阿里朗韓國餐廳 (已結業)

找個清靜地諗下IQ題，忽然想吃炆牛肋骨，走來碰碰運氣。飯市之後幾清靜的，侍應是愛理不理的做著自己事，非端茶非加水，無事忙的走來走去，也是個奇景。炆牛肋骨及牛尾永遠是獨自吃飯的最大問題，前者味豐而夠咬口，後這充滿著獨特的味道與口感，是幾難定案的。是日套餐無牛肋骨，作了無選擇下的最佳選擇。前菜三碟，見隔離檯有甜薯，甜而軟熟偶的最愛，這裡的前菜其實好一般，泡菜爽脆卻無酸、辣味，極之一般，芽菜加了麻油無甚特別，甜薯夠腍但甜中帶苦，醬油汁過濃。吃著想著，氣氛怪怪的，是太暗吧，影響食慾，這裡的格調感覺上與坊間開揚光猛的韓國料理走不同路線。炆牛尾，賣相是幾嚇人的，炆過火變得「又乾又削」，配菜的紅蘿蔔亦難逃惡運，皮炆得乾澀起來，可幸的是醬汁甜而濃郁。長篇大論，是罵多於讚，走前到洗手間，值得記的，大概是那個復古洗手盤，幾特別的。

同舊同學食飯，又係times square，夠方便掛。6個女仔，唔係叫左好多野，燒烤淨係叫左個拼盤，其他有煎餅﹑炒粉絲﹑牛肋骨煲﹑人參雞……人參雞麻麻地，牛肋骨煲就幾好。不過印象就比我之前黎食lunch差左。

I was originally very much not impressed by the service of the reception lady, she never smiles and spoke rudely... when we aksed for a smaller table, she commented "俾大台你又厭大﹐e 張岩喇嘛, 坐啦坐啦!" What kind of service is that??However, other staff were much better and were willing to help in any ways.We had Korean bbq and the food was okay, not especailly impressed. Each dish of meat comes with a rice and soup. We had a fried mix vegetable which is not my cup of tea...On the other hand, the air-condit

由於我老細係韓國人，於是每次成間公司出去食都會食韓國菜，不過兩次都係lunch既時候食。呢一間都幾得佢地歡心。食物方面：可能同香港人食開的口味係會有d唔同，但站著試韓國菜的心態，個味道都算唔錯啦~ 一開始一定會有幾樣韓國的小食，kimchi當然有啦，仲會有好多好得意既，好似有一個好似香港的「粉皮」咁……主菜方面，佢既人蔘雞煮法好正宗，但石頭飯就唔係太有味道喇……最愛係年糕，個個都話好味。有一次我點左個kimchi湯的餐，酸酸辣辣都幾ok，但係牛肋骨更好食啦~最後仲有一個好重奶味的雪糕，一個夠曬數﹗勁滿足。唔算貴啦，lunch set平均$68，要加一，呢個location都算係咁啦~最好既係呢度既服務唔錯，個個都識中、英、韓文，解釋亦都好全面，即使唔太識都可以叫都想食既菜﹗而斟水的frequency都ok，個茶好香好味食兩次都食成兩個小時，係一個可以畀大家坐下的地方。裝修有d黑沉沉啦，但都算係舒服既絕對值得一試

昨天兩個人去吃,買單500,不便宜,但是味道不好.以前在北京吃過的韓國菜味道感覺更正宗一些,滋味足,kimchi也比較辣一些.點了牛肉拼盤,辣泡菜湯還有海鮮面,感覺這一家的東西味道太淡了,沒有韓國菜的辛辣味道.而且份量太少,兩個人感覺沒有吃到甚麼就吃完了~~~~不過環境和服務還是比較滿意的

約了女友在這座建築物「睇戲、食飯、行街購物」，輕鬆地度過一個晚上。兩個人點了三樣食物，加上泡菜，弄得一桌子食物。埋單$360，我倆只吃到一半而已。結果，打包起來給看更作宵夜。但吃後半小時，嚴重地口渴，MSG作崇！？先來韓式泡菜：有辣白菜、蒜芯、菠菜、芽菜、豆腐。統統都好味。女友和我都唔想食燒烤。故點了：豆腐湯煲DooBoo（$80）：豆腐不算滑，口感有點粗糙。湯濃稠，辛辣味道交足功課。炆銀鱈魚EunDaeGoo Jorim（$150）：貴，但好足料，那一鍋裡，至少有三整片厚身銀鱈魚。若以每片廿五蚊（超級廣場價錢），單是魚肉便值七十五蚊，乃個菜的一半價錢，好合理公度！！味道又好，心生好感。石鍋雜景拌飯DolSoht BiBimBahb（$100）：澱粉質方面，放棄炒年糕和炒粉絲，而選鍋拌飯，是因為今晚太冷（僅十一度而已）。食材雖普通，蔬菜肉碎辣醬泡菜…，但因肯用料，作法仔細，吃得出係正野！這正是坊間那些港式韓食的致命傷。桌子偌大，坐得舒服，絕不焗促。不趕客，若不是要睇戲，真想坐多陣。另：那拌飯的味道跟我在首爾民宿裡，那家女主人所作的那麼美味。但分別在於，這兒加入大量味精。題外話：一想起，

兩個人叫左豬肉，羊肉燒烤...d肉好入味..正呀..另外仲叫左個泡菜燒餅.都好好味呀..一碟肉有一碗飯同一碗湯..所以都夠哂飽..另外仲叫左一jar啤酒..d位好闊落，坐我好舒服

正所謂一分錢一分貨，貴野真係唔同D。一般都係食開地道o既韓燒，（地道？一句講哂即係cheap啦！）完全都因為貪平。想體驗大長今式o既風味就要洗多少少錢啦！話雖如此，散叫真係一D都唔平，所以是次叫o左套餐。前菜有八小碟，排開都幾有氣勢，差D以為食緊滿漢全席。正正仲欣賞緊個排場，拼盤就接住上。嘩！犀利囉，包括豬牛雞肉各兩片，另備薄切牛仔骨四塊，冬菇一個，青椒洋荵絲少許，蒜片四塊，鹽糖三茶匙......洗唔洗先燒紅隻鑊，爆香D蒜頭荵絲再掜兩野呢？真係少得可憐。講真，瘦緊身都唔會食咁少，就算唔俾多兩塊肉，俾多兩條菜都得o卦？飯桶都仲話可以有白飯食，食肉獸就起碼叫多三個回合。之後就上埋個人參雞湯。本身諗住叫多個燒物，點知就俾索哂D精華o既糯米吸引住。碗湯好大，除o左糯米外，每人仲有半隻雞。雖然都估到係雪雞，但D雞肉都keep到好滑，不知不覺食哂成碗，人中成個人暖哂添！都怪我太鍾意飲雞湯。差D漏o左個炒辣魷魚，ok啦，無乜特別，套餐包括柚子茶同阿里朗雪糕。茶太甜但郤有成大kai果肉，有誠意！阿里朗雪糕即鋪滿綠豆粉o既雲呢那雪糕，口感好滑，一乾一滑好特別。總括黎講，味道認真唔錯，非常一般港式韓燒可比

小弟家貧, 講食韓燒一嬲食開cheap 野如:漢陽x昨晚第一次去呢度食.. 果然唔同兩個人, 只係食左燒烤, 冇食其他野, 叫左兩樣.. 豬肉拼盤同牛肉拼盤真係好掂, 級數同漢陽x差太遠, 冇得比. 不過份量少, 價錢貴, 永冇侍應來加茶

我地一行4個女仔去左呢間韓國野到試下.好正宗啊.開頭仲諗住會好貴,咦.又唔係哦.每款韓燒大約90-125蚊不等.我地試左好好味既牛肋骨(無骨果隻).嗯.美味.125蚊.牛肉.90蚊.八爪魚.120蚊.呢幾樣野都跟飯同湯.連3碟前菜.味道唔錯啊.再黎多個石頭飯.100蚊.有5大碗.飯焦好香.因為食到好飽,所以無試到佢\地既海鮮蔥花餅.60蚊細.100蚊大.我見台台都食.應該好正架啦.下次一定要試.呢度唯一要鬧既地方就係..有甘多侍應行黎行去,點解都無人沖茶既?叫左好多次都係甘.唉..要扣分啦.

今日同3個同事去食, 叫o左3個韓燒set lunch - 豬, 牛, 鷄. 醃制得好好食. 好食過新羅寶. 如果份量大D就更好^0^

現時興韓菜，我便到阿里朗一嘗韓國菜。韓燒方面，牛肉簡直美味，每口都嚐到濃郁的牛肉味。而泡菜亦很好味，一嚐前菜泡菜，胃口大增。份量若能稍為增加些，便能滿足我這些「為食」的食客。值得一讚是飯後甜品，雖然不是親自研製，但啖啖的雲呢拿的味道，不太甜，令整個用膳配合得天衣無縫，拍案叫絕！簡直令人想再回味！(唯一美中不足是替人客沖水比較慢)

忽然想吃韓燒, 男友的韓國同事說這裡夠正宗地道~ 正不正宗我可不會分, 反正好吃便是了~2個人點了牛肉燒烤、魷魚燒烤、蛋包蝦及石鍋飯(又忘了名稱)。前菜賣相及味道均滿分,尤其是我喜愛的甜薯仔, 男友亦認為泡菜十分出色。韓燒方面, 牛肉簡直是完美之作, 薄得來帶有濃濃的牛肉味, 如果可增加份量就好了。蛋包蝦的蝦亦十分大隻, 不過不夠鮮味。飯相對來說是較普通的。這裡的環境及服務俱佳, 值得推介。

I have dinner with my family several times in this resturant. It's a little bit expensive.However, the quality of the food is good, especially the BBQ and 豬手. The environment is comfortable (at least not as crowded as the other resturant in Times Square).The service could be further improved. Overall speaking, it is a good resturant.

蛇過CWB同朋友食Lunch, 叫自燒豬肉同雞肉, 再加個石頭飯; 豬肉同雞肉醃得好味, 而石頭飯好有蛋, 味道唔濃, 加少少辣椒醬, 幾吊味! 不過, 連埋泡菜, 我地清晒都唔飽, 我諗份量少....另一方面, 侍仔反應慢, 好似等十年咁! 大佬, 我趕時間ga!!