陸悅坊

營業中

休息中

今日中午同母親大人去火炭寵物店度等狗狗沖涼嘅時候，去火炭行下有咩食🤪發現特別嘅嘢食唔多，餐廳都唔多，行行吓突然見到一間外觀好靚好傳統好特別嘅餐廳，叫陸悅坊。入面主要係食台式食物，有鹽酥雞啦、有肉操飯、有涼拌小食、台式飲品、亦都有好多特色小菜。價錢亦都好合理，味道超好，環境舒適，唔會太擠迫，侍應嘅服務態度都好好。👍🏻👍🏻1. 肉絲炒麵 嗰餐係會配埋湯同埋飲品，肉絲炒麵個麵底好脆，肉絲好入味，見到餐廳好多人都嗌呢個餐，母親大人都話好好食😍🥰個湯好清甜好好飲。2.鹽酥雞配肉燥飯套餐👍🏻⭐️⭐️⭐️⭐️⭐️個肉操飯我簡直比一百分佢，肉燥好入味好濃郁，飯嘅質地唔會太硬，配合埋個肉燥嘅汁同埋醬好好食😋碗飯我完全食曬😍😍下次一定會再去食過真係好好味！！！鹽酥雞唔會太大粒，好容易咬👍🏻👍🏻雞肉嫩滑，好好味😋😋😋飲品方面，我叫咗百香果綠茶🍵，好好飲好好飲，酸酸甜甜有啲綠茶味，勁正。母親大人叫咗芋香奶茶佢都話好好飲😌呢間簡直係火炭工業區恩物啊！大家一定要試！