影片
以上資料只供參考, 請與餐廳確認詳情
食家推介
相關文章
陽光茶餐廳係慈雲山已經開咗好多年但係就好似一直都冇咩點改善咁上個星期同朋友食左一個揚州炒飯同埋乾炒牛河佢啲凍檸茶就算叫左少甜都係好甜慈雲山有好多好嘅茶餐廳如果唔係真係好鍾意就唔好食呢間啊
繼續閱讀
慈雲山區內有好多茶餐廳，其實你話有無邊間做得特別出色呢？我覺得間間都差唔多~~陽光算係我地成日幫襯既外賣茶餐廳。原因：平靚正~~❤豉椒雞柳飯 -份量好夠（好多雞）-夠鑊氣-味道 ok$31 （包飲品）仲要連外賣！另外，朋友叫雪菜肉絲炆米，多到佢可以分兩餐（當然佢都算係細食既），佢話好似五餅二魚，食極都有 😂😂另外，值得一提，因為平時陽光好多人叫外賣，佢有好多外賣員工，所以算幾準時。你知，其實叫得外賣都想快點有得食，所以都係一個因素我地會keep住叫佢。
繼續閱讀
1678 瀏覽
又喺一年一度嚟鑽石山墳場掃墓，端午嚟掃墓相信都好少人會咁做，不過，我哋就年年如是，皆因喺先人正日死忌，再者，端午大家都放假容易就，而且墳場無乜人，唔使擔心人多擠逼。完事之後，都會晌慈雲山附近食飯，過往幾年去敘苑，今次走過啲巷仔試另一家小店「陽光」。晌毓華里、慈華里附近一帶，橫街窄巷，有好多食店，形形式式乜都有，正值午市普遍間間都好多人幫襯，「陽光」都唔例外。入到店內，地方都叫得做淺窄，搭枱就更喺必然，不過，食個晏快上快落，都無乜所謂。茶記嚟嚟去去都喺咁上下，所以，都唔使花太多時間點睇。午市就當然有午餐供應。啲午餐好平，4揀1，包餐飲，款款都只喺$28 。特餐，可以講喺車仔麵餐，不過，除揀餸料外，亦都有唔同變化，就喺分為：A款（$27）：任選1款配料拼公仔麵、米線、通粉、米粉、意粉，加牛油方包，火腿奄列；B款（$27）：任選2款配料拼公仔麵、米線、通粉、米粉、意粉；C款（$30）：任選2款配料拼公仔麵、米線、通粉、米粉、意粉，加牛油方包，火腿奄列。又喺抵食之選，仲包埋餐飲 。 沙嗲牛肉、紅腸配意粉 $27 細妹較鍾意食湯粉麵，所以揀咗兩餸特餐，湯頭唔算話好特別，都喺一般茶記雞湯，但餸料就真喺算幾多，佢都話味道唔差。 凍奶茶少甜（凍飲+$1） 茶記都喺奶茶正，所以，佢都揀奶茶，味道如何？凍嘅我唔知，熱嘅等陣講。碟頭飯一大版餐牌印晒，茶記常見嘅，都可以話應有盡有，價錢都喺$30-$35，包是日例湯或啡茶。咖喱系喺自己比較鍾意嘅心水，所以，揀個豬扒飯。 青紅蘿蔔煲豬骨 雖然寫到明喺奉送即日例湯「或」啡茶，但當我點完個豬扒飯加杯熱奶茶，無耐就送上例湯，我話揀咗熱飲，個靚姐就話個湯喺送嘅，真喺大方唔話得。簡單一碗青紅蘿蔔煲豬骨，對好多平時無乜湯水嘅人而已喺好好嘅甘泉，講真，個湯亦都唔錯，唔會淡而無味，有點肉骨香味。 咖喱豬扒飯 $30 依家啲快餐店、茶記就算唔加你價，餸料都會越嚟越縮，不過，眼前碟咖喱豬扒飯豬扒實在唔少，大大細細計埋有成5塊之多，非常抵食；味道如何？豬扒都幾鬆化，唔會炸乾到柴皮，咖喱汁就還可以，有咖喱味卻未夠香，同埋有輕微偏鹹，不過，只喺收得你$30，包埋嘢飲，你仲想點！ 熱奶茶 大至上，茶記嘅奶茶好少差得太離譜，而「陽光」嘅奶茶亦OK，茶底夠香，口感較滑，茶味再濃啲就更合小弟心水。不過，佢杯奶茶好細杯，拍埋杯凍飲就易啲比較到大細。雖然佢哋啲食物做得唔算出色，叫做平平穩穩，但明白點解都有咁多人幫襯，皆因抵食夾大件，基本上$30唔使就一餐，份量又足。對好多打工仔、低下階層而言，好一餐，唔好又一餐，飽肚先喺王道 。
繼續閱讀
間茶餐廳野食係平嘅但係味道真係一般尤其係d飯煮得大耐太軟 感覺好似索哂水嘅粥咁真係有d難入口 不過呢到嘅扒類總算係不過不失啦我所點嘅凍咖啡飲落口就知唔太夠奶 成杯齋啡咁 真係幾難頂最後我都冇食哂就走左
繼續閱讀
好多人都話陽光啲野唔好食，但都係果句啦，佢夠平嘛！每次屋企無人煮飯，又唔想落街陽光就係我嘅好朋友！之前都試過叫炒粉麵之類，的確好唔掂， 最後俾我試到炒飯類係食得嘅。以下係我試過的推介西炒飯：有生菜、火腿、雪藏蝦仁、蛋絲，味道鹹鹹地菠蘿牛肉炒飯：有生菜、切到好細粒的罐頭菠蘿同切到好碎嘅牛肉粒，味道都係鹹鹹地廈門炒米：有芽菜、火腿、雪藏蝦仁、蛋絲同味精有點奇怪的榨菜，不過係茄汁底，味道酸酸甜甜都ｏｋ嘅其實無論叫咩，得出黎的材料都係差不多，只係味道有少許變化 仲有最好就係係想走咩都可以，只要係電話講清楚就得了
繼續閱讀