隆姐泰國美食館

營業中

休息中

家人生日去食泰國菜，佢地推介隆姐，貪佢抵食又正宗，即管去試下。5個人叫咗8樣野食，雖然碟碟都係幾十蚊，但份量都算多喇!去食泰國菜必叫生蝦，隻蝦好大隻，新鮮爽口，夾埋生蒜點埋啲汁酸酸辣辣好好食。掙扎咗一陣應該要芒果沙津定係青木爪沙津好，最後要咗後者，啲木瓜有啲硬，同埋有啲過辣。炸蝦餅，熱辣辣又香脆，好香口好好味。飛天通菜，辣度剛剛好，正常發揮。冬陰公湯，有大有小，侍應話小嘅4人份量，大嘅就6人，於是叫咗個大，點知嚟咗兩個小，佢話大嘅冬陰公湯係咁，我心諗咁咪即係8人份量。算啦，冬陰公湯都算足料，一兜有2隻大蝦，有啲菇，酸酸辣辣好開胃，不過要小心細細粒青色辣椒，食中辣到飛起。另外仲叫咗青咖哩雞，嗌咗個印度薄餅一齊點汁食，好香好好味，呢個唔辣嘅，可以中和番!蟹肉炒飯，食咗咁多濃味野，再食呢個好似冇乜味，比較失色。飯後有椰汁西米露送，5個人食咗$600幾蚊，夠飽大家都好滿意。

利申：本人非常喜歡食泰菜，源於屋企開泰菜館，請的是泰國前泰皇室御廚，十幾年不敵地產霸權。我對泰菜有要求，食均全九龍城既泰國菜館。所謂出名果幾間，又貴又唔好食🙄呢間隆姐食左好耐，菜式係咁多間之中最平均。生蝦真係無得輸，又大又厚肉又新鮮，唔早叫係會賣晒既其中一道菜。今日就一坐低就叫三碟，呀姐問左幾次以為聽錯😂之後等蟹再黎多碟，痴左😂佢個汁係正宗青辣椒加青檸，而唔係其他菜館既全天候辣汁，配蒜片食真係辣上腦。咁既時候當然係叫芒果冰😻芒果冰濃到呢根本就係芒果汁黎勁好味，一杯唔夠飲，叫埋另一好野龍眼冰。佢哋啲龍眼冰用泰國龍眼磚煮嘅，好正所以好濃味仲好多粒龍眼乾呵呵。第二樣叫既係唔多人叫唔到既咖哩蟹。哈哈，因為呢兩個海鮮精心癮起，唔理兩個人照叫😂叫埋又係限定既蒜蓉包呵呵。泰國咖哩特別之處係唔太辣，多配料易入口。煮既時候其實椰汁用唔多反而花奶要多先滑得黎唔搶味，上碟前加蛋快推個汁嘅時候要好快手先會滑口唔老。呢間果師傅炒得好好（哎呀唔係間間都好食架）次次都炒得好好難得，蟹夠大隻，貴就貴啲不過值既。再追加個蒜蓉包攞嚟點汁食。蒜蓉包唔係法包黎，似豬仔包，蒜味濃，個包好脆，配埋咖喱汁冇得輸。想叫好多嘢食但係得

九龍城區泰國菜館有唔少選擇，今晚過到黎已經係10:00，於是揀左呢間尚有少少人氣既泰國菜館。隆姐位於衙前塱道向南角道方向既最盡頭，招牌黃底紅字大大個好易認。餐廳環境比較舊式茶餐廳既感覺，卡位如果後面張枱個人郁一郁都會整到你，所以如果想舒舒服服坐耐啲傾下計呢度未必滿足到你。餐牌上選擇好多，前菜沙律、海鮮、湯、甜品樣樣齊，一般泰國菜館有既呢度都有。亦有好多款已拼好既套餐可以選擇，我地都揀左個2人餐，有海鮮冬蔭公、飛天通菜、泰式鳳爪、蠔餅同兩杯特飲，由於我地唔想食蠔餅想食生蝦，所以膽粗粗咁問下阿姐可唔可以轉，佢可以比我地補返少少差價轉，如果你地套餐都餸唔岩食都可以試下問一問 酸梅冰 + 龍眼冰 - 酸梅冰好特別，真係成粒話梅溶左落去咁，甜甜地酸酸地又解渴，可以一試泰式生蝦 - 夾埋蒜頭辣椒，再點埋個汁，同平時食到一樣好味飛天通菜 + 泰式鳳爪 - 通菜炒得OK，青青地岩岩好，鳳爪普普通通海鮮冬蔭公湯 - 夠哂辣，入面仲有大蝦，好惹味，不過略嫌味精過多飲完個口好乾係咁飲水個餐大約$300左右2人份量剛剛好，記得如果個餐有餸唔岩不妨問一問阿姐可唔可以轉 隆姐響九龍城有2間分店，個人兩間都試過，覺

作為一個泰國迷，又搬左去九龍城年幾，都無乜點食下泰國野(食住家飯多)!朋友提議去我屋企附近食晚飯當然無理由拒絕啦。識揀一定揀舊式小店，今次朋友帶我去隆姐食好西。我地8點左右去到唔洗等位，由於得2個女仔野食嗌得唔多生蝦必嗌是常識吧！d蝦大隻同爽，不錯。略嫌個醬唔夠辣！青木瓜沙律都係覺得唔夠辣炒金邊粉。普通馬拉盞炒芥蘭。d葉有d老食完仲有糖水送整體覺得味道一般，唔夠辣。

九龍城很多泰菜，出色的不少但芸芸中，我最喜歡隆姐沒有特別裝潢沒有live band但有份簡單的美味已經光顧了好幾年餐牌差不多都試過但生蝦一定次次叫蠔仔蛋非常足料椰菜苗個人十分喜歡鴨河香而不酥（今次略淡）豬頸肉生菜包略咸（今次冇叫）比起附近那些名人店或其他的隆姐實而不華！

九龍城的泰國菜選擇眾多，是日和朋友到隆姐泰國餐廳用餐，是一間頗舊的小店，㸃了一小窩冬蔭公湯，看似色香味濃，喝下去覺得味道有點偏鹹略為扣分。兩隻燒雞全翼，夠大隻而且肉滑雖然燒得未夠焦香，不過味道不錯。串燒收费五十八元半打，不過冇牛肉揀，點了豬肉和雞肉，串燒肉厚嫩滑沙嗲汁香濃惹味，除了稍欠温度屬水之作。飲埋支泰國啤洒也止不了口喝，回家要再喝兩罐汽水方休。

好幾次經過九龍城衙前塱道的隆姐泰國菜館，都見客似雲來，是曰終於和朋友去用晚餐小店面積較細，平民化格局，看看餐牌價錢大眾化，我們一行五人各自點選至愛先來泰式柚子沙律材料每間泰國餐廳分別不大，不過她的沙律汁的甜、酸、辣度恰到好處，惹味可口。雞肉河粉用上雞件，算是重本，而且雞肉完全沒有雪氣味道，可惜湯底淡而無味泰式串燒只有豬和雞肉供應，沙爹汁醬香濃，豬肉和雞片都焦香肉滑泰式飛天炒通菜馬拉盞味道欠濃香，通菜老身有渣燒雞翼每隻十四元如此size和賣相超值之選其他菜式如：炸蝦餅炸魚餅香葉肉碎辣椒炒飯還有至愛冬蔭公湯，色香味俱全，可惜沒有拍下來，如此小館有這樣的出品讓人驚喜。

是晚走到去九龍城買曲奇送禮，買東西後又去覓食了，有一間泰國餐廳一值我都好想試，平時經過都有不少客人或者門外都有不少客人等待外賣食物，它就是「隆姐泰國美食館」，晚上己經差不多9點幾，所以現在都不會太多人，其後我就去到此餐廳食晚飯。食物價錢都不會太貴，款式都不少，環境方面比較簡約一些，安頓座位後店員奉上了一杯溫水給我。好耐都食泰式青木瓜沙律，我向店員要求少少辣，幸好辣味真是不是太辣，青木瓜絲好爽口，吃起來都感覺新鮮，有蕃茄的酸甜又有花生粒，口感豐富相當醒胃。主菜方面個人選擇了海南雞飯，海南雞的肉質太老嚡口，雞肉煮得過熟，油飯又晤香，真是好差。整體方面食物水準有好有壞，可讚店員都好有耐性又熱誠解答客人的問題，茶錢要收$2(但是供應飲用水)。

不過不失。叫左個海南雞飯，雞同飯都冇特別。雞冇特別滑又冇特別有雞味，飯又冇果種黃油飯香。蒜蓉炒椰菜苗，蒜吾多菜冇咩鑊氣。燒雞全翼都係冇特別。蒜蓉包，包質地夠脆夠軟熟，略為淡味。芒果糥米飯，飯吾夠煙奀，芒果吾甜微酸。仲有蚊之嬲住矖，oh煩c

吃貨友人介紹一家在九龍城的泰國菜說很正，昨晚終於行動起來去吃！九龍城的泰國餐廳多不勝數，開始不知道原因，後來才知道二三十年前九龍城寨有很多人去泰國娶妻，泰國人才慢慢在這裡落腳，並把自己正宗的家鄉菜引入這區。我們今天要去的餐廳叫隆姐泰國美食館，因為沒有地鐵站，坐巴士可以到，這裡很適合自駕人士來，weekdays在附近不難找車位！ 這家餐廳裝潢很樸實，和我們的茶餐廳差不多，店員姐姐都是泰國人但能講流利廣東話，要吃好吃的我不會太介意環境哈哈！餐廳可以預定座位，我們去到7點半已經差不多坐滿了。我們點了還蠻多，都是小食佔多。首先有泰式炸蝦餅。蝦餅是切半上的，有六小塊。我略嫌炸得太油，但味道是很棒的，點上甜辣醬很香口。我們還點了雞和豬的綜合沙爹串燒。一共六串，沙爹醬分開放在一個碟子上。雞肉還蠻滑，但豬肉有點硬比較難咬，沙爹汁比較稀，不是很濃稠那種，但不辣，味道很不錯。青菜點了炒通菜。裡面放了通天椒，所以吃起來有點辣。但蒜炒得很香，通菜很爽口。主菜我們點了咖哩雞大包。我覺得這個很特別，以前有看過別人吃，這次第一次試！這是一個很大的圓形麵包裡面是空心的，放的就是咖哩雞！麵包外皮烤得很脆，裡面很軟。大家

昨晚和家人來吃飯，選了一號套餐，但改了那個飯為二號餐的菠蘿炒飯（Fried Rice with Prawn & Pineapple), 由於英文字面是有 Prawn = 蝦，侍應沒有說明什麼，只說改菠蘿炒飯要加 $10，那就由他加吧, 反正是有蝦的, 所以要加 $10也不奇怪，但結果飯送來時發現內裡就只有菠蘿和幾塊臘腸，問侍應為何沒有蝦，她說是沒有的，我叫她把茶牌拿來看清楚，明明就是有蝦，侍應馬上態度超不耐煩，而且再說多次是沒有蝦的，菠蘿炒飯就是這樣，之後就轉頭跑了，非常過分

返完教會同男友黎左食午餐，唔使等位。叫左泰式芋頭焗飯，炒金邊粉，泰式凍奶茶同泰式凍檸茶。泰式凍奶茶味道好正宗，好似o係泰國飲咁甜，我唔係好頂得順，所以叫左一位年紀最大既侍應(唔知係咪就係隆姐?)拎一杯冰俾我溝淡佢，佢笑住咁即刻倒左一杯冰俾我，仲問男友o個杯會唔會太甜，需唔需要多d冰，服務好好。芋頭焗飯個樣好似中式北菇雞飯咁，不過食落味道當然唔同，芋頭味好重，仲有好多薑絲令到成個飯好惹味，平時唔鐘意薑既我都冇抽走d薑絲，覺得加埋一齊食幾夾。炒金邊粉相比下就較淡，但味道都唔錯，有好多隻蝦。份量幾大，兩個人食兩樣野已經飽到不得了。食完仲有涼粉送，透心涼。埋單既時候發現佢入多左一個海南雞飯，我地話冇叫到，應該係隔離檯叫入錯左我地張單，但係佢地已經走左。疑似隆姐眼神好失望咁話，「哎呀，入錯左喇，隔離檯走左，食左又冇收到錢。」唉！好心食左野就俾錢啦！

雖然好近公司，但係真係一排無黎九龍城食泰國野，於是今日放工就同同事去左食下泰國野咁。行左陣見到呢間野感覺都唔錯，就入左去食。入左黎食野，先發現野都算大，但係內裡嘅裝修都比較舊，不過算喇又唔係食裝修，我地係黎食泰國野嫁嘛。一拎起個餐牌我地就叫左大家都各位鐘意食嘅，務求盡快醫肚。過左無幾耐，菜就開始上。首先就係牛肉生菜包，聞落都幾香，不過啲肉炒得太辣喇，而且生菜俾得太少，我呢一棵都唔知有無。。。跟住就係炸蝦餅，一睇就知係即叫即炸，入口熱辣辣，而且份量唔算少，但蝦膠唔算多，略嫌有啲失色最後就蒸烏頭魚，都算今餐嘅一個亮點，條烏頭唔會煮到太老，食落口仍然有鮮嫩嘅感覺，而且仲大量嘅配料好冬菇果啲咁，最後配埋啲汁真係好惹味。總括黎講，今餐都算OK，不過味覺上總覺得差左一點點，但環境同服務都算唔錯，所以食得都算開心。

4個人6:30pm到，不用等位，點了9道食物亦來得很快。本來還很怕點得太多，可是每碟食物都很少。小食點了炸蝦餅、串燒（豬和雞）、豬頸肉、豬肉生菜包。炸蝦餅頗彈牙，但味道與質感不似手打蝦餅 ，沒有特別出眾。豬頸肉太薄太乾，沒有肉汁而且醃得不夠入味。很差勁的一味餸！串燒沒有牛肉，味道正常，中規中矩。豬肉生菜包，很易煮很簡單的一道，正常水平。青咖喱雞，味道不錯，伴飯一流。炒貴刁炒得好！夠乾身！可惜份量太少。 蟹肉炒飯大失所望 炒飯無蟹味，與普通蛋白炒飯差不多，若加點蟹膏效果會加佳！吃過的芒果糯米飯都是椰汁，而這個是椰醬，質感比較稠，味道更濃更香。而且糯米飯夠熱，全晚最滿意的一道菜

記憶中, 已經好耐無o黎九龍城食飯...KaKaMa未做KaKaMa之前, 好鍾意搵埋我同貓兄週圍搵食, 九龍城係我地搵食熱點, 回憶中, 每次來搵食都係好味的, 特別係泰國人主理的泰國菜... 咳... 唔好諗太遠, 都只係講緊新機場已經運作緊的年代...今日唔知邊樹來的雅興, 我地又重臨舊地了...餐廳由貓兄搵, 我可以休息吓, 呵呵... 開餐前, 我同貓兄走咗去曲奇XXX試食曲奇, 試咗好多款, 好滿足, 呵呵~ (我地一袋二袋咁行出門口, 唔係齋試唔買嘅呢)來到餐廳門口, 看見內裡的格局, 不禁有點心寒, 但隨即安慰自己, 可能敗絮其外金玉其中呢, 不要隨便以貌取人...由於事前我無調查貓兄所選的餐廳有什麼好吃, 所以事發時亦不應該發表任何怨言, 現在來個有碗話碗的事後報告...泰式拼盤 $96-- 很不濟... 蝦餅唔好味, 春卷勉強OK, 魚餅不成, 蝦卷OK... 餐牌上列明的香葉包雞不見了... 泰式柚子沙律 $48-- 唔明柚子沙律點解又有木瓜, 木瓜好酸好硬, 柚子多汁, 不太甜, 但唔明點解食到一陣膠碟味... 蒜蓉炒椰菜苗 $58-- 椰菜係我的天敵, 泰