陳儀興尚潮樓 (太子道西)

營業中

休息中

話說今日去開買花講咗幾日話好想食潮州菜即刻掹咗朋友一齊去！入到去即刻比餐牌上面嘅生醃蟹吸引住氹咗我朋友好耐，佢先肯同我食😂一嚟到其實真係好震撼咁耐以來，淨係食過韓國嘅醬油蟹擺入口，真係有一貫嘅潮州作風！好香嘅麻油蒜蓉味！仲要有少少辣度死火啦，會唔會搞到我以後唔食醬油蟹食完蟹之後，仲叫咗個魚露浸花甲呢個比起頭先嗰個清好多雖然係咁一入口就有花甲嘅鮮味個汁仲可以撈飯🥹真係同啱啱個蟹唔同感覺最後食潮州嘢，點可以唔叫滷水拼盤呀我哋叫咗鵝腸鵝肉，同埋鵝肝鵝肉好嫩滑 鵝腸都好夠爽！一定要推薦！

潮州人當然要食潮州野，這間位於太子的餐廳，他們的潮州菜都好正，而且裝修好有古色古香的感覺，十分適合跟長輩一齊來！餐牌有多款潮州菜式可以選擇，連甜品同飲品都有！生醃膏蟹，平時食韓國醬油蟹就多，今次第一次食潮州菜的生醃蟹！他們的蟹用上膏蟹，每份蟹都有膏，而且係爆膏，加上蒜蓉和辣椒，食落非常香口又惹味！魚露浸花甲，花甲都幾大粒，而且肉都好脹卜卜，能夠食到花甲的鮮甜味，好正！鵝三寶，鵝三寶分別是鵝肝、鵝腸和鵝肉，鵝肝食落爽身，不會好像西式的鵝肝，反而口感更正！鵝腸爽口，有淡淡的滷水味！鵝肉味道濃郁，鵝肉不會好鞋口，味道不錯！老藥桔，老藥桔有點像咸柑桔，雖然顏色好黑不討好，但飲落令喉嚨好舒服，暖暖地咁飲好唔錯！

這間店鋪已在搵食名單內很久，但一直未有機會嘗試，今日就嚟吃個午餐試一下他們的味道。 陳儀興尚潮樓的舊店紮根於新蒲崗已有一段歷史，現在由新一代掌舵人將它傳承下去發揚光大。正在研究點什麼菜式，服務員向我們推介「普寧豆醬牛田洋膏蟹」牛田洋位於汕頭市西郊，因地理位置佳能養殖非一般的海產。這個菜式非常和味，首先是蟹身個大，肉質甜美甘香，蟹膏多得很，金黃味甘香，加上普寧豆醬焗製好食到不得了。「鵝三寶」有鵝肉、鵝肝、鵝腸的三寶，鵝片肉質細嫩，散發着滷水的香味，鵝腸爽脆肥美，鵝肝入口溶化，厚薄適中的鵝肝片，柔軟甘香。「汕頭煎蠔烙」我極喜歡的潮州美食，一個看似簡單的普通潮州美食實在是一道不簡單的美食，要做到又香又脆，再加上魚露，真的停不了。「傳統炸蝦棗」和「潮州鮮拆蟹棗」鮮甜、爽彈、美味。最後叫了一個「沙茶牛肉炒粿條」美味，朋友說牛肉比較硬，因為他們不是用肥而是牛肉片，所以比較有嚼口。甜品是「清心丸綠豆爽」和「姜薯綠豆爽」，一頓豐富又美味的午餐。

想食潮州菜又發現唔知幾時bookmark左呢間就黎試下，好在即日留枱都有位😎入到黎見有兩層，地方雖然唔大，但坐得俾一般潮州菜館舒服，非常乾淨企理。野食選擇好多，樣樣都好想試魚露浸花甲 - 加左少少辣非常開胃，魚露同花甲味道都好夾，花甲食落都新鮮菜心炒牛肉就食得多，沙爹牛肉炒芥蘭真係第一次試，非常惹味，連平日麻麻地芥蘭嘅我都覺得好正鵝片拼鵝腸，鵝腸無膏好乾淨，非常爽口，鵝片也不錯蠔仔粥同胡椒豬肚湯就正正常常冇乜特別蠔餅好足料，好多蠔唔會成舊粉咁，趁機食好好味價錢係比平日食潮州嘢貴左少少，不過環境、食物貿素同賣相都令人滿意😊

餐廳地點係太子, 超方便~ 近花墟同花園街, 買野SHOPPING 一流~提早食生日飯~ 我地一行4人~ 品嚐左美味既潮州菜~ 又有特式, 又潮潮地, 加上餐廳服務態度十分周到~ 我地過了一個好舒適既下午~最有特式係魚露浸花甲~ 花甲厚肉冇沙~ 淡淡既魚露味~最抵食~ 豆醬煮黃花魚~ 黃花海魚新鮮~ 嫩滑~~最美味~ 食過最好味既鵝肉鵝腸~ 鵝肉真係勁爽最潮式~ 二十年老菜脯燉鮮豬肚湯~ 好清, 好甘甜~老藥桔好潤喉, 好好飲~~ 蝦早拼粿肉~ 香日既炸野~ 好食室內環境好高貴~ 擺設很大器~碧綠川椒雞~ 又唔辣, D雞肉好嫩~富貴石榴蟹~ 

今天閨蜜帶我吃好西，餐廳裝潢優雅美觀古色古香，樓底高空間感足，座位寬闊舒服。我們點左生醃膏蟹，蟹爆膏，蟹膏很甘香美味，蟹肉鮮甜索醬油味不會過鹹，味道剛好超正👍伴飯一流。鵝三寶：鵝肉、鵝肝、鵝腸。鵝肉：鵝肉質夠腍滑夠入味，很好吃😋鵝肝：粉嫩甘香，入口即溶，滷水味香。鵝腸：爽脆可口，去肥油膏食得健康，值得一讚👍配蒜醋可解膩。魚露浸花甲：頗大隻花甲去半邊殼方便食用，味道鮮甜冇沙，魚露味清香。老藥吉：自家制潮州飲料，顏色深味道濃郁，飲落喉嚨很舒服都好好飲。 陳儀興尚潮樓 太子太子道西179號地下及一樓

今次嚟到陳儀興嘅太子分店，坐落於30年代嘅舊式洋樓，所以店內嘅樓低特別高，更有氣派，裝修摩登，係潮菜嘅表表者❤️魚露浸花甲🐚 （$198）每隻漲卜卜，無沙，肥美鮮味，魚露有提鮮嘅作用❤️生醃賴尿蝦🦞 （$288）呢款菜式都係第一次食，用左大量嘅蒜蓉同辣椒醃製，一d都唔腥，但係會比較濃味，食落都幾開胃👍🏻鵝肉雙拼🦆 （$198）雙拼都有幾多款式可以選擇😋，揀左拼大墨魚🦑，鵝肉係潮州餐廳嘅靈魂菜式，呢間老字號出品當然高水準❤️，招牌滷水汁香濃有回甘，香而不鹹👍🏻，鵝肉肉質甘香，有彈性同咬勁。墊底嘅豆腐可以吸收哂經典嘅滷水汁梅子汁豬手🐷 （$158）梅子汁帶甜居多，只帶少少酸味，酸酸甜甜令到豬手炆得更淋，豬皮Q彈，有滿滿嘅骨膠原反沙芋💜 （$58/半份）傳統潮州甜品，功夫菜式，已經唔係道道都食到，外層滾滿做到沙沙效果嘅白糖，食落外酥內軟，芋頭粉糯👍🏻老藥吉🍊 （$20）潮式飲品，初初都擔心會係好似涼茶，飲落似鹹甘桔加酸梅湯，有齊甘，甜，酸。感覺都幾滋潤岩秋冬飲📍 陳儀興尚潮樓 (太子)太子太子道西179號地下及一樓

成日係社交平台短片見到人整潮州生醃都好想試下，不過呢d生蟹真係要去信得過既地方食先安心，搵左好耐發現太子有一間潮州菜館就有得食，睇落好新鮮而且價錢都可以接受🫣餐廳裝修古色古香，坐得都幾舒服。鋪面唔大但都幾多侍應，每台客人都得到充分照顧！🌟生醃膏蟹$588今日主角，份量都頗大，成個蟹蓋都係滿滿既蟹膏，甚至每份蟹腳上都有膏，多到嚇親人😂潮式生醃好重蒜頭同魚露味，但同時都可以食到蟹既鮮甜，又軟糯又刺激🌟魚露浸花甲$198花甲粒粒飽滿，魚露既鹹鮮突出左花甲鮮甜，調味清爽🌟鵝三寶$298有鵝肝、鵝肉、鵝腸同鹵水豆腐第一次食鹵水鵝肝，非常滑非常好食，令人驚嘆乜原來會有咁綿滑既食材？其她鵝肉鵝腸就正常發揮啦，都唔錯最後仲叫左兩杯老藥吉，係潮州傳統飲品🫣食落好似好濃郁既鹹金吉，應該熱既會比較好飲

頗有名氣嘅潮州菜館，環境古色古香，更有不少特色及工序繁複嘅手工菜式提供地方寬敞位置舒適，店員亦都好親切熱情魚露浸花甲(冷盤）花甲粒粒肉質肥美，食落無沙用上魚露浸另花甲更鮮味生醃瀨尿蝦之前朋友大推薦，今次特登叫黎試下生醃做法恰到好處，醬汁調味不錯瀨尿蝦未算好大隻，但都有肉食，好鮮味鵝三寶 鵝三寶有鵝肉、鵝腸及鵝肝每次必點的潮州菜，份量夠鵝肉入口無渣，滷得相當入味，皮下脂肪適中鵝腸特別爽口彈牙，鵝肝入口綿密如果用黎送潮州粥都唔錯，底部更有入哂味滷水豆腐，好食豆醬煮海魚肉質鮮甜，就算唔沾醬汁都好食煮法愈簡單愈能食出原味最後一人一杯老藥桔好潤喉

陳儀興呢個名相信大家都唔陌生啦，聽講係新蒲崗好出名，之後就開分店！行過太子道都話同友人一齊去食，一直都冇機會！今日終於有啦餐廳內外裝修都古色古香，入到去真係有置身於其中既感覺，侍應都好有禮貌好好態度！呢樣真係好加分餐牌一啲都不馬虎，頁頁都設計得好靚圖文並茂好過好多潮洲菜餐廳魚露浸花甲擺上台都已經好想食，香氣撲鼻之餘賣相都吸引。花甲大大隻，食落冇沙唔腥仲好鮮甜添必點！潮州紅燒鮑翅潮州翅同廣東翅有乜分別呢？就係個湯底潮州攰底唔係用芡粉做既，係熬出黎 所以食個陣可以放芫荽/鎮江醋 別有一番風味呀！鵝三寶鵝肉，鵝腸，鵝肝鹵水汁清香富層次，事關潮州鹵水冇香港鹵水咁濃同鹹！做得不錯，肝同腸都處理得好乾淨除咗好食都唸唔到可以講咩了老藥桔鹹中帶甜，飲落都幾開胃 個人覺得凍好飲過熱總結，潮州菜黎講坐得舒服，服務態度好，味道掂，可以再去！

呢個名喺新蒲崗真係街知巷聞，反而太子開咗咁耐，好多朋友寫過無數咁多次讚佢哋嘅潮州菜，唔知點解冇特別去就未試過，終於的起心肝有晚試吓簡單二人晚餐。坐低會問你飲咩茶，茶葉嘅選擇都幾多，香片出奇地唔差，姐姐嘅服務非常之好，好值得讚。個人覺得裝修都幾靚，對比新蒲崗就梗係舒適得多，而且呢度真係好方便，應該更方便慕名而來嘅朋友。一人一杯老藥桔，飲落去嗰一刻，唔係好識形容嘅味道，但有強烈的藥材香。鵝三寶有鵝腸、鵝肝，鵝肉，佢嘅潮洲鹵水相對濃，當然有豆腐墊底，鵝肉唔算太肥美，但係我幾喜歡，鵝肝唔係平時食較軟身的感覺，鵝腸唔算太肥，反而係我鍾意嘅類型，睇你係咪同我一樣都係怕肥嘅人，我自己個人幾喜歡過滷水汁，送粥真係一流，可惜今日唔會太大食力，留返下次。魚露浸花甲，花甲都幾肥大肉厚，而魚露味度調校得剛剛好，不過略嫌少咗啲花甲。汕頭煎蠔烙坦白講真係唔差，佢嘅蠔仔非常肥美而大隻，不過個人真心喜歡尖沙咀華苑Eva姐嘅出品，呢個唔係差，只不過我食過咁好食嘅。生醃瀨尿蝦似乎係每人必點嘅嘢食，朋友G大讚到不得了，醬汁調味的確一流，生醃嘅做法恰到好處，但個人覺得如果大隻嘅瀨尿蝦應該會更加好，由頭到尾都有肉可以食到，基本

太子花園街口有間好有氣派嘅中菜館，細看之下原來係間有名嘅潮州菜館，趁住家母放假就帶咗佢去食餐好，菜館分開上下兩層，環境闊落舒適…坐低無耐餐廳推介我地試左杯潮汕老藥桔飲品，帶點鹹味都幾開胃潮式雙拼我地揀咗鵝肉拼豬大腸，大豬洗得好乾淨，滷水亦非常入味，配上滷豆腐家母選擇咗肚肉苦瓜煲苦瓜份量非常充足，配上厚薄適中的腩肉，很不錯清燉荷包鱔聽聞呢個係有名的潮州功夫菜，高湯燉製鹹酸菜包住鱔肉，金華火腿和冬菇，飲落清甜仲有淡淡胡椒香甜品方面我地點了反沙芋頭，外面有一層糖脆皮包著裡皮起粉的芋頭，係近年少見的潮式甜點

潮州菜館座落在30年代的懷舊建築物內，樓底好高， 古色古香的中式 佈置， 簡潔明亮， 主打傳統手工製作潮州菜， 將經典潮式風味重現在舌尖上。鵝三寶 $298 鵝三寶有鵝肉、鵝腸及鵝肝， 是我 每次必點的潮菜， 上枱時， 鵝片散發著滷水香氣， 令人垂涎， 薄切的鵝片，用上潮州特產獅頭鵝，鹵得好入味，醇厚濃郁， 肉質嫩滑，充滿肉汁， 鵝腸特別爽口彈牙， 鵝肝入口綿化， 墊底的豆腐，既香且滑，充滿地道潮汕風味， 讓人喜歡。汕頭煎蠔烙 $118 新鮮煎起的蠔餅， 熱燙燙，香噴噴 ，煎至金黃香脆， 入口香脆， 啖啖誘人鴨蛋香氣， 發現蠔肉肥美飽滿， 蠔的鮮香注滿味蕾。魚露浸花甲 $198半殼花甲大隻肥美，浸泡在鮮味魚露之中， 大口咬下 ， 肉質鮮甜滑溜， 鮮味的肉汁在口中爆發， 慢慢滲出魚露的鹹鮮， 別有一番滋味， 是我超喜歡的潮汕風味冷盤。蝦棗拼粿肉 $158蝦棗是傳統潮汕美食， 以豬肉和蝦肉混合打， 攪拌至起膠後再去炸 ，炸到金黃酥脆， 內餡肉嫩， 口感一流。老藥桔 $20/杯老藥桔入口甘甘地、鹹鹹地， 完全沒有苦茶的苦澀味， 正好滋潤秋冬乾澀的喉嚨。

突然間好想食潮州打冷，所以去咗呢間見到網上好多好評嘅尚朝樓，位於太子既陳儀興尚朝樓係由古蹟改建，裝修行中式復古風格，地方寬敞位置舒適，店員亦都好親切熱情，會主動同你介紹邊道菜出名👍🏻魚露浸花甲 （冷盤）$198花甲食落去完全冇沙，同埋浸住魚露食好清甜 鵝三寶 🦢 $298食潮州嘢叫滷水嘢係必須的！所以即刻試吓佢哋嘅招牌菜鵝三寶，包括有鵝肉、鵝肝同埋鵝腸，個滷水醃得好入味！鵝肉每啖肉都有鵝脂香，質地軟腍，肉質鮮嫩🙀鵝肝食落去好creamy，而鵝腸食落去爽口彈牙😻汕頭煎蠔烙 $118蠔新鮮大隻，而且食落去充滿蛋香，整得好乾身，所以食落去唔會覺得好肥膩蒸馬友 $368馬友食落好滑，有鮮味炸普寧豆腐 $78豆腐炸得好鬆脆，豆味香濃，另外配埋個韭菜汁俾你，食嘅時候點落去又係另一番滋味🤤方魚炒芥蘭 $108呢款屬於正常炒菜不過不失陳年老菜莆肉碎粥 $75 一位碗粥🥣好足料，係正宗潮州風味嘅味道🥹

通常一講潮州菜第一時間都會諗到「打冷」，不過大多數都係舊式裝修又比較嘈雜，但今次黎到呢間餐廳打破左平時嘅諗法，餐廳裝修得好古色古香，原來佢係三級歷史建築改建而成，仲保留左某部分古老嘅建築特色。1️⃣ 鵝三寶 $298食潮州菜當然要叫返個滷水拼盤，而呢度嘅鵝三寶有鵝肉、鵝腸同鵝肝，鵝腸新鮮爽脆，帶有少量肥膏，鵝肉已起骨，肉質細軟，最正係個鵝肝，滑嫩甘香又厚身，唔似西式鵝肝會有油膩感，仲有幾舊滷水豆腐墊底，吸哂啲滷水汁，個汁唔會太鹹仲帶啲甜味😋2️⃣ 潮州紅燒魚翅 $438湯底味道非常濃郁，食得岀有瑤柱同金華火腿，質感稠身，魚翅份量好多，可以用筷子夾起，真係真材實料， 店員仲推介配醋及芫荽一齊食，會有另一番風味。3️⃣ 魚露浸花甲 $198潮州菜都好多海鮮類，今次就揀左花甲，上碟就已經去左半殼，好方便食用，每隻花甲都好大隻又肥美，啖啖肉仲無沙，魚露同蒜片更帶岀花甲本身原有嘅鮮味。4️⃣ 老藥桔 ($20）唔好睇佢黑蚊蚊其貌不揚咁，佢其實係潮汕特色飲品，仲好有益，有潤肺、化痰止咳等功效，味道鹹鹹地又甜甜地，呢排天氣乾燥，飲返杯仲可以滋潤喉嚨。5️⃣ 反沙芋頭 $58最後叫返經典潮州甜品，絕對係一個手工菜，砂糖結