食物醬燒雞屁股，阿木剝皮辣椒豬肉餃，嘉義水晶餃子豬肉餃子一客有十六隻，食落去有辣椒香但係唔會太辣，有少少辣椒反而更加開胃，內面豬肉都好足料，餃子漲卜卜，餃子皮同港式唔同，雖然唔薄但食落絕唔會覺得係厚皮，反而有d 煙韌，台灣風味十足！ 水晶餃子呢個真係好有驚喜，喺香港都冇食過！外皮非常之軟糯qq，感覺睇起嚟似粉果，但又比粉果外皮更香又好味，內面肉碎餡料好好味，每隻餃子都手掌咁大，超級推介！醬燒雞屁股，台式熱門小食，醬汁濃郁惹味，有咬口又唔會鞋口，好似食緊淋淋脂肪，好味道又邪惡！如果唔係到我有位，真係要慢慢揀，眼花撩亂太多美食！

📍阿木台灣生活百貨 (旺角)雖然而家多咗出街食，不過放假都鐘意用懶人食品加下餸。除咗冷凍餸包，佢哋仲有唔少台灣食品團購😍。💕阿木剝皮辣椒鮮肉餃 $88皮薄餡多，粒粒飽滿。肉餡多汁又鮮甜，完全冇豬羶味，食得出係用靚豬肉。一食覺得冇咩辣味，估唔到都幾有後勁。💕阿木客家小炒 $39味道甜甜辣辣，蔥同蒜味都好重。食落感覺並非齋用醬撈，而係真係有炒過。💕台灣尾珍珠 $39其實即係雞pat pat🤭。連埋又嫩又香，不過要lur骨。醬汁偏甜好惹味。📍阿木台灣生活百貨 (旺角)旺角白布街8號地舖

今日去左阿木台灣生活百貨行吓，成間舖頭啲嘢都係來自台灣，唔知真係以為自己去咗台灣嘅迷你超市，無論係零食、冷凍食品、新鮮蔬果都有，真係估佢唔到，台灣熱門手信仲可以喺度預訂添，唔去台灣旅行都食到台灣嘅嘢，真係好方便阿木剝皮辣椒鮮肉餃以為剝皮辣椒會好辣，點知一啲都唔辣，而且配埋鮮肉好好味，一啖一隻剛剛好阿木客家小炒客家小炒配料都好多，有建子肉、魷魚、豆乾、蔥、芹菜、蒜苗，而且佢嘅調味都相當唔錯，只要放入水中加熱，剪就可以食用，超方便台灣尾珍珠開頭我比呢個名吸引咗，原來佢係雞屁股，估唔到平時我喺夜市食到嘅雞屁股可以喺度買到，而且一袋有咁多粒，好抵食

平時成日去開阿木台灣麵食飯，有留意到佢地有間阿木台灣生活百貨!!!專賣唔同類型嘅台灣食物，款式多多!!有唔少蛋糕同埋急凍食物賣，見到急凍食物煮法都好方便，所以就買咗幾包試下(⁎⁍̴̛ᴗ⁍̴̛⁎)☁️阿木蚵仔煎 $55基本上去台灣夜市必食!!喺香港好少見到:’)解凍之後用煎鑊翻熱/氣炸鍋，好快食得!!煎完十分香脆，入面有唔少蚵仔~配上偏甜海山醬就啱啱好~☁️阿木剝皮辣椒鮮肉餃 $88呢款喺台灣嘅工場生產~一盒有16隻，水餃份量都唔細~懶人恩物(⁎⁍̴̛ᴗ⁍̴̛⁎)雪櫃攞出嚟唔使解凍就咁放入熱水煮8分鐘就食得皮較厚身，煙煙韌韌~剝皮辣椒唔會好辣，容易入口!!配埋豬肉饀相當唔錯☁️阿木土魷魚風味魚塊 $59我無解凍用氣炸鍋炸一陣，約10分鐘就食得外表炸得香脆金黃，好香魷魚味~一款唔錯的下午茶小食!!

係旺角行街，搵緊食咩嘅時候發現係阿木台灣麵店過一兩條街就有間姊妹店，專賣好多台灣地道食物、零食，打算睇下有冇岩嘅可以做早餐/小食⭐️麻辣燙豬肉水餃🥟諗緊買邊款水餃嘅時候，店員推薦呢款。一盒有16件，水餃食落辣辣🔥地、咬開好多肉汁流出，好正，推薦比食辣之人⭐️阿木嘉義水晶餃好似係香港無見過🤔，就諗住試下。食落好煙韌，個餡係豬肉，帶出鹹味同係淡味嘅皮平衡返⭐️阿木排骨酥用焗爐焗返熱啲排骨酥，好香脆，用嚟配烏冬食唔錯😋咁岩老板娘係到，推薦我下次撞岩期，可以訂蛋糕、酥，搵次試下先😙

話說153之前食過旺角嘅阿木台灣麵，最近先知原來佢哋仲有做生活百貨😯今次經開試咗一款剝皮辣椒鮮肉餃，辣得嚟又幾好食，今日就同大家介紹吓。仲有下面嘅水晶餃、七里香雞屁股都係 @mu_taiwan_store 度買，鍾意台灣小食嘅朋友不妨留意吓✨———❝ 阿木剝皮辣椒鮮肉餃 | $88（16隻）餃子以豬肉餡料為基礎，加入剝皮辣椒增加香氣及口感，辛香中帶肉汁鮮味，食落惹味而不太辣，怕辣人士都可以一試。———❝ 阿木嘉義水晶餃 | $88（5件）有種食物叫外表平凡但很好吃！水晶餃每件都有手掌心般大，咬落外皮Q彈，餡料鮮甜而且份量十足，睇相都見到，一夾起就爆開咗👐🏻———❝ 張酥酥尾珍珠 | $39氣炸過後酥脆香口，加入秘製醬油非常惹味，在家也能嚐到夜市風味🌃