陳通記

營業中

休息中

✨長洲名物 出色嘅沙喇牛米通✨.要講到長洲必食，就一定係超多人推薦嘅陳通記♪ 6月底嘅平日約12點3去到，有冷氣嘅室內座位滿座係意料之中，但估唔到係炎熱嘅夏天連户外位置都幾多人坐，可想而知陳通記有幾咁受歡迎🙈btw如果大家為沙嗲牛通米黎係假日黎，記得早少少到，聽聞未夠12點會賣晒(?).▫️沙嗲牛肉米通 $34（9/10）唔好比佢平平無奇，看似好淡味嘅賣相呃咗，因為佢個沙嗲湯底真係好香濃，秘制沙嗲醬汁加入幼細嘅花生碎，呢個湯底真心正🤎而牛肉亦唔會遜色，軟腍易咬及有牛味，平民茶餐廳黎講實屬出色；米通則以米制成，同平時食嘅通心粉唔同，口感軟身少少，相對煙韌😋難怪係炎熱天氣下都仍有不少捧場客.▫️鮮牛蛋治 $24（7/10）唔錯嘅，但相比沙嗲牛呢個鮮牛蛋治實在太平平無奇🤣個人鍾意元朗個間嘅流心蛋芝士鮮牛治多啲（但沙嗲牛嘅陳通記正啲）.▫️凍榨橙 $18（7/10）雖然橙味唔算濃，但係炎熱嘅夏天飲一杯無糖鮮榨凍橙汁，消暑解渴😻.▫️凍奶茶 $18（7/10）正常味道，朋友就話冇乜特別～.如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我@fibee3b

講到悲傷小姐真係會特登搭船入長洲食嘅，非係沙嗲牛肉麵關注組聲名大噪嘅陳通記莫屬🥇上湯粉麵堅持逐碗煮，突顯老字號港式茶檔風味👍🏻💗沙嗲牛肉雞翼米通 ($39)沙嗲湯底每日新鮮以金華火腿骨熬煮，加入西環綿香出品嘅沙嗲醬，味道超級濃郁惹味，沙嗲唔辣，以香取勝，食到有粒粒花生同炸蒜🥘米通呈白色細長形，口感煙韌Q彈，內裡通心更容易盛載湯底精華。鮮牛肉腍滑肉濃；炸雞翼皮脆肉嫩，絕對係一口接一口🤤💗花生醬西多士 ($24)西多士即叫即炸，邊位金黃焦脆，內𥚃鬆軟輕盈。中間花生醬夾餡非常足料，最後淋上牛油同煉奶，夠哂香甜邪惡🥜

舊式的冬菇亭和大排檔的設計老式的香港模式座位和裝潢都比較老式基本上是簡樸和乾淨的沙嗲牛肉通粉濃厚花生沙嗲湯底 炒過的花生香湯底會較容易滲入去麵裡面花生香會滲透出來 牛肉嫩滑 沒有太多筋位吃到很後面　味道會更濃郁火腿蛋治沒有烘乾麵包皮　麵包質地呈現柔軟中間夾住厚厚的滑蛋雞蛋不會煮得太熟透及乾巴巴的配上煎香的火腿　沒有醬料的配合整體包不會濕淋淋的咬下去時　蛋液的滲出讓整體有濕潤感很滿足的早餐餐點

黎到長洲，一早做定資料搜集，陳通記既沙爹牛肉米通係必食。一落船我地就一枝箭咁飛過去陳通記，好多人，幾乎每張枱都有人企係隔離等位，等左差唔多半個鐘，終於有位，必叫沙爹牛米通，果然，真係平靚正，個沙爹湯底加左花生醬，好特別，個份量都好大碗，一個人係食唔晒，最好有朋友share，可以試埋其他野食。

長洲最出名嘅係咩？長洲大魚蛋？芒果糯米糍？我個人認為係沙嗲牛肉米通。陳通記係一間地道港式茶記大排檔。設有少量冷氣位。沙嗲公仔麵大家聽得多。但配米通又真係好少聽。食過嘅朋友會覺得係一絕。佢哋嘅米通煙煙韌韌、口感彈牙。質感有少少似年糕。最Perfect嘅點係米通掛汁一流，每一啖都會食到沙嗲湯汁。惹味非常。如果真係想試，建議要早啲入去食，聽朋友講試過晏咗入嚟冇晒米通。沙嗲汁嘅湯底，超級香，入面都幾多花生碎🥜，微辣，非常惹味。牛肉份量都唔少。食完大家會覺得好滿足。

位於長洲海傍街熟食中心13號舖的陳通記係所有人去長洲必去嘅打卡點，因為佢嘅沙嗲牛肉米通為人所熟悉。但我去個日先3點左右就已經冇晒 最後就揀左通粉，都試到佢濃濃嘅沙嗲湯底 十分惹味， 值得一試

難得入嚟長洲，終於一試聞名已久嘅沙嗲牛肉米通。沙爹牛湯底，確實好多花生醬，不過我就覺得味道偏淡，同朋友傾開，佢之前食開嘅湯底比較濃，佢話都覺得當日嘅湯底比較淡， 唔知係咪因為人多關係，湯底已經唔夠，所以溝淡咗。不過天氣真係好熱，如果坐唔到室內冷氣地方，坐喺出邊真係好似焗爐。如果唔係沙爹牛超級愛好者，我覺得都係緊天氣清涼啲再去慢慢品嚐。另外就叫咗一個雜肉米通，反而呢個有一個驚喜，本身想叫咸瘦肉，但個靚姐就介紹呢一款，價錢差不多但夠多餸。果然不錯，所因為佢入邊有好多唔同嘅配料，包括咸瘦肉，火腿，紅腸。俾小朋友食一流。

今次入長洲係為左慶祝媽咪同預祝🐥生日，竟然🐥未去過長洲🤭咁就大家約埋入去玩返一轉啦😬 可能當日落雨既關係，我哋開住google map 都搵唔到陳通記🤣佢係要行入幾步既～😉同埋大家唔好坐錯隔離啲枱枱凳凳呀🙈果日落雨 我都等左一陣3-4分鐘就有位坐啦～無冷氣～😂特別有風味😛食飽先有力氣踩單車😉鮮牛肉通粉 $28係🐥叫既，試完咁多碗，我最鐘意鮮牛肉通～本身我叫左沙嗲牛肉通既，發覺佢沙嗲唔好好濃，同埋自己唔太like 沙嗲😂呢碗個湯幾鮮，牛肉好滑🥰通粉比較長～吸多啲湯～好正☺️☺️咸牛肉治 （烘底）$14幾好味😋 咸牛肉有啲咸 ！一定要烘底！！一定要烘底！！一定要烘底！！😂💕下次會食牛肉豬潤通☺️豬潤都好滑滑～佢哋會俾豉油你點黎食～點左豉油=鮮味upupupupppppppp🥰味道：⭐️⭐️⭐️🌜 （3.5/5）環境：⭐️⭐️⭐️ （3/5）服務：⭐️⭐️⭐️ （3/5）衛生：⭐️⭐️⭐️ （3/5）抵食：⭐️⭐️⭐️⭐️ （4/5）總分：❤️❤️❤️🤍 （3.5/5）📍 陳通記 (長洲)長洲海傍街熟食中心13號舖

食咗沙嗲牛肉米通同埋西多士兩樣都好食同埋有驚喜沙嗲汁味道幾好，同埋都幾濃，食落仲要有唔少嘅花生粒反而，牛肉就一般，唔算難食，但未至於好食，無咩沙嗲味且偏鹹米通食落無咩味，但個口感唔錯，夾埋啲湯一齊食就好好食，個人黎講就幾鐘意<3最驚喜嘅係西多士！牛油同埋花生醬都比得好足食過嘅西多士入面數一數二好食超好食呢！！呢個質素再加呢個價錢，其實真係好抵食呢間店絕對係正評(⁎⁍̴̛ᴗ⁍̴̛⁎)4.6.2022

長洲嘅陳通記已經有好多人介紹過，話佢哋嘅沙嗲湯底同埋牛肉係必食，難得去到長洲特登早啲入去食下個早餐，雖然係大排檔形式環境就唔算特別舒服，而且Menu都係單點形式，但真係真材實料，好好食，價錢又唔貴，值得去食。🍴沙嗲牛肉米通 $34 (10/10)份量超級多，女仔可以兩個人share，好飽肚！沙嗲湯好香，未算好濃，唔鹹，食到有花生碎，牛肉鮮牛，嫩滑有口感，有少少牛味，米通好滑煙煙銀銀，好好食！🍴西多士 $24 (8.5/10)即叫即炸，好香口，焦香金黃，麵包香脆，唔油膩，花生醬都好香濃，雖然查得唔算多但真係啱啱好唔會太膩，配埋煉奶一啲都唔會太甜，好香口，好邪惡。🍴鮮牛蛋治 $24 (9.5/10)蛋治烘過底，麵包好香脆，仲搽咗牛油，好香因為太熱下面個底係濕咗冇咁脆，雞蛋唔係嫩滑，但唔乾身，牛肉好滑有牛肉味，有口感但唔會鞋口同韌。🍴熱奶茶 $16 (8.5/10)奶茶香濃茶味，入口好滑。淡奶微香，有少少茶嘅澀味，但唔苦，冇落糖都好飲。

聽咗陳通記大名聽咗好耐，終於找得著時間入長洲食足全程。😋到達嘅時候已經係晏晝2點，加上係平日，人流剛剛好唔算太多。搵路花咗少少時間，呢度提提大家，落船轉右行大街街到熟食檔轉入去就搵到㗎喇！🗺既然一場嚟到，除咗馳名天下嘅沙嗲牛肉米通，仲叫咗一份煉奶咖央西多士。真的沒誇張，沙嗲湯底非常濃香，配上米通呢個罕見又十分配嘅組合，真係會忍不住清咗成碗，但由於我地食得重口味啲，如果湯底再濃厚啲米通再爽身啲啲就perfect。而同檯嘅咖央西多亦平分秋色，一點都唔輸俾隔離沙嗲牛米通，咖央椰香恰到好處，炸得酥脆而不油膩。🎖沙嗲牛肉米通賣相：⭐️⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️⭐️⭐️煉奶咖央西多士賣相：⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️⭐️⭐️由於想留肚食喺長洲食多啲飲多啲，飲品我地今次就無叫了，不過聽到隔離講呢度奶茶都不錯。大家個肚有位置都不妨試埋！一句總結，為咗陳通記特登入長洲也是不枉此行🫶🏽聽咗陳通記大名聽咗好耐，終於找得著時間入長

撞正星期日入長洲，多人到不得了，未食晏就諗住醫肚就諗起陳通記，其實食過好多次，係我衰，唔應該星期日食陳通記，外賣叫左碗沙嗲牛通同什肉米通加凍奶茶去個朋友度食，收錢就快呀，等左成4、5個字講緊係叫外賣咋，仲要收錢個男人寸寸貢咁，叫我自己問下落單果個同埋都唔知搵唔搵得番張單喎，見到佢係負責收錢，妹妹行埋去比錢就好禮貌又撩佢地傾計呀剩，可惜我就唔係妹妹仔喇^_^下次咪搞我，入去長洲都唔會再幫襯。👋🏻

去到長洲必食啊！一路已經久仰大名！點知真係咁好味😻😻😻（1）沙嗲牛米通🐮完全係平靚正之選，牛肉嘅份量啱啱好，口感亦都係食到肉嘅質感，但又唔會太靭🔥個湯底係好濃，但又冇味精感，唔會令到你好口渴🙌🏻，食每一啖米通都好掛汁，每一啖都有足夠嘅味道！至於個米通，平時真係冇咩地方可以食得到🥰所以入到嚟長洲絕對可以試一試🤭（2）鹹牛肉蛋治🥪呢個三文治就係正常質素😄佢有得比你揀要唔要烘底，烘底都唔需要加錢🤑如果你有quota先叫嚟食啦～長洲有咁多特色餐廳，又唔使特登試。

疫情下冇得搭飛機去旅行，只好搭渡海小輪去長洲 staycation。第二日checkout後，揀了這間很多長洲街坊都會幫襯嘅名店「陳通記」。不過，檔口招牌明明寫着「通記」，點解全部人都叫呢間茶檔做「陳通記」？小店位於露天熟食中心，不過很多露天位置已經用帆布覆蓋多年，並且擺滿了枱枱凳凳，再無法分辨清楚熟食中心原本的室內檔口佈局。細心留意，又發現原來「陳通記」佔據了幾個檔口，但枱櫈擺放實在很混亂，根本分不清那一張枱屬於那一個檔口。其中一個梗檔門口有塊膠牌寫上「今日冇鮮魷」，本來唔知點解。搵位坐下來後聽見鄰枱有個男人（似乎係熟客）問了一句：「今日冇鮮魷呀？」落單阿姐回答：「係呀！」之後再看看餐牌，就明白點解。原來其中一款名物正是鮮魷魚！反正並非小編目標，冇所謂。順便截住阿姐落單，揀了另外一款名物沙嗲牛肉公仔麵。其實最出名係米通（後來才知道），即是用米漿做的通心粉，相信係全港獨家；不過，落單時未清楚底蘊，所以冇叫到，只好留待下次再探長洲。餐牌上仲有一種古怪飲品「榨橙」，有熱有凍；再問阿姐，原來係榨橙汁！好懷疑 ⋯⋯ 點解會有「熱」嘅？又要留待下次證實。沙嗲牛肉公仔麵（$34）顏色未算特別吸引，

一共叫咗一個咸牛肉蛋治 同埋一個沙嗲牛米通！米通爽口好好食 沙嗲湯底更加唔話得 非常濃郁 有好香花生醬味 同一艘食嘅一pat沙嗲醬好大分別咸牛肉蛋治入味 好味 下次嚟會想食咖央多士！