陸悅坊

營業中

休息中

因為係公司附近所以都有食開佢既lunch，一向都覺得佢既lunch 以咁平民既價錢提供到咁高水準既中菜，係火炭來講真係好驚喜，而且對佢既中菜質素都好有信心。今次見佢推出盆菜，食材除左鮑魚花膠海参蠔豉之類，仲有我家姐喜歡既鵝掌，而且仲推廣價888蚊，覺得點都要一試。講真我以前對盆菜無話特別喜歡，但今次真係全家都好滿意，而且覺得呢個價錢真係好超值。全部材料都好入味有水準，鮑魚花膠都好有份量，鵝掌同芋頭亦都好腍入味。如果硬要我覺得有咩可以改善既地方既話，可能係希望佢既蘿蔔可以大塊少少，因為食唔夠🤣但整體我真係要俾佢100分。另外我想提一下既係，佢地無大力宣傳，但其實佢地為左支持環保所以有製訂自己既外賣環保餐盒，附近返工既人可以外賣返公司食完後放工拎返個餐盒俾佢地清洗，咁就唔洗用外賣膠盒。一開始佢地無打算收按金，不過我都勸佢地收返50蚊按金，因為我相信如果無成本的話一定會有人唔記得／懶得拎返去還，無謂要店家承擔個成本啦…如果有去買外賣既人都想減少膠盒垃圾，歡迎去支持下佢地個環保外賣餐盒服務。

火炭工業區，完全無唸過有如此水準餐館，Fusion菜，有京菜，有潮州菜，有川菜，有海鮮，有台式甜品。我試了以下幾款，全部對板，尤其海鮮，聖子王真係無得頂。 醉雞食到有玫瑰露酒香，肉質嫩有雞味蠔餅有驚喜，唔係好似外面食個種，鮮香有口感。仲有柚子蜜桃蝦球，必試清新口味。小籠包肉汁多，不過唔算有驚喜， 中規中距 。甜品有我最喜歡台式仙草芋圓，還點了桃膠椰汁露，完美句號。 而最值得一讚係服務，我們坐房，服務員不斷入黎換碟換熱茶

今日中午同母親大人去火炭寵物店度等狗狗沖涼嘅時候，去火炭行下有咩食🤪發現特別嘅嘢食唔多，餐廳都唔多，行行吓突然見到一間外觀好靚好傳統好特別嘅餐廳，叫陸悅坊。入面主要係食台式食物，有鹽酥雞啦、有肉操飯、有涼拌小食、台式飲品、亦都有好多特色小菜。價錢亦都好合理，味道超好，環境舒適，唔會太擠迫，侍應嘅服務態度都好好。👍🏻👍🏻1. 肉絲炒麵 嗰餐係會配埋湯同埋飲品，肉絲炒麵個麵底好脆，肉絲好入味，見到餐廳好多人都嗌呢個餐，母親大人都話好好食😍🥰個湯好清甜好好飲。2.鹽酥雞配肉燥飯套餐👍🏻⭐️⭐️⭐️⭐️⭐️個肉操飯我簡直比一百分佢，肉燥好入味好濃郁，飯嘅質地唔會太硬，配合埋個肉燥嘅汁同埋醬好好食😋碗飯我完全食曬😍😍下次一定會再去食過真係好好味！！！鹽酥雞唔會太大粒，好容易咬👍🏻👍🏻雞肉嫩滑，好好味😋😋😋飲品方面，我叫咗百香果綠茶🍵，好好飲好好飲，酸酸甜甜有啲綠茶味，勁正。母親大人叫咗芋香奶茶佢都話好好飲😌呢間簡直係火炭工業區恩物啊！大家一定要試！

同同事傾開話火炭開左間新野幾好咁，就約下午出去試下，一行3人，急腳滾落山坡去排隊。。。不出所料門口有人已排隊，人數唔算太多，門外仲有檔佢地鋪既珍珠奶茶店，所以預料到除咖啡茶，仲有其他台式飲品。。等左3個字有位入到已經一點半拿拿聲落單，lunch set 價46至60以上咁見佢地個鹽酥雞都出名咁我同另一個同事一起叫，另位同事叫左酸辣魚薯粉，兩個冬瓜茶，一個珍珠奶茶，另叫左碟小食麻辣豬肚等左一陣就到，鹽酥雞係併鹵肉飯 ，有湯同小配菜，整體全部都好食，同事都話唔錯，雞夠香脆，鹵肉飯唔會話好肥適中，飯好食，湯無味精，配菜就一般。另同事酸辣魚薯粉，因開初以為湯底係酸辣，原來係個酸菜，湯係無味只有辣咁，薯粉係較幼身，魚係鯇魚可以算滑，整體一般。至於小食豬肚，就不以預期，其實醬汁同肚好食，但全部野係分開，預期係混好一起而家青瓜一邊，肚另一邊，醬就咁放面。。唔知係咪另一個做法野飲ok,唔會話好甜又夠味整體唔錯會encore

公司附近開了新餐廳，門口還有茶飲外賣區，心想如果好喝以後就可以午餐後買一杯享受。檸檬愛玉冬瓜茶 $22由於新開張，製作時間需要長一點，價錢上可以接受。我叫的檸檬愛玉冬瓜茶是微甜，出來的味道也不算太甜，而且愛玉份量很多，唯獨比例上不太到位，檸檬澀味依然存在，冬瓜味相對地弱，令檸檬未太強烈，等了這麼久才有一杯這個程度的茶飲，下次還是不要喝好了。

火炭工業區餐廳通常係茶記比較多,有時食得多都悶,難得見到有新餐廳,就忍唔住試下啦!由於今次得我一個人,所以就算係午餐時間,都好快有得入座~入到去見到有人食酸菜魚薯粉,未坐低就已經決定叫佢~不過當坐低嘅時候,隔離枱有四個OL都叫咗招牌鹽酥雞肉燥飯,望落其實好吸引！ 不過我唔可以咁花心架,所以都係叫番我嘅酸菜魚薯粉~落咗單等大約六七分鐘左右就有得食~望落去都幾大碗,而且有青瓜做前菜,仲有粉葛排骨湯,我仲加咗8蚊要珍珠奶茶~講下個味道先,青瓜好清新爽脆,個湯都幾好飲,珍珠奶茶夠凍,可以消消暑,珍珠都幾有咬口,而主食D魚好滑,不過冇咩酸味,如果有埋辣味就更吸引！薯粉本身以為係粗身嗰隻,但原來係幼身 好彩質感滑叫搭夠下,整體都叫唔錯啦！下次黎,要食鹽酥雞肉燥飯~等我啊!

因為在公司附近，又有台式飲品，非常吸引第一次試過鹽酥雞飯外賣，鹽酥雞炸的火喉適中，外脆內滑，隨餐有開胃前菜同中湯，同樣水準不俗這次試堂食，因防疫措施，小店安排座位有困難，尤其是我們一行5人更不容易。幸好小店員工有禮，等一會也不是大問題。原來店內裝修有古鎮小城風，有點像山水畫那種。很喜歡💕堂食比外賣更為出色，中湯足料又冇味精，加配珍珠奶茶只需$8！水煮魚又滑又入味，鹽酥雞保持水準！看來要計劃試試晚飯小菜！很期待！