影片
港鐵銅鑼灣站 E 出口, 步行約3分鐘
繼續閱讀
營業時間
星期一至日
11:30 - 22:00
以上資料只供參考, 請與餐廳確認詳情
食物高質嘅餐廳，價錢又唔貴，環境衛生舒適，位置問題所以結業？好可惜，佢係我在香港以呢個價錢食過最好，好過好多高級餐廳！好多時一個人都會去食碗叻沙，連配料同汁獎都特別唔同，今日一個人突意再去見到結業，傷心💔
繼續閱讀
跟小朋友逛街，問小朋友想吃什麼？竟然大家齊聲叫「雅娘」！其實早幾日前， 才吃了「馬六」，不過，真的越來越難食⋯⋯仔仔，吃肉骨茶的境界，就快拍得住爸爸媽媽！🤣🤣🤣一個內，已經來「雅娘」四次了，每次，我們都吃到拍手叫好！真心好吃！今次，有幸見到廚師，仔仔就好像小fans 咁，跟廚師拍照。(其實，他之前一直偷望廚房，睇吓見唔見到廚師出來🤣)今次更瘋癲，午餐、晚餐都去雅娘🤭馬來西亞肉骨茶-湯頭濃，材料多，配白飯一流串燒-肉嫩滑配沙嗲醬，正蝦麵-湯，很香蝦味，湯頭甜，整碗清底干咖哩麵-香濃辣的咖喱，令你味蕾為之一振沙律蝦-外脆，蝦肉彈、爽蝦醬雞-配雞醬，嫩斑斕咖央西多士-一口咬落去，不太甜的斑斕醬與西多士，絕配炒貴叼-味道少少辣的炒貴叼，會想一口一口食落去馬來煎麵配咖哩雞-在馬來西亞也絕少找到的大馬菜，好嘢馬來燒春雞-雞肉嫩滑
繼續閱讀
有日無意中發現，呢間位於銅鑼灣皇室堡地庫嘅「雅娘」💗餐廳裝潢充滿馬拉風味，原來總廚亦係嚟自馬來西亞！🇲🇾今日一試餐廳幾款招牌菜式，每款水準極高，食完令人回味無窮🤤💭»»————- ☟☟ ————-««🐔無骨海南雞 (半隻) ($148) & 雞油飯 ($20)海南雞已去骨，食落啖啖肉。皮薄爽滑，口感嫩滑不韌😙配埋粒粒分明、香而不膩嘅雞油飯🍚簡直係絕配！☞ 評分：7.5/10———🐮巴東牛肉 ($138)相信係為咗貼近香港大眾嘅口味，呢碟巴東牛肉只係微辣🌶️牛肉入口即化，軟嫩多汁，係高水準之作！👍🏻☞ 評分：8/10———🦐傳統馬拉滲滲喇沙 ($98)呢碗喇沙有3隻蝦🦐 2粒魚蛋🍢 2條魷魚🦑半隻蛋🥚加2件豆～ 配菜份量好慷慨🌟153鍾意油麵麵質彈牙，湯底椰奶味重，帶啲啲微辣嘅餘韻💗必點❗☞ 評分：8/10———🦀️星洲濕撈米暹配軟殼蟹 ($78)$78 大大碗濕撈米暹，仲有大大隻炸軟殼蟹🤩好抵食！米粉幼身但掛汁，香口惹味😋最估唔到嘅係，連軟殼蟹都炸得香脆可口，實在出色！☞ 評分：7.5/10———🍌香蕉油酥餅 ($58)以油酥餅做甜品，幾有創意🎨 擺盤都幾靚～不過，呢碟甜品不冷不熱，油酥餅亦冇咗熱食香口酥脆嘅味道👀 相比起其他菜式，呢款有啲失色🙈☞ 評分：6.5/10———[ 1 5 3 趣 事 分 享 💬 ] 落單嗰陣，我哋同侍應哥哥講：「唔該，想要份星洲濕撈米...配軟殼蟹呀🙋🏻♀️想問個『暹』字點讀？」侍應哥哥即刻面都紅晒，答話：「Erm… 唔好意思，其實我都唔識讀😂😳」呢度有冇人可以解答吓個「暹」字點讀？😂😂———[ #153優惠速遞 🚚💨 ]不是廣告！但有免費嘢送🥳（食嘢嗰陣發現到🤣）而家登記做餐廳會員，可以免費送指定甜品（香芒椰汁黑糯米，價值 $58）或特飲一杯（梳打四選一，價值 $42)😍因為會員係用 app 嘅🤳🏻如果唔想晒流動數據，可以提前 download 定 S字頭會員 app 先～😼（唔知邊個 app 嘅可以 DM 問！）不過記得唔好咁快啟用 app 裏面嘅優惠劵，因為有30日期限呀～»»————- ☟☟ ————-««雅娘 (銅鑼灣)🍴 餐廳地址：銅鑼灣告士打道311號皇室堡地庫B10-B11號舖
繼續閱讀
較少食馬來西亞菜，有時想食下肉朋茶就會想起雅娘，之前食過一次，今次試下肉骨茶，下次可以再試其他款式，讚讚員工有禮，服務到位。唔駛點等位，休閒揾個餐廳食下野，傾下計係唔錯既餐廳。胡椒湯唔會話好辣好嗆口，濃濃胡椒清香，只少8件排骨，淨係飲湯食排骨已經可以好滿足，再配上白飯真係頂上滿足感。感覺似濕濕地既米粉、粉絲咁，但就好辣，你唔夠辣仲有碟辣椒醬俾你，酥皮有點煙硬感，唔係趣，香蕉甜，配上生果一齊食，飯後甜品都唔錯。
繼續閱讀
本人係馬來西亞人，有一日朋友介紹來食， 發現超好食嘅新大陸！海鮮喇沙超好食！絕對要試下🥹 麥皮蝦都好好食！試咗一次之後，又黎咗幾次，好多main dishes都值得一試，而且之後注意到每一個dish都會細心地擺盤。冇諗到咁耐之後先搵到呢間寶藏小店！比較好奇嘅喺呢度嘅甜品，因為睇d相同馬來西亞本地嘅好唔同，所以嗌咗好多黎試🤤🤤呢個餐廳好有心，將本地普通嘅甜品加上創意，研發新甜品。真係好有心！大大推介！
繼續閱讀