陶源酒家 (已結業)

趕著去上堂，拿拿聲，搵間餐廳有得坐，做一陣野，食完就走啦！行過見到熟口熟面的「陶源酒家」。即刻入去，望見點心款式雖然不多，但夠食就得啦！孖寶（兩碟） HK$30.8 ~ HK$34.8，但配搭上有很多限制，若果夾不到喜歡的兩款，就要分開點。我就選擇分別點兩碟我最喜歡的：一碟是（HK$10.8）「香滑芝麻包」，份量剛剛好（兩個小饅頭的size），另一碟是必食例牌點心「時菜鯪魚球」（HK$17.8) ，三球大大粒，有菜有鯪魚，結結實實的，計埋一位茶錢，埋單 HK$45.0 有找。

去megabox睇戲之前， 梗係食個lunch先啦， 晏晝飲下茶食個精緻點心都唔錯所以喺附近揀咗呢間酒樓嘆下茶先秘製妙齡👑皇子乳鴿🕊話明係妙齡， 梗係細細隻容易食😅雖然侍應冇畀淮鹽但係都夠味道別有洞天鴛鴦腸見到就心思思好想試下有幾☆＜別有洞天＞☆黑色腸粉皮應該係用墨魚汁做，白色梗係平時食開嗰啲啦， 感覺有啲似春風得意腸嘅變奏版， 其實都唔錯， 墨魚汁做成嘅粉皮都幾好食安格斯和牛天鵝酥就一般般， 如果有下次寧願食蘿蔔酥🤣🤣春卷有驚喜大大條熱辣辣蝦餃 ／ 燒賣 ／ 山竹牛肉球， 冇特別正常發揮健康之選？紅糙米珍珠雞

服務一流，侍應姐姐又快手，又醒目！👍🏻👍🏻👍🏻有coupon，平日星期一至四，食足2小時，人均消費$580，抵！👍🏻👍🏻👍🏻無諗過竟然全乸，勁開心。三個人食左29隻蟹！蟹粉小籠包超好食👍🏻👍🏻👍🏻👍🏻👍🏻，可惜1人得1隻😞，豆苗👍🏻👍🏻👍🏻鹽焗，清蒸都非常好食，上蟹快，爆糕！其他小食都幾好食，最開心係有壽桃，正！糖水有三四款選擇，非常好。薑茶絕對係不二之選

久仰大名嘅陶源酒家，遲遲未幫襯嘅原因係佢哋個名後邊括住（鮑魚專門店）俾佢嚇窒咗😂今日同同事決定豪一次對自己好啲，即日訂位12:30準時入座，酒樓冷氣非常強勁，唔知係咪想啲人食完就走😵‍💫言歸正傳，睇餐牌發現妙齡乳鴿$35隻非常抵食，於是叫了兩隻試吓，個賣相非常靚仔，雖然個皮有少少冧咗但係鮮味搭夠不用華鹽也非常夠味。另外超好味嘅就係冰燒三層肉，個皮燒到卜卜脆肉味香濃而且仲有肉汁超正👍其餘點心都好好味，包括鮑汁扣鳳爪，蟲草花白玉棉花雞，叉燒腸粉&潮式蒸粉果。另外我覺得普普通通嘅點心包括龍蝦湯鮮竹卷～冇咩味，鮑汁叉燒包& 健康燕麥紅豆包正正常常冇驚喜，不過整體都非常滿意，食得非常開心嘅一餐😊

在Klook買了任食大閘蟹coupon, 平日夜晚光顧，怎料全晚只有蟹乸食，鍾意食大閘蟹的人，大部分都是鍾意食蟹公吧？失望......向職員查詢，他們都承認今晚全部只有蟹乸沒有公，萬萬想不到原來任食的只有單性別。全晚吃了20隻蟹，“有幸”夾雜了一隻公在其中，和先生對分每人叫做有半隻食，皇恩浩蕩。公道點說，食物質素整體是ok的，職員勤快有禮，就是材料供應，怎麼可能這樣？

兩個人偶爾黎到飲個茶，睇門面以為係啲好舊式嘅酒樓仔，但原來啲點心係好潮上菜有啲耐，但食物有驚喜點心拼盤 - 見二百蚊乜都有啲又唔算太貴就試吓，本身對呢啲得個樣嘅點心都冇乜太大期望，點知原來相當有驚喜！每樣點心都做得幾出色，蝦餃皮薄大隻、姬松茸餃好香菇味又特別、鮑魚燒賣大大隻、菜苗餃皮太散。和牛酥香口，但唔覺係和牛、咸水角賣相幾精美、奶黃包略嫌細咗啲。乳鴿 - 三十幾蚊隻好抵食唔算好細隻，而且都多肉！蘿蔔糕 - 太粉，有待改善。鮮竹卷 - 不過不失。

拆禮日加紅日，巨盒附近時見有動漫穿戴之靚仔靚女周街行，可能覓食，估計依佢哋造型唔會去品茶啩，又，橫掂大部分酒樓都唔會有特價點心各樣，索性揀間所有俾分位都中上嘅酒家，例如陶源。早上11點到，接近一整年冇幫襯，果然都維持到狀態。裝修係有啲顯舊，不過依然keep得地方乾淨。乳鴿皮脆肉嫩，窩心哋按人數奉上相應透明手套。咬開時油份肉汁緩緩滲出，難得冇其他地方嘅乳鴿咁鹹，如果鍾意偏淡味，連淮鹽都可慳番，更原汁原味，價錢$38隻算相宜，唔怪得旁邊幾枱客都嗌。別有洞天鴛鴦腸，質感係米網卷，黑色那邊估計用墨魚汁做成腸粉皮，內裡卷住剁碎豬肉、菇菌，白色那邊內裡係鮮蝦，中間縛住3條韮菜花做裝飾。食過幾間酒樓整嘅太極鴛鴦飯，最重料、多汁係呢間，白汁嗰邊用左剝殼新鮮蝦，冇乜雪味，紅白兩邊啲汁都夠包哂啲飯，所以口感會似食意大利飯。鴛鴦香煎臘腸卷（咁啱今次嗌三味餸都「鴛鴦」），唔止臘腸，仲有膶腸、芋頭切條，膶腸味搶過臘腸，油香帶甘，包同芋頭又吸收咗啲臘味味，包亦甘甜。雖然每枱冇保溫壺熱水，不過茶壺開蓋，待應五分鐘就會嚟加水。

雖然呢間酒樓個名好似成日聽但係第一次食一班人食所以叫咗個套餐呢個套餐真係超抵食喎最重要係幾好食🤭$688御品鮑魚四人套餐六個菜再加一個糖水👍🏻黑醋高山木耳酸酸辣辣好開胃👍🏻花膠老雞湯花膠好大隻、雞湯夠濃👍🏻御品鮑魚伴秋葵鮑魚鮮甜又彈牙👍🏻豉汁蒸沙巴仔肉質鮮甜爽滑👌🏻海味雜菜煲呢個普通咗少少但係都好足料嘅👍🏻清遠走地雞雞有雞味😂最緊要唔嚡我哋自己再額外叫咗乳鴿，乳鴿真係勁好食，一定要試呀👍🏻套餐來講呢個都算超班👍🏻大件夾抵食乳鴿最好提前預訂啊，我哋嗰日叫完一碟想再叫已經冇晒🙈

如果自己到九龍灣附近工作，而時間又可以的話，通常我會到陶源飲茶，一隻乳鴿加兩個點心，都係120元左右，坐得舒服又自在，出品又不錯，乳鴿特價食落鮮嫩，點心都可以，如想抵食啲，可以選擇早茶或下午茶，有興趣可以一試。

天寒地凍，尋日下午打去order定晚餐外賣回家兩人嘆。龍蝦自選小菜套餐，4位用。HKD 398 外賣自取價 （優惠價只限外賣自取）。 其實每款都做得唔錯。龍蝦份量略為小d, 如果4人食，真正食龍蝦肉，每人得一細舊， 因為係波士頓龍蝦，都係唔大只，但係真新鮮，彈牙，麵都好好食。另外兩款小菜都做得好出色，好食。 花膠雞湯極濃郁，多湯料，而炒飯略為遜色，冇咩材料炒的炒飯，為一好是真炒到粒粒分明。上湯龍蝦伊麵 100分菠蘿咕嚕肉100分椒鹽豬扒100分廚皇炒飯70分花膠老雞湯95分兩人食4人餐，明知食唔晒，將剩低炒飯及椒鹽豬扒留第日做lunch..... 椒鹽豬扒用氣炸鍋，好正呀。整體其實都ok底食。

飲完早茶，連續再來........燒肉個名唔記得😂🤣😂最重要係食口感，皮脆不肥膩......脆口微熱，堅好味😋菜心翠綠又嫩口，賣相不錯，欠菜味........乳鴿味道可接受，沒特別。紅棗糕比較好，不甜，有口感，可一層一層撕下喇........腸粉就🙅🏼‍♀️🙅🏼‍♀️🙅🏼‍♀️唔一定要食就揀另一樣啦，叉燒飽夠大個，上檯夠熱，味道略淡，不太濃........排骨肉質夠稔，芋頭墊底比例接近一接一，爽口的。整體可以一試，但不會特別想起的店。

今天試過以下的得奬名點: 別有洞天鴛鴦腸HK$57   是粉皮一條是墨汁, 一條是白色一般的, 白色的是很多地方都有的春風得意腸的演化版, 黑色的內餡我也找不出來, 整體味道不錯, 有點新意. 姬松茸遼參粉菓 (大點)   粉菓皮超薄, 一眼便看清餡料, 夾起時不會散開, 確實做得不錯, 滿滿的餡料像個小錢包.香煎芋絲餅 (中點)   這款比前兩款遜色, 味道一般, 油太多, 整個底部都沾滿了油, 本來芋頭絲是很飽肚的糧食, 再加上油份太多, 便變得油膩了.

週末和家人喝早茶, 其實也已經不早了, 都12點多了還有空位不用等位, 可能也是因為位於工商區的茶樓週末沒太多客人吧, 感覺很好很舒服。食物上桌熱騰騰也很美味。 特別欣賞那一例沙薑豬手, 冰冰涼涼的口感, 適當的調味, 好吃的都不夠我們搶的, 然後又加單了一份😋😋。還有這裡的春卷皮非常酥脆, 明顯沒有經過二次三次翻來覆去的油炸, 即使放久了些也沒有狂出油, 值得一讚。安格斯牛肉生煎包，平均HKD10元一個，夠多汁，但牛肉味沒有想象的突出。鯪魚球紮實彈牙, 筷子也難以夾斷。總體來說家人都吃得很滿足, 直言下次還要再來。

又去咗九龍灣搵食，呢間比較偏僻嘅陶源酒家，原來午市都幾多人架，好彩同事有訂位，如果唔係實要等位啦鮑汁鳳爪呢個鳳爪煮得好入味，鳳爪好林，花生亦都好夠多，食落口嘅感覺，好有骨膠原嘅質感叉燒酥酥皮夠鬆化，叉燒餡亦都夠多叉燒王呢個叉燒王認真好食，正宗半肥瘦嘅叉燒，有肉汁唔會乾同硬，配上蜜汁，啖啖肉嘅滋味爽爆咕嚕肉每件咕嚕肉都先經油泡，肉嘅外層成為脆皮，但保留了肉汁，名正言順一件脆皮咕嚕肉鹹水角夠熱到，夠脆皮鹹魚肉粒炒飯炒飯有水準，炒完嘅飯係一粒粒，唔會一pat pat，雞粒同埋菜粒夠豐富，每啖飯都有好多餸喺度，仲有鹹魚香甜。裝修來講，比平時嘅陶源酒家低咗一個檔次，燈光有少少昏暗食物質素好，但價錢較貴

那天晚上和老公去九龍灣參加淩志車會攪的活動後已8時多, 於是就在車行附近的陶源酒家醫肚, 因為我們ㄧ路都是它的捧埸客。步入酒家後看到只有ㄧ張枱坐了客人, 以為離收工時間不遠了, 怱怱叫了2個小菜。 很快地小菜就到, 先來的是炸蝦(忘記全名), 是即做的, 做得不錯, 大大粒, 味道很鮮美, 不愧為陶源的特式菜。跟住上的是梅菜肉粒芥蘭。 賣相及味道都配合得不錯, 配白飯也好好味, 唯ㄧ是肉粒能加多少少就更好了。沒想到晚上來光顧的客人會這麼少, 真怕它遲早冇咗, 要想想辦法了。