隨園小館

營業中

休息中

咁啱探完親翻香港 帶埋行李落車十一點 附近求其搵啲嘢食 見到呢間就入左去落單嗰陣係咁問我地係咪遊客 係邊度嚟 準備去邊度玩 寫完單後尾又走翻嚟 問我地加唔加個油菜 話10蚊一碟 我地話好 佢又問要焯定炒 我地話炒 跟住佢再問蝦醬定腐乳炒 最後埋單碟菜變左48蚊 佢係都要話碟菜焯先係10蚊 炒就一定48呢啲咁樣劏客嘅‘小店’真係無福消受 唔怪得知成半留言係鬧態度同服務啦恰人唔知海關電話？好自為之啦

同老公一齊放工，然後相約屋企附近食晚餐諗起住左三年都未去過呢間食今晚就試一試佢雖然晚餐牌都唔算平，不過勝在即叫即煮咁我同老公分別叫咗魚香茄子煲，同埋蝦醬魷魚炒通菜魚香茄子有驚喜👍🏻👍🏻👍🏻👍🏻未食過魚香茄子入邊有青椒洋蔥好多蔥而果啲肉碎，似係佢細肉粒多D不過就冇乜魚香就真嘅但既然咁惹味，我加唔小分😆另外果個蝦醬魷魚炒菜通，老公話菜葉少左D不過我就覺得okay 雖然兩碟野都有D油油地，不過我哋覺得好似冇落味精都幾健康😎

今日去左旺角, 中午時經過隨園, 一心想光顧小店, 也特別喜歡小店的例湯, 而午市套餐包例湯和飲品。但因人太多, 所以就叫了2個餐, 外賣自取, 店員仲笑笑口問我使唔使加多個油菜, 為了支持小店, 我也很疏爽, 即時話好, 加了一個油茶。但取餐時, 唔見有例湯, 追問之下, 負責女店員口窒了2秒, 就話只有堂食才送例湯, 我即時唔想回應, 給了她一個不滿的表情, 就奪門離開。第一次見小店咁差, 我咁疏爽買多個油菜, 你竟然唔俾湯我?大佬, 其實本身我係想飲湯才買這2個餐, 真的很不滿, 唔使再幫趁這間小店。

放工食晚飯,本來去旁邊的越南餐廳,但人極多,隊極長;於是改去旁邊這一間食,頗有驚喜。叫了蔥花鮮牛麵($28),上湯蘿蔔($15),上湯芥蘭(跟麵叫$10),全部都OK。麵份量頗大牛肉都好新鮮，麵身爽，啱我口味。芥蘭正正常常，蘿蔔有五大塊和夠入味。再望下佢哋嘅餐牌，主打係粥麵,粽,白灼豬肝牛柏葉和小菜，價錢大概係$50-70。亦有晚餐等包湯包茶,見到旁邊的食客點的菜，是即叫即炒,賣相頗佳,可再去試。這個價錢是值得去的。

平時好少去開油麻地，今日午餐時段行過砵蘭街，見到街口呢間餐館好多人食，睇下個午餐MENU幾吸引，門口又有空位，方便我朋友食煙，就坐得左喇!一個午市套餐都只係42hkd，包例湯又包熱飲，咁既價錢去邊到搵!我叫左一個鹽焗雞飯，今日例湯係粟米南瓜豬骨湯，凍飲加3蚊要左凍檸茶。黎既時侯真係嚇左一跳，啲雞多到! 平時餐廳都只有一小排，最多得5-6件，呢件係雙倍有多，仲要肉質好嫩滑，加上沙薑醬同蔥油，我食到要加飯，侍應竟然送多碗白飯，真係好好! 碗湯完全唔覺得有味精，仲有一碌碌粟米，真係好足料。45蚊(42餐+3蚊凍飲)竟然換來咁好味既午餐，仲有邊度係咁! MENU仲有好多餐，見到我朋友既豬手飯都好靚，下次會突登番黎食!

昨晚(12/5)若六時到達吃晚反,叫了ㄧ份乾炒朱扒米及炸醬面。炸醬面先到若二十分鈡后炸醬面已吃完,乾炒朱扒米仍末出現 。终於出現了,份量少得可憐,只有碟的ㄧ半。馬上向侍應提出投訴,侍應態度恶劣,不肯作出任何改善。我們只好要求埋單,我们沒有觸碰此碟炒米及对份量嚴重不满,因此不肯付此價值$49的炒米。店員要求我们必須付款並在此才説若是我们覺得不夠吃,他們才会加炒ㄧ些给我們。整個過程他們全無半点歉意,只覺得是我們食量過份的問題,最后因趕時間,我們只好付全款離開。ㄧ次可怕经驗。

乾沙牛河，夠鑊氣，河粉條條爽身，無得頂！$48碟，完全超值！同埸加多碟薑蔥炒蟹，雖然用平價三點蟹，但炒得香噴噴，味道不錯，$78碟，抵到暈！除了小菜，原來還有粥粉麵，哇，果然係一人開餐的好地方

之前食過印象還可以... 可惜經過今晚相信不會再來.點了幾道菜, 其中有一碟椒鹽鮮魷. 當其他菜式陸續上枱後, 等了半小時也未見那碟椒鹽鮮魷, 眼見廚房有兩位師傅, 一位負責炒小菜, 一位負責其他, 我們也沒有特別催促, 但當那碟椒鹽鮮魷上枱時, 已見不對辦, 如果不是自己order, 看圖估菜式, 我一定估唔到眼前的是椒鹽鮮魷.魷魚明顯煮得過火, 吃一塊魷魚鹹得好像吃下一茶匙的鹽, 因其他的小菜已在等候時吃完, 那碗粥也因等候那碟椒鹽鮮魷攤冷了, 我們唯有匆匆吃下那碗粥, 行去埋單再跟樓面說我們不要了, 那位樓面說他們已煮了給我們, 錢是不會退, 也不認為有問題, 當然完全無想過要換給我們 (我們也不想等半小時去換), 我們付款後也真心說了一句, 叫那位師傅自己試下有多鹹.一間街坊小店, 食物質素也不會要求要如何的五星級, 但一粒老鼠屎確實會令我不再來.

因為要係附近上“安全咭“堂，放飯揾嘢食。悶左一朝，要醒醒神，但已經矇下矇下。見到有位有冷氣就入去。真係隨緣咁叫左碟：雞飯。有雞味又滑。不錯的小店。好多都係熟客，伙記都親切。三年才上一次“安全咭“堂續牌，希望下次重係處啦。好食的食店，越嚟越少，加油💪

返工之前想食返個早餐，唔係去返附近搵個地方囉，行吓行吓都唔知去邊度，隨便見到一間就走入去囉。入到去叫咗個早餐，早餐有糯米雞同粥，糯米雞好多餡架，國足熱辣辣都唔錯。

其實呢間小店並唔係新開，而係2016年5月左右開業，之前行過都冇入去幫襯，今晚突然想食炒粉麵，睇到個menu有炒粉麵飯，水餃雲吞，粥，又有炒小菜，正合我心意。舖頭位置以前係深仔記，店入面有90%都保留返以前嘅面貌，哈哈!其實都唔錯，咁都幾環保!面積細細都有成8張小圓枱，入去嘅時候每張枱都有客，原本以為要搭枱，幸好過咗5分鐘就有人埋單。眼見大部份都係熟客同伙計有傾有講，又有電視睇，氣氛都幾開心!小店提供嘅食物都係街坊小炒，粥粉麵飯都有齊，價格相宜。豉油皇肉絲炒麵簡單一個炒麵，麵炒得好有鑊氣夠乾爽，配埋銀芽、韭黃同少少肉絲好好味！鳳城水餃水餃飽滿，入面有蝦筍絲木耳絲等仲有兩隻蝦絲等！蝦肉新鮮爽口，食得過！不過湯底始終差d大地魚味，其實而家香港都無乜邊間麵店既湯底做到！薑汁炒芥蘭我地食野既宗旨係，每餐都必需要有一碟菜！雖然都知夏天唔係食芥蘭既季節，但都係想食！味道少少過喊，不過可以接受！後面果熟客阿姐仲推介呢度既薑蔥炒蟹，下次試下再報告佢d小炒！