阿Phit泰國菜 (已結業)

呢間餐廳最抵食係係lunch time既時候。lunch time所有set都係$50包野飲。啲餐大大份，男仔都夠食。個人最愛佢個冬蔭湯海南雞飯。佢會幫你撈個飯落去當湯飯食。冬蔭湯真係好正，酸得好過癮又有少少辣，超級送飯！抵食！

想起食泰國菜，以前大多數會想到去九龍城 一帶，因為真係高檔，中檔，低檔都有，而且味道唔錯！但係今次朋友帶我們來到這間位於西環嘅小店，真係一試難忘 這家位於橫街窄巷的小店，望上去真係一啲都唔起眼，裏面裝修一般，但奇怪的是，店鋪全場滿座，看上去，有西人，學生，操普通話的 及香港人， 似乎口味適合多國的客人我們一行八人點了啤酒(啤酒真係超冰凍)， 椰青及珍多冰……食物方面點了咖哩海鮮，蝦真的很大，食落仲好爽甜。炭燒豬頸肉，這個是王牌，外皮燒得炭炭的， 裏面啲肉仍十分爽口，送酒一流炭燒牛柳五成熟， 賣相一流， 仲滲有少少血水，好有牛味呢個冬陰功湯，唔只海鮮十足，而湯味亦都好濃郁至於這碟海南雞，亦好有水準， 雞件夠嫩滑 ，而且去骨細件上好精緻炭燒大鰂魚，估唔到肉質係如此鮮嫩， 外皮是燶燶的， 但係裏面啲肉係剛剛好證明廚房真係有一手控制火候功架十足甜品仲有熱食的椰汁糕好煙韌，連我咁怕食甜品的人都要食幾件了！

泰國人主理嘅泰國菜館係香港多不勝數，各具特色。今次一行8人由表姐發板嚟到佢嘅食堂，所有食物一早訂好，坐低已經有得食冬陰功海鮮湯 - 海鮮足料，有大蝦，青口，魷魚，蝦味香濃，冬陰公唔會過辣生蝦刺身 - 店主為確保質數，即使預早訂都要當日買到新鮮蝦先有得食，想即時encore都冇機會，沾上泰式醬料，絕對係必食之選燒牛肉 - 7成熟恰到好處，碳爐燒出少少焦既效果，表面又唔會太乾蝦餅 - 薄薄一層炸麵包糠，蝦膠Q彈鮮味，唔會粉太多或者霉既感覺鹽燒紅鰂 - 整條魚唔走鱗，用粗鹽包住燒，估唔到燒出嚟既魚肉可以滑過蒸魚而且更加鮮味生菜包 - 肉碎肥瘦適中，有泰菜既酸辣香味，用新鮮生菜包住，最好可以一啖放入口，野味得嚟又加少少清新燒豬頸肉 - 蜜糖味香，豬頸肉爽去骨海南雞 - 去骨既雞最啱懶人如我，皮連肉一齊食，雞味突出咸魚炒椰菜苗 - 新鮮椰菜苗個芯唔會苦，加埋咸香味同辣椒絲就更吸引泰式炒金邊粉 - 帶少許甜味既炒河粉，材料有韮菜，芽菜，豆乾，蝦仁，花生碎及青檸，夠火喉斑蘭糕 - 就算飽都要食既甜品，煙韌既斑蘭糕蒸完帶點軟綿綿再加椰汁，要我點樣抗拒

一年前因朋友推薦黎食過一次覺得食物非常一般冇再來，早幾日再度同朋友仔黎，我地係三個人，因當時客人比較多差唔多滿座，店員帶我地三個搭檯一張六人檯，過左一陣我隔離2位食完走了，店員馬上又帶3位客人過來，六位長檯變成3+3交叉坐d餸都唔知點擺，當時有幾張檯已經買單走人，吉左幾張檯，我即刻問店員可否轉個四人檯，因為太擠冇位擺餸，點知個店員話唔得喎，你們現在坐d位係啱6位冇問題，隔離四人位唔俾得你地坐，你地得三個人，又話已經落左單唔轉得，我即時話啱啱走個四人檯都係三個人坐，我地就唔得？跟住個店員好像上左身咁不停係度話我地唔啱，仲話我地好煩隨便你地黎唔黎食，態度極差，我以後都唔會再來，食物非常一般➕態度惡劣冇需要再來。

今次終於多一個人喇，可以叫多一個餸，好好彩晏晝打去訂都仲訂到位，可能佢唔係响大街大巷啦，唔係住西環或者無人介紹，都真係會錯過呢間隱世小店，雖然附近都有好幾間泰國食肆，但我認為呢間最啱我口味。炸蝦餅每次嚟都叫架，蝦餅有蝦味，真材實料，熱辣辣香脆可口，必食推介咖哩炒蝦有5隻中蝦，開咗邊方便食，蝦肉爽口入味，另叫一個白飯點晒d汁海南雞半隻家姐上次食過之後話好好味，今次要再encore，雞皮雞肉依然又香又滑，連伴碟既青瓜都覺得好fresh，成碟清埋泰式炒金邊粉炒得乾身唔會一嚿嚿黐實晒，味道啱啱好又唔辣，大碟兼多料珍多冰x2椰汁冰後記：一定要訂位，尤其一大班人去，因為得一張大圓枱咋四人共消費 : $400

呢幾日落雨落到人都顛, 煩悶嘅心情最好搵啲Spicy Food嚟解一解悶, 於是嗰腦仔即刻閃出一大渣候選名單, 唔知點揀之際, 友人提議就响番西環食泰國菜, 但一諗起泰國菜, 就諗起呢間隱於石塘咀火井內嘅小店, 雖然外面落雨絲濕, 但為咗食, 話之佢黃雨定紅雨, 二話不說立即飛車去.Pat Pat掂到張凳, 即刻柯打碟5成熟燒牛柳, 上到檯, 唔記得俾相機食先, 事關件牛柳真係太正, 點埋嗰略帶少甜嘅酸汁, 好味到呢..., 其實都無所謂, 我一個人都可以哂成碟, 等陣間encore先至補返張沙龍都未遲.同行友人生肖屬狗, 但我就話佢似猫多啲, 因為佢無魚不歡, 所以點條鹽燒鰂魚俾佢嘆就實無詐型, 翻開魚皮, 熱騰騰嘅魚肉泛起微煙, 挾落去有汁咇出嚟, 友人馬上用麗音廣播, 大讚juicy, 而我就懶理佢, 快快趣趣將啲帶有香芧味道嘅魚肉擺入嗰口度先意猶未盡, 叫碟糯米釀雞翼試試, 同食慣嘅中式比較, 中式入面嘅糯米飯一般會加配料炒過先釀, 而呢件泰式嘅, 就好單純咁塞啲煮到軟綿嘅糯米入去, 味道同口感似乎無咁豐富, 不過亦可一試.話明今餐想食啲spicy嘢, 但隊咗幾支Singha

巷仔小店，呢間泰國野真係估你唔到，去果時少人，無耐竟然排住隊食，肉碎煎蛋飯，辣椒加豆角真係好有口感，又解膩，愈食愈想食，個煎蛋仲係唐心蛋，不過個奶茶真係偏甜，個粉都唔錯，仲有花生碎，不過相對無肉碎煎蛋飯咁正

落街食開個間泰國野無開，結果去咗對面試吓新嘢。睇一睇個餐牌價錢都算比較平，普通都係50至到70一個菜，我同女朋友兩個人叫咗生菜包、串燒、冬陰公蝦湯同埋一個海南雞飯。冬陰公個到我覺得啱啱好嘅，酸辣適中不過感覺上有少少加左辣粉去媾，佢有三隻大蝦，蝦肉彈牙而且好食。串燒啲肉係大嚿既，而且佢個汁好好味非常唔錯。海南雞飯好大碟，而且個肉都比較嫩嘅，油飯都香。生菜包亦都炒得好好食，好香有少少洋蔥食落去多汁好味。不過佢呢度就坐得唔係好舒服，兩個人比較逼，由於坐咗喺中間位置嘅問題其他枱嘅客人如果要走我哋就要企起身讓路，真係幾唔方便，下次會選擇外賣。

西環泰菜，暫時只得呢間滿意，除價錢親民外，最重要係味道好，地點比較隱敝，座位不多但總算坐得舒服，下次會試其他菜式。咖哩炒蝦 $108蝦新鮮大隻唔黐殼，有5大隻，抵食彈牙又好味！咖哩汁唔辣唔夠惹味，如果辣返少少就PERFECT。泰式炸蝦餅 (5粒) $65呢個真係極力推介，大粒足料又彈牙，從未食過咁好味，蝦有蝦味，最重要係又熱又香又脆！馬拉盞魷魚炒芥蘭 $75賣點响魷魚到，份量多到不得了，既新鮮又軟熟；芥蘭同樣新鮮同嫩，汁本身唔辣但咬到辣椒子就好辣，呢個不得不試！二人共消費: 270 (加一個白飯同汽水，不設加一)

阿Phit 算係我同屋企人嘅午餐飯堂，當午餐時間諗唔到食咩，我地就會好自然去阿Phit度食lunch 。至於推介美食，當然首選係佢嘅海南雞飯。雞肉切得幼身，沒有雪味亦無腥雞味…油飯乾身食完唔會覺得好油膩再加埋雞腎，青瓜等待伴碟，事實上是為一碟有水準既正宗泰式午餐~但奈何，近來佢嘅質素有點開始下降…雞肉已經有腥味..而且配料都一路減少…作為老街坊，睇住佢嘅食物質素一路下跌，其實都覺得好可惜..希望佢地可以改善一下。阿Phit 算係我同屋企人嘅午餐飯堂，當午餐時間諗唔到食咩，我地就會好自然去阿Phit度食lunch 。至於推介美食，當然首選係佢嘅海南雞飯。雞肉切得幼身，沒有雪味亦無腥雞味…油飯乾身食完唔會覺得好油膩再加埋雞腎伴碟，感覺係一個有水準既正宗泰式午餐~但奈何，近來佢嘅質素有點開始下降…雞肉已經有腥味..而且配料都一路減少…作為老街坊，睇住佢嘅食物質素一路下跌，其實都覺得好可惜..希望佢地可以改善一下

呢間係西環條小巷入邊嘅泰式餐廳😝 令人幾有驚喜呀☺️係lunch Time嘅時候等位呢都相當之多人如果一大班人食嘅話呢就麻煩啲啦🙈 不過佢既食物就好多選擇我哋三個人食帶咗三款唔同嘅食物啦首先第一個就係青咖喱牛肉飯 佢啲咖喱超好食架有一大碗，菜同埋肉份量相當合適又唔會太辣😝呢個海南雞飯真係好正❤️❤️❤️🙈佢個汁簡直係值得大讚酸酸甜甜非常之好味❤️😂個飯都好有味 唔係淨白飯黎架總之個汁就錦上添花啦💕💕最後呢個phit thai泰式炒金邊粉都算唔錯太乾或者太散☺️都okay ga

第6次來這間餐廳～第1次趕客服務態度不好，後面5次服務都不錯。颱風天下晝開門的店鋪不多，有辣的菜式的店鋪就更少。兜了一大圈還是來吃泰國菜。這次試了泰式辣炒香葉豬肉碎飯。朋友點了菠蘿炒飯。上菜速度超快，五分鐘都不用（小精靈都沒捉到幾隻）。豬肉碎裡面肥肉比較多，好在吃起來不是很油。香葉沒什麼味道。指天椒超辣，吃完喝了一杯水才沒那麼辣，滿足了吃辣的願望。調味比較家常，很飽肚。賣58港幣覺得有些貴（明明同樣價格可以吃更好）。菠蘿炒飯依舊搶鏡，但據朋友說這次青口不好吃。

Phit Thai係我地成日Lunch會去食飯既地方! 因為佢唔算貴但份量足同好好味, 每次去個餐廳都會滿晒咁滯...成個學校啲人都會黎曬排隊咁!佢啲海南雞好好味, 比好多其他泰國菜地方既海南雞鮮甜同有雞味! 炭燒豬頸肉都好好食而佢既香葉炒辣肉碎飯更加係好味到不得了! 佢啲炒野全部好有鑊氣, 值得推介既仲有乾炒雞肉/豬肉/海鮮河粉等等...平時我仲會嗌冬陰功湯河或者湯飯既, 但呢排佢唔係整得太好嫌佢咸...如果想飲好味既冬陰功湯, 建議晚上黎叫一大盤先70零蚊, 又濃又抵食!

之前好多個fd都推薦過呢間鋪，今日特登過來試試。朋友嗌咗菠蘿海鮮炒飯（70港紙），賣相唔錯，味道都幾好，落足料。底部嘅蛋炒飯有咖哩味，都唔錯。我嗌咗炒香葉辣海鮮炒飯（65港紙），賣相一半，魷魚一啲都韌，好味！越食越辣！好惹味！椰汁糕超好味！軟硬嘅感覺介乎啫哩同橡皮糖之間。白色嘅椰奶甜而不膩～兩個女仔咁咁運動完，兩隻餓狼咁，半個鐘都唔使就食嗮咁多飯啦，食完梗系要休息一下啦～就係我地食甜品嘅時候，來咗幾個客人等位（因為坐滿嗮）。食完甜品，朋友表示要休息一陣間，然後再埋單，點不知女老細即刻攞咗張單過來要我埋單！OMG!我知你想做生意，有人等位我地都想快快食完唔好阻住人，但係都唔使咁快啊嘛我地5點40幾分到呢間鋪，係第一抬客。食完被人趕埋單都唔到6點半。就算係銅鑼灣啲食店都有個半鐘嘅食嘢時間啦。服務態度真係太差就算啲野再好食都唔會再來。

家人生日慶祝，突然想起這裡有家不起眼的泰國菜餐廳，來這一試。嘩，想不到全部都那麼美味。特別是最後的甜點--千層糕。不同於其他店的，這裡的暖暖的，QQ的- 超好味。點了-蝦餅，沙爹，靑咖哩雞，釀雞翼，炒椰菜苗，烤魚，燒豬頸肉等一定要再次來。又一頓滿足的晚餐！