陶源酒家

營業中

休息中

踏入秋冬，好多人都喜歡瘋狂地食大閘蟹。我們全家都很喜歡食蟹所以周圍物色一些可以食大閘蟹的食肆。最後我們找到陶源酒家推出了大閘蟹放題，除最基本的清蒸煮法外，亦有太雕蒸及油鹽焗兩種食法中任君選擇。除咗大閘蟹任食，放題優惠更可以追加北京片皮鴨，再送每位加送特盛三式，包括金湯小米燴遼參、鮑汁扣原隻鮑魚伴翡翠、蟹粉扒豆苗各一份，食物質素都不錯。另外，其他美食還有生炒糯米飯、上海菜肉包、鳳城雞包仔、朱古力鴛鴦奶黃包等。小菜亦有椒鹽海中蝦、避風塘雞中翼及甜品等。

以為大閘蟹放題好正，簡直差到冇人有，蟹超細羔冇味應該唔新鮮，其他任食小菜咸到爆，蝦又霉，雞翼，排骨硬又咸，蟹粉小籠冇汁肉硬，其餘小食已不敢要，旦白杏仁茶似滾水冲粉全冇味，唯一楊枝甘露好少少，2座共$1260食垃圾，難怪港人北上不無道理。

陶源酒家 灣仔大同大廈店蝦餃燒賣點心食得出唔係交嚟行貨，蝦餃傳統size ，唔大隻，皮薄。燒賣豬肉肥瘦比例啱啱好，似係自家點心師傅即場製作，綿花雞、排骨、叉燒酥、其他點心 ok有餘。一坐低部長就推介臘味煲仔飯，D臘味都唔錯，個飯焦燶度啱啱好。燒腩仔同口水雞一般貨色，反而叉燒幾好味👍，不過$198例牌真心有點肉赤。咕嚕肉作為中菜嘅考牌菜式，呢度賣相同味道有點失色。🥲最差竟然係個生菜，煮過火淋晒。🤦🏻‍♂️

昨天約咗朋友去灣仔陶源飲下午茶，平時差唔多每次都會叫乳鴿，昨日兩點幾去已經賣晒🥲唯有下次再去過飲茶點心之選，都係蝦餃燒賣…原隻蝦餃：蝦餃皮唔會太薄，亦都唔會太厚，剛剛好，而蝦肉都好新鮮鮮蝦燒賣皇：餡料都好飽滿，上面亦有蟹籽鋪面，咬落去成日有啲肉汁叉燒包：蜜汁叉燒包，個包都幾軟熟金勾鹹水角：呢個沒有翻炸過👍🏻熱辣辣即叫即炸，外脆內軟，裏面都好煙靭南乳花生豬手：呢個炆到好腍好入味花膠北菇棉花雞：花膠同棉花就一般，雞都還可以茶芥$12一位，環境地方幾寬敞，服務一般般

一個價錢竟然可以食到咁多嘢😳大閘蟹嘅季節，梗係要食任食大閘蟹啦！呢度大閘蟹有四款煮法，我自己最鍾意就係太雕蒸，有種特別嘅香氣，而且蟹肉特別甜😝每隻蟹嘅尺寸唔算特別大，但係就有好多蟹膏～況且仲有好多其他菜式，包括任食嘅片皮鴨、各款小菜、點心仲有糖水甜品～唔單止咁，每位來到嘅時候就已經會跟人頭奉上特盛三式，包括鮑汁扣原隻鮑魚伴百靈菇、金湯小米燴遼參及蟹粉扒豆苗😝真係超級豐富呀🤩甜品方面，有各式各樣嘅糖水，包括蛋白杏仁茶、楊枝甘露同埋地瓜薑茶，仲有點心類嘅奶皇包千層糕，記得要提早少少叫壽桃包，大大個超足料！

一行人8個，因為想老人家不用去太遠及太晚吃飯，就選了附近這間酒家吃中午飯。網上訂了片皮鴨套餐，套餐內容是全隻片皮鴨，上檯後🤨🤨。。。。。只得一小碟（無語）宣傳單寫明一隻的。侍應小姐堅持是一隻鴨😡😡😡附圖片吃完後粉皮還有一半，所以鴨一定不是一隻另外點心都令人失望的😮‍💨😮‍💨#燒賣好咸😵‍💫#蝦餃一般🥴#鮑汁鳳爪不夠淋#龍蝦伊麵尚可，酥炸鰻魚好咸😵‍💫#黑椒牛仔骨尚可😌#肉絲煎麵尚可#乳鴿不是太熱的（應該是處理後放涼了）失望😮‍💨😮‍💨😮‍💨💦應該沒有下一次再吃這間店

上星期到灣仔大同中心陶源酒家晚飯，中午去過覺得點心都可以，看到晚飯menu以為有好多選擇，晚上便試吓（以前去過印象頗差），結果一樣的令人失望，全無改善，無論味道和賣相都不似預期，部長態度也甚差，價錢又不算便宜，現在明白到為何港人北上消費。是晚人流不多（約8-10細枱有人）、員工一點朝氣也沒有！短期內應該唔會再幫襯！

服務態度差。成張單漏咗唔跟，sorry都無句。地方燈光唔夠又污糟，覺得自己好似返咗大陸 2nd tier嘅酒樓咁。同我10年前認知嘅陶源真係好唔同。似乎集團有陣末落的味道。

一家人到桃園酒家飲茶，環境寬敞，光線明亮，枱與枱之間有足夠空間，不太侷促。叫了不少點心，有比較普遍的菜式，如山竹牛肉球、鮮蝦菜苗餃、帶子鳳眼餃、荷香紅米珍珠雞、馬蹄牛肉腸、叉燒腸粉等，酒樓正常味道。另外也有叫一些比較傳統，其他酒樓已少見的菜式，如蘿蔔絲酥、古綿馬拉糕、桃園鮑汁叉燒包、香芋四寶滑雞扎等，尋回兒時味道。整體食物以這個價錢來說，水準之上，長輩們都非常開心。算是一間裝修得體，同時價錢平民的酒樓。

灣仔陶源酒家, 是老牌廣東中式酒樓, 今晚約了哥哥晚飯.  睇睇餐牌,  既有套餐, 又可單點小菜.上湯龍蝦燴伊面：熱辣辣的送上,  色香味俱全, 龍蝦肉質飽滿緊實, 鮮甜多汁, 味道鮮美. 用上湯煮更鮮味, 幼滑的伊面配上濃郁的醬汁, 味道不錯.  欖角骨 ~   肉質鬆軟, 好咬口, 外面炸粉極薄,  配上薯仔, 醬汁調味適中.香薑蔥生蠔  ~  鍋仔上枱, 夠熱, 薑蔥爆得香口, 蠔味濃. 海味什菜煲 ~ 有蝦乾及鮮魷, 什菜有菜芯, 白菜及生菜. 上湯底加粉絲, 鮮蝦乾味甜,   好好食. 餐後完畢,  想叫糖水甜品.  但侍應話只有 壽飽無設糖水.   有點失望.酒樓地點近地鐵站, 食物價錢合理, 服務也 OK.

冇諗過豉椒牛河可以咁難食，又冇豉椒味偏甜然後啲河粉差到離晒大譜，疊埋成條厚身，牛肉係可以解體真係唔好話點解香港經濟差？會唔會諗點解個廚房咁差？唔識炒咪去網上搵囉，個大佬點解會唔睇㗎？ 點解可以咁難食？啲河粉可以疊埋。個蒸鳳爪好甜，唯一有水準嘅係隻乳鴿，完

就係三個禮拜前嘅一個禮拜五夜晚，大概8:15左右入去，竟然係差唔多包場咁樣（得一枱客），今晚服務特別好，可能因為冇其他人，好彩佢哋有個建築公司包咗一間房做春茗，否則可能根本都唔開舖！我哋點咗個斑腩煲啦，同埋一個冬菇花膠煲。講真味道唔錯，非常有大酒樓嘅水準，冬菇炆得好林，幫我校就有啲Chiu頭，個四季豆呢就普通啲味道係唔錯，但係可能啲豆唔係咁靚！其實呢間舖我都幫襯咗20年㗎啦，以前嘅時候夜晚都可能要訂位先有得食，估唔到依家想食就可以食！

上星期四特意去幫襯推廣優惠嘅龍蝦伊面底，水準好一般！伊面冇乜味，水汪汪的，整體唔多夠鑊氣！碟欖角骨冇黎睇頭，賣相其差，每件件頭小小的，冇乜得肉食，仲搭啲九唔搭八炸到淋晒嘅？薯條！還叫咗前菜涼伴豬手，未夠淋！碟酥炸素鵝算過得去啦。啲食物跟isquare TST 分店差得太遠！好可惜它因疫情関閉。服務態度真係差，個部長面無表情咁，問佢嘢唔想答，佢個女同事就更差，唔答！反為傳菜姐姐面上掛著笑容，很親切，令人很滿意！個埸好靜，只有數枱客，但啲冷氣開到好似太平間咁凍！令人好失望，乜唔係高級食肆嗎？唔會再去！真係唔好怪啲人北上消費！

年初4和親戚來食lunch，環境ok唔差，嘢食的味道ok，乳鴿平靚正，有幾款點心是出面少見的，可能因為是新年，感到啲員工特別有禮貌，去toilet都有人歡迎咁，不過有兩層，去洗手間要落一層，覺得行動不便的老人家去就冇咁好，整體都不錯，所以每年新年都會去。

服務差，平時叫極都冇人斟水。過時過節就沖曬埋嚟，不斷問攞利是。食物味道都算OK。但係服務差呢，食龍肉都冇味啦。其實經理管理層有冇管理。而家零售晚飯都已經生意唔好，服務質素又差。