陳師傅點心專門店 (已搬遷) 新店位置

我睇食評見到好似好好食咁，咪試下食。點知去到個員工呀嬸態度差，又無禮貌。野食唔夠熱，真心唔係咁好，有得揀下次唔會再黎。..............................

今日同同事食lunch，咁啱呢一間餐廳有大枱，就決定試下。古法馬拉糕：餐廳啲姐姐好細心，幫我地剪開。入口鬆軟，好香蛋味，食落無痴牙。黃金叉燒腸：黃金原來係指粟米，食落口感更加豐富，仲無咁膩。鵪春蛋燒賣：宜家係酒樓都買少見少嘅菜式，估唔到呢到竟然食到。姜葱牛柏葉：整得爽口彈牙，一啲都唔難咬開，又整得入味。北海道棉花雞：北海道應該係指獅子狗，魚肚分量都多，唔洗爭，亦夠軟腍七彩炒米粉：原本無太大期望，點知意外地好食，米粉無好腍，成碟炒米粉充滿鑊氣。流沙奶皇煎堆仔：另一個驚喜，好多時酒樓食ge流沙奶皇都唔流，但呢到做到流沙效果，加埋煎堆，超級邪惡。

雖然在店外不太能看到店內環境，不過網路上風評好像不錯，所以去試試。不像茶樓般有分大點小點，每樣點心都是名碼實價，不會有早茶午茶及假日之分。如果在早茶時段來吃的話，可能茶樓會比較便宜。茗茶每位$4。這次點了鐵觀音，裡面是茶包，多泡一陣子會比較濃味。陳皮牛肉腸 $27牛肉腸裡的牛肉比較軟爛，跟腸粉皮融入在一起，口感比較粉爛。腸粉也沒有很滑溜，但調味不錯。蘿白絲魚餅 $24魚餅的感覺比較多粉感，所以份量較多，但是也有鬆散的感覺。蘿蔔絲也不是清脆的口感，所以層次較少。山竹牛肉球 $21雖然餐牌寫上山竹牛肉球，但卻是蔬菜墊著牛肉球。牛肉像魚餅一樣比較重粉感，口感比較軟身，沒有爽滑的感覺。但味道剛好，芫荽味很突出。魚子燒賣皇 $21價格偏貴，一粒燒賣大概已經需要$10。但是蝦爽脆，一粒燒賣內有兩隻蝦。味道有點像小時候吃到的，可能因為裡面有香菇，充份吸收肉汁，又香又好吃～鳳爪排骨飯 $26店內最值得點的是這個蒸飯，因為$26可以吃到兩隻鳳爪，差不多有十件排骨的排骨飯在市面上少之又少。排骨的肉汁滲到飯內很香，配上鳳爪的醬汁，味道很搭，放一點點豉油已經足夠。米飯不會乾身，排骨鳳爪都很入味，值得一試～店內

又一日出動食點心，呢間標籤自家製，睇黎試很過。點心味道的確唔錯，但服務同態度非常差，不明原因，所以不能說這一餐太享受。價錢少貴，但推薦。想食原味腸粉，但無問就落左鼓油。sosad

朋友回港後話想食傳統中茶我就同去搵陳師傅啦！很久前在新浦崗工作時已經去食過，今日再度回味！鳳爪排骨飯必食，份量剛好可叫多點其他食物！呢個脆皮銀絲腸係我大愛、必點的，份量又多又好味，水準冇變鮮蝦菜苗餃都是好好味 咸度適中 皮薄薄 不會黏埋一舊牛肉球冇食。朋友一個食三個。爽😊牛柏業，朋友想食，我都有試，味道幾好、我都好耐冇飲茶啦，呢次冇失望，全部合格，下次都想再食其他野、始終兩個人比較難叫多食物。下次再食其他

是日早上去新蒲崗見工，見到4年幾前開工去過的店子仍在，貪得意去飲茶懷念過去四圍走去開工的日子。一開始點咗壺鐵觀音~~~雖然枱面有點餐紙，但原來可以就咁叫住點餐，不用畫在紙上，真夠環保^^個人認為價錢唔算超抵~~~茶葉包到一包包，所以不用擔心飲到葉葉~~~我只是簡單咁點咁籠飽食，個煎堆純粹等見工後食埋~~~薑汁雞飽仔，味道正常，只能夠說沒有驚喜~~~流沙黃金煎堆仔，熱辣辣上，但因為我趕住去面試，所以問阿姐拎膠袋帶走，隔咗成個鐘食都ok，但裡面冇流沙feel，反而我在元朗食開的一哥貴佢三蚊的紫薯流沙煎堆好食過佢好多

今晚同朋友去新浦崗行街買嘢，行到晚上肚餓，搵野食，竟然見到7點都仲有點心食，就一於入去試下啦。。。。店面唔算大，有六七張台左右。依間店標榜點心係即叫即蒸，所以大家落左單後要約十分鐘左右先有得食。我地倆人叫左個鳳爪排骨飯，白花釀魚肚，香脆芋絲餅，流沙奶皇煎堆仔同埋香煎鮮蝦腐皮卷。因為太肚餓啦，所以一見到鳳爪排骨飯已即刻開餐，所以無影到佢。不過鳳爪排骨飯同其他地方無咩分別，唔需特別講都得。先講白花釀魚肚：上面件蝦滑鮮甜，下面塊魚肚就軟滑，而且份量足，魚肚吸收左蝦滑後，十分美味。跟住到香煎鮮蝦腐皮卷：腐皮卷份量相對就比較少啦，但煎得好香口好脆，都可以一試。香脆芋絲餅芋絲餅煎得香口之餘，芋香及內頭的果仁香，流沙奶皇煎堆仔：奶皇量都OK.而且堆仔香口。總括而言即食，比普通酒樓好食。

食過幾次，終於為佢開番一次食評！呢間雖然話係點心店，但除左點心外，我地最常食的一定係佢的蒸飯套餐或蒸魚套餐。脆皮銀絲腸 （8/10）先講點心，點心方面個人喜愛「脆皮銀絲腸」，腸少皮內包著脆卜卜香口的絲條，口感味道都唔錯。另外一個最愛的是雪山叉燒包，這裡不是這個名稱，但都是那一款脆皮酥皮的叉燒包，味道很好，即使自知肥膩也每次必點，但今次竟然消失了，再沒有這點心。魚子燒賣王 （8.5/10）味道口感都好，都大大粒，絕對要一試。但價錢稍貴，一籠2粒，20$，即係都10$一粒。各類蒸飯如鳳瓜排骨飯、咸魚肉餅飯、咸蛋排骨飯（8/10）飯蒸得好，軟硬和濕度適中，上面的餸也蒸得很香，每次都大大口吃光一碗。但各位要注意，蒸飯餐的蒸飯份量是比點心紙上散叫的多，而且有中湯附送，散叫則無。見之前有些留言指店員阿姐態度不好，我光顧幾次倒也沒有試過，所以服務方面也算不錯。唯一是這間的出菜速度經常都較慢，有時真的要等半小時也出菜，極趕時間的朋友也許要考慮一下當天情況。但整體也算是不錯的。

哩間陳師傅外賣已經要自取，今日叫外賣，去攞先講母親節要加一😨，. 打電話叫外賣嗰陣時又唔講今日要加一 ，12/5星期六又唔係母親節正日無端端加咩一呀，不知所謂 😤聽電話嗰位亞姐服務態度差又無禮貌😠以後唔會幫襯😡

去點心店除咗可以慳茶芥同茶錢平好多之外，點心水準有時真係拍得住酒樓~不過今次食呢間就有待進一步探討喇~價錢中規中矩，唔算特惠，但支持小店我認為係ok的~不過呢度就多咗少少規矩，老實夜晚新蒲崗人流甚少，都設有最低消費，就等如整條界線俾自己~等咗差唔多25分鐘，第一個點心嚟喇~流沙飽响點心紙上面係「重點推介項目」，我哋當然係有所期待啦～但~sorry 咯…蒸過咗龍啦師傅，流沙已變成奶黃了~又嚟睇下個春蛋燒賣吖~唔~一如圖片展示，春蛋下盤唔夠穩重，有倒塌情況，亦即燒賣唔夠料呢～雞紥到！正常！都ok嘅~最優美嘅都係蒸飯，餸夠多飯亦香，但見牆上黐滿雜誌推介，到底係今日師傅休息?定係過譽呢？我會俾多次機會你嘅~

晚飯想吃點心，就來了這兒。我們點了:生炒糯米飯、鵪鶉蛋燒賣、懷舊糯米雞、四寶滑雞札(忘了拍照)，雞札2件，咁岩我地2人一個唔鍾意食芋頭，一個唔鍾意食"棉花"，正好俾埋對方岩岩好。點心送上時都熱騰騰的，而且大件足料，我們2人食完都很飽。

［手工港式點心］同友人一齊來到飲杯茶，食個包。平時飲茶都會到茶樓、酒樓，於是今次試食尼間，叫埋一人一個飯。叫了必點的鳳爪，夠林又入味！流沙黃金煎堆仔，好想的奶黃味。流心特別，又好味。最緊要襯熱食。滑雞飯無得頂！咸魚飯是我至愛，而且這碗的咸魚比起外面食的更咸更惹味，少少就可以食好多啖飯。鳳爪和排骨都夠林又入味, 飯軟硬適中, 吸收了豉汁和肉汁很是滋味店內環境細，但有大台可以成班人來食，也有細台2-3人來食

睇完網上介紹，一試就成主顧。黃大仙既酒樓選擇多，但唔係好岩口味，加上長期人手不足，有時沖水都變自助。所以傾向點心專門店，起馬唔洗加一，D 料又足D。陳師傅點心店係一般點心專門店咁，人手好緊，個個阿姐都好BUSY。沖既茶唔錯，好過平時酒樓既少少。環境係逼既，通常都要搭台，不過次次去都坐滿，證明好食到大家唔介意啦。而點心就幾好食，推介有銀絲脆腸，入面係藺白，翠肉瓜十脆脆，比腸粉包住係好食既。仲有咩好食 蝦餃燒賣可以叫最少兩隻，唔洗次次叫一籠。仲要好足料雖然唔平，但都值得食，好食既

飲茶依家唔一定去酒樓，依家越嚟越多即叫即蒸嘅小店，呢間陳師傳喺其中一間，喺屋企人帶我嚟..落單即製，上碟時熱哄哄very gd, 我最欣賞嗰個流沙黃金煎堆仔，奶黃味very gd, 至於其他點心（ 蘿白絲魚餅、牛柏葉等）都夠味，雖然要等位，而位置比較逼，但感受到誠意👍🏻👍🏻👍🏻

每當想食點心，好多時都會諗起陳師傅，店舖細細間坐得比較迫，但都幾乾淨企理~我最鍾意佢哋點心係即叫即蒸，雖然要等一陣但點心係熱辣辣先好食覺得佢哋啲點心比好多酒樓好味，特別系灌湯餃，真係可以食返兒時嗰味道，灌湯餃好皮薄好足料，仲有成梳彈牙嘅仿翅另外蝦餃，燒賣同叉燒包亦係我必叫，因為佢哋嘅鮮蝦好大隻同爽口，口感不錯^^最怕係酒樓食到D細細隻又乾水嘅蝦～叉燒包個餡料味道好好，出邊層皮都做得好鬆軟，啱啱蒸起時真係好好味而排骨鳳爪飯亦做得唔錯，底層白飯吸左上邊排骨汁好入味～總括而言佢哋嘅點心味道真係唔錯，真心like