阿茶茶。館 (已結業)

星期日睡到自然醒後就落街吃一個悠閒brunch！去了阿茶茶。館，顧客不少呢，未夠1pm已經坐滿人。set lunch點了意大利扁麵，64C慢煑蛋，煙肉及拉客雷特芝士($66 +10%)，配餐湯和飲品蘑菇忌廉餐湯質素普通，比較稀身，味道有點像罐頭湯。意大利扁麵，64C慢煮蛋，煙肉及拉客雷特芝士上桌時慢煮蛋已經穿了，不禁有點失望，所幸麵條尚算有嚼勁，不算煮得過淋，但醬汁較少，即使連同溫泉蛋汁同吃仍然略嫌乾身，而且配料可以再多一點，這樣味道會豐富一點。飲品飲品選擇頗多，選了earl grey，用茶包形式上，不過不失。

早前難得的週一假期，於是就想趁人少的時候，探訪一下美食林立的元朗。中午行過教育路附近，街路比較沒有那麼繁忙，可是有些美食小店逢週一休息，有些餐廳還未開門，有些卻大路得吸引不到我的興趣。行下行下，無意中見到教育路轉角處，有一間幾有酒吧格調的Achacha，這裡旺中帶靜，而且難得地已經營業，並且有午餐供應。雖然店子較狹小，但牆壁的壁畫，給予這裡一些藝術氣息。天花板上的吊燈本來不足以照亮店子，但窗邊的落地玻璃把陽光透進來，讓空間變得明亮舒服。這裡到了夜晚，便提供酒精飲品，相信晚上來晉餐，將會是另外一番的情調吧。午餐有供美國頂級安格斯牛扒、羊架、法式薄餅等美食，可是我想留給肚子一些空間去吃下午茶，於是便叫一些份量較小的菜式。主菜未到之前，先來一塊自家制白麵飽。雖然麵包的味道較淡，但外面輕輕烘過而帶些脆香，裡面都幾鬆軟，淋一些橄欖油後，味道會較清新。然而點些微酸的蕃茄餐湯後，吃下去便變得更好味。跟餐的蕃茄湯，湯底比較清而不濃稠，還留有一些蕃茄碎皮，感覺就是自家制，味道帶點微酸而完全不甜，而且都幾開胃。主菜來個「意大利扁麵, 64度慢煮蛋, 煙肉及拉客雷特芝士」，配料都幾豐富，帶點鹹的塊塊煙肉、粒

元朗的Cafe遍地開花，但是Achacha似乎仍然歷久不衰，好像就是元朗Cafe的元祖級老大。煙三文魚比高包 ($46+10%)比高包烘得溫熱，外層脆得好像餅乾一樣。煙三文魚份量十足，更有芝士、紫洋蔥、番茄及生菜等配料，紫洋蔥味道濃烈，個人倒是十分喜愛。這大概是我人生中首次品嚐比高包，聽說比高包質感煙煙韌韌，不過這個偏向實和乾，如果中間能夠加入忌廉芝士，相信能提升濕潤度之外更會十分相配呢。XL焦糖燉蛋配特級焙茶 ($39+10%)下午茶餐配一壺焙茶或者玄米茶，份量約有六小杯，店員更會以漏斗計時泡茶，賣相及玩味同樣十足。焦糖燉蛋質感結實，絕對不如坊間某些水汪汪的一樣，焦糖面亦十分香脆。只是對於XL的Size來說有點失望，份量正正常常，與平時吃到的不相上下，還以為會更加巨型呢。熱榛子鮮奶 ($32+10%)原以為榛子鮮奶會是顏色淡啡，類似Nutella榛子朱古力醬加入鮮奶混合而成，結果卻出乎預料之外是純白色。聞起來榛子味相當香濃，不過喝下榛子味則比較淡，就像甜度較高的牛奶，不過味道不錯，溫暖甜蜜。Achacha的食物款式都很合我意，下次再到會希望再嚐著名的法式班戟。

想搵間餐廳同朋友傾下計，見到呢間都幾舒服，就入去試下。叫左個鵝肝伴青蘋果，呢個青蘋果配搭都幾開胃。番茄濃湯入面放咗好多番茄勁濃味，咁我都幾鍾意。佢畀咗啲長條型嘅餅乾，可以點乳酪食都幾得意。主菜我叫左黑松露雜菌意粉，我覺得呢個意粉勁有黑松露味道，又幾飽肚。再叫咗個沖繩黑糖牛奶，都幾奶香味。

從來未食過咁難食！薯蓉凍既！黑布丁一pat 菇就一朕草味條腸同影相個樣差天共地！大部份野都係凍冰冰！仲要等勁耐先上菜完全表達到相片與實物不符的境界！炸魚薯條就普普通通蕃茄雜菌意粉比起茶餐廳差勁多！

趁國慶日放假，同男友兩個人去左元朗周圍行散下心，乘機浪漫下，去左依間餐廳食晚飯餐廳裝修簡約同燈光都較暗，當堂覺得好浪漫叫左個Dinner set，有餐湯麵包同餐飲<<西蘭花忌廉湯>>依個湯同平時出面飲開好唔同，有好香既牛油味，飲落滑而不膩，西蘭花煮得好軟腍，又未熟到散哂，幾好飲<<穀飼美國prime牛膈肌扒>>我地叫左五成熟，一切開牛扒，中間既肉質色澤好靚，入口飽滿肉汁，肉質鮮嫩，牛肉味亦都好濃。最令我意想唔到既係用左紫薯蓉代替平時食開既薯仔蓉，店員話依度既紫薯蓉係手打唔係機做，入口微甜軟滑有口感<<雙層波多貝羅蘑菇漢堡>>叫左牛扒，所以叫返個素食中和返，依款漢堡係全素，兩大片波多貝蘑菇咬落好juicy，雖然冇好大堆頭加好多既材料，但係佢清清地，其他醬汁都唔洗落，反而突顯到磨菇既味道另外叫左支Gusswerk Weizenguss 5.4% 奧地利德國小麥啤酒飲都Ok呀

HAPPY FRIDAY, 今晚食豪DD, 去左元朗阿茶茶館, 食個鵝肝和牛漢堡 $168, 再加$30 有湯、麵包同飲品。餐湯係蕃茄湯, 以個人經驗, 未飲已經知好飲, 色澤唔係茄膏果隻紅, 係天然橙橙地蕃茄既色, 又睇得出來既濃郁, 果然, 畢起見到細碎蕃茄, 純粹天然既蕃茄酸香味, 超正! 麵包好軟熟, 完全唔係連鎖麵包店果D 空氣包, 另外仲有餅乾脆條, 可以點酸忌廉食, 覺得個酸忌廉可以酸少少。飲品加$9要榛子牛奶, 少冰, 仍然有不少冰, 飲飲下面層會淡D, 第一啖覺得好好飲, 牛奶好鮮又好濃, 榛子比左個甜香味佢, 好少餐廳餐飲有牛奶, 見到有即係代表餐廳對呢隻奶有信心, 唔係隨便在便利店買到果D, 果然我無錯, 牛奶的確與別不同, 唔知係咪來自元朗既牧場呢?最後鵝肝和牛漢堡, 估唔到鵝肝在漢堡之上, 小小一片, 個漢堡好大個, 有麵包層夾住生菜、芝士、蕃茄, 仲有好厚的和牛, 夠晒份量, 和牛肉質仍是粉紅色, 和牛有肉香肉汁, 唔會覺得"鞋", 鵝肝好豐腴甘香, 如果大片少少就好, 仲配搭左唔少薯條, 薯條切得較闊, 較有口感, 唔脆但薯味幾濃。

好唔得門口等入冇人理，如果唔係自己入去問侍應們，跟本冇人理，叫完嘢過一輪先話冇材料叫我轉其他，等咗差不多一個鐘都冇嘢嚟，侍應唔跟單，好唔得，食物幾好都冇用，冇下次！

朋友生日，三個人一齊去食晚，之前有朋友介紹我哋去呢一間。我哋事先已經book左位，間鋪頭入面好細，如果無book真係好大機會唔會有位。我哋帶咗三個主菜，其中一個係炸魚薯條，一個呢就叫做牛腹扒，一個係黑松露雜菌意粉。其中兩個係餐，所以有兩個餐湯同埋兩杯熱飲。首先嚟嘅係蕃茄湯，番茄湯應該係茄膏做，當然亦飲得到佢真係有新鮮嘅蕃茄存在嘅，所以呢餐前湯來講都已經係有一啲誠意。同時佢仲有幾條麵包餅乾條，雖然係一啲現成買嘅產品但係都幾好食嘅。炸魚薯條炸魚並唔係用龍脷柳做嘅，薯條係一啲比較闊身的，唔會揸到好脆但又唔會好林，剛剛好。牛腹扒佢嘅建議係三至五成熟，但聽到三成熟有一種茹毛飲血嘅感覺，所以我哋選擇咗五成熟。呢個五成熟係有牛肉的鮮味，仲配個紫色嘅番薯茸，好好味。黑松露汁菌意粉相比之下就失色左少少，因為呢感覺上太油。黑松露係選擇用黑松露醬油所以比較油膩。我哋的食得唔算好飽，埋單唔洗500蚊，合理價錢。

經過一週的工作, 很辛勞了, 不想再舟車勞頓, 便選了去元朗吃, 灰熊說想吃西餐, 見到個意粉好吸引, 選了這間ACHACHA, 因為餐廳名字特別, 注意到它在元朗冒起已一陣子, 終於有機會來品嚐。原來餐廳地方很細小, 是真正的元朗小店, 要在繁忙時間來吃飯, 先訂位比較好, 我們今天六點多來到, 就沒問題。鵝肝拌青蘋果 $54這價錢吃鵝肝沒什麼期望, 以為小小一片, 卻有兩大塊, 認真驚喜, 鵝肝味道豐腴, 煎得外脆內軟, 帶有輕微的羶香味, 口感豐腴油潤, 香氣四溢, 邪惡而迷人。底下的青蘋果厚切, 爽中帶著微酸, 輕輕減少了鵝肝的油膩感, 配上煮過的黑醋汁, 更能帶出鵝肝的香味, 是絕配呢!煙三文魚羊奶芝士沙律 $52以橄欖油或黑醋做醬汁, 沙律菜主要為綠九芽和綠珊瑚, 吃得出來新鮮爽脆, 但這兩種菜本身有少少微苦, 所以和配料一起吃很重要, 還好煙三文魚份量頗多, 咸香味重, 但找來找去不見羊奶, 問店員才知道羊奶沒有了, 另外給我切碎了的車打之士, 也好吧, 有了芝士的加持, 這堆沙律菜好吃得多了。慢煮雞蛋煙肉意粉 $88 灰熊最喜歡吃卡邦尼意粉, 這一碟雖然名稱上沒說是卡邦

朋友吃了卡邦尼🍝香但不夠汁-✨#BLT和牛漢堡 ($138*)✨🐮漢堡內有：和牛漢堡排 車打芝士 煙肉 番茄 生菜😌漢堡排🐮厚身但毫無肉味😨車打芝士🧀倒頗濃煙肉🐷夠厚 煙燻味強但偏鹹 番茄🍅生菜滿清新！麵包上層脆卻下層濕💦 整體感覺一般-👉🏻(+$15*)有餐湯麵包🍞當日是西蘭花忌廉湯 稀身不膩～另配餅乾不錯吃

餐廳位置其實喺元朗站搭輕鐵在康樂路站落車走過去會容易找到， 5分鐘就到，方便過坐朗屏西鐵站過去。餐廳環境佈置很優雅，柔和的音樂和暧黃色燈飾令人很舒服。坐下㸃了一杯手工啤酒，啤酒嘅味道清甜，很容易入口，舒暢身心。跟着點了我牛膈肌扒套餐前菜餐湯是番茄湯和餐包。特別一提番茄湯夠濃夠甜而餐包好軟熟。😋主菜牛扒到了，厚厚的牛扒煎得非常之好，我叫五成熟，沒有血紅色，咬下去的牛肉汁滲出來，水分鎖住肉汁good，再配上甜嘅紫薯用味道非常之好。最後點了焦糖牛奶，香滑的牛奶再加上焦糖，喝完過後心情都輕鬆舒暢。

到元朗一天遊，行到屏山參觀鄧氏宗祠，最後返回大馬路搵食，行到一條小巷，發現一個隱蔽的CAFE & BISTRO! 設計很歐洲小鎮街頭風格，霓虹燈招牌好搶眼，門口放置了啤酒桶等用具作裝飾，唔通系提醒我一定要試餐廳的啤酒?餐前小食是餅乾條，果醬味道很特別，味道較市面上買的酸，但很開胃!這兩年很流行食burger餐，自己亦很喜歡特別系素食burger，試過很多不同小店的自家創作的burger，素食burger大多是以豆腐或菇替代肉，呢間餐廳就選擇了波多貝羅蘑菇，蘑菇本身好juice，比肉扒更juice，有一些餐廳整素食burger會加入好多沙律醬令我食唔到蘑菇的原味，但呢個burger 的做法並沒有，以最簡單的素材: 蕃茄，洋蔥，生菜，芝士.....層次分明，蘑菇味道很濃郁，不錯不錯好高興餐廳提供的配菜是粗薯條，口感是與別不同餐廳提供的啤酒款色很驚人，超過二十款本地及多國釀製的手工啤酒，待應哥哥推介的了由本地製作的手工啤"九龍灣"，又真系幾易入口bor!!! nice trial...最後，再追加一個法式焦糖燉蛋，蛋味濃又夠滑，食完甜品心情特別好，下次入元朗，一定會再試埋法式香蕉薄餅

身為一個香港仔，平時很少踏足元朗一入嚟先知道原來原來咁多特色嘅食肆，周圍都係可以尋寶嘅地方係教育路及仁樂坊交界就比我搵到一個寶藏——一間特色的咖啡室這間店的裝修10分有特色，在門前放了要幾張桌椅、兩個啤酒桶店內的長身畫了很多有趣的卡通圖案，營造了一個很舒適的感覺這裏的食物都十分多元化，有牛扒、薄餅、漢堡、意粉及一系列的法式甜品！不過我很快就被佢封面既肉眼扒深深吸引着呢份rib eye的份量一啲都唔少，有成10安士，我點了八成熟，但肉質依然十分嫩滑，食落有十分豐富的牛味，相當juicy！可能是因為是穀飼的緣故，牛肉沒有酥味！另外我建議唔好點sauce，因為加左sauce之後反而食唔到佢真正嘅牛味配菜也做得很好，這個是紫薯蓉之前從未試過，甜甜地又幾好食！呢間餐廳另一個主題就係手工啤!見到有九龍灣手工啤Weizen，二話不說即刻點一杯試吓支持本土製作！但平心而論，這杯啤酒是很高質的，麥香味濃，帶有少少的甜，容易入口！可惜係本土創作，不能大量生產，以致只能喺很少數的地方可以買到之後想介紹呢款甜品蜜糖香蕉法式薄餅呢隻法式法式薄餅又叫crepe，是法國北部的特色食物呢款crepe很薄，食起來很香脆

我係貪食的小烏龜, 食野就鍾意慢慢食慢慢享受，但好多餐都不喜歡客人慢坐僈食，但來到Achacha Cafe 成個感覺完全唔同的。它在位於元朗教育路的轉角位，可能我在傍晚黃昏到達，陽光影照，內外都有種法國小Cafe的感覺!!第一口喝這湯已驚喜，居然有這麼濃的磨菇味及忌廉的香滑，絕對有用新鮮磨菇打成的，簡單的磨菇湯可見cafe食物質素。美國肉眼牛排也有水準，我點了五成熟，豐富牛肉味得來很常juice，10安士得來都只是二百元，超值的來有水隼。不得不推介這裡的法式薄餅有咸有甜的，當晩咸的是帶子雜菌，帶子鮮甜雜菌香，薄餅超薄起香脆，簡值好似薯片咁薄咁脆，好好食呀!! 。而甜的是朱古力蜜桃，一樣都咁好食，好得意呀又咸又甜。這間Cafe食物CP值高得來，最欣賞是，可以慢慢食，店員不催逼客人，還細心地安排籃子給客人放手袋，窩心抵讚。