陶源酒家 (已結業)

天氣開始有啲秋涼感覺🍂,又係時候食大閘蟹啦🦀!呢日嚟咗九龍灣陶源酒家,五百零蚊就可以實現大閘蟹自由😍😍!佢嘅大閘蟹有三款,有清蒸,太雕蒸🍶同埋鹽焗~雖然啲蟹唔算大隻,但都好爆膏,好鮮甜😋~我個人覺得都係清蒸最好食,點埋醋,食返蟹膏最原本嘅甜味👍~除咗大閘蟹之外,仲有個湯羹🥣,蟹粉豆苗🌱同埋鮑魚🦪係每位都有一份~個鮑魚好腍滑,可惜無得encore...而其他可以無限點嘅嘢食都有好多選擇~例如有片皮鴨🦆,炸豆腐,椒鹽蝦🦐,生炒糯米飯~同埋一啲涼拌小菜🥒~個片皮鴨唔會太肥,滿足我哋人少少但又想食片皮鴨嘅欲望~而個避風塘雞翼好惹味🐔,不過就偏鹹咗啲~其實佢仲有唔少包點同埋甜品🧁~不過我哋唔算叫咗好多嘢都已經好飽了🤰~所以最後只係飲埋個薑茶,因為要驅走食蟹嘅寒氣🌬~而家當月生日嘅🎂,仲可享全枱免費升級啤酒汽水任飲🍻!實行任飲任食!*四位或以上適用呢個大閘蟹任食五百零蚊💰~除咗可以任叫哥三種煮法嘅大閘蟹,仲有咁多咁正嘅菜式任食🤤~唔想食蟹得嚟又擔心個荷包👛,呢個餐實在係大閘蟹迷嘅福音🥰~look 3%優惠碼: HELENCKLOOK

九龍灣分店人流較少，所以食物都上得好快員工服務快又有禮貌（難得！啲蟹都係3-3.5两，蟹公為主但因為當造，蟹膏好鮮好油好好食😋😋😋兩個人兩小時共食咗30隻蟹除咗蟹仲有其他野食不過去得大閘蟹任食，又點會浪費胃容量食其他野呢大家有興趣食嘅記得klook/kkday買，平過店入面買

今年嘅大閘蟹宴我哋去咗九龍灣嘅陶源酒家-任食大閘蟹宴🦀🦀🦀今次嘅蟹宴性價比高，喺Klook買大約$475一位，另有+1服務費，埋單$550一位。前菜都相當不錯，有四個選擇，我們選了蠔皇原隻鮑魚和蟹粉扒豆苗，雖然鮑魚不是很大隻，但煮得淋，容易入口，花菇很大隻👍🏻豆苗亦都很新鮮🥦到主角大閘蟹🦀🦀🦀有三個煮法可以選擇，清蒸大閘蟹、鹽焗大閘蟹和花雕蒸大閘蟹，三個煮法嚟講，清蒸大閘蟹最為出色，因為鹽焗稍為鹹咗少少，而花雕只有淡淡嘅花雕酒味，而且清蒸最能帶出蟹本身嘅味道，今次食主要是食蟹公為主，蟹公雖然冇蟹乸咁多膏，但蟹公的膏較為清香，入口香滑，會食得較多。另外仲有涼拌、主食和甜品，今餐真係非常豐富。

又到一年一度嘅大閘蟹季節🦀，上網睇下有邊度有大閘蟹食嘅時候，畀我搵到陶源酒家食大閘蟹放題好吸引就約埋朋友一齊去食喇位於九龍灣嘅陶源酒家地方闊落，人流唔多，同朋友一齊用餐感覺舒服，可以安安靜靜咁邊談心邊食飯大閘蟹放題套餐兩小時任食大閘蟹$528再加茶芥及加一$58.8~真係淨係食大閘蟹都回本呀放題除咗大閘蟹之外仲有多款任食嘅菜式可以選擇當中包括片皮鴨，主食及甜品~仲有每位送特盛三式: 鮑汁扣原隻鮑魚半百靈菇，金湯小米會遼參，蟹粉扒豆苗鮑汁扣原隻鮑魚半百靈菇鮑魚都幾大隻，夠曬入味，口感煙韌彈牙~~金湯小米會遼參上枱熱辣辣，啖啖都食到小米同埋遼參，軟硬口感豐富蟹粉扒豆苗蟹王味道濃郁甘香，口感軟滑，豆苗鮮嫩可口最大閘蟹有三款口味分別係清蒸，太雕蒸&鹽焗~任食大閘蟹唔hea喎，點完之後上嘅速度都算快，唔會話揼時間叫幾多嚟幾多，全部都好新鮮！清蒸原汁原味，味道好鮮好正太雕蒸感覺好特別，凍食嘅，另有一番滋味~鹽焗就最惹味丫一開隻隻都爆膏，金黃色嘅蟹膏超甘香丫，食到停唔到口片皮鴨好值得食，個皮熱辣辣夠軟身，包住鴨皮同埋醬料配料一齊食，口感非常豐富仲叫咗椒鹽豬小扒，椒鹽海中蝦，避風塘雞翼~炸物做得好出色

大閘蟹季節又到喇每年都會相約朋友一齊食蟹買返屋企又要蒸又要洗太麻煩見到酒家推出大閘蟹放題不用考慮．即刻Book定位同朋友嚟食大閘蟹有三種製法▫️清蒸三款都各有特色我自己就鍾意原汁原味嘅清蒸蟹味好鮮．仲勁多膏▫️太雕蒸啖啖充滿花雕酒味道．原來可以咁夾▫️油鹽焗鹽焗有點鹹香．啜到蟹殼也感到份外滋味除咗大閘蟹之外．仲有多款中菜一如以往好有水準片皮鴨同叉燒超好食食蟹前每位奉送✨ 鮑汁扣原隻鮑魚伴椎茸✨ 蟹粉扒豆苗✨ 金湯小米燴遼參仲有多款甜品今餐超滿足．食到回哂本．約定下次再食

今日黎到位於九龍灣嘅酒家食大閘蟹放題。酒家環境寬敞，有大量圓桌位置，亦有帶麻雀枱嘅包廂位置。點餐紙～🦀大閘蟹放題 $528 / 位今次嘅放題提供三款唔同煮法嘅大閘蟹，包括清蒸、太雕蒸及鹽焗，我哋就揀咗清蒸，因為最能夠食到大閘蟹嘅原汁原味。大閘蟹雖然細隻啲，但係蟹膏都唔少，而且酒家有提供手套同剪刀，方便拆蟹～🔸特盛三式放題每位會送三款額外嘅食物，包括燜得非常入味嘅鮑汁扣原隻鮑魚伴百靈菇、口感豐富嘅金湯小米燴遼參，以及蟹粉份量十足嘅蟹粉扒豆苗。🦆京式片皮鴨、其他主食、小菜放題嘅另一個重點就係可以任食片皮鴨，仲有多款主食及小菜，我哋就比較推介肥瘦適中嘅西班牙橡果黑毛豬叉燒、同埋微酸開胃嘅手拍青瓜🥒🥭甜品而甜品方面，我哋就推介楊枝甘露、蛋白杏仁茶、奶油布甸，三款都唔錯～🌟 #優惠情報🌟酒家而家做緊生日優惠，當月生日者可享全枱免費升級啤酒、汽水任飲（四位或以上先適用）

大閘蟹放題餐😍😍 快又一年又到大閘蟹季節， 啱啱見到已經開始有酒家出大閘蟹放題， 今日拿拿聲收工去九龍灣食😋😋 大閘蟹有清蒸、太雕同埋鹽焗！ 三款都試咗， 當中鹽焗超惹味， 太雕有淡淡酒香👍 總共食咗十幾隻蟹全部都係爆膏😍😍😍 除咗大閘蟹之外竟然扁皮鴨都有得飲食！！！！ 真係不得了食咗超多🤣🤣 外皮酥脆 帶有少少肉， 食落有啲咬口亦唔會過份油膩， 食完好滿足👍👍👍 除此之外仲有海參、鮑魚、同埋大量小菜仲有點心！ 鮑魚非常軟淋淋 好入味😋😋 另外 竟然有一個 大驚喜係佢個避風塘雞翼， 呢個雞翼我真係可以打賭係人生食過頭三名嘅世一雞翼， 外皮非常酥脆而且係生炸嘅口感， 呢一個真係超級驚喜！ 大閘蟹季節一大班人如果去食呢一啲放題嘅話真係好抵食， 除咗大閘蟹仲有唔同嘅小菜又唔使屋喺屋企洗碗非常方便👍👍👍

又到大閘蟹🦀季節啦！ 第一擊黎到陶源酒家食2小時任食大閘蟹放題。大閘蟹🦀仲有3種煮法可以揀：清蒸、太雕、鹽焗🦀由清蒸食起，細嚐蟹鮮原味。開邊爆哂濃濃蟹汁。太雕酒大閘蟹，蟹肉帶有淡雅酒香，幼嫩白滑。鹽焗煮蟹，伴隨適度咸香，香熱蟹羔冒晒煙，入口超鮮甜。話明放題又點只食蟹咁簡單！ 每位一份特盛三式🥢金湯小米燴遼參、鮑汁扣原隻鮑魚伴椎茸、蟹粉扒豆苗。仲有片皮鴨，皮脆肉香。多款小菜、主食都係即點即做。🥢避風塘雞中翼、椒鹽豬小排、白灼生菜、手拍青瓜、涼拌高山耳🥢朱古力鴛鴦奶皇包、流沙芝麻包、生炒糯米飯、鳳城雞包仔等等特別鍾意🦐椒鹽海中蝦，由蝦殼到蝦肉入哂味。🥢脆滷炸豆腐，滷豆腐夠軟彈。🥢川味牛柏葉。香麻味道均衡惹味，爽脆嚼勁，越食越開胃。最後甜品點了楊枝甘露、生磨蛋白杏仁茶、呂宋香芒布甸。當然唔少得薑茶地瓜驅驅寒氣！

眨下眼一星期，今日又到星期六。每逢星期六，多數和爸媽到這裡飲早茶。陶源酒家(九龍灣)📍九龍灣常悅道一號企業廣場期地下爸爸最喜歡一盅兩件， 媽媽特別喜歡他們的生滾粥。生滾雙拼粥$39.8可選豬潤、牛肉、雞件、皮蛋、瘦肉星期六也有早晨孖寶優惠👍🏻， 而且有多款孖寶選擇，價錢不一鮮蝦腸粉拼咖哩魷魚$39.8煎釀茄子拼鳳爪排骨飯$32.8整體來說，我覺得非常抵食。#香港 #美食 #九龍灣 #飲茶 #點心 #foodie

今日兩公婆都唔想煮飯，係Keeta叫咗外賣豆腐嘅營養價值好高，不但含有鈣質、蛋白質、維生素等等，還能有飽足感，是最佳減肥餐單。今餐就以豆腐為主！花菇紅燒豆腐$118豆腐煎至金黃香酥，加入醬油好淋好入味，再加入富含多醣體及膳食纖維的花菇，更加豐盛、營養又美味哦！脆鹵滑豆腐$60外脆內軟、配上酸酸甜甜的醬汁好好味炸得好香脆，冇多餘油分

因為參加咗一個活動認識嘅一班波友，而家間唔中都會約食個lunch大家share啲八卦嘢今次就我哋呻無啦啦要開OT，連星期六都要，搞到打波嘅時間都冇埋。仲要趕頭趕命食完返去開會。我因為遲咗到，佢哋就揀晒食啲乜嘢啦！都OK嘅，冇乜所謂，啱食咪夾唔啱食咪食第樣囉！多人飲茶就有呢個好處，仲要有啲壯男包底。我哋叫咗鳳爪、排骨、叉燒包、叉燒腸 、龍躉籠仔蒸飯、春卷、牛肉同鹹水角五個人份量都啱啱好最失望係個籠仔飯，超級油，龍躉係滑嘅，炒飯都香嘅，不過佢應該臨尾淋咗啲蒜蓉炒嘅油落去個飯度，啲油多到浸住個飯。😮‍💨其他點心都正正常常每人$128

🍽️嘿囉！今次我黎到了陶源酒家，食全都係人間美味啊！首先，個乳鴿真係夠曬水準，皮脆肉嫩得嚟唔膩，咬落去肉汁四溢，好滋味😋！再講下嗰個太極鴛鴦飯，飯嘅每粒都包得住紅白汁，一丁點嘅雪味都冇，新鮮撈蝦冧死人！食落去啖啖都開心到彈起㗎！鴛鴦香煎臘腸卷又有講頭，三種味道融合得黎仲增加晒層次感，清甜芋頭同香滑臘腸交織，真係絕配！另外，呢度飲茶服務都幾貼心，茶水一冷都即刻幫你加水。😌佢哋今次嘅蒸點真係令我喜出望外，菇菌豬肉餃好有驚喜，唔同於平時嗰啲蒸餃，入口即化，輕輕噴香。糯米雞都好啖啖正，紅米嘅嘢點，健康得嚟又唔失味。乾炒牛河更加非凡，芝士汁芳香揪心，牛肉軟滑過癮，一個人都可以輕鬆搞掂！啱啱歡飽將至，今次陶源嘅美饌好正，令人食咗都特登想寫食評分享俾大家知，下次再黎食都唔驚冇新鮮感！🎉

陶源 - 我個人第一次食大閘蟹之最差經驗. 推廣中的任食大閘蟹 $528 一位, 未計茶未加一. 我哋兩個大人一個小朋友總共𠄘為$1809. 即係大概$600 位. 我自己覺得今次大閘蟹嘅質素… 極差! 首先係味道: 如果做 blind tasting, 我唔知道自己食緊咩! 個人覺得啲蟹完全冇味. 蟹膏 - 會以為自己食緊啲蛋黃, 仲要係過熟嘅蛋黃… 其實係比蛋黃更差! 因為如果買到啲靚嘅日本蛋係會有蛋味, 我地食到嘅呢堆大閘蟹, 我地覺得係絲毫味道都沒有, 蟹肉亦都係無味的… 其次就係大細: 唔知每隻有幾重, 好似下面張相所影, 淨係蟹身就係大概, 紙巾嘅一半size 咁大. 最後就係主食: 主食都煮好攤晒響枱度, 冇遮冇掩冇蓋, 顧客自己走出去攞. 好多係灘凍左, 連包填鴨塊皮都唔熱的. 我用同一個價錢去九龍城買返屋企自己蒸, 可以買到6隻足六兩嘅蟹, 相比起今次呢餐, 自己覺得會滿足好多. 是次成為我個人人生第一次食大閘蟹最差嘅體驗 ^以上純屬個人意見^

去完億京中心，再去 Megabox，路經陶源酒家，正是午餐時分，就 lunch 先。 正門睇落好似舊舊的，推開玻璃門，走入去又幾闊落，午餐時分座無虛席，幾有氣氛。早前下載咗個綜合會籍，正有陶源，於是 join 咗，新會員有暑期孖寶套餐：片皮鴨加 上湯浸菜苗，幾吸引就試下。坐落就問職員是否有呢個套餐，一開始話要要預定，可能問咗廚房轉頭話仲有最後一隻，咁樣就落單了。圖片上先，兩人食，夠晒，啖啖肉，兩籠餅皮食到最後一張仲係熱的，贊！白菜仔加上雜菇都唔錯，菜仔嫩！慢慢食，最後又加咗兩甜品：楊支甘露和紅棗糕。甜品唔錯，食到大半，先醒起影...幾好！

星期日十點幾，九龍灣想起上飲茶，megabox可能會多人，想起企業廣場的陶源酒家，竟然還有很多座位，星期日可能沒有人上班，還有30多元的孖寶可點。點了孖寶中的湯鮮竹卷和鯪魚球，鮮竹卷夠熱，有別於別人用芡汁，這陶源是滾熱的湯裏面有豬皮墊底，鮮竹卷有味道但不會過咸。鯪魚球等了好一會，旁邊一張二張枱都說漏單，好彩冇我份，鬼咁大個，這裏偏向白色，沒有太重的胡椒味，比較淋身，味道可以的。最後的特價早點蝦餃（$14.8），有蝦味, 有淡淡的蝦汁，外皮也沒有很厚。總結是雖然其他客人有漏單的情況,好幾枱但幸好我沒有，最後一個人三碟點心埋單價$70我覺得還是可以了，始終味道合格以上，星期日不用等位。總好過在茶餐廳食碟頭飯啦。