隨您鍾意

營業中

休息中

今日經過銅鑼灣，下午時分開始餓餓地，但同晚餐時間又有啲距離，淨係想食少少野就去左依間係灣仔區幾出名嘅日本料理《隨您鍾意》～～鋪頭本身面積唔大，得啲企係到食野嘅位，非常口痕嘅我立即叫左個碎蔥免治吞拿魚腩手卷。值得一提係鋪頭外有個自動點手卷嘅機，唔洗特登排隊，非常方便！手卷本身分量好足，唔似其他手卷食到中間得返白飯，《隨您鍾意》嘅手卷食到尾都仲有吞拿魚肉，而且好新鮮食唔到腥味，真係大件夾抵食啊！見到隨離有人食海膽卷，我都好想試下，下次一定會再黎幫襯架！！！

隨您鍾意基本上就係賣平，所以除左平其實都冇乜好要求。因為食完好難食嘅甜品好氣憤，所以黎左食壽司~近十一點都依然好多人，同朋友叫左三文魚手卷($15/2件)、海膽手卷($28/2件)同芒果炸蝦卷($22/5件)叫完之後，係長久嘅等待。。。睇到有食評話時間都好貴，不禁表示認同😂真係等到花兒也謝了朋友嘗試問店員拎筷子，佢話我地食嘅野係唔需要筷子，要就要收費，手卷我明嘅，咁啲卷物呢😑最後好無奈咁用手拎，另外，就一如既往要wasabi要俾錢咁啦價錢就真係我諗冇乜舖頭夠佢地平架啦，咁質素都係預期咁，叫做料都算幾多啦~

叫左壽司拼盤，等左40分鐘先出。入邊師傅無帶口罩，一路大大聲傾計一路整壽司擺壽司入膠袋時，又打直咁樣擺，壽司移哂位，搞到變咗刺身拼飯團。我啲時間都唔平架，唔會再幫襯。

你lm兩隻手卷等足我九個字有多五點三鋪頭又唔係多人催左兩次仲比人西面兩隻手卷等九個字催你都正常呀？唔想賣咪講囉十幾蚊當然唔預好好質素係突然想食見平平地可以單買又唔洗坐低但都唔係比哂筋位我呀？

有幾款特價手卷都係$15兩件，經過口痕就入黎試試係幾抵既，三文魚都足料同新鮮。堂食嘅話係企喺度食，食完自助清理。食緊既時候都見好多人黎買外賣，幾百幾百咁買😨估佢唔到筷子Wasabi都要另外收費，豉油就唔使不過收銀個女人態度唔太好，對客人無咩禮貌

一講到日式食物大家一定會諗到壽司今日喺銅鑼灣經過見到一間平民壽司店於是係肚餓嘅驅使之下就走左入去試試鋪面唔算話好大而且都以立食做主調餐牌選擇豐富而且價廉物美今次就點左兩種手卷分別係吞拿魚手卷同三文魚手卷先講咗吞拿魚手卷先 雖然吞拿魚係吞拿魚茸但係魚味豐富 而且一般手卷好容易有個毛病就係上層有料食到下層嘅時候得返白飯而呢個手卷就冇呢個問題食到底最後一啖都仲係啖啖肉相當足料 絕對唔止值22蚊兩個而三文魚手卷 睇相都知佢有幾肥美 肉質鮮嫩爽口相當新鮮油脂豐富 而且食得出佢係真材實料嘅三文魚腩 以15蚊兩個黎計 真係相當抵食~~~~~~~~~~~~~~~~~~~~~~~~~~~~~~呢間鋪頭真係十分推薦價廉物美之餘而且食材十分新鮮 食過返尋味

超級冇禮貌，尤其個長髮男人，好似審犯咁冇表情冇禮貌，好似欠左佢咁，冇下次😡，食物可以又超水準，冇禮貌真的不能接受，另外有女店員見佢鬧人，舉起手指公讚佢，鬧D客鬧得好🤦🏻‍♀️

為食妹係附近番工，有時都會發掘下啲好食嘅野推介一下~早前光顧過呢間食肆，覺得性價比高，所以想同大家分享！~~我主攻熟食，朋友們就大多嗌魚生壽司不過我都嗌左我至愛嘅海膽壽司圖中所見，壽司上嘅料都唔少架最平嘅壽司$4就有一件，海膽都唔貴只需$14件，呑拿魚醬軍艦俾嘅份量好大方，一件一啖過，滿口嘅呑拿魚鰻魚壽司都好夠油脂唔會乾最厲害嘅係海膽軍艦，點少少醬油wasabi點綴一下，食落唔腥、入口即化嘅感覺實在太滿足！鍾意食海膽嘅你不容錯過！雖然係大件夾抵食，但等嘅時間都比較長，有時間等嘅，可以一試！

我係叫外賣比成班朋友食嘅，揀佢原因只有一個字，因為平。以呢個價錢係OK，當然亦唔需要期望太高，始終一分錢一分貨係定律黎嘅。首先唔洗諗咩魚油香/爽甜嗰啲先。叫外賣之前我有參考下大家嘅食評，因為我係叫速遞公司送外賣嘅，所以無接觸到店員，唔怕職員態度差。我係衡量過呢一點，只要食物OK我先叫嘅😂。如果你budget有限，又想好睇啲叫壽司盤🍣，我建議係不妨一試。雖然食材唔係最新鮮，但食落至少無肚柯。如圖無咩光澤感，但食得你飽，而又比爭X多款式。

由中學食到而家，一直都冇加過價，味道仲係咁好味。隨你鍾意係我喺銅鑼灣唔知食咩嘅時候嘅選擇😂😂 $15兩個手卷，又平又好味，去邊度揾喎！佢最出名係三文魚手卷，即叫即整，仲有其他魚生手卷、壽司、刺身、生蠔、日式熟食，間唔中仲有新Menu。今次叫咗三文魚手卷同蟹膏手卷。三文魚手卷嘅三文魚係角切，乜都好肥美喎，好似食緊三文魚腩咁。鮮甜又有咬口，都幾高質！因為手卷比較細件，所以每一啖都可以食到魚生、紫菜同飯，正🥰 蟹膏手卷出面比較少有，就算有都係壽司，但一件都最少$10，但一件手卷起碼係三件壽司啦！絕對物超所值😎 重點係，好味！🤪🤪隨您鍾意，堅決一生推💪🏻

是日政助生日，本局長決定外賣魚生壽司為其慶生。有局中兄弟指出鵝頸橋底有一店專賣此類食物，遂吩咐局中兄弟前往購買。兩名手足前去選購良久，埋單800-900多元，一揪二袋回來。手足將食物置於桌上，只見食物賣相良好，魚生具光澤，令人食指大動。一嚐之下，只覺魚生新鮮，肉質鮮嫩。惟副秘書長指出，以前此店壽司飯量較多，今日已然縮水。未知是否因此緣故，六人同吃，最後大家仍有些少不滿足之感。總括而言，食物是不錯的。

價錢同品質係正比嘅~ 之前叫過派對壽司盆個人覺得好抵食，質素唔會好似連鎖嘅咁參差。 成個壽司盆款有 三文魚北寄貝帶子甜蝦飛魚籽等款式，滿足曬咁多人嘅口味。仲有得打電話預訂攞之前冇耐先開始整，保證新鮮另外佢啲魚生飯、手卷都唔錯，而且佢收得夜，夜啲放工都有得食 個人就非常推薦 軟殼蟹手卷 同 雜錦魚生手卷，有選擇困難就非常方便。另外店內衛生、乾淨。 店門口仲有部自助點餐機，好方便。至於最多人講嘅服務態度，我自己就覺得冇問題

大學成日饞嘴想食壽司都會黎呢度，價錢又唔會太貴；質素又有返禁上下。唔會似爭某禁差🤷呢度手卷一買要買兩件。海膽手卷海膽都唔少，同新鮮。一大啖食落去好滿足，最鍾意呢啲小店想食幾多幾少冇所謂；又新鮮好味。平價街坊之選😋

今日叫咗牛油軟殼蟹卷超級少蟹唔新鮮，飯凍到硬一啲味道都冇，食得出好冇心機做卷物，再叫咗碎蔥吞拿魚手卷，啲蔥同吞拿魚是分開的，沒有將他們撈埋一齊,唔會再去，以前好好食真材實料,

Thought i would go try this place out, place looks fine - food looks good for the price but service is poor. Maybe the guy was having a bad day, or maybe he just didn’t want my business, either way its not how you treat someone who spends money in the store.Not everyone can read Chinese sorry... no need to be rude. I wanted to order a set and the server said you can only order the sets on the machines... and not in person 😐.I guess the price is okay for what you get but is it worth coming back t