隨您鍾意

營業中

休息中

在這間買了很多年的三文魚及海膽，質素都很好！最近搬新屋，今天因為有二位美女來新居 House Warming，便一早起身再次光顧，check Openrice 顯示早上11點才開門，但沒想到原來10:00am 已經開工了，因為我提早到了才知道，發現三文魚質素仍然很好，平靚正！另加買海膽亦非常新鮮好味 😋 告訴Reception說我需要 5個人的配料也通通包好給我，看見有食評說她不好，真的要為她平反！希望可以繼續保持高質素呵，一定會繼續友持！💪💪💪

｛隨你鍾意｝屹立銅鑼灣好多年，主打平價壽司外賣🥢喺依度食壽司唔需要太高期望，始終一分錢一分貨，想平食壽司過口癮就會嚟食🤫✴️手卷\小卷\壽司✴️手卷同款買一送一，叫咗三文魚同蟹肉沙律～餡料係多嘅，食到底都有，不過紫菜就好淋，要用力扯開先得😅食依個手卷抵過華御結，所以係合格的👌🏻蟹柳小卷就好正常，無咩特別可言，不過size係偏細粒的🤔壽司叫咗帶子、玻璃蝦、螺肉，刺身就無咩味道，口感都有嘅～反而嚿飯就麻麻，好散好鬆🍣依度買單都係$100左右，價錢反映質素，平價壽司店不能期待太多😂

兩個人叫左兩份壽司，俾錢時店員提供一雙筷子於是問麻煩俾多對。店員回答“你呢張單只有一對筷子，我地每$50先跟一對” 跟住我地黑人問號，即係點，我地張單只可以一對筷子？然後店員見我地望住佢先再講 “如果要多對你地就要加一蚊”。全店無寫明呢啲額外收費，同埋宜家一對木筷子好貴？(淘寶十蚊200對) 寧願同個客拗一蚊對筷子令人不再回頭，唔知呢啲係咩生意邏輯，唔掛得知執淨一間分店。或者可能生意太差要靠賣筷子匙油先夠錢交租卦。

世界級難吃的壽司居然在香港，想問說是什麼東西？🤣😢😡😳特價手卷類，我寧願你收正價！三文魚手卷，一小小口飯，兩粒比眼珠還要小的三文魚就成一個手卷了！可真優秀！🤬😤天婦羅蝦手卷更出色！一隻迷你天婦羅蝦切開兩方就成為兩個手卷了，其中一個是只有不能吃的蝦尾，😡世界級優秀是嗎？三文魚魚生腥臭而且有魚鱗，😨可憐的廚師是老花了是嗎？😳😳當天更有規定說不可以只點一個壽司，要同款點六塊壽司才給客人做！而且要壽司豉油要付$5，🥶🥶而且小小一枝，收$10兩枝大小還不一樣？那麼計較就別開店！🤬🤬垃圾中的垃圾，的確是當之無愧！😓😓😡😡⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️隨您鐘意地址：灣仔堅拿道西15號地舖14號電話：28332876#日本料理 #日本菜 #香港美食指南 #香港美食日記 #香港美食推介 #日本美食 #香港美食分享 #壽司 #三文魚 #刺身 #吞拿魚 #香港美食分享 #香港美食推薦 #炸物 #openricehk #手卷 #日本直送 #銅鑼灣美食 #天婦羅 #海膽 #軟殼蟹 #銅鑼灣 #timesquarehk #香港美食 #foodie #hkfoodie #sushi #香港探店 #銅鑼灣好去處 #時代

呢排香港寒流殺到 天寒地凍下個胃都唔知點解都想食下日本壽司🍣咁返工附近就得間平平地嘅壽司店隨您鍾意 (灣仔)灣仔堅拿道西15號地舖14號味道: ⭐️⭐️價錢: 💰💰抵食指數: ⭐️⭐️豬軟骨飯🐖🦴 $38豬軟骨飯有少少超出我預期，醬汁係頗為出色，但係飯量偏少 應該唔夠一條仔食 豬軟骨就唔算淋，啲肉會攝牙罅 所以唔算得上係好嘅豬軟骨午市壽司自選套餐-10件🍣 $50作為一間壽司店，佢嘅壽司唔算出色，壽司種類選擇少，刺身部份亦唔係新鮮。所有壽司都有種硬梆梆嘅感覺😔

一早預約咗七點送到 結果遲咗75分鐘遲咗75分鐘 係遲咗75分鐘先到! 送魚生壽司喎 唔係熟食… 收到真係唔知食定掉咗好… 打電話投訴 佢話係咁啦唔覺得有乜嘢問題 俾d耐性等下咪得囉 仲賴送貨司機慢因為大塞車喎 (利申:張單仲要過$860 肯定唔係蝕住做）舖頭喺灣仔 我住薄扶林 平時20分鐘車程一定到 等咗75分鐘 結果係有個80歲+阿伯㩒鐘(希望唔係不孝到出動自己親戚 辛苦曬老人家落雨仲要出勤) 舖頭仲要怪佢送得慢 同佢傾落先知道其實食物7:30仲喺舖頭 搵唔到人送貨 跟住同我地講唔好意思… 同店鋪狡辯完全兩會事… 我真係以為返咗大6三線城市 香港真的接受到這麼不負責任的經營方式同行為嗎？

灣仔鵝頸橋街市 一間壽司外賣店 都開咗好多年是不是都有人排隊 有大量三文魚買 價錢都平嘅 但係就好孤寒 極少豉油 加一包Wasabi 想要就加錢😂😂😂 正常食個飯都唔夠用啦 算

去買外賣，唔比Wasabi！買左51蚊！話買滿40蚊先會包wasabi同筷子.但唔包括特價既手卷，wasabi 1蚊2包，頂你條氣幾唔順！買壽司唔包wasabi我都係第一次見！其實咁計較就唔好開舖頭，完全唔合邏輯，爭鮮買5舊都會比.咁做生意完全唔掂.最後走左去爭鮮買左一盒68蚊既壽司比左6包wasabi。即使一間舖幾好食，咁做法，都唔會再幫襯，唔係錢既問題！係條氣唔順！不可理喻！完全唔為客人諗，其實調返轉，你去買壽司，人地同你講，wasabi要自費，你又會有咩感受？垃圾舖頭！

年廿九晚因為不想煮的關係就去了買壽司作晚餐。因為去搭車時路過才發現的店，還頗多人買！如果只聽到這間店的店名「隨您鍾意」真的很難聯想到這是一間壽司外賣店吧！碎蔥免治吞拿魚腩手卷 ($11/件) - 紫菜有少許稔掉，但還是可以接受的程度。吞拿魚腩的份量都算多，口感柔軟，不過碎蔥也不是很碎!? 都切成長條而己 ... 壽司 ($26/6件) - 壽司飯的醋味不濃，也不會一夾就散這點不錯。三款都是正常的味道，鰻魚吃落則沒什麼骨。卷物 ($125) - 相反卷物一夾就散掉，看起來很大件，其實是因為卷的時候沒有壓太實吧!?總括來說，平均每人$50也不用就可以吃到這份量的壽司，質素要求不能太高，所以CP值算高。若果擔心只吃壽司不飽，店還有刺身飯之類的！

屋企突然想食日本野，啱咁我又係銅鑼灣收工，一於去隨您鐘意買外賣返屋企食啦 呢間隨您鐘意鐘意外賣我食左十幾年，雖然佢都年年加價，越來越貴，但我諗佢重係我心目中最高CＰ值的外賣刺身店買左十幾年，入到去己經叫慣叫熟，呢到三文魚刺身真係必叫，一舊舊未切的放曬係櫃到任君選擇，自己簡啱邊舊就買邊舊！另外真係大力推介呢到的希靈魚！！呢到的希靈魚絕對唔係一般出面食到的＂發泡膠＂。 爽，甜，而且一Ｄ都唔腥，包你一試難忘！自選壽司三文魚刺身加州反卷 希靈魚刺身叫左咁多野，最後埋單都係５７７，３個人食平均人頭２００蚊有找，如果去出面食，我諗三倍價錢都未必得！！！！！

我去到你哋間壽司外賣店叫咗幾樣嘢, 收銀嗰個阿姐衰到冇人有, 問你地攞多兩包豉油又話要收錢. 食物質素差到冇人有!! 我人生中完全冇食過咁難食嘅壽司, 名將壽司仲好過你多多聲!! 永遠都唔會再幫襯

做壽司外賣店，冇冰袋，每粒冰計，一蚊一粒🙄人夏天住得遠都冇諗過比冰，咁多壽司要同你買幾多粒冰？開得壽司店冰袋都唔比真係第一間。其實好多壽司店唔理近定遠都會有冰袋啦，每粒計學咩人開壽司店？仲要軟殼蟹手捲唔可以要芥辣，因為佢係預左某d壽司唔會比，要既話都係要買，真係第一次

🍱平民日本丼🍱推介指數 ❤️❤️❣️🤍🤍相信大家未去過都會聽過著名嘅「鵝頸橋」，除咗打小人出名，每逢驚蟄就會成為熱門聖地。打小人係一種流行於民間嘅一種傳統儀式，早於中國盛唐時期流傳，據說屬於詛咒性質嘅巫術，希望籍此驅逐什至報復「小人」。不過而家已經逐漸成為民間習俗，變成市民藉此宣洩內心的不滿，打小人習俗响2009年Times更列為亞洲安慰心靈的最佳事物之一。鵝頸橋附近都有唔少食肆，以前會經常買外賣嘅平民日本丼飯，咁啱經過就買個啦。✨櫻花三文魚、帶子、海膽魷魚丼食材份量唔少，味道平穩尚算新鮮，而且價錢合理。✨松葉蟹膏手卷、軟殻蟹手卷食材餡料唔少且平穩，如果紫菜脆啲就更好啦！總結：-食物 ❤️❤️❣️🤍🤍環境 ❤️❤️❣️🤍🤍服務 ❤️❤️❤️🤍🤍.··餐廳：隨您鍾意 (灣仔)地址：灣仔堅拿道西15號地舖14號

之前有朋友介紹去呢間野買魚生，所以早前去排隊買來試食下，結果令人失望。所以再去一次確定下，結果都係一樣。尤其是啲手卷紫菜經常都係軟的，一啲都唔脆，完全冇口感，飯又冇味。呢間野有幾個問題，衛生環境一般，廚師唔係個個戴口罩，收銀員態度惡劣，排隊又要等得耐，問下個Order重要等幾耐，佢就黑面同話 ”等下啦，唔洗做呀？”。呢間野的成功之道係不停做宣傳，但係食品質素差，並不是網上及宣傳單張提及的高級食品和新鮮。講真果句，香港大把小店啲魚生靚過佢，根本冇需要刻意去食這間。另一方面我發現店老闆及他的家屬原來亦係寶馬山至跑馬地一帶的野豬問題主要罪魁禍首：1. ”隨您鍾意”老闆駕駛私家車2. ”隨您鍾意”老闆的家屬駕駛私家車(女的是駕駛員，男的是乘客) 他們每天會不定時在區內拋棄食物餵野豬，導致野豬問題永遠不能解決。

夜晚都咁多人等，諗住實冇死啦！點知拎完，轉頭喺出面食（冇得堂食），嘩！啲紫菜淋晒，又濕，啲魚生少到不可理喻，基本上就只有相片上面睇到咁多，入面已經冇，啲飯又乾身。唯一好處，平。