陳財記

營業中

休息中

真的是地地道道的大排档了，每一道菜都很适合下🍺胡椒虾，配饭很合适，也是餐厅招聘辣酒煮花螺，好吃，超级入味还加了韭菜，肉质新鲜Q弹，下酒好菜，麻辣鲜香，不知不觉就吃完了，上头炒花甲，有锅气，肉质饱满，吃的出来很新鲜，咸淡适中酸菜安格斯肥牛，肉真的很鲜嫩，还有柠檬的清香，真的放了柠檬！适合不能吃辣人士，超级大份！吃完后朋友辣评，吃完这顿一天上班的乏意都没了属于中餐中的comfort food价格合适，我们三个人点了四个菜，人均200多一点（因为点了哈皮

在荃灣三陂坊28號的陳財記大排檔，帶給食客一場地道美食的盛宴。😊這裡不僅是一個用餐場所，更是一個家人朋友共聚的熱鬧聖地。🎉走進這家大排檔，滿滿的食客熱情和美味的香氣迎面而來，讓人心情愉悅。我特別推薦他們家的招牌菜奇味骨，肉質鮮嫩多汁，配上獨特的調味，讓人驚艷不已。😋除了奇味骨，陳財記的菜色種類豐富，炒菜都散發著濃厚的家鄉味道💖用餐環境簡單，但卻洋溢著家的溫馨和幸福。無論是家人聚餐還是朋友相聚，陳財記大排檔給人的感覺就像是回到家中享用美味佳餚

星期五晚，竟然冇book檯都有位，郁無為意照入去食啦～一坐低叫位女士黎寫野，行左一半，掛住傾計都算落order 食嘢，叫2隻乳鴿，佢話：叫3隻啦，你唔夠食㗎喇⋯我地話唔洗，佢再repeat,fine!要3隻跟住我地叫其他野食，狂推海鮮，明既～做生意係咁的，我地話唔洗喇～再order 普通雞煲$98，又sell手撕雞$238我話唔洗喇，照要雞煲啦（跟住我講得好清楚要邊款）佢話：哦～要有鮑魚果隻呀？叫左椒鹽九肚魚，等左一個鐘都唔黎上左其他餸，顏色好靚，但全部咩餸都好淡味叫左炒飯，坐足左個半鐘都唔黎最後cancel 起身埋單但張單照計炒飯😂🛎️🛎️🛎️環境迫、野食唔得，冇service,完🛎️🛎️🛎️

因為有朋友生日，一早打嚟訂枱，前後打嚟兩次confirm booking .我地仲同呢間餐廳講定我地要食咩菜，菜都留定左。於是當日結果一行10人準時嚟到攞住個大蛋糕，竟然答我地無book到位？？餐廳負責人仲串咀咁話「我都無話留台俾你」明顯地應該有walkin熟客，將我哋留左張枱俾左人。一早打嚟留定食咩餸都仲話我哋冇book到位？？！！最好笑負責人係個態度。好唔好食就唔知。但係服務就真係奇差。講真，我哋又冇遲到，準時嚟到book咗位都冇枱真係第一次。

中伏 之前去開街尾盡頭嗰間 都幾好 去開都冇問題 諗住成條街 間間都食呢一堆嘢 間間都一樣㗎啦 呢間完全冇睇食評 諗住是但試吓新嘢 狗衝入去 中伏 有得揀 就唔好去啦一向服務零要求 但係真係服務差 花生話咗唔食 就同你長篇大論講 我又冇收茶錢又冇收+1 所以花生 就算你唔食都要收錢 勁黑sell 好似廚房做咗好多存貨羊腩煲咁 勁hard Sell羊腩煲 跟住又hard sell 滷水拼盤 唔點佢推薦嘅 幾乎唔俾落單 環境又唔係好 啲嘢食水準一般 但係價錢 亦都係貴過出面 最後一次 冇下次

🐻快樂星期六🐻夫婦當然要外出覓食，今日黎到荃灣陳財記同朋友一聚。🐻先叫個泰式酸辣鳳爪，味道剛好下酒。🐻跟手黎個菠蘿咕嚕肉，咕嚕肉剛落鍋外皮尚脆，但味道比較酸。🐻之後一道粟米魚肚羹d失望，點菜時職員支支吾吾咁話星期六出菜慢，提議叫其他菜式，因為太多飲所以照落單，估唔到唔夠十分鐘就上菜，味道略咸，口感過稀，達不到羹嘅地步，其實直頭似罐頭粟米湯直接開水煮出黎。🐻最後一道小炒王韭菜滿滿，其他配料略缺，味道偏咸，所以都沒拍照留念。🐻總括然而，不會有下次

餐前小吃-花生（贈送）花生內裡面有甜味，不過表面鹽太多，好咸。椒鹽九肚魚/剛炸起新鮮滾熱辣，魚肉滑溜，有胡椒粉辣，如果能灑上辣椒會更有風味。杞子豬膶浸時蔬/豬膶軟嫩，處理得不錯無腥味，比起炒菜，浸時蔬更易入口、吃完腸胃好舒服。欖角骨/蜜汁十分惹味，叫碗白飯用來送飯一流；排骨肉好滑、唔會乾；可以欖角不夠多。

週日出餐速度出奇慢！3個餸等50幾分鐘就上一個，凍曬都未見其他兩樣。極個別肆應服務態度惡劣不堪，等已經係令客人火滾，再加上個肆應啲態度就令到成個用餐過程都變得唔愉快！話：唔係得你地一臺客，想唔等自己返屋企煮！下次果斷去隔離波記算了，費事出錢買氣受。服務態度唔好其實可以考慮轉行，唔好自己唔鍾意份工係客人度出氣！另一個肆應就會處理問題，人地從接客、服務，追單，處理問題都做得好好。點解人地可以做到，而你就覺得係客人專門為難你？仲好意思話：唔想等自己返屋企煮？呵！我都覺得好可笑。可唔可以反省一下自己？

侍應招呼好熱情、我們三個人去吃、叫着一碟炸大腸、一碟鼓油王炒鵝腸、一大碟滷水拼盤$168元、,極差味道、,豆腐+少豬手+少墨魚+少牛肚、只有豬肚蜆殼湯有味道、不推介去！

一行二十幾個人食飯，提前1星期訂座。話俾間房我地但有5000蚊低消，已經明確回覆左餐廳，我地唔係要房有位坐就可以，5000蚊低消我地唔接受，但當日依然俾左房我地坐。坐低叫人真係叫天不應叫地不靈，個個吖姐態度都好唔耐煩。由於有老人家我地想要一壺暖水俾佢地飲，直到餐飯食完都冇黎過。我地叫左20幾罐飲品加20枝啤酒都即到，叫壺免費水就唔理人。落單個陣一直不斷sale特色菜，我地其實已經打過電話留海鮮，都拒絕左好多佢地sale既菜，最終只係加左2條魚同2碟辣酒花螺。上菜速度慢，又唔係特別好食，小朋友要食既蒸水蛋等左成個鐘頭先到。埋單個陣我地先知2碟辣酒花螺加埋要成600蚊，我地問吖姐點解咁貴，佢話1例148蚊 (半斤) 我地每碟辣酒花螺係1斤，所以600蚊。我地問點解會變左每碟1斤？落單個陣我地只係話要2碟，佢地就擅自幫我地落斤數，而且落單完全冇同我地講過。吖姐仲口口聲聲話我地落單個位小姐知道，但1枱10幾個人都冇聽到過佢有講。埋單差唔多成6000蚊，完全唔知自己食左啲乜野，服務態度同職業操守特別差。以前食過幾次都冇咁既情況，一見人多就劏你，唔會再有下次。

星期日補祝母親節飯，原本一行14人開開心心商討食乜，點知個阿姐落單時，我地都未開始叫就不停sales佢地本店菜色，原本都唔係問題，覺得啱嘅咪食囉，但我地一落我地想食嘅菜，一係就話無，一係就話咁樣唔好食，再唔又話menus 上唔係樣樣有。（黃金蝦球，無；蒸原條鱔，無，馬友，無；卤水拼盆，無.......仲有幾樣無，唔係好記得），咁都算，連叫個蒜蓉西蘭花比小朋友食，都係咁迫我地話要加野炒，當刻我已經忍唔住鬧，我地叫乜都無連叫個最普通嘅炒西蘭花你都要reject?我地唔鍾意加野炒，廚房師傅係咪唔識炒？不食已經一肚火！唔好叫我地落order食乜，你地order我地食乜啦！真係未去過一間食肆可以差到咁嘅地步！我仲要係街坊但絕對唔會再幫襯，比錢買難受！

呢一餐晚餐約左N次！改期！又改期！都夾唔齊人！哈~唔約玩即興又齊喎！友人致電查詢有冇枱；幸運地回答~有！準時到達！可惜都喺要喺門口等左15分鐘現場太多顧客啦~被安排坐於近廚房位置言歸正傳！今日order 左1.花雕鴨舌(唔記得影；因為太好味)-2. 油浸筍殼魚3.豉油王鴨舌4.小炒皇5.蒜芯炒腩肉6.孜然豬串骨7.水煮田雞8.椒盬鮮魷 整體評分~ 味道是ok的 上菜時間不算太快應該是廚房人手不夠導致 服務態度~可以

今日終於領教過荃灣陳財記所謂羊腩煲生意就好好材料羊腩好少 生意好得滯 羊腩，俾得幾件咁就收你三百幾蚊 食到一肚氣下次都唔會去同職員講係咁多㗎啦，廚房俾唔關佢事最後食完羊腩煲就走人啦

🤴🏻同事Miss L👩🏻就黎生日🎂，今晚就約埋另一位🙋🏻‍♂️同事Mr P一齊食生日飯🧍🏻‍♀️🧍🏻‍♀️🧍🏻🧍🏻！😚😚～～～椒鹽九肚魚🐟～～～九肚魚超多細骨，雖然可以入口但係堅摻口，小朋友食必須小心！😵😵～～～沙拉大蝦🍤球～～～炸衣薄薄地，蝦🍤肉飽滿有鮮味😀😀～～～蒜蓉炒白菜仔🥬～～～菜🥬有菜🥬味有鑊氣，但硬咗啲😄😄～～～胡椒豬🐷肚蜆湯🍲～～～全晚最出色，胡椒湯十分暖胃，隻隻蜆都大大隻😊😊，豬🐷肚冇腥味😚😚～～～霸王雞🐔（半隻）～～～最差嘅係呢隻雞🐔， ‘ 鞋 ’雞冇彈性，仲要冇乜雞味！失望😟😟雖然餐飯多數傾嘅都係🤴🏻公司嘅事（是非）😅😅，但都食得好開心🥳🥳

疫情後又回到大排檔集中地 ，荃灣三坡坊。由於娘娘明天要帶飯，所以點多了 ...先來一個不能帶飯的“粟米斑塊”，斑塊新鮮，但炸漿普通，不夠脆口，粟米汁還可，不會死甜。最簡單的這個“韭菜豬紅”，香辣、惹味，韭菜難得鮮嫩，不會成口渣。“蒜芯炒腩肉”，不錯，蒜芯一樣嫩口，不會有渣，這個菜送啤酒一流。最後，大排檔考牌菜，“星洲炒米”，火喉十足，米粉條條分明，咖哩汁不是奶螢光那種，也起碼有正常的咖哩香味，配料新鮮、豐富，是一個專業水準的星洲米！