雄泰

營業中

休息中

今日喺*雄泰餐廳*嗰邊外賣冬陰功湯，我只係講咗句：等我去埋對面*雄泰串燒*度買嘢食先！我過對面馬路*雄泰串燒*嗰度啱啱點完嘢食，坐低冇幾耐，*雄泰餐廳*個高佬哥哥竟然送個冬陰功湯過嚟我度。我都唔係成日食，不過高佬哥哥好犀利，佢會記得我飲冬陰功湯係唔要菇，同唔要餐具，真係勁！就算嗰日唔係佢幫我落單，佢都問我有冇同同事講唔要菇，俾我前會check下有冇放咗餐具，如果有會攞返出嚟。嘩！我咁大個人都未試過有咁好招呼！唔讚唔得啦！！！

本身想食泰式海南雞飯同泰式蝦餅，可惜已經賣曬， 為有下次再去試拉😭今次就食左泰式脆豬飯，睇落有d似港式燒肉，但食落個口感又唔一樣， 塊皮炸到好鬆脆， d肥膏咬落去又唔會太肥膩 ， 點埋個醬汁又唔會太辣 岩岩好😋😋 性價比高， 值得一試👍🏻

呢間平時喺聯和墟都人山人海嘅泰國菜，宜家喺對面馬路再開多間分店主要做外賣小食。佢而家主要就係做串燒類嘅嘢，仲有幾款好過癮嘅特飲。方形魚蛋，蘆筍，三文魚腩同大魷魚都好正。最過癮就係個個夠薑就飲，真係好有薑味，味道都啱啱好。真心唔洗比句夠薑就飲嚇親。傳說老細係前五星酒店餐飲部總經理，以前佢未升之前,佢嘅拿手好戲就係mojito,所以佢杯virgin mojito應該幾好飲既。不過飲完杯夠薑就飲我就入唔到第二杯，下次一定試下。

天氣開始熱，係迷想食下啲酸辣菜開下胃呢？咁泰國菜就啱哂你啦！唔去九龍城食泰菜，黎粉嶺聯和墟食都一樣咁掂！泰式淨脆豬 $40呢個好食推介啊！佢其實係似港式燒肉，不過層次分明。豬肉、肥膏、脆皮全部齊哂。放耐左個皮都唔會淋。只係剩食個肉就會有啲漏，所以最好配埋佢個汁食。個汁溝左白芝麻、唔辣既Chili flakes，甜甜地。海南雞 1/4隻 $49呢個性價比都幾好，因為佢係疊左兩層。同埋雞都好滑。我見好多枱都有叫海南雞飯，都只係$45，所以好抵。泰式蝦餅 $34呢個炸得啱啱好，金黃色。唔乾，不過略嫌蝦膠可以打得彈牙啲冬陰公湯 $48呢個份量大概兩至三碗，入面有好多蝦、車里茄同菇。湯帶甜，唔辣，少少酸。不過唔知係迷飲完呢碗野成晚都好口渴。呢間餐廳其實真係幾抵食，大碟得黎價錢又唔貴。食晚餐果陣，都不斷有客等位入座同外賣，區內真係幾受歡迎。不過如果你好趕或者冇咩耐性就唔太建議，因為太多人太多單佢又唔太夠人手，所以可能要等一等。不過佢服務唔差，feel到佢真係想幫你不過未有空閒幫你

疫情下，外賣變成飲食習慣，外賣食物，到家味道已打上八折，唯一想到味道不太走樣的就是海南雞。很久前到過雄泰堂食，因為不喜歡坐沒有椅背的圓凳，對座位舒適度有要求，所以未有二次到訪。今次買了一隻無骨海南雞外賣，$188用上膠袋，一般的外賣包裝雞和醬汁分開包裝，乾淨衛生一大盒海南雞醬主角出場，原隻無骨海南雞驟眼看以為雞不多，滿滿的雞裝滿在細細的盒子，但食極唔完，雞好大隻，份量非常多，雞皮爽脆，雞肉鮮嫩，雞胸厚肉，但也不會乾乾鞋鞋，肉質一樣細嫩，真心讚。起骨後啖啖肉，絶對是老少咸宜的菜色，配上酸酸甜甜的醬汁，完全沒有油膩感，特別開胃，沒有外賣油飯，自家配上白飯，味道也非常不錯。

午餐時間，有不少在附近工作的人和學生來這裏吃午餐，這是朋友介紹的，一進到餐廳裏，這裏的妝還10分有泰國風味，包括不少來自泰國的汽水飲品，而且亦有泰文的廣告。我們一行三人叫了海南雞飯，炒金邊粉，冬陰功粉絲，以及蝦餅，所有食物都沒有令我們失望，特別推介炒金邊粉，因為色香味俱全，而海南雞飯亦是他們的招牌，份量比想像多，而且肉質鮮美，亦沒有過多的肥膏。餐廳亦有提供泰國飲品例如有汽水、椰青、椰子水等等，而且餐具十分有泰國的風格。

這間泰式菜館的海南雞飯十分聞名，今天便來試一試，可惜我們太早來，店員說海南雞飯的材料還沒有準備好，反正我們對海南雞飯也沒有執念，泰式食品之中，其實我最愛吃各款泰式小吃如炸蝦餅、春捲等。我們二人同行，點了泰式春捲、泰式蝦餅和炒金邊粉。春捲剛剛炸起，外脆內熱，食落酥脆沒有油膩感。泰式蝦餅彈牙有口感，外面酥脆乾爽，味道很好。炒金邊粉比我想像中的細碟，但勝在配料充足，味道不錯。進食期間不斷來了客人，很多都是點海南雞飯的，相信海南雞飯名不虛傳，下次再來一定要試一試。

今日再黎！粉嶺聯和虛泰國菜食晏因為尋日幫襯完走果陣見到隔離枱碟海南雞飯好正咁 所以覆卓 利申我不是這間舖頭打手或者係應邀試食今日天氣依然咁熱 不過門口都係一樣有好多附近既打工仔黎排隊食晏 例排等左十分鐘咁上下就有位 一入去基本都知自己想食乜 都無乜點拎起個menu睇 而我今次就叫左個海南雞飯(多飯)同我最愛既泰tea海南雞飯$45 當店員拎個海南雞飯我面前時有啲失望 係因為佢轉走左我個油飯(可能因為我叫多飯？落單果陣店員亦都無講明 我都無尋根究底 反正就好肚餓 加上店內又多客 店員得兩個都唔得閒招呼 無為再提出問題 增加佢地工作量)我個食法係即時就拎起個汁 一下就倒哂落啲雞到 每啖都雞連汁送飯咁放入口 可能我碟雞比較瘦 食落無乜雞油 而瘦既關係 雞皮同雞肉之間個啫喱都唔覺有(對海南雞有啲要求既你實知我講乜🤪) 而且佢比個白飯我 我覺得整體上係好唔滿足 不過雖然佢雞較瘦 但都唔會好鞋 保持鮮嫩 而且佢個值錢老實講又唔係貴 其實都抵食泰tea$18杯泰tea個size好似細杯左啲 心諗又有冰 實*絕兩啖就無哂 飲落點知其實佢冰唔係塞滿 但都好夠凍 而味道就同正宗泰tea差少少 因為依度既泰

相信粉嶺人一定好熟悉呢間泰菜 呢度出名平靚正 難得黎到梗係要試下喇😀✨泰式海南雞飯 呢個個必點既 雞肉份量好多 係雞髀位 拆骨拆得好乾淨 食落口啖啖肉😆雞肉非常嫩滑 配埋佢既泰式辣雞汁 酸酸辣辣好好食而油飯都好香 但食落口唔油膩 配埋雞食好好味😋✨泰式脆豬飯呢個都係我朋友推介🙌🏻 果然唔失望 脆豬皮炸得超香脆 豬肉選用五花肉 肥瘦岩岩好 唔會覺得有罪惡感😏 配埋佢既辣汁更加解膩左 唔錯👍🏻呢間平日食飯時間係好多人 所以預左要等位 雖然鋪仔細細 但位都唔少 所以唔駛驚等太耐 加上佢食物質素唔錯 價錢又唔貴 絕對可以一試👍🏻

平時中意泰國菜 重口味既我 上網見好多人like 好多人讚依間雄泰今日決定黎到粉嶺聯和虛一試今日中午時份去 又撞岩係放飯時間 去到門口已經排哂隊 心諗今次無揀錯係門口等左大約十分鐘 終於有位一入到去拎起份menu已經有選擇困難樣樣野我都想食 最後揀左脆豬肉飯脆豬肉飯$47店員將碟飯放係我面前 我一望 再數一數 有十二件脆豬肉 岩哂食肉*瘦既我我第一時間就夾舊肉再點汁 一咬 卜卜聲 皮炸得好脆 好似食緊豬油渣咁 不過略嫌佢個肉唔夠嫩滑 有少少美中不足 而個汁食到有少少檸檬汁 同少少辣味 好開胃 整體黎講唔係普通茶餐廳頹飯 值得一試！

店舖新開時已經食過兩次午市，今次終於試到晚市🤗$48冬陰公湯🍲好少成個冬陰公湯飲哂，但呢碗湯好香冬陰公味，唔會太辣又重椰香生味🤤令人想一飲再飲🤤$34泰式蝦餅🍤呢價錢有四大舊真係十分超值！！！👍🏻一炸起熱辣辣，咬落啖啖肉超滿足🤤$46泰式豬頸肉🐷分量一樣對得住個價錢👍🏻有肥肉位唔會太瘦☺️配的辣椒汁非常惹味😋$92海南雞(半隻)🐔冇骨海南雞分量多👍🏻每一舊都好嫩滑，唔會有鞋鞋乾乾的感覺☺️海南雞醬如果有辣汁咁辣就更加正🤤🤤$47泰式脆豬飯🐖脆豬皮夠哂脆💯切件厚肉👍🏻可能呢餐太多肉類，食一兩舊都已經好飽😂$47炒金邊粉🍝炒粉足料👍🏻分量又足👍🏻雞柳嫩滑😋唔會太重味，有雞蛋同炸蒜伴碟，撈埋青檸汁十分開胃🤤總括而言，食物呢個價錢俾到呢個分量係相爛抵食😋👍🏻一路食仲一路聞到好香泰式奶茶味🥤如果唔係夜晚食，一定整番杯先走👍🏻

-{黃店💛粉嶺高質泰菜}有位粉嶺友帶我食泰菜🤤佢係依間嘅打手 一個星期至少食一次😋🤤泰式海南雞飯🤤 ($46)成個份量都好大🤩個飯好重油香😙以為個海南雞剩係得一排 原來遮住左😂😂😂雞幾滑不過偏肥 而個汁酸酸辣辣好惹味😚👖褲評: 8.3/10🤤燒豬頸肉🤤 ($46)好多塊~有啲薄 食落唔係好肥又食到肉汁咁☺️個邊邊燒到好脆😚個汁辣味多小小同好重香料味😜忍唔住會一塊又一塊咁食🥺👖褲評: 8.3/10🤤泰式墨魚餅🤤 ($32)有5嚿 配泰式辣醬嘅😝勁熱辣辣🙊食倒啲墨魚粒 不過有啲油👀👖褲評: 7/10出菜有啲慢 如果趕時間就麻麻地🙌 間餐廳裝潢好有泰式風情 好想試個煎餅但係已經冇出🥲下次想試埋個脆豬飯同埋金邊粉😎順帶一提友人超鍾意個青檸梳打可以一試！野食真係好高質唔係講笑🥰性價比: 9/10服務: 7/10環境: 7.8/10🚩雄泰🚩地址: 粉嶺和泰街21號地舖 #fuudjai #fuudjai黃店 #fuudjai東南亞菜 #fuudjai粉嶺

聯和墟都有好幾間泰菜，有時一兩人唔想食太full， 我會諗係雄泰，叫碗牛湯河配小食炸雞，一係配碟炒通菜，又惹味又香辣，刺激下食慾湯河份量係偏細，湯頭濃，係闊身的粉啱我，仲可以揀多樣野食海南雞一般，唔夠滑，不過個沾汁好得，又香又辣

依家小店由開店到而家一直都好受歡迎。可能因為太受歡迎嘅關係。每樣食物都要等好耐。而且眼見樓面嚴重不足。所以呢方面真係要改善一下。講返正題，我哋叫咗個海南雞飯，肉碎蛋飯同埋蝦餅。海南雞飯係用咗油飯，油飯香味濃郁。雞肉亦相當之嫩口。眼見枱枱食客都有叫佢，睇得出佢真係相當出色。然後就肉碎蛋飯，我略嫌啲碎肉唔夠碎。呢啲極其量只可以叫肉粒。希望佢之後都會改善啦。然後最後就係蝦餅，蝦餅炸得非常脆口。而且熱辣辣，炸嘢永遠都冇得輸。

呢間泰式小店由開店到而家一直都好受歡迎，無論係平日定假日的LUNCH TIME都一定有人排隊。今次同樣LUNCH TIME黎到，門口已經有唔少人等外賣，店內亦滿座之餘，亦會感受到一股怨氣!!首先，樓面職員嚴重不足，當日只有兩位職員處理外賣Packing、水吧、落單、傳菜、收銀，客人都係自行搵位就座，當日更有外賣客人等左半個鐘都未有餐，估計連廚房都唔夠人，餐廳應付唔到呢個客量🤦。如果附近上班的朋友想食，我就建議預留充足時間同埋有定心理準備，又或者唔好食，避免等到燥底，或者趕頭趕命咁食。海南雞飯 $42我同友人都覺得呢個係必食，本身我地預計呢個價錢應該係有骨雞，上枱先知原來係無骨雞，而且份量都唔少!! 一碟有齊雞脾同雞胸，前者嫩滑無比，後者雖然明顯鞋口D，但唔會痴牙，雞肉有雞味，亦有雞汁啫喱。另外個雞飯加左雞汁同薑粉，味道唔錯，唯一缺點係爛左D。冬陰功雞湯粉 $41雞件多到舖滿成個碗，雖然肉質偏乾，亦無雞味，但整體過得去。金邊粉份量又係好多，食極都有，不過略嫌碎左D。至於重點----冬陰功湯，雖然唔正宗，味道偏甜、比較濃椰香味、小辣、帶酸，但我個人都幾中意呢個味😋。墨魚餅 $30一客有五件