雅士餐廳

營業中

休息中

有一段時間冇去呢間餐廳，因為水準比以前差咗好多，無意中係電視見到介紹，所以再比機會佢再去一次，睇下有冇改善，點知晚飯時間7點半羅宋湯就加水😢跟著等咗大半個鐘先上主菜，叫咗兩份燒春雞，一隻正常份量，一隻小兒麻痺，服務又勁差，坐墊污糟到唔想坐落去，咁多年都係咁，之前就話個老闆太老，而家轉咗手啦，仲衰過以前，不知所謂，一d 人情味都冇，食物質素勁差，廚房超級污糟😠😠以後都唔會再去😠😠😠😠😠😠😠😠

老公今日突然想試懷舊扒房到了餐廳，不論内外，真係好有懷舊感覺午餐價錢亦十分相宜，選擇也不少最後我們點了西冷牛扒餐($178)及西冷羊扒餐($188)餐包普通，周打魚湯都好一般，就是白湯加少少魚肉，上面再放些梳打餅囉😅反而羅宋湯好飲，夠足料主菜到了，嘩！乜原來咁大份架！牛扒(七成熟)配飯跟黑椒汁，黑椒汁夠味，又不會太辣牛扒外脆內軟，肉質仲有少許彈牙羊扒(八成熟)配意粉跟黑椒汁羊扒夠厚，也是外脆内軟，肉質非常淋，香而不羶！超讚啊意粉也軟硬適中！正啊跟餐的熱咖啡，普通囉😅跟餐還附送甜品- 菠蘿啫喱，另跟花奶兒時最愛，我就加滿晒花奶先食，回憶返晒黎啊😍最後一讚~ 侍應門幾有禮貌！感覺親切！有人情味！幫我們影合照時，絕不馬虎，仲影左幾張唔同角度，還不停問我們ok嗎？哈！實在有點不好意思！

小朋友想食雞脾，聯和墟整得好味嘅選擇唔多，一於同佢黎呢間可能老過媽媽我嘅 deluxe restaurant。奶茶同朱古力都係鐵壺仔上，別有一番風味。小朋友仲覺得好得意。炸雞脾配沙律好好味，炸到皮脆卜卜，但雞質仍然嫩滑。沙律更是用心之作，睇得出係手切嘅紅蘿蔔，西芹，薯仔，青瓜，一小不一，唔係hea 用罐頭貨。而且，烚到剛剛好，脆身，連唔鍾意食菜嘅小朋友都話好好味。我仲大人仲叫咗豬扒蕃茄芝士意大利粉，豬扒夠淋又入味。mini pizza 多料又夠飽，好滿足。

歷史悠久的西餐廳，也是我西餐的啟蒙小時候爸媽帶著我們去的高級餐廳對於每天吃住家飯的小朋友來說是褔音多年沒有來訪，餐廳仍然維持原狀古舊的滕椅、木枱及黃黃的燈靜靜地、優雅氛圍有段時間聽聞食物質素不太好，早兩個星期有朋友試過說改善了不少今次試試好似從回以前了 不錯不錯牛柳薯菜5成的牛柳剛剛好，軟硬適中、不太老又保持牛肉的肉汁雖然份量看起來不多，但一人實在是足夠的羊西冷扒意外的驚喜！一是份量多得很，二時出奇的美味。羊羶味不重反而有羊肉的香味，肉質似是慢煮的感覺，軟諗可口，肉汁完全鎖在裡面，不乾也不硬，真的不錯。啫喱十年如一的飯後甜品，啫喱的味道就是啫喱😂，只是仍是一樣，回憶即時回來了！

細細個嘅時候如果默書考試拎到高分，阿爸阿媽就會請我嚟依間西餐廳食飯，主菜係西冷扒我最鍾意搭配薯菜， 因為好鍾意食佢嘅肥仔薯條，但係其實我最鍾意食嘅係依度嘅法式焗田螺，當你以為個田螺係最好食其實佢底下面啲薯蓉就更加好食吸晒啲田螺汁次次都想再encore。

/由細食到大既港式扒房😆.西冷扒 $82可選薯菜/意粉/飯配燒汁/蒜蓉汁/黑椒汁/牛肝菌汁餐包✅正正常常✅有heat過 暖暖地餐湯 可選羅宋湯/忌廉雞湯/周打魚湯選擇羅宋湯🤤✅足料（椰菜 薯仔 紅蘿蔔 青椒 蕃茄洋蔥）西冷扒✅上枱仲滋滋聲✅叫五成熟真係俾五成✅薯條很脆✅蒜蓉汁幾好❌三色豆（唔鍾意食青豆🥺❌牛扒「那」過少少.服務可以 一嚟到俾咗兩杯水👍🏾.雅士餐廳地址: 粉嶺聯和墟和豐街23號龍景樓地下 (近聯興街).#food#hongkong#fooddiary5911粉嶺#扒房#西冷#餐包#羅宋湯#凍咖啡#凍檸水#平價美食

推開漆木的白色門，柔和、偏暗的燈光、木藤的座椅、實心的木枱、穿著白衫，上了點年紀的侍應，種種都渲染著一種懷舊的格調。我和友人坐在靠門口玻璃窗的位置，雖看到外面，但我彷如進入了80年代的舊香港，與世隔絕。這間老字號港式扒房，豬扒弄得十分出色。我們點了一個雜扒餐，加了點錢就可升級為套餐。跟足西餐規距，先上餐包，後上湯。餐湯好味得讓人驚奇，原本以為是普通忌廉湯，但這裡卻一點也不馬虎，湯裡有很多鮮雜菜粒，面上配上碎塊的梳打餅，吸了湯後濃郁得來又有咬口，餅奶味與湯配合得天衣無縫。因友人不吃牛，由牛排改做雞扒。這碟主菜份量真的不惹小，食物種類十分豐富，有腸仔、雞扒、豬扒、煙肉、腸仔、雞翼、時蔬，再配以用原片蘑菇整成的蘑菇汁，淋在意粉上。豬扒弄得最好吃，軟硬適中，肉汁緊鎖，不會粗嚡難嚥，十分幼嫩。時蔬也選用了新鮮的蘿蔔、西蘭花。除了套餐，我們還點了烤魚薯條，新鮮炸的，果然零舍香口。魚條再醮上自家調製的他他醬，甜甜酸酸，開胃非常，令人吃過不停。最後一定不得不提的是雜果班戟，舊式菜單寫的是「什菓班戟」，是一貫老派的寫法。這個班戟絕不是日式厚班戟，而是傳統，用的是千層蛋糕皮，再裹著奶油忌廉、罐頭水果，頂上

呢到既野食選擇都好多，但比較出名既都係扒類，所以就揀左兩個扒餐食，分別係牛扒同雜扒，可選配飯、意粉或薯菜。食物味道唔錯，無咩特別，唯一特別令人驚喜既係呢到既酥皮湯！成個餐又包湯又包野飲同甜品，份量真係好足，食得好飽。而主要黎呢到其實都係享受個環境，呢到坐得幾舒服，店員服務很不錯，好適合情侶黎談心。總體黎講，餐廳食物既性價比還好，但如果只係普通食晚飯，價錢就比較貴，建議大家大時大節可以黎呢到慶祝，享受氣氛。

假日去懷舊餐廳🏬下午茶,呢度唔止装修環境,餐牌,佈置甚至食物,都可以帶你穿梭過去,今日下午茶想食🐮牛脷,正好叫一份黑椒牛脷炒意粉加一杯普通☕咖啡,而老公就叫一份煎龍脷魚🐟烏冬加一杯愛爾蘭🥃☕咖啡,.牛脷意粉ok,但可惜係佢變成薄切🐮牛脷,份量轉少,如果唔切,厚身上仲好,普通咖啡一般.,反而老公份煎龍脷魚🐟烏冬ok,重點係落單時叫佢哋龍脷魚分開上烏冬湯底唔錯,唔會太咸,飲晒.,重點來呀,竟然係一杯愛爾蘭咖啡🥃☕,原來係熱咖啡加威士忌再加cream,又出奇好味道,要細啖入口,這個應該只有舊式餐廳而又有酒牌🍺先有,真係一份滿足又難得嘅下午茶😆😆😆

今日約左好姊妹係粉嶺附近食飯，想搵一個可以坐得舒服又唔會趕住要走既餐廳食飯。路經呢間餐廳見裝潢都幾靚幾古典，又睇落幾舒服，重點又唔會好多人唔洗等位，於是就入左去食了。呢度都有好多選擇，我地一行三人都揀食唔同既扒，可以share 食。叫左牛柳、豬扒同埋三文魚。先有餐湯，揀左平時少有得飲既周打魚湯，都幾鮮味好飲。跟埋餐包，餐包微暖，塗牛油，都好食牛柳配薯菜，牛柳7成熟，都易切，味道都唔錯，食落都有咬口唔會韌，薯條都熱辣辣既。豬扒唔記得影相，相對冇咁嫩口，但印象中都唔差。三文魚扒都煎得幾香，不過有少少油，但都香脆既，意粉超多！其實佢仲配埋餐飲同啫喱，個啫喱又幾好食喎！又有果肉！ 個餐超豐富、量多，好飽肚，我地完全食唔曬啊！ 呢間餐廳幾好，服務唔錯，份量又多，程點係坐得舒服，環境幾好。

很久沒有食過傳統的港式扒房, 最近經過位於粉嶺聯和虛的這家雅士餐廳, 立刻食去體驗一下餐廳環境餐廳是傳統的扒房, 古色古香, 但十分衛生,值得一讚用餐體驗餐廳侍應親切有禮, 而且隨時侯命食物質素餐湯有三種選擇 - 紅白綠, 我們兩人各點了一個白湯和紅湯。質素很高餐包方面 - 包是熱哄哄的, 而牛油加暖的,非常貼心主食 - 我點了一個雜扒飯, 味道不錯, 只是意粉不是太入味。朋友的是肉眼扒配飯, 點了7成熟, 沒有OVERCOOKED, 剛剛好, 不過飯也不是炒底總體而言個人感覺很不錯, 值得一試。我想我會一年吃一次

粉嶺聯和墟歷史悠久既扒房自從搬入粉嶺多年，就來過食過吾少次數，雖然中間換過老板，但味道都依然可以得Keep住冇變過不錯👍🏻我已經推介過不少朋友入來食佢😬佢價錢好平又抵食，餐廳環境又古式氣氛好。自從食過第一次食過酥皮湯跟法式田螺牛扒餐，多年來我每次來食都係食同一set dinner 冇變過😂（幫老婆《當時係女朋友仲要初戀》慶祝第一次生日都帶佢入粉嶺係食佢）👫🥰成足多年都ok好食佢既蒜蓉包好ok既（有一排食冇左，之後有返）酥皮湯Good所以先次次叫同一個set，有得飲。法式田螺焗得好食（n年之前係半打，現在4隻）牛扒質素唔差間扒房做到咁耐歷史，係有佢既優勝之處

今晚因為年初4公司收早，家人又唔想煮飯既關係，就帶左屋企人黎依間餐廳食飯。叫左3個set menu 每一個set menu 包一個餐湯叫左個周打魚湯周打魚湯非常香濃，用料足，還配上了梳打餅。除餐湯外仲有餐包送另外有一個set menu餐湯加錢轉左做酥皮海鮮湯充滿牛油香的酥皮，伴住香濃的海鮮湯主菜Set menu 中揀左個德國豬手配薯菜皮好脆身，內裹肉汁鮮嫩。依個豬扒餐比較嫩身，配上意粉加洋蔥汁（絕配）去到最後當然唔少得甜品，啫喱同埋凍飲一杯👍

雅士係粉嶺上水有一定地位。點解？因為以前交通比較差。係區內難得有一間西餐室！童年回憶返晒心上。其實保持到一定水準。但前兩年高調地轉手之後..真不是那種味道。食不出原有的風格。等於一個雲吞麵檔都會有自家製既辣椒醬一樣。無了重點失去了方向。

2年前食呢間餐廳整體感覺十分之好 酥皮湯好好飲 一直都想再嚟呢度回味 可惜感覺麻麻地了目標係酥皮湯，所以一嚟就決定係set menu～如果普通套餐湯需要加$32改為酥皮湯🤔法國蒜茸包 4片 蒜蓉包脆脆的好香口酥皮焗海皇魚翅湯 酥皮湯嘅表面黑黑地 卜卜程度不足 酥皮開始塌落 個湯有少量海鮮 不過湯底就好咸 無哂原本期待嘅感覺！😔田螺同青口都沒有沙，田螺落咗好多蒜蓉，底下的薯蓉有奶粉味，青口面上滿滿忌廉芝士，好creamy😋紐西蘭一級西冷牛扒 配薯菜 $208 蘑菇汁真喺有蘑菇 味道普通似燒汁 上枱時比厚大塊牛扒吸引住🍖！7成熟切開中間仲喺紅紅哋㗎！ 好香好軟腍！肉食系嘅見到大大份真喺好開心😍重點喺薯菜嘅菜竟然喺 三色豆...薯條味道普通因為似喺買返嚟個隻...🙁豬扒 配意粉 $178 例牌黑椒汁～2大塊豬扒，好容易切開，比牛扒更軟腍，意粉同三色豆混黑椒汁味道普通。最後喺啫喱甜品味道唔太甜。問店員喺咩啫喱，店員如實答：「我未食過，所以都唔知咩嚟。」我都唔好意思了😂💙mylittle評分：5分🙂💛 淨扒是Ok的無諗過呢個價錢竟然喺三色豆😂 Openrice有個好處就喺可以睇到餐廳以前嘅食物相