隨便坐Cafe (已結業)

早前在FB見到有人讚這餐廳讚到「天上有、地下無」，所以預早一個星期前book定枱，諗住3月17日當晚去那裡晚餐慶祝。來到才告訴我今晚已被「包場」!佢話要“全場拍攝”，俾個角落我地食都唔得……同埋唔記得咗有人book咗呢晚……無奈！

早一個星期前book左情人節食飯，結果去到門口先見到拉左閘，無開門book果陣係真人對話，男人聲，果條友係確定我地book了14號7:30你一係當時唔好confirm booking，一係你拉閘關門之前同我地講聲，咁樣做生意法真係god bless you

隨便坐Cafe (馬鞍山)朋友生日😋😋同佢去間正cafe食飯慶祝❤️紐西蘭羊架配沙律薯條$298羊架燒到好靚❤️❤️好惹味👍👍沙律薯條份量都幾多😍😍伊比利亞黑毛豬上肩肉配沙律薯條$278擺盤好靚😚😚肉汁多👍👍肉質鮮嫩😊😊推介😋😋日式芝士蛋糕🍰$28芝士蛋糕有濃濃芝士味🥰🥰不錯👍👍蕃茄湯$18🥣好足料🍅入面好多蕃茄煮出黎😍😍Beers 🍻 我哋仲叫左啤酒🍻飲一飲😆😆整體評分：4/5環境：5/5味道：4/5抵食：4/5地址：馬鞍山西沙路628號新港城廣場五期地下31號

自從疫情之後好似好耐無黎啦😮‍💨😮‍💨😮‍💨😮‍💨😮‍💨😮‍💨見最近緩和左少少就約埋朋友黎食餐好嘅先😍😍😍😍😍🤤🤤🤤🤤🤤🤤🤤🤤🤤🤤真係好正丫啲野食 牛排🥩正都算，不得不說個蒜頭，真係連我一個唔食芫荽蔥蒜嘅人，都可以食曬成個佢。因為香得黎完全冇蒜頭嘅味道，仲可以殺下菌👍🏻👍🏻👍🏻👍🏻👍🏻👍🏻簡直無得頂丫！！！！！！！！！！！！！！！價錢又合理，係一間難得嘅西餐小鋪☺️☺️☺️

去左兩次叫咗好多嘢食分別有小食類法國香草醬焗田螺法國煙燻BB鱔配玉子法國鵝肝配牛油果法國煙燻鵪鶉腿配蘆筍意大利雲吞主菜朱肩肉肉眼扒牛柳羊架紅蝦配銀雪魚入到去見到老闆一腳踢笑容好好非常之好禮貌我哋四個人入到去we話鬼叫嘈喧巴閉諗來諗去都未決定到食啲乜嘢老闆都冇詐型仲好chill 咁樣坐埋一二邊嘆紅酒簡直係型到爆炸住咗咁耐馬鞍山呢間舖頭都係第一次嚟唔知有啲乜嘢小食好就求老闆推介結果老闆推介嘅全部都好正無論係bb 鱔 鵝肝同埋鵪鶉腿配蘆筍都簡直係一流第二次返去食嘅時候都要重新order 一次總共去咗兩次所以豬羊牛魚我哋都有食佢個豬肩肉非常之好食 直頭覺得佢好食過個肉眼扒相比之下肉眼扒有啲普通不如加多$20直接食牛柳個質素差佢絕對唔止值$20羊肉火候有控制得好好相比之下個鱈魚扒就顯得冇咁出色絕對值得一嚟再嚟

經常幫襯的小店，食物質數CP高，如幾位朋友聚會的更有氣氛。老板一人處理整間小店，但仍能貼心照顧，實在不簡單。無可否承下單上菜都需要多一點時間，但這樣更適合三五知己聚會或慢活的人士。很多人投訴老板不歡迎小朋友，只是老板怕小朋友影響其他客人，他個人的營商處理不作評論。我個人非常推介~! 

下午時份去到餐廳食lunch，問咗嗰度嘅職員係咪有泊車優惠，職員俾咗兩張收據我話咁樣就一定可以做到，點知我去到做優惠嘅時候商場職員先至話原來都係唔得，期間商場職員同店舖職員爭執嘅時候，我聽到商場職員提及店舖職員粗言穢語對佢問候其實佢啲食物質素係正常，但係既然做唔到優惠嘅就點解要亂咁應承我？講一句做唔到泊車優惠好難咩？我都唔會因為呢個原因而唔幫襯，但係你亂咁應承完我浪費我嘅時間之後仲要用粗口辱罵商場職員，呢間餐廳為咗做生意而不擇手段，大家就真係要考慮吓去唔去光顧

上次嚟食晚餐已經覺得好impressive，今次一班朋友入馬鞍山行完山，再嚟試吓個午餐。叫咗個黑毛豬扒，本身諗住豬扒會鞋口，點知又爽口又juicy，大推介！三款腸仔都好味道好味道，如果薯條再多啲就更好啦！呢度嘅蕃茄仔真係好正，又大粒又甜。朋友嗌左個魚，魚上面嘅帶子同蘆筍點綴得好靚，不過望落就較油膩。我都係鍾意我個黑毛豬多啲！老闆娘推介嘅白酒同主菜都好夾，又會主動問下我哋有冇其他需要，下次入馬鞍山再嚟！

今天父親節，跟爸爸媽媽和先生到這裏共享晚餐。餐廳細細，但是環境十分舒適，食物質素也不錯。但是整間餐廳只得一個人， 負責煮菜和落單，我們也明白他十分忙碌，在晚飯快完結時想麻煩他幫我們拍一張合照，他立即大聲說: 我依家咁忙，仲得閒幫你影相？！講真，從來未試過遇到咁差態度嘅餐廳，整間餐廳也聽到他這句說話，我們十分無奈。最後結帳時，我先生建議他再請一名員工，他又大聲說，你講完未，係唔係俾錢，唔係俾錢，你繼續慢慢講，我做嘢先，我依家唔得閒。其實大家出嚟食飯，影張相只係想留念，如果你呢一刻唔得閒影，你可以話，請稍等，或者你話，唔好意思，我比較忙，可能你要搵其他人幫手。食完都背脊骨落。

約左朋友係馬安山傾野，想搵間靜啲既餐廳，大家不約而同諗起呢度，佢門口向較靜既街，雖然其實都係新港城樓下，但真係比較少人知，呢度應該係飲酒🍻為主，野食似係副線，坐位唔算多，但位都寬敞，我地下午一點幾接近兩點到，落單煮野收錢都係同一人，所以真係要等我叫左個意粉，唔算平，接近80蚊，好彩佢都大碟，唔係得兩三啖就食哂，仲有少少食極唔完既感覺，但係比較油，似中式炒意粉多過西式意粉總括來講，想傾到野，呢度係唔錯既選擇。但為食既....自己諗下喇......

經過呢間餐廳好多年（後來問老闆原來餐廳已開了有10年），今晚才第一次突然間說去吃晚飯,由行入餐廳的裝潢，到食品和飲品，都精心挑選和製作，雖然製作稍稍需時，但是無論薯角，黑毛豬，定係牛，我同男友都覺得已經諗住下次encore再來！

想不到馬𩣑山有如此好情調的cafe，實在令人喜出望外！是日乃復活節連假前夕，相約友人到此店飲飽食醉。匍進入小店，已被裝潢吸引。想必店主花了很多心思在設計之上！上菜了，份量足夠、貌相討好！不消一會已和朋友消減了羊架、銀鱈魚、牡丹蝦、火箭菜沙律、脆薯格。當中牡丹蝦鮮甜，蕃茄仔超甜(不是市面隨處買到的蕃茄仔)，脆薯格已沾有大廚特別調製的茄醬附上餐酒相片，白酒順喉，友人說紅酒亦不錯盡興！絕對會encore的心意小店，下次再會！

其實呢間餐廳嘅食物質素唔錯，之前每個星期都會去食，(其實我由佢哋冇乜客人光顧到佢哋開始要等位)，不過唔知幾時開始，佢哋有個條例，餐廳拒絕5歲以下小朋友進入，自問我未食過一間餐廳係唔招待小朋友，包括幾貴嘅五星級酒店都好，我從來未試過咁樣俾人拒絕於門外，所以咁樣嘅服務態度，如果食物再好食都不會再幫襯

和母親慶祝生日想吃西餐，網上見到openrice介紹想試下，晚上8:30到達餐廳，餐廳內尚有一半空位。入內一男侍應問我們多少位。回應2位後，卻見他面露不屑，說"暫時無位"。問他等多久左右，他卻只重覆"無位"。我去了那麽多餐廳，從來未試過咁樣被人趕走!830不見得是要關門的時間，要吞pork早收工都唔駛咁早嘛?!希望openrice代為反映，亦希望想試此餐廳的人小心。

今天為久違了的中同聚，朋友一盡地主之誼，帶了我們到這家小店。店的面積不算大，有十多個座位左右，感覺舒服，看得出店主在佈置花了不少心思。 由於今晚我們比較人多的關係，朋友已經托餐廳為我們安排了菜。 白酒煮蚌，用料非常新鮮，以簡單的一個汁去煮已經很好味，肉質鮮甜彈牙。 香草焗蝦，蝦亦是店主常天在市場買的，蝦肉爽口彈牙，鮮味十足，這種煮法比較少見，想不到有驚喜！ 什菜沙律，菜夠新鮮脆綠，沙律醬酸度適中，不錯！ 特色香草烤雞，店主把雞的皮去掉，再以特製香草醬汁烤焗，外層香脆，內裡肉質鮮嫩，味道很出色！就是因為這樣，小妹在家也嘗試烤雞～ 火箭菜炒咖喱意粉，適合素食人仕，這個咖喱醬很有巴基斯坦feel，好得！ 黑松露炒飯，飯炒得粒粒乾身，黑松露味道濃郁，加上其他配料，有口感之餘亦份外惹味，有誠意的一碟炒飯。 南瓜蛋糕，想不到連甜品也有驚喜，這個南瓜糕上層以鮮忌廉製成，香滑重奶味，再配以下層啖啖的南瓜蓉，味道有點似奶黃，香滑可口，值得推介！