隱姑茶果

營業中

休息中

到大澳其中一樣必食的是地道茶果於出發前已於網上看了不少食評作參考，最後選擇了「隱姑茶果」鹹、甜茶果及雞屎藤皆為$10，雞屎藤並無餡料，甜茶果是花生加芝麻，另有提供糯米糍選擇了鹹茶果，是花生加眉豆的組合底部放上一片竹葉，白色糯米外皮黏糯軟熟濕度高，軟綿綿的感覺內餡花生、眉豆及蝦米的結合，毫無違和感，材料新鮮，調味恰到好處，鹹香豐富，毫不油膩，夠滋味，非常推介到大澳時試試隱姑的出品美味指數：8/10👍

週末去大澳行下 一定要嚟食下依間隱姑茶果落船之後行入大街 行多幾步就會見到好大個招牌寫住正宗隱姑茶果 建議大家一到埗就食左先 晏d有機會賣哂～姐姐推介紅豆🫘（話賣哂就唔會再整啦）的確 紅豆係最好味嘅 紅豆好濃郁 但真係即食會好d 拎到返屋企硬哂～·甜 茶果花生碎、椰絲碎…等等 茶果皮有點厚 但還是ok的·雞屎藤

🏠隱姑茶果 入大澳落咗船行咗冇耐，就會見到有個牌寫住正宗隱姑茶果，都成日見人介紹呢間食茶果嘅小店， 無論係甜茶果，鹹茶果定雞屎滕都係$10，咁抵又點可以唔試呢~ 因為我中意食花生餡嘅糯米糍，所以我簡左甜嘅茶果試下。 拎上手竟然係熱嘅！因為我未食過唔知道茶果係熱嘅所以都幾驚喜😍 咬一淡覺得個皮比想像中厚，不過都算煙韌，因為佢係用一塊葉包全個茶果，所以外皮仲有淡淡嘅葉香🌱 花生芝麻餡好香，咬落好有口感，而且唔會太甜，有果種令人想一啖接一啖嘅感覺👍🏻😍 

📍隱姑茶果🤍花生芝麻茶果 (8/10)$10🤍Size係平時嘅1.5倍！外皮煙韌唔會太厚，包咗大量花生餡，好似食花生糖咁，大滿足!🥳📌大澳永安街11號A

大澳遊 大澳一向係我嘅bucket list入面，但因我搭唔到長途車而一直冇去到。直至有日發現原來有船搭，先至去番一次，但去到大澳除咗喺阿田阿牧嘅橋度打卡之外，當然要去掃街啦！一到埗之後我就行哂所有景點，包括呢個好鬼遠嘅文物酒店，再沿途買野食。原來到兩點，有檔茶果已經賣哂，又見到沙翁小店大排長龍，所以我朋友去排沙翁，而我就再周圍買嘢食返條龍度，一路排，一路食。最後再食埋豆腐花，飽住肚仔走人，總共$133。 甜茶果(花生+芝麻)$10 ～ 隱姑茶果 呢間舖門口有位婆婆看守著，係間傳統老字號。離巴士站唔遠，但門口較蕩。我自己第一次食茶果，可能會有些誤導。 下面有層荷葉，但好難抆走，抆走後我就用個膠袋袋住食。外層似係湯圓咁煙韌軟糯，味道就要靠入面嘅饀去彌補。入面就有花生黃糖椰絲白芝麻，即有花生嘅香口，椰絲嘅微爽感，但可能我期望過高，我就認為冇乜明顯嘅甜味/香口，有D單調。 (想睇埋其除四間食店 可以去到我嘅account度查看大澳餅店/復興行/大澳砂鍋王/車站豆腐花嘅食評)

🇭🇰隱姑茶果·雞屎籐 l 甜茶果$10我成日都好想試下食雞屎籐 但係一路都無機會 今次終於買左啦😎佢食落煙煙韌韌咁 有一個好獨特既清草味 配埋面頭粒脆花生 味道唔錯 我自己幾中意😋😋之後個甜茶果超大粒 入面就係花生同芝麻餡 個餡我覺得唔錯既 不過佢呢個個皮係比較厚身既 我自己覺得糯米糍個種整法好味啲🤣🤣·📍大澳永安街11號A

-{大澳傳統小食茶果🍽}初四嘅時侯去昂坪露營順便去大澳行一圈試小食🥳多謝朋友嘅帶路😙🤤甜茶果🤤 ($10)係花生配芝麻 餡料正常主要食煙靭嘅皮 癡住塊葉配小小葉香 整體唔太甜🥰好大粒不過唔滯😋👖褲評: 7.6/10要食茶粿或者雞屎藤都推薦依間！佢不斷出爐都係新鮮嘅😆而且如其他舖嘅大粒 性格比高啲😚格局好似善款箱咁 有時老闆娘唔係度就就咁擺錢自己拎😌性價比: 8.5/10服務: 8/10環境: nil🚩隱姑茶果🚩地址: 大澳永安街11號A #fuudjai #fuudjai小食 #fuudjai麵包 #fuudjai大澳

深知大澳美食多，所以今次週末半天遊留定肚，中午一點半出發抵達大澳先醫肚掃小食。由東涌站乘坐11號巴士去大澳，車程花了50分鐘。落車行到街口先食完滷水大墨魚後，之後穿過窄巷就見到隱姑茶果，記得雞屎藤唔係好多地方有得買，所以經過停下來買一份食下。雞屎藤 $10雞屎滕一份五粒，口感和其他茶粿差唔多，內裡無餡，熱熱的食落淋淋地，淡淡草藥味，以糯米粉混合芝麻雞屎藤蒸製，雞屎藤味道幾特別，十蚊唔貴二人分享一份，唔駛排隊買來食下無妨。

茶果其實唔係我地特別鍾意食嘅嘢，不過今次見網上推薦同特登嚟到大澳，就買咗份嚟食。大澳入面有好多鋪頭都有賣茶果，因為尼間寫住正宗，我地就係到買。佢地嘅茶果有分三種，有甜嘅花生芝麻餡，咸嘅扁豆餡同雞屎滕茶果。我地買咗雞屎滕茶果，因為佢戈到寫住雞屎滕好有益。另外，我地亦有買佢戈到嘅麥芽糖餡餅（即係用竹籤吉住麥芽糖再夾兩塊咸餅上去）。個雞屎滕茶果上面有粒豆定唔知花生，係軟嘅質感而唔係平時硬掘掘嘅。佢地嘅茶果係淋身啲，而唔係日本丸子嘅煙煙韌韌嘅質感。食落去我靜係食到甜甜地😂，因為我地都唔知雞屎滕係咩味😂。個麥芽糖餡餅就普通，同細個食一樣，亦都同平時d餡餅差唔多，只係吉住食新奇d咁，不過如果多d糖就好。

臨坐車離開大澳前一定要買地道茶果試一試。茶果只有三款，甜嘅花生芝麻、鹹嘅花生眉豆同無餡嘅雞屎藤。好可惜今次六點先去買，鹹嘅眉豆已經賣曬。只好試另外嗰兩款。雖然已經六點差不多收舖，但茶果仲係暖暖地，証明係新鮮蒸起。皮薄煙韌，滿滿餡料，除咗芝麻同花生，仲有砂糖及椰絲，花生係淋身唔係脆口，而芝麻香口，整個茶果甜味適中。內裡無餡 質地比較實，有淡淡草藥味，帶微甜。

今日入到大澳，就緊係要食小食啦。第一站黎到隱姑茶果。🤪舖頭位於街頭，一落車，行入大澳既小巷中，走了走就到。主打3款茶果: 眉豆咸茶果，花生芝麻甜茶果，雞屎藤。🤩🤩每款都係 $10。 其實以一個茶果黎講，一隻都要10蚊係貴左啲，但無計，秀的到點都要試下。1. 花生芝麻甜茶果茶果都幾大件，有掌心甘大。咬落去好煙韌，真係要扯先斷。😲😲入面有好多花生芝麻，皮夠薄的。但花生炒得不好，有少少益益地。😖😖但我中意佢夠熱，一直用蒸爐熱住佢。😆

假日黎到大澳 成個環境好舒服個人都好放鬆😚 一到埗行陣就見到呢間茶果 仲有花生芝麻味 要食!!-✏️花生芝麻茶果 ($10)首先係超熱!! 係真係好辣手😆 快快趣托著佢影完相 其實都真係幾燙手🤣超級新鮮整起😛仲要幾大個下😚個皮好薄 好軟熟!! 食落煙煙unun🤩花生芝麻餡好多 而且好香甜又有一粒粒花生粒咬下 好正呀❤️同埋唔知係咪因爲個皮較薄嘅關係 食晒成個都唔會有滯嘅感覺🤭

去大澳，以為只有蝦醬、海味出名，原來這裡有檔茶果亦十分出名。隠姑茶果賣的茶果有鹹、有甜，鹹的以花生、眉豆做饀，甜的以花生、芝麻做饀，個人認為甜茶果軟好味，因為花生味香，芝麻味濃，配上煙韌的外皮，幾者十分夾。大家如果有機會去大澳，可以坐大澳巴士總站下車行幾分鐘便能找得到。

今天經過隱姑茶果檔,望着這個地方有點感慨, 桃花依舊, 人面全非......而隱姑易巳作古人多時了,小時候經常愛吃她做的茶果, 腦海中的形象她是一個彎彎的腰, 個子不高勤力辛劳的婦女,。, 還記得款式跟現在的一樣有五香媚豆饀 和 黄糖花生芝麻饀, 還有鷄屎騰等 。但還是懷念古人的味道多點 ! 今天吃着後人做的茶果, 感覺十分微妙, 透過味道的聯系勾我對這個茶果檔的缅懷....有-粒花生在上面是甜的 / 每個十元 (身價提升了不少呵~ )冇花生的是咸 ~媚豆饀甜和咸各有風味 !鷄屎腾~~口感煙煙韌韌, 有草药香味, 吃這個有益腸胃!今天幸見到茶果檔仍然運作着, 這不單是一門商機, 而是一種傳统手藝的傳。

之前同朋友襯放假去左天檀大佛扮下遊客去觀光🤣乘機去埋大澳觀光搭程巴士就到好方便🤓可惜入到去先知炭燒雞蛋仔平日唔開唯有轉移食出名既隱姑茶果之前食過幾次茶果都係求其係街市買個啲今次試下出名既隱姑茶果果然有啲唔同茶果皮超煙韌不在話下中間花生芝麻餡唔會得個甜字反而係好有芝麻香同花生既咬口配埋淡淡既甜味好正最正係佢唔會好似平時食個啲茶果咁得個甜字真係有落心機去整就算下晝買留到夜晚先食都無問題一樣咁煙韌美味大澳必食小食