阿純山東餃子

營業中

休息中

涼拌土豆絲: 如果能加點紅椒絲, 點點辣, 會較惹味,  現只是清新爽口.蔥油餅: 夠薄, 如多點蔥更好.白菜鮮肉餃: 湯和餃都唔錯.酸梅汁: 好味, 酸甜平衡.總括各樣都唔錯是可以的, 但不用以米芝蓮級心情去試.

🥟餃子嚟講呢間餐廳嘅種類都算多今晚想食羊🐑見到佢餐牌都有好幾款羊嘅product 叫左….孜然羊膝腿HK$ 98佢好似成隻大雞髀咁樣好多肉但係我以為佢會好重孜然口味但又唔係佢一啲羊嘅臊味都冇香燒羊排HK$ 88呢個比上面嗰個濃味好多不過得六舊佢啲洋蔥配菜都好入味京蔥羊肉餃HK$66剩餃一碟有10隻咬開淡淡都好Juice ，好多肉汁反而最重羊嘅臊味係呢個餃子食羊嚟講佢嘅價錢唔算特別平反而上次去太子食嗰間專係食羊嘅會出色啲

之前食過外賣覺得佢係好好食所以行開呢頭就體驗下堂食當然佢個環境就唔係咩靚餐廳都係一般茶餐廳地道格局先叫左個海蜇味道好好蒜味夠又夠爽口呢個好正然後再叫 韮菜豬肉煎餃好夠味又juicy 豬肉吾係普通廣東餃子 無乜味o個種而係佢D餡料本身都係奄過不過 煎得好油食完係成口油加埋佢地個招牌綠茶減返少少油膩我下次會試其他餃子同埋可能吾叫煎餃會好D吾會成口油

嗌左一碗北京小雲吞，味道一般，冇咩特別，比佢個米之蓮呃左。重要勁細碗，雖然佢有16粒，但每一粒重細過個五蚊銀，中哂伏😅個店員d態度都麻麻。平時經過見到咁多人排隊諗住試下，點知完全唔掂，唔會再幫襯。

点了一份羊什汤，一份羊肉馅饼，等了二十分钟，才上馅饼。等了四十分钟才上汤。问为什么这么久，竟云淡风轻的说忘记了，连句抱歉都不会讲。所谓羊什汤，分量味道都不如淘宝买的三四十的一包，你竟然卖一百元，怎么好意思卖的。总体评价，第一次来，令人一百分失望。基本不写负面食评的，专门为你家写一次。希望老板继续保持这个态度和质量，让更多人能体会到你家令人发指的服务。祝您生意红火似冰窟，门庭若市无人烟，财源广进入焚炉，百年老店明日封。

筆者一向都是餃子控，今天過到嚟太子，順道都會過來餃子一番。這裡除了餃子外，還有很多小菜，三五知己也非常適合。今日一支公，只能夠點一碗餃子和葱油餅。電子點餐自己落單，留意如果想點雙拼餃子的話，要在其他: 那位置注明⋯⋯筆者由於新手，在電話內點餐都攪了一陣子，最後也是要店員幫忙。芹菜豬肉餃子~葱、芹、茜都是筆者喜愛，這裡的芹菜豬肉餡料豐盈，很惹人討好。齊菜豬肉餃子~肉菜比例適中。葱油餅~除了餃子，筆者最愛這裡的葱油餅，煎得唔油膩，夠乾身，薄薄的，惹人喜愛。

第一次黎食，有朋友話食過好好食，打算試下啦。叫左個茴香餃，味道不過不失，feel到有味精味但未到好嚴重。點知食淨兩隻果陣，其中一隻餃子入面有條頭髮，仲要係同啲肉餡纏埋一齊，當堂無胃口再食。咁我同職員講啦，個職員拎住隻餃去同老闆娘講，講完就拎左入廚房，因為佢地唔係講廣東話，我唔知佢地討論左啲咩，到最後亦都無同我交代返，連一句唔好意思都無，好似無事發生過咁。無心情同佢嘈照俾錢走左，呢種態度唔會再黎，而且56蚊黎講係附近有好多其他選擇。

呢間食咗好多次，因為好掛住呢度嘅餃子，所以今晚又來食。我最鍾意食呢度嘅薺菜餃子，味道好特別，餃子可以選擇湯餃或加$8𨍭煎餃，我哋今次食煎餃🥟除咗餃子，我哋仲點咗個四川回鍋肉，酸辣湯麵，仲有山東手撕雞香煎薺菜餃子$62煎過餃子好香口，餡料多菜少肉比例好好，如果鍾意食重口味嘅，可以加埋佢哋嘅辣椒油、蒜蓉同醋一齊食，非常惹味山東手撕雞$40略嫌有少少鞋，肉質唔夠滑酸辣湯麵$46酸辣度剛好，有冬菇絲、木耳絲，好有咬口，麵質夠滑四川回鍋肉$78呢碟真係要彈，份量比以往細碟都算，腩肉泡油過晒火，乾柴咬唔開，椰菜份量有小又碎濕濕，好似廚餘咁

今日返工，兩點左右見之前美芝蓮和抖音介紹好吃，便過嚟試吓吃午飯，見店內無乜人，點了個牛肉餅同埋一個西洋菜餃子食共80幾蚊，店舖一般小店，見到阿姐全部講北方話並現包餃子，食物等候約10分鐘，上菜新鮮熱辣，要等幾分鐘先可以吃到，吃落鮮味十足，但係過了約1小時後味精上喉嚨，感覺十分口喝，已經飲咗兩大杯水，個人對味精菜十分敏感，好哋哋煮埋啲嘢點解為咗鮮味放咁多味精？對美芝連介紹又一次失望！不過隔離鋪發現咗一間錢大媽，買嘢平靚正！

鍾意食餃子既你一定唔可以錯過呢一間餃子店啦，佢係好正宗既北方餃子🥟♥️ 自家製皮，或者會比坊間好多餃子既皮厚，但煙韌有口感，餡多汁多👍🏻👍🏻👍🏻除左餃子仲有好多地道東北小菜，店入面大部分都係東北人，點會唔正宗呢😆正如大家所講，佢d羊肉係好值得一試，肉質鮮嫩又唔so，快d去試下啦😋

知道呢間店係因為Eason youTuber，好想試佢個拔魚餃，咁啱我又好鍾意食羊，行過太子，就真係要試吓～呢個魚餃嘅口感好得意，喺出邊未食過嘅感覺，魚肉嘅餃子，雖然口感唔係好強烈，但係都好清新，未試過嘅我都覺得需要一試之後就到羊羊羊呢個羊肉湯有驚喜，有羊肉羶味，但唔強烈嘅，羊肉一啲都唔吝嗇，有好多片，加埋啲蔥菜芹菜，好幸福，成碗清晒再嚟就係馳名嘅手爪羊，由於佢冇用濃烈嘅孜然粉醃過，反而每一啖都食到佢羊肉本身嘅甜味，油脂分泌平均，點埋佢嘅醬汁，真係一百分唯獨係份量偏小，兩個人食啱啱好再嚟呢個就係韭菜豬肉煎餅，外脆內軟，仲有肉汁，好有清真牛肉餅嘅感覺，都係值得一試兩口子仲未試得晒其他，已經諗緊，下次再嚟，要試埋佢嘅京蔥羊肉餅，羊肉餃，同埋佢出名嘅燒雞

呢度午市有做客飯套餐，都幾經濟實惠💯幾十蚊有個主食，包飯仲有小食揀午市套餐揀咗一個都應該係招牌嘅山東燒雞可能期望過高對佢有少少失望😞我覺得隻燒雞冇想像中咁特別同埋其實佢有啲乾土豆絲都係正常發揮另外叫咗個韭菜餡餅有驚喜💯熱辣辣整起咬起上嚟入邊爆汁😋餡餅入邊嘅餡料口感豐富入味另外個煎餃上菜嘅時候都係熱辣辣新鮮整起🥳外脆內軟，不過略嫌佢嘅外皮有少少厚生身咗佢有好多款餃子可以揀下次都可以試吓另佢嘅羊肉都有興趣幫我幫我試下有下次呀嘛

Lunch Time經開太子，因為唔想食得咁full所以就揀咗呢一間小店諗住食碗麵，揀咗午市套餐，一個麵加一個小食，$58起。我主食揀咗滷水蛋麻醬拌麵，而附加的小食就揀咗土豆絲。超懷念土豆絲，因為令我想起去國內旅行成日都食(主因係唔伏)。本來仲想叫多個餃子，不過一份有8至10粒，驚食唔晒，所以今次無叫，佢隻滷水蛋溫泉蛋，蛋黃係流心嘅，麻將配青瓜好正，都麻雀配青瓜好正，麵質彈牙好食。涼拌土豆絲夠清爽，都唔錯，下次你要試埋佢啲餃子。

点了手抓羊排和西红柿五香牛肉拌面，都很好吃。羊排附的辣椒油很香，应是放了不少孜然。吃完后加单了香椿芽炒鸡蛋和羊肉汤，还推荐给了山东室友。感觉最近吃的好几个山东菜都不错，比如湾仔的齐鲁家宴

本人好中意食餃子，今日男朋友就話帶我食山東餃子餐廳環境清潔舒服，我地咁岩2人可以坐到卡位餐廳野食選擇唔少，最後我地選擇羊肉餃，羊排同另一個小食（唔記得左名）同豆漿野食好ok,我下次有機會要試下其他餃子