陳通記

營業中

休息中

次次入長洲都係掃街飽，有朋友介紹我地去食呢間陳通記，味道又ok bo ，算係多左個選擇！呢間茶餐廳有分室內有室外座位，都幾多位簡，涼涼地既話坐出面都唔錯。沙嗲牛肉雞翼米通滑嘟嘟既米通食落幾過癮，配上濃濃沙嗲湯底，仲有啲花生🥜碎粒粒，幾有咬口，的確都幾出色，間唔中食下都唔錯，不過茶餐廳既牛肉真係唔洗期待，太過韌，所以個人覺得雞翼好食啲。西多士好耐無食過，加糖漿花生醬牛油，最傳統既味道，得閒回味下都唔錯。

因為喺長洲出晒名，一早已經book mark咗，但係之前一直冇機會，所以試唔到，今次難得一場嚟到，就試試佢，但發現比較適合重口味人士，再加上環境係大排檔式，而且冇套餐，嘢食加嘢飲已經$52。☺️沙嗲牛肉米通 $34點咗個招牌菜先，有得揀米通已經加分，索晒啲味真係好好食，不過食嘅時候真係要小心啲，因為連湯食真係有啲焫嘴。而沙嗲牛肉，首先頭幾啖係好好味，因為佢好濃味，好重沙嗲味，仲加埋啲花生，出邊好少地方會咁正宗，再加埋牛肉嘅份量都唔少，但係食到中後段就會有啲漏，呢度就有啲扣分。😋沙嗲鮮豬膶米通 $34其實本身$28，但加沙嗲要加$6，第一張係一嚟到嘅真實畫面，但撈底其實都有好幾舊豬潤，食得出係新鮮嘅，所以我覺得幾抵食。☺️凍奶茶 $18感覺上似沖定，味道正常發揮。

呢日同屋企人長洲一日遊，話說當日天朗氣清但係始終都比較熱，咁有的話想食雪糕，有的就想掃街，咁只好各自搵好西食。對於鍾意幫襯小店嘅我，就梗係去食地道啲嘅嘢啦，沿碼頭行下行下，聽到有對後生拖友話有間好出名食沙爹牛肉麵既...咁你知啦，沙爹牛肉基本上係我最愛美食之一，聽到佢哋咁講，梗係老實唔客氣問下喺邊間啦，咁我哋就一齊搵啦，原來係大排檔入面叫做陳通記，我比較孤陋寡聞，原來開咗好多年，咁既然難得嚟到梗係試一試啦。見到佢餐牌選擇並唔多，都係比較傳統餐廳有嘅食物， 咁既然要留肚今晚食海鮮，咁晏晝就梗係食少少好啦，既然沙爹牛肉麵咁出名，咁就一定嗌一碗試下啦，咁另一半就叫咗個蛋牛治。等咗一陣間終於上枱喇~~~ 首先講一講蛋牛治烘底先，賣相正常無乜特別，味道上同出面食開嘅分別唔大，不過佢既滑蛋配碎牛都唔會太過乾身而且都幾多汁，配埋烘底多士咁食，味道整體上都好香口。跟住呢就到出名嘅沙爹牛肉麵，就咁睇佢嘅賣相老實講有啲生菜伴底已經減咗分，不過凡事就唔好睇表面先，食落先知，飲咗一啖湯，發現佢有好香濃嘅沙嗲湯底配合花生碎，比起坊間既湯底，佢都好濃稠，公仔麵都煙韌爽口，掛湯嘅情況相當好，但講到主角沙嗲牛肉，反而

之前同朋友一齊入長洲，好可惜嗰日陳通記已經賣晒沙嗲牛米通，所以我地第二朝就即刻去！我本身對沙嗲牛冇乜特別鍾意，但一場嚟到就試吓。無諗到佢呢個沙嗲牛真係會令人食過返尋味！佢除咗本身已經有好濃嘅沙嗲湯底，仲夾埋花生，令到成個味覺層次多咗好多！加上米通係好吸汁嘅食物，所以真係啖啖沙嗲香。😋

點解可以咁難食...我覺得依碗野只能用黎果腹😵‍💫😵‍💫衰過食杯麵.佢係花生味,唔係沙嗲味🤢🤢不如改名叫花生牛通😓佢湯係好潔,但完全唔係香濃沙嗲味...求其一間茶記都好食過佢。各媒體報導話係長洲必食🥱其實你地係咪冇食過好食嘅沙嗲牛.好彩淨係叫左一碗,2人share,同埋唔好浪費心態我先食埋佢🥴建議上返轉慈雲山食榮記 唔好人講好食你就話好食，依間真係伏到要講粗口🤬仲要等好耐先有人落單，野食又等得耐，隔離枱都催單💰HKD$34

今次真係為去呢間餐廳而去長洲！之前去過2,3次長洲都去唔到，今次一落船就直奔陳通記！以為平日冇咁多人，但都差唔多坐滿坐底就叫咗2 碗呢到招牌沙嗲牛牛可以分肥牛同牛肉，2款都試曬！牛肉軟嫩有嚼勁，同沙嗲湯底更夾！肥牛就薄身，掛湯力強，但講到最大驚喜係豬膶，平時我真係唔太鐘意食豬膶，但呢間真係做到爽滑而無腥味，一改我對豬膶嘅感覺！第一口湯底就明白，點解呢間沙嗲湯底咁出名，湯底花生醬同埋蒜蓉撈成， 食落去有粒粒嘅花生味，而蒜香夠濃反而令沙嗲香更出！麵底就揀咗米通粉，食落比普通通粉更煙韌彈牙！

一入到長洲諗緊食咩早餐，第一時間諗起陳通記，上次去嘅時候因為又食食唔到今次終於都可以食到.佢嘅沙嗲最出名，但因為我唔食牛肉仲喺度擔心緊會唔會食唔到沙嗲米通，最後揀咗叉燒米通加沙嗲加榨菜. 沙嗲好香，米通好咬口👍👍叉燒又唔會太硬，同沙嗲都好夾，佢地仲有細支樽裝可樂，即刻叫番支飲下😜其實我都想試下佢個多士，但真係好飽了，食唔落了🤣🤣如果有三五知己就可以叫多一個share如果再黎長洲一定會再食🤩🤩

【長洲名物·沙嗲牛肉米通】去到長洲，陳通記沙嗲牛肉米通一定係必試之選，相信唔少人都慕名而來。如果週末入來，比定個心理準備大家要排隊，仲有係要自己搵位❗️📝整體食評：食到陳通記都幾滿足，最驚喜係員工待客有禮，雖然食客多但都唔會怠慢其他食客。沙嗲牛肉米通 $34 🤤8.5/10沙嗲湯底濃郁，有花生香外，仲有花生碎，好多茶記係食唔到嘅。米通口感彈牙，好食嘅，但可以更入味；而牛肉就正常發揮。食物份量都算大，兩個人分一碗應該都足夠。凍朱古力 $18 🤤6.5/10凍朱古力🍫都要寫係因為太甜，建議食開甜嘅食客都要叫少甜。.

黎到長洲一定要試陳通記沙嗲牛🐄叫咗一份 沙嗲牛肉米粉佢有沙嗲牛肉 同 沙嗲肥牛 兩款 我就比較推薦牛肉啦 牛肉份量多又好食湯就一望就知好濃一碗只係$34 好食又抵食🫶🏻

長洲嘅陳通記😉，一早已經見到網上邊列咗係必食嘅食物，天氣炎熱嘅夏天去到都唔使擔心✅因為會設有冷氣嘅室內位置🤓店舖嘅食物選擇，唔會話過多，如果有選擇困難症嘅大家絕對推介推介🤣一於俾咗餐牌，大家睇咗先😆沙嗲牛肉米通 $34湯底非常濃郁 仲家有少少花生粒喺裏面每一啖口感，都非常豐富而且牛肉有咬口🥰但係亦都唔會話煮過龍西多士$24今次我就揀選左個餡料係花生醬非常傳統嘅西多士🥰完全係茶餐廳嘅味道🥰好食👌

應該好多人都知道長洲呢一間咁出名嘅餐廳陳通記！ 今次係我第二次食，個味道同第一次食唔同嘅🥲 星期四下晝嚟到雖然好多人但係未full晒。搭枱坐咗入邊嘅冷氣位 有冷氣同冇冷氣真係差好遠 😂 上次試咗西多士今次試咖央多士，有啲普通係買返嚟嗰啲咖央醬咁嘅feel同埋無咩味🥲 然後嗌左沙嗲牛米線 其實佢出名嘅係米通但我上次試過覺得好飽肚等等又要食好多嘢所以叫米線🍴佢啲米線全部都勁碎完全夾唔起個種😂 最後用匙羹食 個沙嗲比上次淡左好多 無咁濃郁 淨係好多花生碎 唔知嗰日發生乜事因為第一次真係好食好多 同埋一開始帶咗汽水食飽佢都未拎比我😅

Visiting Chueng Chau, you have to visit Tung Kee!This restaurant closes at 4:00PM. This is a sunny Saturday afternoon. While getting off the boat, my first priority is to go Tung Kee.I arrive the restaurant around 3:00pm and there are lots of visitors and almost full house. Luckily no need to wait. I guess if I come earlier, I have to wait. The waiter suggests me to order 沙嗲牛肉米通! It is definitely a good recommendation! The soup is super rich! I love it!I also order the 咸牛肉三文治. I like the toasted

大概朝早十一點左右去到長洲，第一站就試下好多人推介嘅陳通記，建議大家冬天先好去食，因為夏天個到係！！無冷氣！！，個日坐嘅位已經對正幾把風扇，但係食完熱辣辣嘅湯麵，都已經大汗浹背。1. 沙嗲牛肉米通 & 公仔麵兩碗麵嘅沙嗲湯底都極度濃味，每一啖都食到有花生碎；之前睇過米紙介紹呢間鋪嘅牛肉都係新鮮牛肉，唔怪得咁嫩滑，仲要份量都幾多。如果要喺米通同公仔麵二簡一，一定會簡米通，一黎出面好少可以食到，二黎米通比公仔麵更加掛同索汁，岩哂啲鐘意食濃味嘅人。如果上菜嘅速度快少少會更加快就好，呢兩碗麵都等咗接近廿幾分鐘。2. 咸牛肉三文治呢間嘅三文治有得簡烘底，咁點都一定會簡烘底。三文治正常質素，無咩特別，咸牛肉加蛋嘅份量都幾多，蛋都幾嫩滑，食落去都唔會好乾。

之前睇網上啲評價同recommendation ，見到去開長洲一定要食呢間以沙嗲出名嘅舖頭This is a Saturday morning and it’s a bit hot to have a spicy curry beef noodles under an outdoor environment, tons of civilians are having brunch there yet🔥 ! 大概$40一碗嘅沙嗲牛肉通粉都正常發揮🥩，價錢合適，雖然肉嘅份量多，但係牛肉嘅口感有啲煙銀，一般般，個沙嗲湯底係正嘅🥘，辣辣地又夠creamy ，確確實實係幾惹味🌶如果離開長洲可以一試無妨，專登嚟食就唔係太食得啦🤣

-{長洲必試沙嗲牛🍜}之前長洲兩日一夜 朝早8點直入陳通記食沙嗲牛😛🤤沙嗲牛肉米通🤤 ($34)湯頭超濃郁加埋啲花生粒 有少少辣幾惹味🤩必叫米通🤓啲花生沙嗲醬吸曬入米通嘅窿😆啖啖濃郁嘅沙嗲味😋仲要米通口感煙韌🥰牛好爽口冇加鬆肉粉 份量超多😂👖褲評: 8.8/10單叫沙嗲牛超抵食☺️飲品只得散叫😭而且夏天黎坐露天位會超熱😂性價比: 9/10服務: 7/10環境: 5.5/10🚩 陳通記 🚩地址: 長洲海傍街熟食中心13號舖 #fuudjai #fuudjai離島 #fuudjai港式