隆姐泰國美食館

營業中

休息中

隆姐泰國美食館🇹🇭 @zono.diary泰式濕炒豬肉河💲5️⃣8️⃣雖然賣相唔算好吸引🤭 但食落十分之有鑊氣 啲豬肉食落都唔會好嚡 味道方面亦唔會太鹹泰式黃咖喱雞💲8️⃣5️⃣個咖喱一D都唔辣 食到好香嘅椰奶味 個雞煮得好入味 又滑 完全停唔到口 佢仲有啲青椒 紅椒 洋蔥 薯仔做配菜 豐富左成碟餸😋食咖喱絕對唔少得白飯！咖喱撈飯絕對冇得輸 蒜蓉包💲2️⃣8️⃣個包皮烘得好脆😍蒜蓉味好重 唔會太鹹 麵包嘅表面仲有啲香草係到 就咁食好正 攞黎點咖喱食都正🤤泰式炸蝦餅💲6️⃣5️⃣由於我地太肚餓 所以食咗幾嚿 澄清番一碟係有5塊炸蝦餅🙈佢外層炸到非常鬆脆 裏面就好juicy 加埋個酸酸嘅泰式辣醬 非常開胃 小食必叫凍奶茶💲2️⃣2️⃣個奶茶一開始飲嘅時候會有啲甜 但之後啲冰融左就啱啱好 佢係傳統嘅泰式奶茶 你會飲到茶葉香味椰汁冰💲2️⃣2️⃣椰奶味偏重 飲落有少少甜 唔算特別推介😕<><> <><> <><> <><> <><> <><>味道：👍🏻

有親戚係九龍城住見佢成日推介隆姐成日去佢到食 咁我就黎試下4個人食 都係見咩叫咩場地好逼 好嘈 嘈到咩都聽唔到今次真係聾姐想落單叫左n咁多次先有人應有生意都唔稀罕嗎😮😮😮野食坦白講麻麻地我食過附近好多間好食過佢比佢平個木瓜沙律同我平時食既唔一樣有啲怪怪地咖哩海鮮蟹包😖啲咖哩汁本身都勁少 少到後尾唔夠點想問佢地拎啲咖哩汁個陣要我地加$30緊係唔加啦 依個正常ok春卷怪怪地 最後都食剩我地個個都覺得怪冇咩人肯食魚好食！嘩 佢啲芽菜多到🤣🤣涼到個蛋勁高芽菜的功勞雞翼好食未食完 用糖水趕我地走不過我地冇理hahahah

好耐無食過隆姐了，已經唔記得以前係咩味道了，所以今日再黎一試，竟然有驚喜！叫左三樣菜式，竟然每樣都好食黃咖喱豬佢呢度呢隻黃咖哩係無蛋係裡面果隻黃咖哩，唔辣，但惹味既，上台時有個煲仔煲住，煲滾左個香味撲鼻，唔錯！可惜呢度無牛食，唔係配牛應該更加好食，個汁好適合配蒜蓉包串燒雞+豬個人覺得豬好食過個雞，但整體都好食，唔怕燒到又乾又柴，個醬汁都好味！海鮮濕炒河依舊係果個味道，海鮮亦唔會太少，有蝦同魷魚，好食！

九龍城眾多泰國之中 今次試隆姐2個人叫咗4樣嘢1. 柚子沙律 👍🏻👍🏻👍🏻👍🏻👍🏻好清新開胃 少少辣啱啱好2. 冬陰功👍🏻👍🏻👍🏻👍🏻👍🏻飲到停唔到口 一啖接一啖😋3. 青咖哩雞👍🏻👍🏻👍🏻👍🏻撈飯一流！朋友食咗兩碗😆4. 沙嗲串燒👍🏻👍🏻👍🏻👍🏻啖啖肉 唔會太乾 最終食唔曬 打包埋單 都唔洗$400

風雨無阻二人嚟食泰菜，今日係好好收獲，我們點了冬陰公湯正，因為有爐熱住嚟飲👍👍，跟豬，雞串燒共六串😋😋，最好有埋牛啦、蠔仔煎餅👍👍👍，還有甜品送，紫薯西米露也不錯❤️💜💕

終於解封晚市即刻出去九龍城食泰菜呢間小店在九龍城已經很耐聽聞燒烤好好味已往出名的小店一定要等位我哋6點左右入座不用等見隔離枱燒雞翼很香很脆即刻叫燒雞翼、串燒、芒果冰、必叫蝦餅食食下見枱枱都叫大包我有跟風～個包包點埋啲汁真係超級無敵好味小店安排軟殻蟹另上已免浸淋～好脆芒果汁必飲

復活節假期最後一日，想食泰國菜，去九龍城揀咗平時都有食開嘅隆姐泰國美食菜館。打定電話去落單。招牌泰式咖喱炒蟹 - 落單前已經問清楚啲蟹係咪新鮮，聽電話個泰國口音女人話係新鮮嘅，仲話今日只有肉蟹冇膏蟹。我話肉蟹都OK。點知返到屋企一試，啲蟹肉又霉又爛！好難食，太過份了！而且奇怪地肉蟹又變返膏蟹。雖然啲咖喱汁OK，但係啲肉係完全霉嘅，仲霉過鹹魚，一食就知啲蟹唔新鮮，最終冇食到。泰式冬陰功湯 - 一般。泰式鹹魚炒通菜 - 正常。芒果椰汁糯米飯 - 正常。黑名單。

尋晚係隔離街第二間泰菜外賣返屋企食，好食！今日經過呢間想試吓唔同餐廳，想食魷魚沙律，$72元，等咗15分鐘就有，好快！拎嘅時候覺得輕飄飄，心感不妙，返到屋企打開盒，只有幾舊魷魚同少少碎濕濕嘅菜，心諗，份量細得可憐，從來未試過咁伏，不過，佢嘅魷魚係有彈性，係新鮮嘅，而沙律菜係碎到不能再碎嘅生菜，甘荀，雲耳，唐芹，！今次係第一次幫襯，食物味道可以，但係份量實在太細，食咗好似冇食過，覺得食水好深，相信之後都唔會再幫襯！

. . . . . . . . . . . . . . . . . . . . . . . . . . . . . . . . . . . . . . . . . . .以前同屋企人去親九龍城食泰國野既話就一定係去隆姐了重遊舊地一樣係咁好味青咖哩足料又夠入味送薄餅一流鹽燒黑鯽魚既肉質好腍滑生蝦大大隻晶瑩剔透美味又爽口仲有椰汁紫薯西米露送😍 唔會太甜幾好味👍🏻不過食完哂所有野之後感覺幾口渴😝🐔 泰式青咖哩雞另加薄餅🐟 泰式鹽燒黑鯽魚🦐 泰式生蝦🥬 馬拉盞炒芥蘭🍠 椰汁紫薯西米露. . . . . . . . . . . . . . . . . . . . . . . . . . . . . . . . . . . . . . . . . . .

九龍城有好多泰國菜，今次食朋友推介既隆姐泰國美食館試試！一入到去既環境比較似茶餐廳同埋都好多人幫襯。咁我地就點左海鮮冬蔭功湯、蒜蓉炒椰菜苗、串燒豬併雞同埋燒豬頸肉。一黎就上左海鮮冬蔭功，佢係連一個小爐一起上，可以保持溫度。湯味道酸酸辣辣但唔係好夠味，海鮮有魷魚、蝦和青口。但係蝦比較小隻。蒜蓉炒椰菜苗是我吃泰國菜必點，這個一般普通串燒就同外面其他泰國餐廳差唔多，都係雞肉比豬好食，而且呢間醬係比較甜燒豬頸肉很香，肉都比較嫩

九龍城最出名食泰國菜，由細個開始屋企人時不時就帶我去食，食左咁多年都係食緊同一間，隆姐，由泰國人主理，員工都係泰國人呢。 🍴泰式柚子沙律$58泰式酸酸辣辣甜甜既味道，有芒果？(定係青木瓜？🤯)、柚子、花生，應該仲有d小蝦乾，好開胃。 🍴泰式辣椒膏炒蜆$99炒蜆份量唔多，但醬汁幾好，帶有椰漿既味道，唔會好辣，係好順滑既辣味。 🍴蒜蓉炒椰菜苗$70普通蒜蓉炒菜，椰菜苗都幾爽脆。 🍴泰式蟹肉炒飯$60唔好睇佢嗰樣咁普通，炒飯係食得出有鑊氣架！雖然入面既料唔多，但都食到不少蟹肉，調味算清淡。 🍴泰式濕炒海鮮河$68海鮮種類有魷魚、青口同蝦，不過都係冇咩鮮味，雖然佢d芡汁係比較多，但河粉一樣都係有鑊氣！👍 媽媽太鐘意嗌左2碟🤣🍴紫薯西米露埋單仲會有碗送既甜品，好味阿，紫薯同椰汁都好明顯，甜度適中，如果可以大碗d就好喇😆。 呢間泰國菜既味道唔會好重，正唔正宗就唔知，但係就好合我同屋企人既口味，今次冇嗌既咖哩大包同蠔仔煎蛋都好正架。😋

行完山乘船到馬料水，行一大段路才到地鐵站，累到不得了。朋友說到九龍城吃泰國菜，乘港鐵屯馬缐宋王臺站下車便可到達。到達「隆姐泰國美食館」時都有頗多人等位，但流轉快所以等了十多分鐘便可以。 很多套餐可以選擇，我哋選擇左的有泰式冬陰功湯、泰式鮮蠔仔蛋、飛天炒通菜、酸辣去骨鳳爪和兩個飲品。冬陰功湯很地道，材料亦都豐富，有兩隻大蝦質量也可以，濃濃的香茅味，地道好味。酸辣去骨鳳爪 爽口惹味，行得攰要吃些醒胃的小吃。飛天炒通菜 好有鑊氣，爽脆的通菜唔會太咸。泰式鮮蠔仔蛋 蠔仔粒粒飽滿，蠔仔蛋煎得不錯好香口，還有好多芽菜在底。跟餐的飲品龍眼冰也是不錯，足料。另外叫咗一個糯米釀雞翼，雞翼好大隻釀入滿滿的有味糯米飯，外脆內軟好好味。沙嗲串燒雞和豬 各三串，大大粒唔會燒得太乾，還有肉汁。

大家唔好俾其他好評洗腦，我敢講呢間嘢真係好命在開喺地鐵站出口，否則以佢喺九龍城泰國菜之中大比數拋離到最尾嘅質素，根本好難立足得耐。生日正日出嚟九龍城，一心想食好少少泰國菜，請問除咗侍應可能係泰國人之外，仲有咩野係對得住「泰國」兩個字？！長途跋涉嚟食港式茶餐廳質素，唔止添呀，仲要係工廠大廈飯堂嗰種茶記質素呀！所謂「豬頸肉炒飯」係揚州炒飯咁，d飯又濕又淋，仲要成陣萬年油煙味；個菜同你喺茶記叫蒜茸菜心係無分別，但價位偏偏拍得住泰國餐廳，憑什麼？！凍蝦腥又霉，個芒果沙律僅有0.01%芒果蓉喺度，有冇違反條例？！仲有要成$120嘅炸物拼盤，完完全全似係凍貨舖買到再氣炸返出嚟，收$120？！只因為開喺地鐵站門口租金貴就當大家水魚？！侍應態度一般甚至有個男人惡劣到上菜嗰時粒聲唔出就咁棟喺度，暗示食客自己執好d餸菜空返個位出嚟俾佢上菜，唔好阻佢寶貴時間。唔知係咪上天安排要俾餐難忘生日飯我？真係好認真，九龍城甚至香港都有大把泰國菜，一樣價錢仲要正宗味道，除非你有太多錢冇地方用

家姐約咗我哋食飯九龍城最出名就係泰國菜加上而家宋皇臺地鐵站開咗去我哋嘅飯堂就更加方便啦地鐵站直行一分鐘直到 我哋嗌咗個四人餐當中包括有西瓜冰、芒果冰、泰式生蝦、冬陰功湯、雞翼拼盤、雞肉串燒、 蝦醬炒飯、芥蘭 ， 生菜包西瓜冰芒果冰鮮榨 ，十分冰涼泰式生蝦超好食冬陰功湯味鹹到好似想腎虧咁回程途中非常頸渴 雞翼拼盤又有邊個會唔鍾意食呢我最鍾意食嘅串燒配搭咖哩汁， 相當滿足 蝦醬炒飯配搭肉鬆、臘腸、炒蛋，味道相當唔錯 食飯點都要食返條菜，成碟青曬 生菜包直頭要encall，嚟多碟生菜 最後送上班蘭糖水糖水唔夠其他糖水舖出色但係食飯點樣有個糖水食都好似為餐飯畫上完美嘅句號

屯馬缐開通之後，去九龍城方便咗。星期六中午就去食泰國嘢，位置好易位，宋皇台站B3出口，一上地面過對面馬路就係。今日嚟到唔使等位，直入就可以。食物方面，我哋叫咗：1. 燒雞翼 ($16隻)，燒得好香口👍🏼2. 串燒6串，有豬同雞，都好食😋3. 菠蘿炒飯，賣相看似平平無奇，但原來呢個先至最得。飯炒得夠乾身、夠香口🤤4. 炒金邊粉，反而呢個一般般最後嗌咗一杯菠蘿沙冰同一個椰青，埋單盛惠$360。仲有呢度唔收卡㗎，記得帶現金😊