阿木台灣生活百貨

營業中

休息中

上次去完阿木台灣麵食，先知道原來附近幾條街有間阿木台灣生活百貨😍可以買到好多台灣特色食品、甜點、凍貨。想食特色台式食物，嚟呢道到就岩哂🛒🍥 奕順軒 芋泥卷蛋卷蛋外層鬆軟，包裹的芋泥香滑綿密細膩，中間是芋頭凍，涼冰冰，好滑溜。🥯 烏魚籽肉包富台灣特色的食品，香港好少見。夠係台灣食嘅味道差唔多。入口有著濃郁的烏魚籽香氣。🥟 三星蔥鮮肉水餃細細隻，外皮厚薄適中，唔會容易散開。咬開會聞到好香蔥香！鮮肉有嚼口。🥠 滷甜不辣甜不辣滷得好入味，口感軟糯。【阿木台灣生活百貨】📌 旺角白布街8號地舖

💛🤍💚阿木三星蔥🥟你算哪根蔥？夜晚喺附近食完嘢，見到依度有台灣嘅凍肉包賣😆啱晒第二朝早餐蒸熱食啦🥰行入去，發現店舖嘅台式商品好多元化，仲分好多類😋就連日用品都有呀！不愧為台灣生活百貨🛍🖤烏魚子肉包🖤 $70/2個食之前蒸10分鐘左右就得啦！外皮鬆軟帶甜味🤤內餡烏魚子味道香濃，肉餡滿滿！濃郁嘅香氣同口感，早餐食完真係元氣滿滿💪🏻🧡五香豆干🧡 $39解凍即食好方便🥰作為小食又或者補充蛋白質都好適合！五香嘅味道濃郁，唔會過鹹😌🤍三星蔥鮮肉水餃🤍 $88水滾後煮8分鐘就食得🥟水餃外皮帶煙韌口感，厚薄均勻😛飽滿肉汁搭配三星蔥獨特嘅香味，唔沾醬都好好食！💚抹茶提拉米蘇💚 $208壓軸出場就係Tiramisu 😛滿滿嘅一盒，未食已經覺得好幸福🍵抹茶味道香濃，整體層次分明😋馬斯卡彭嘅部份軟滑而不膩，搭配濕潤度剛好嘅手指餅，真係會食上癮🤤大大盒，食完好滿足！依度嘅產品真係可以用「琳琅滿目」形容，好多台式美食都可以喺依度搵到！以前見到台灣朋友仔分享美食嘅時候只係望梅止渴🥹好彩搵到依間台灣生活百貨，終於都可以嚐鮮啦😚📍阿木台灣生活百貨📍旺角白布街8號地舖-

呢排慢慢開始放寬出入境限制，見到唔少朋友都蠢蠢欲動😂有啲仲已經飛左✈️我呢啲打工仔都係得個睇字，好在有阿木台灣百貨慰藉下我弱小心靈❣️。🐒三星蔥雞肉餃(阿木)💰$88係宜蘭既味道呀🥬三星蔥味道係淡淡咁傳出黎，因為係雞肉餃子所以相對傳統豬肉餃無咁油膩，蛋白質多啲之外負擔感都少啲🥟。🐒抹茶提拉米蘇(艾利手作甜點)💰$208之前一直都係回購奕順軒既蛋捲，今次見佢番左呢款抹茶盒子🧁當然要把握機會一試🍵佢係超級濃郁既抹茶味，甜度只有1分，抹茶控唔可以錯過🍰內𥚃係tiramisu layer，主要甜味都係黎自呢到，係好適合大人食既甜品🥛配埋奶好match。🐒烏魚子肉包💰$70@2第一次食烏魚子既產品，果然重海味🌊好特別既內餡，肉汁鎖住係包入面，調味都做得好好👍🏼早餐食呢個好滿足。🐒土魠魚風味魚塊(阿木)💰$68呢個價錢有咁大包好抵，職員建議氣炸，我地就一半炸一半拎黎炒娃娃菜🍤炸既話落埋辣椒粉落去shake!!🌶勁夾，如果炒既話就會食到口感煙韌啲，都好重魚味🐟

—除咗有自家廠房出品 仲有好多台灣直送嘅嘢食產品琳琅滿目 好多都有興趣艾莉手作甜點 抹茶盒子($198)成日碌ig 見到台灣甜點好正頂層有抹茶奶酥 脆酥香口滿滿滑順嘅抹茶奶霜仲有濕潤抹茶蛋糕 滑捋捋抹茶果凍抹茶控一定要試 微澀回甘很抹茶阿木高麗菜韭黃鮮肉餃($88)唔洗解凍烚8分鐘皮嘅厚度適中 滋味菜肉餡包子商行 烏魚子肉包($70/2)比手掌更大嘅包肉餡扎實飽滿 味濃帶鹹香古早深海魚塊($68)用氣炸鍋整咗20分鐘左右金黃酥脆 簡單做個下酒菜————————————阿木台灣生活百貨旺角白布街8號地舖

咁耐無飛台灣，好掛住台灣食品!前幾日就去咗阿木台灣生活百貨shopping🛍️有齊凍肉、調味料、零食、甜品等等，最後掃咗好多款食品返屋企慢慢歎😎❇️包子商行大大個台灣包子，餡料豐富扎實，簡單蒸熱十分鐘就食得😬芋泥肉鬆鹹蛋黃肉包甜甜鹹鹹，自製芋泥內餡夠哂綿密‼️烏魚子肉包，好得意既配搭，高品質烏魚子配肉餡，香氣濃郁👍❇️三星蔥鮮肉水餃水滾後煮8分鐘就可食用，粒粒都好飽滿，充滿三星蔥香，餃皮Q彈唔會好厚，都幾好食😋❇️甜不辣 見到東山鴨頭風味咁特別，即刻買黎試下，鹹香交錯都幾正，甜不辣外酥內軟，口感QQ💡❇️亞尼克巴斯克生起司 – 原味特別挑選北海道生起司、高達熟成起司製成，半熟口感香濃綿密，仲有淡淡焦糖香氣，入口即化💝

而家冇得去旅行好傷心😢但當心掛掛想食台灣野食時，我就揀去阿木台灣生活百貨，就算唔可以飛出去，都可以食到當地嘅食物😋今次試左四款產品去到即刻揀返盒台灣出產蛋糕，係一盒有14舊唔同味道布朗尼嘅蛋糕盒🥰犀利呀～可以食到14種味道，岩哂三分兩意加選擇困難症嘅我。我鍾意將蛋糕放入焗爐稍微焗熱，趁住蛋糕微溫再配搭咖啡或茶一齊食，朱古力味勁濃厚，口感外酥內軟超級好食🤤每個星期都有唔同嘅蛋糕供應🌟之後買咗兩個手掌咁大嘅包，一個烏魚子肉包，另一個係雞肉起司包。烏魚子份量多，足以令到成個豬肉餡昇華，香氣融入肉餡中。雞肉起司包，食到黑椒味，雞肉夠味，加上有芝士，味道多層豐富。真心～兩個包我都好鍾意食☺️土魷魚風味魚塊😳真係食到魷魚味，口感紮實，有啲似食緊麥樂雞嘅感覺，最外面嗰層唔知係咪炸糠，係粗粒，煎完之後香口到不得了我會多啲去買嘢食😊每樣野食都好岩我口味

😆旺角- 阿木台灣生活百貨 （好掛住台灣呀～～～～～～🥹🥹🥹🥹） 😋【米滋崎楓糖布丁乳酪！】被佢又啡又閃令令的外貌吸引，一開就聞到黑糖味！食落有黑糖香味但又唔會覺得太over, 除左布丁有黑糖味，連乳酪部份都有架！！！！乳酪口感軟綿，蛋香味濃😋大正！聽講🤩 阿木每個星期都有唔同蛋糕可以預訂😋 去到鋪頭見到好多蛋糕都被預訂了！之前見佢有個鮮芋奶霜生乳捲好正咁，但今期已經無左🥹 真係手快有手慢無除咗蛋糕之外，已經忍唔住為大家試埋烏魚子肉包同三星蔥鮮肉餃！😋😋【烏魚子肉包】普通肉包食得多，但加埋烏魚子就未試過，會多嘅香味！將成個包的味道提升了，是不錯的。【三星蔥鮮肉餃】由台灣製造，再直送到洗港😆😆其實都估唔到唔錯，外皮有點彈牙，但未去到魚皮餃咗嘅😂餡料煮完仲有汁！味道方面我幾喜歡，食落覺得無味精！【阿木土魠魚風味魚塊】呢個可以用氣炸鍋或煮煎都可以！呢個就未食期待下！

相信好多鍾意食台灣菜的人都食過 #阿木台灣麵 ，味道真的似足當地口味，食過返尋味。他們另有主打賣台灣產品的生活百貨店，無論是蔬菜、水果、冷凍食物及零食等等，應有盡有，到店內一定滿載而歸。重點是店子會經常開團，每團都有不同的貨品，就像這次我就入手了米滋崎蛋糕，其後更有奕順軒、佳樂蛋糕、柯基燒盒子等等，甜品控不可錯過！◽ 三星蔥鮮肉水餃 $88提起三星蔥的產地，當然是宜蘭！曾經四過三星蔥手信畀屋企人，大家都大讚。這次看到三星蔥鮮肉水餃，立即入手。阿木的自家品牌，鮮香肉味配搭三星蔥香，好回味，大家爭住食。◽ 米滋崎蛋糕 $209楓糖布丁乳酪蛋糕在台灣也是人氣款，貼心位是打開盒有手抽位，還人可以整個蛋糕拿出來。外層深色的是Q彈的楓糖布丁，內裡是焦糖布丁和乳酪蛋糕，平實的外表，味道卻很驚人，不同口感夾雜在一起卻相當合拍，甜度不會過膩，而乳酪蛋糕亦好幼滑，喜歡吃蛋糕的請入手！◽ 炸深海魚塊 $68傳統台式魚塊，可以氣炸或煎炸，有金黃色的外表，食落彈牙又有魚鮮香，解饞的好選擇，建議買多幾包做儲備。◽ 烏魚子肉包 $70/2個黑色的外表，內裡卻有驚喜。因為是將烏魚子包入肉包成烏魚子包子！餡料食到肉香，

係旺角想食台灣野一定會食阿木台灣麵，食完之後決定去埋佢哋個生活百貨店睇下，都有好多台灣直送產品，真係忍唔住手🙌🏻😂。✨建議上佢哋網站訂購(部份小量現貨)✨好多芋泥產品🤩 (但都需要預訂)-💕 熔岩起士布朗尼 $238👅好味指數：9.3/10原本見到有芋泥🥺但店員話係有人訂左的🥺如果想要芋泥既都建議訂左先，未必有現貨🥺但依個布朗尼都好驚艷到我😳蛋糕底層係好厚既芝士，芝士味好濃郁😍布朗尼質感極濕潤，口感鬆軟有彈性😍朱古力味勁重🥰，重得黎又唔會太甜，完全停唔到口😂-💕 阿木士魠魚風味魚塊 $68👅好味指數：8/10傳統台式魚塊，寫住氣炸煎炸焗炸都得，炸完好香脆，肉質彈牙有魚香味。-💕 烏魚子肉包 $70 /2👅好味指數：7.8/10包好鬆軟，烏魚子份量幾多，加埋滿滿豬肉餡，食落好似菜肉包😂，估唔到幾惹味👍🏻-💕 阿木 三星蔥鮮肉餃 $88👅好味指數：7.5/10蔥+豬肉餡，三星蔥味好重，豬肉有咸香，重點睇番佢營養標簽，都幾好又唔肥喎😳-環境：7/10服務：7/10整體味道：8/10回頭率：8/10

楓糖布甸乳酪🍮滿足晒我三個願望😍本身我係甜品控，卷卷分開三層：最低層乳酪蛋糕，第二層布甸跟住第三層楓糖，三層都整得好滑口感好好，超棒👍🏻泰式綠咖喱鮮肉水餃🥟嘩嘩嘩….第一次食綠咖喱水餃，我個人覺得唔太辣，但係感覺創新得黎好食😋綠咖喱係個口到迴旋😬正正正。烏魚子肉包🥡烏魚子真係好鮮甜，加埋落豬肉到都食到烏魚子個種香，呢個包一定要試👍🏻👍🏻👍🏻甜不辣🍢去到台灣都係必食，而家急凍都有，更係買包試吓啦⋯⋯感覺QQ的，不用加任何醬料已經好有味道，好有台灣風味.讚👍🏻

之前去台灣旅行買過堯平既布朗尼做手信一直都想回購🫠但通關遙遙無期又無咩香港台灣代購有賣🥲·最近😎😎😎比我碌到阿木台灣生活百貨竟然有代購堯平布朗尼雙眼即時發哂🤩然後拿拿臨落單·一打開嘩嘩嘩😆真係超靚仔禮盒裝有13種口味布朗尼功濕潤 · 似生巧克力既口感真係好鬼正♥️忍唔住再偷偷落單要多盒🫣不得不大讚一下阿木台灣生活百貨網頁設計既版面夠哂方便易明而且係旺角設有門市門市除左可以取貨 仲有好多台灣手信既現貨無論係冷凍品 · 薯片零食定台式醬料都有賣重點係有台灣7-11必掃既盒裝飲料另外佢地每個月都會有唔同既蛋糕手信店合作等大家解下鄉愁取貨當日仲順便掃左包炸魷魚同甜不辣店員仲推介左個烏魚子手工肉包阿媽食完個包叫我再落單 · 因為老豆話要食😂

原來白布街有間台灣百貨店，入面包羅萬有，好多唔同類別既台灣小食，通通有得買！除左現貨發售之外，原來仲有得預購，掛住台灣野食既朋友可以留意一下！今次隨便揀左幾款野食試下，真係幾有驚喜！🔸芋泥肉鬆鹹蛋黃包返屋企蒸水蒸熱就食得，非常方便，咬開見到好足料，滿滿芋泥同埋肉鬆，夾埋鹹蛋黃食真係好香，個包仲好軟熟添！🔸雞肉起司包另一款蒸包買左雞肉芝士，雞肉嫩滑，芝士雖然唔算多但食落都好香口🔸阿木三星蔥鮮肉餃🥟一包有16粒，可以一啖一粒，餃內有蔥和豬肉，口感唔錯，特別係三星蔥味真係好突出，鍾意食蔥既朋友可以試下，覺得有驚喜🔸阿木土魷魚風味魚塊用氣炸鍋炸完口感酥脆，魚塊有口感，用黎送酒一流🔸堯平布朗尼組合包🍫呢盒甜品不得了，份量超大，總共有14件唔同口味，brownie口感紮實，朱古力味超級濃郁！係真係好濃郁，個人覺得甜度恰到好處，唔會過甜！比較特別既口味例如有芝士橙、辛咖哩，初頭食落覺得有點怪，但回甘個下又接受到喎，整體幾唔錯，可以一試！

因為好鐘意台灣既野食，之前都成日黎幫襯食牛肉面。最近，佢開左間新店，賣一D 台灣正宗進口食品，於時就黎左呢到，買返屋企試下煮啦！花雕醉雞脾雞脾十分大隻，退冰後直接食得，唔想煮飯首選。雞肉急凍過，但仍然爽滑，淡淡酒味，一陣就食曬。三星蔥豬肉餃子餃子皮薄多汁，三星蔥味道濃郁，成隻餃子充滿獨特蔥香味，十分正！芋泥麻糬蛋糕鐘意食芋泥真係唔可欲錯過。芋泥香滑，一D 粒粒都無。蛋糕味道亦唔會死甜，配麻糬多一層煙煙韌韌既口感，係更加正。如果鐘意食多糕，我見佢仲有好多唔同味比人預訂。蛋黃肉鬆包呢個包集合左所有好食既元素係入面，十分吸了。蛋黃同肉鬆超級夾，鹹鹹香香，另人想食完一啖又一啖😂佢仲有好多台灣既急凍產品， 想食台灣野，呢到真係正！

最近行過旺角先知阿木台灣麵開咗間賣生活百貨同急凍食品嘅分店，於是就入咗去掃貨 ٩(˃̶͈̀௰˂̶͈́)و🍫滋本家 巧克力炭烤烏龍蛋糕 $188 呢個係台灣好出名嘅蛋糕，有好多款口味，我就揀咗呢款朱古力烏龍蛋糕🍰 蛋糕好鬆軟，濕潤有彈性，朱古力味香濃，食到少少烏龍茶味，唔會太甜，層次分明好食😋🥟阿木剁椒水餃呢款水餃係阿木喺台灣嘅工場生產，每隻一口size😛 剝皮辣椒唔會好辣🌶️，幾惹味，皮薄多肉汁，唔錯🫶🏻🥯包子商行 烏魚子肉包 $70 / 2個烏魚子份量好多，肉饀好足料，食半個已經飽🤣 包體好鬆軟，幾好食😋🥯包子商行 芋泥肉鬆鹹蛋黃包 $39 / 2個入面有鹹蛋黃同芋泥肉鬆，芋泥份量都幾多，甜度適中，同鹹蛋黃好夾🤣🤎阿木炸臭豆腐好耐冇食台灣嘅臭豆腐，估唔到喺呢度都有得買，店員話用氣炸鍋炸十分鐘就得🤣 一炸好就好大浸臭豆腐味(˶‾᷄ ⁻̫ ‾᷅˵) 另外仲送埋辣椒醬同酸菜，好惹味🥰

阿木台灣麵就成日食，仲成日喺門口埋佢哋嗰啲台灣手信，而家阿木喺附近白布街開咗一間阿木台灣生活百貨，超級多嘢買，成間台灣超級市場咁，有台灣零食，熱門手信，蛋糕，飲品，急凍食物，應有盡有，今日就嚟調整一下買啲嘢食返屋企先😋🍰▪️亞尼克生乳捲 $ 199去到啱啱賣剩兩條，隔離放住10條都係有人預訂可想而知幾受歡迎，以前喺台北車必買，蛋糕口感柔軟油潤又有彈性，蛋糕加上北海道鮮奶油，香滑到一個點，唔好食才怪🐷▪️阿木排骨酥 $ 59放落氣鍋搞掂，外層是地瓜粉，炸完之後好酥脆，排骨淡肉帶少少肥，調味適中，想在惹味D，可以再加少少鹽和辣粉，好食到唔停口🐙▪️阿木深海魷魚酥 $ 68魷魚好彈性，口感爽脆，地瓜粉炸槳厚薄均勻，熱辣辣炸起實在非常好食，送啤酒一流🍘▪️蛋黃肉包 $ 42 / 2蒸完嘅肉包外皮軟糯，最精彩嘅部份係中間嘅肉餡，肉汁滿瀉，肉餅超級彈牙，好正，唔怪之店員話呢個係熱賣之選一定要食🍘▪️辣味肉包 $ 39 / 2 呢個就餡料加咗辣味，肉微微香辣，一樣肉汁滿滿，鍾意食辣嘅朋友唔可以錯過✨一定會再回訪，貨品種類真係超多，全部台灣直送，好方便，好多嘢想買，好多嘢想食✨