阿波羅

營業中

休息中

阿波羅嘅咖哩燒賣魚蛋，食落去有細個讀書嗰陣時嘅味道，燒賣併上豉油，咖哩配魚蛋，神還原我既美食回憶，而且咖哩唔太辣， 同魚蛋配合就非常好味，仲要13蚊有雙併，正正正燒賣味道好正有，魚旦唔腥，一定要少少辣，就帶出味蕾

Appolo阿波羅早排我去咗葵芳阿波羅諗住買雪糕，入到店內見到紅豆雪條做緊特價，即刻買一盒返屋企食！👍👍👍1.紅豆雪條（6條）$26（9/10）呢盒紅豆雪條真係好抵，每條雪條勁多大大粒紅豆，紅豆味又濃，一盒有6條，平均每條唔洗$5，超平！2人總共價錢$26個人口味總評分：9/10地址：葵芳葵芳邨葵芳商場2樓123號舖

依個雪糕，佢面頭個層係好似馬卡龍感，佢面個層味道好甜，而且口感好粉，好似食緊糖粉感，不過都有小小薄荷味架而入面個雪糕，薄荷味都幾濃，不過都幾甜，整體個雪糕薄荷味都好香，不過好甜，外面個層口感就好粉

小小的任性想法就衝動買了雪糕吃，最近壓力很大、煩惱很多，需要處理的事排山倒海，有時真的心力交瘁。人長大了，更明白不能依靠別人，就算至親也沒法做到令自己能稱心滿意。唯有自己才能解決衝向自己的問題。說回雪糕，在這店真的只愛吃椰子加麥提沙加乳酪雪糕，回想起當初少女時代的自己，當時的我被兩位最好的朋友笑我怪，喜歡椰子味。‪椰子加麥提沙加乳酪雪糕‬‪自以為自我創新口味，香滑的椰子加上麥提沙，充滿嚼口，甜而不膩，也不會存在多餘的椰絲現在每吃一口，都感覺回到當時的那個我，純真沒多煩惱的我。

從以前阿波羅好有名的時候，我已經好愛吃椰子加麥提沙既乳酪雪糕，以前賣既係$18，現在居然賣$30，哇，以前無咩零用錢都要吃，現在物質豐富了，反而真係少食左，今次天氣太熱，真係頂唔順就吃了一杯，椰子麥提沙乳酪雪糕，簡直是神的配搭，椰子香濃的味道，加上麥提沙的咬口感，乳酪雪糕的酸酸的清爽，是喜愛椰子味道的朋友必食之選！現在可以用八達通付錢，而且多年不變的是即點即做，而且阿波羅d野都算平，係椰子麥提沙乳酪雪糕加價加了未免太多了吧？但是我也會繼續吃...

麻辣魚肉燒賣 10粒只需$12.50, 最初都估計應該是gimmick嘢, 求求奇奇辣到死......點知食粒入囗, 一陣麻feel直痺條脷, 久久也未能散 隨之而來的辣味都是不過不失, 辣停了但麻麻不斷魚肉燒賣都只是凍肉鋪貨式, 粉多過魚肉(基本上唔係好嚐到魚), 店方掌握蒸的時間, 並非最準, 因為食到有三粒是外軟內稍硬 (未夠脹開)雖然話麻到條脷痺, 不過人總是犯賤, 麻到死都要下一粒再沾多些醬去虐待自己 少吃宜情

阿波羅鮮果乳酪, 我細細個就聽過呢個名 嗰時最興奮就喺選完生果等職員幫我將雪藏生果同杯純冰硬乳酪放落部機度壓成一杯鮮果乳酪, 直到聽到轟隆隆機器聲(因為職員要用力按個手制令機器內的雪藏生果同杯純冰硬乳酪合二為一), 咁我就知道我所選的幾種生果味究竟係match 唔 match近來食開froyo先諗起這鼻祖, 今日速速去食番杯 葵芳商場這間分店好難找, 要喺商場行好大段路先找到, 鋪頭唔似喺旺地段, 總之好容易會走漏眼今次選士多啤梨及呂宋芒果, 其實水果種類都有十款左右, 除了士多啤梨及呂宋芒果,還有藍莓、荔枝、蜜瓜、哈蜜瓜、椰子等等。 純乳酪味道酸甜適當, 誰也搶不了誰, 雖然正常來說乳酪是由奶品發酵製成, 可是這 純乳酪的奶味不突出, 酸酸甜甜可口宜人。士多啤梨及呂宋芒果果味重而且鮮, 果肉顏色鮮豔成熟,因此我相信它們雪藏前一定是揀手靚貨 清清楚楚睇到喺真生果製成even係雪藏, 但總比某些果味froyo, 都唔知佢地嘅果味係鮮果還是精油加色素一種生果$15, 兩種就$18看來, 我有個新定位了