陸記

營業中

休息中

唔想比人無視座係到10分鐘就不建議你去 佢間野返返90年代 同時代脫節 服務態度差過澳牛 澳牛起碼會幫你落單 可能老闆唔喺度啲員工就非常放肆落單好似乞求佢咁 叫左10幾聲2個待應扮聽唔到 無視你做其他野 一入去座低個男人比左杯水你 本身想叫埋野 佢即刻擰轉面走 唔想比機會你叫野咁!!!之後佢係到汁枱 做下d無謂野都唔幫我落單 然後佢竟然座低除口罩休息 過程中我不斷大聲叫佢 然後有個女人黎召呼熟客 一樣無視我 大聲叫佢都無用 我無奈只好走人 其實客唔算多 唔知點解係得我一個人喺度大叫落單都冇人嚟

這間店舖都沒有怎麼作招徠，因為門口都沒有放餐牌吸引食客。但後來/我在網上看看，發現原來海南雞飯或是沙薑口水雞的款式也挺為划算，於是就進來試一試。看到這個海南雞，雖然他不是怎麼正宗的海南雞，因為雞肉以及雞皮看起上來都偏向深色，不像是馬來西亞還是泰式那些偏向白的海南雞，而且味道欠奉，既沒有什麼肉味，亦沒有雞味。不過，至少它分量充足，雞肉夠多，除了一些雞胸，還有部份是雞腿，份量夠多，最少有8至10件，而且不算太過乾身。號稱是泰式海南雞，配料就有酸甜辣汁以及薑蓉，有飯的味道也欠奉，不覺得特別香濃，亦都不會有油膩感。但至少它努力去模仿，至少雞肉夠多，至少他都有將骨頭去掉，因為有時你去所謂的海南雞專門店，連去骨都要加錢，又或者完全沒有這個選項，那就更加令人感到頹廢。吃一大碟飯以及8至10片雞肉，其實已經很夠飽，但由於這天看完美國職業籃球聯賽都不太精神，喝了一杯鴛鴦走。鴛鴦走的味道也挺融和，好像奶茶咖啡的味道融為一體，不會有任何一種喧賓奪主太過搶，聯合起來也不覺得太甜，提神一流。

星期六落好大雨，但我地答應左拎野去沙田比人，好彩去到沙田時已經冇咩雨，難得來到沙田係禾輋到行左一會， 見到呢到有間陸記，不斷都好多人買外賣，見咁多人幫襯，我和仔仔肚仔又開始餓就入左去食。我比隔離枱碟炸魚皮吸引左， 大大碟，我二話不說就即落單，一碟炸魚皮，一碗牛三寶麵（牛腩＋牛肚＋牛筋），為食仔仔竟然叫左份咖喱牛扒腸仔飯， 佢話自己好餓，所以超想食飯喎。我碗麵的牛腩炆得好入味，牛筋又夠淋， 夾起件炸魚皮點落我碗湯到食， 超正，因吸收哂d牛汁咁。仔仔自己KO 哂碟飯，佢話咖啡唔辣的，都好岩小朋友食。

位於沙田德厚街3號禾輋邨厚和樓地下18號舖的陸記，是一間頗為經濟的茶餐廳。茶餐廳的午市客飯連飲品約五十多元，而且份量十足，適合打工人士。另外，茶餐廳也提供學生餐，外賣價三十五元便可，還奉送汽水。點了一客牛三寶飯，當中包括牛腩、牛肚、牛筋，三款牛都炆得十分入味。下單時特別要求牛三寶和白飯分開送上，白飯不會變得糊糊的。個人最愛吃牛筋，炆得軟軟的，膠質豐富。牛腩和牛肚的味道也相當濃郁。朋友則點了 秘製口水雞飯，雞肉的質感嫩滑，配上相當刺激的口水雞辣醬，伴飯一流。朋友的雞飯還會奉送一碗紫菜湯，相當足料。飲品則點了一杯香滑的凍奶茶及凍阿華田，味道也頗為濃厚。

今日約咗朋友去沙田拎嘢畀佢，朋友話不如留喺沙田陪佢食晚飯，咁我見今晚冇約人好啦，就陪下佢食晚餐啦。之後佢就帶我嚟到陸記，我問佢點解要帶我嚟嘅佢話你只係鍾意食粉麵 ，而我偏偏只鍾意食飯，所以呢度就可以啱曬我哋兩個口味，因為呢度咩都有。 我朋友叫了牛扒餐肉飯 配咖哩汁， 飲凍可力 ，而我就叫咗牛雜雲吞河，加 一碟炸魚皮 和一罐可樂 。我偷偷地試咗個咖哩汁， 唔太辣好開胃， 牛扒份量都算大 ，而我的牛雜雲吞河牛雜好入味， 個腸我最鍾意食， 而 個炸魚皮點落我碗粉到食， 吸曬啲湯汁好味，就算唔點湯，就咁食都好香脆。呢到多款菜色選擇岩曬唔同口味的朋友一齊同枱食飯 。

禾輋已經變成沙田市中心的平呢食堂，因為新城市越來越貴。今次去左間新的茶記，試左個海南雞飯（海南雞應該係呢間的主打）🔅座位新裝修所以幾乾淨，座位亦夠寬敞，坐得幾舒服。🔅海南雞飯🐔雞好滑，有雞味，除咗隻雞翼係有骨之外其他都無骨，師傅處理得好好吾會有碎骨，另外吾似得其他店為左令隻雞滑d未完全煮熟搞到啲骨見血。兩個汁都ok，係正常的。飯方面就用左長米，係黃油飯，濕d更好。🔅檸啡🍹檸啡就唔係間間食店有，不過不失。😋味道：7/10🙃回頭：7/10💰消費：$75

平時較少寫食評，但今次有啲啲忍唔住，原以為點了平平常常菜式，但每種都竟然可以奇奇怪怪咁...叫左3個飯海南雞飯，上海排骨菜飯，牛三寶飯海南雞飯間鋪叫得自己做海南雞飯專門店，諗住實有番咁上下架啦，基本海南雞飯會跟個雞湯，點知佢跟個魚蛋粉既味精湯加幾條紫菜，不倫不類，而個飯就只係有味黃薑飯，食得出無雞味，而隻雞呢...應該係幾款雞飯既百塔雞，即係沙薑雞又係佢，口水雞又係佢，換句話說，即係一個字，"雞"...🤣上海排骨菜飯呢個飯其實好難唔好食，但個菜飯係用菜心莖，呢個唔緊要，但個飯竟然係海南雞個黃薑飯底，有冇懶到咁，菜加黃薑味，個感覺....唔知點講，到個排骨...應該講係濕勁豬排，番炸炸到又乾又硬，一個字，"怪"……牛三寶飯又叫自己係粉麵專門店，咁牛雜都唔會難食排，點知...食完，得個咸字，係死咸，無腩汁味，真係得個咸味，無其他香料味，而個蘿蔔...十足一個好粉既蘋果咁最後，最好味係個白飯，因為無野彈

今日來到沙田的一間茶餐廳食晚餐, 我們二人叫了牛雜三寶米粉和沙薑雞飯, 大約$30~40一個餐, 還送兩杯飲品, 價錢絕對合理!味道方面都唔錯, 牛雜好焾, 份量算多, 米粉是有彈性那種, 爽口不易斷, 這個餐還送例湯(紫菜湯)。這碗湯味道很夠, 不會覺得淡~而沙薑雞飯, 雞的份量都算多, 好像雞扒一樣, 最鐘意就是完全無骨啖啖肉! 不會過油, 點上沙薑可以吃一碗飯!另外我們加叫了一個油占多, 果占加牛油是絕配, 超邪惡呀~ 麵包烘得剛好, 不會過燶, 小小脆口熱辣辣, 不錯!飲品方面推薦柑桔蜜, 味道濃, 好像再加了檸檬汁, 感覺清爽酸酸地, 都幾開胃解膩~

呢間茶餐廳既水準幾好，餐牌種類多，而且抵食又大碟!! 侍應服務態度都唔錯～泰式海南雞飯 ($45)似係佢地皇牌既野食，所以就試下～我覺得個雞都幾滑，同埋好薄皮👍🏻，通常出面都好肥....同埋都有成差唔多半邊雞!! 所以都幾抵食呀😛 仲有個紫菜湯，有少少胡椒味，好香❤炒貴刁  ($48)呢個既份量超級大份!! 😃最後都只係食左半碟，唔算好油，仲有好多叉燒條，所以都幾足料，重點係只係勁少辣🌶 所以怕辣既人都食到嫁～ 加埋個菜蜜，真係幾襯～係茶餐廳既質素黎講，係超級大碟，同埋職員既態度都唔錯，上菜都好快，所以如果趕時間食個快餐，都係一個唔錯既選擇喔🤟🏻

朋友知道我有寫食評的習慣，便特登帶我來試唔同的小店。若非她帶路，絶對唔識嚟。它在禾輋商場旁邊，主打清湯腩及雞，突然令我想起石門另一食肆。餐牌選擇不算很多，但已足夠。午飯通常不會太餓，所以揀了原汁牛腩河加魚片頭（$41-）及另加熱檸茶（$7-）。牛腩河外表中規中矩，有5至6件牛腩及魚片頭，餸的份量合理。我喜歡先試湯底，味道不夠新鮮，雖然清甜，但有味精。河粉份量唔錯，粉亦很滑！牛腩卻出奇地好味，很稔兼充滿牛肉香味，一點也不肥膩。配埋魚片頭，一稔一爽，有豐富口感。魚片頭魚味不濃，爽口彈牙，OK 啦！👍🏻