雅敍閣西餐廳

營業中

休息中

見到'頭X日報'有75折coupon,星期一至五原價$148, 有75折再加1 = $125.8,所以試下未食先見老鼠:到達酒店外面時,突然聽到有人驚叫,於是我望過去,原來有一隻大老鼠在後巷出現 猶疑了一陣應否按原定計劃入去食,最後都係入去.冷盤:salad bar款式少,只有最基本的粟米,豆,薯仔等.冇食到(因為想拿salad時見到蒼蠅) 刺身:4款,三文魚,吞拿魚 & 唔記得不生鮮,三文魚用保鮮紙包住,另外3款是用真空包裝袋包住,顏色唔生鮮,魚唔夠凍,有d食倒有根.不衛生:每隻碟上有多過一條魚,廚師先丟去其中一條魚的保鮮紙,切過給食客後,魚就咁放回碟上,魚肉接觸到碟上另一條魚的包裝紙外面(包裝紙外面肯定唔夠裡面乾淨,點解唔用一隻新碟分開放呢?)態度差:刺身不會預先切定,即叫即切,但廚師好似唔願意幫你切,而且其中一片三文魚有血(有血唔好卑客啦!) 生蝦,青口(我本身唔食,冇試)生冷嘢就係咁少 熱盤:款式少,冇燒牛肉,冇牛扒,冇豬扒(不過我冇所謂)有大約10款:蒸?斑(好似寫石斑,唔記得),cheese西蘭花,燒味(雞,鴨),薯仔,炒飯,炒麵,豬腳,荷蘭豆炒雞柳,咖哩蝦等蒸斑幾好,西蘭

見佢張poster寫$268+10%再有85折咁平既自助晚餐，一於同朋友試試！其實咁既價錢預左唔會有太高既期望，點知，中伏應中既中伏今次主題係海鮮宴，點知得4樣海鮮海鮮：長腳蟹ok，但攞完冇人full，青口有沙冷盤：煙三文魚有up味刺身：三文魚好唔新鮮，色水係暗霉橙，同x將壽司差不多壽司：飯好大舊又硬又怪味熱食：只有豬，牛，雞肉，燒味，炸蝦球，炒粉絲，韓式年糕，同埋幾款疏菜d咖喱牛腩既牛臭既，即切牛排又＂鞋＂又乾炸蝦球ok，咕嚕肉ok年糕好辣，芝士焗西蘭花冇味周打魚忌廉湯唔好飲好吧，食甜品算款式好少，唔緊要，攞d果撻、蛋糕試下完全唔好食幸好有Dayer's雪糕任食（草莓味同藍苺芝士味好食）好啦食完，重點黎。即刻肚痛又肚屙屙左3次，一路走一路肚痛火都黎番到屋企要食喇x丸到今日個肚仲係唔舒服總之一句講哂，請都唔去！

去到餐廳門口，看見單張，才知道「買二送一」優惠（不用優惠券，不用指定信用咭結賬）。按單張的介紹，優惠後的價錢為「午餐成人＄１３８起，晚餐成人＄２３８起」，「有效期至３１／１０／２０１２」。 沙律，蔬菜新鮮，OK。 冷盆，有三文魚、凍蝦、青口，不過沒有吃。 熱葷，有魚有肉（蒸有條鯇魚、咖喱牛肉、燒雞、燒鵝、义燒）、青菜（芝士焗西蘭花、大棵菜心）、炸蝦、印度薄餅、雜菌忌廉湯、點心（牛肉燒賣、豬肉餃子）。 甜品，幾款小糕點，OK。 飲品，冷熱俱備，還有自助咖啡機。 食後感；一開始，自選前菜的炸蝦，啖啖肉，味道不俗。 焗西蘭花也不賴。 Refill 亦不缺。 咖啡機的cappuccino，感覺頗高檔。: 可是，咖喱牛肉頗韌，那尾蒸魚頗巨型，看著很有瞄頭 ，殊不知肉質稍稍霉， 甫咬下去便不再吸引。 午餐過後，由舌尖至喉頭，老半天都覺着有點乾涸，是味精在作祟吧？: 環境尚算寬敞舒適，若能湊夠三人行，只百幾蚊的一餐自助午餐很化算。

去過幾次雅敘閣，都係愛坐酒吧位置。但係，今日去到，食物位置改動哂，酒吧轉了小圓檯，都係出翻去大廳食嘞。去到見唔太多人，無過往人頭湧湧嘅現像。豬柳同牛，太飽無食到最近新加嘅格仔餅，備有多種配料醬汁三文魚、鯛魚，新鮮好味熱食，裡面有：多春魚、羊肉、咖喱雞、炒飯、雞肉、焗田螺、蘿蔔魚鬆、叉燒、炒麵、鴨肉、瘦肉……喇沙，裡面有：長腳蟹、蝦、墨魚丸、貢丸，紅腸、重有幾片唔知係豬肉定牛肉。無咗之前嘅藥材湯同麻辣湯，轉咗喇沙，而上湯就得以保留。喇沙內的蟹腳，上唔知有啲咩，黐到實整唔甩，衛生就係呢度扣咗分價格，午餐剛剛加咗10元以前星期三嘅女士之夜，改為星期一至星期三嘅小童之夜杯裝雀巢雪糕，不過不失凍、熱茶啡、美綠、橙汁，自助式任襟任沖可能係加咗價，貴精不貴多，不會有太多自由行1同搶食。6月11日開始有下午茶自助餐，時間為3:00pm - 5:30pm，每位78元加一，唯不知內容如何。

環境怡人舒適。 中式湯和西式湯各有勝場。 熱葷的款式不算少，不能盡「攝」而已。 咖啡機自斟自飲，cappuccino和朱古力咖啡乃無敵享受。 逢週三晚有買一送一Ladies' Night，加一則按人頭計（舉例：若兩位女士同來，即$208＋$20.8 X 2，每人的net price為$124.8，平過吃自助午餐！）。此計算法向餐廳侍應生求證過，但這個超值的推廣期至何時則未有言明。

前幾日同左班FAN去左呢間店試試,果度環境一般啦,而且客唔太多,熱盤都幾少,而且全部唔吸引,竟然有叉燒同豬腳薑,冷盤有長腳蟹同四款魚生,佢D魚生唔太新鮮LAW,而且D魚生切得唔太好,經常連住一齊,D長腳蟹完全冇味,乾真真的,唔掂,甜唔亦欠奉,得6樣到,而且賣相完全唔得,味道就不過不失啦,下次未會再來.

唔錯, 雖然款式唔多, 但以這價錢來講好ok,魚生好新鮮, 亦有好多三文魚菜式好好味~可能客路問題, 好多款家禽類菜式 (好像是內地客為主的酒店)由於當日是復活節, 有好多蛋類小食, (不過是烚蛋製成, 我沒有特別喜好, 花式多, 幾有趣的!)飲品任飲, 甜品方面不錯, 不停有不同款式供應, 個人最喜歡 朱古力小蛋糕...好濃郁好好味!~ 服務方面, 收拾是有點慢, 但可接受情度, 負責煮麵和切肉片的廚司服務好好, 煮好的"面"會送到客人面前,不過切烤豬肉片口感比較粗糙(類似火腿的菜式), 如果廚司切簿一點會比較好.當日$148 + 1 另有75折長者$128 (要出示長者咭)平均每人也是$128

早幾日和朋友去太子附近行街, 於是到對面的旺角維景酒店吃自助晚餐,上到去的時候已立即有親切的服務員小姐過來安排座位.果然是酒店, 服務的態度真不錯, 而這亦都是酒店與酒樓的分別. 再座下去, 見見價錢, 價錢只不過是二百多元, 不算貴, 值得一試.COFFEE SHOP的場地比預期中少,但是食物的選擇種類也算多,而且食物的賣相都吸引,台上的碟滿放食物.總結：待應的服務態度有禮，反應速度快! 食物的種類多. 可以一試.

今次好失策.....本來以為今次會幾正本來見到個環境~.....諗住D野食會OK點知惡夢就開始.....裡面已經冇咩人食.....2個人食野~仲要比張咁逼又細的枱我地 坐得非常唔舒服之後去拿野食.....冇咩選擇唔緊要....連D野食既水準都極差....三文魚冇味,,,,,蟹唔新鮮.......青口好鹹......甜品強差人意.....飲品選擇少......野食差都算~服務更加差到冇人有.....坐左咁耐~換碟好慢~仲要食左一個鐘都冇~就叫人地埋單先~埋完就即刻唔理你~又唔比多D紙巾或毛巾 叉收左又唔比返支人.....仲有D服務生 個樣好不滿...好似想我地快D走.,,,, 搞到我都覺得唔好意思~阻著佢收工......臨走個下先勁.....係後面,,,,比我地偷聽到佢地大聲講粗口......話咩好煩.....咁貴食親咁既野 真係背脊骨落下次米搞我......奉勸大家唔好步我後塵......

跟男友逛街經過這間酒店…看見價錢頗為便宜，連加一只需$214…宣傳海報上的照片也頗為吸引，所以便決定一試！六時半至九時半的自助餐，全晚好像只有不超過十桌客人…少得可憐，九時離開的時候，全場竟然沒能把一個蛋糕吃完…証明客人真的很少！說回我們試過的東西吧…三文魚刺身...MY favourite…很新鮮，不錯~!!長腳蟹：有蟹的鮮味…ok~!!蜆,海螺:我沒有食，bf說也不過不失~!!轉戰沙律bar:也是一般的薯仔沙律與罐頭雜果沙律~凍雞肉米粉:越式的小食，ok啦~!!吞拿魚沙律撻:曲奇撻皮，Yummy~!!吃了四個…芝士火鍋：有原味芝士與咖喱芝士…材料方面有脆皮腸、薯仔、脆麵包、不肯定是否煙肉…偏咸~!!燒牛扒:bf說：肉切不開，撕比較容易~!!嚐了一口，很韌~!!焗薯蓉：偏咸~!!海鮮貝殼粉:螺肉還好，貝殼粉很硬…not ok~!!特式意粉:很特別，特別在我找不到意粉，只有洋蔥等東西（我是第一個拿的人，究竟意粉去了哪裡？我最愛的cheese cake:很失望…只有兩款…1)白朱古力芝士蛋糕，沒有芝士味的慕士下面放一塊海綿蛋糕，吃了一口就放下了~!!2/)日式芝士蛋糕:芝士味啖得幾乎食不

繼續我的 2010年 5月篇是日為好姊妹成為人妻後的第 1日再加上是她的正日生日經另 1好姊妹推介.. 就試試這間吧!!!不過以這價錢吃到這質素的 Buffet.. 算係咁啦...我們在某天的下午.. 選擇了在這裡興好友慶祝1行 5人.. 3大 2細.. 首先照顧了小朋友的需要之後就到大人搵食..刺身.. 只係得 3文魚.. 完全無其他野可以揀 味道尚算可以!!!熱葷款式不算多.. . .. 有菜有魚又有肉. ..岩晒大家胃口.. 另外仲拎左碟 羊架.. 可惜我唔識欣賞.. . .. 太羶了.. 接受不到甜品.. 我沒吃過.. . .. 好姊妹說 Cheese cake、Tiramisu.. . ..好味!!!!!

早幾日和朋友去了聯合行街,看到對面間旺角維景酒店正在做皇帝蟹和芒果的主題自助晚餐,而且價錢只不過是二百元,就決定跑上去試一試.上到去的時候已立即有親切的服務員小姐過來安排座位.路過BUFFET台時還真得嚇了一跳,因為COFFEE SHOP的場地比預期中少,而且食物的選擇種類也不像其他酒店多,但幸好食物的賣相吸引,沒有一些半空的碟在台上,服務員也很用心的推介.重點推介的有長腳蟹!!!每隻蟹腳也是有很多肉,又鮮甜又多汁,所有一陣就被其他客清走,但想不到服務員很快的又出一盤REFILL,再吃其他魚及蝦等海鮮,所以只是吃海鮮也吃到半飽.接著再吃刺身,雖然每次也排隊,但就有專人切比我們,而且很新鮮及肥美~熱盤的選擇也是和出面一樣,也是有飯麵肉類等,平凡一點,但勝在食物夠熱及服務員很細心的保持四周地方清潔乾淨!到甜品台上,可能他們有CAKE SHOP的關係,蛋糕的選擇有很多和口感也很好!!每件也是細細件的,所以就能試了很多不同款式的,個人認為最好吃的,就是芝士蛋糕.味道很香,有很濃郁的芝士味,口感一流!而芒果木糠蛋糕也是不錯的選擇,芒果肉很大件,蛋糕又鬆軟.其實本身對二百元的自助晚餐期望不會太大,

Lunch $95一位?? 食後覺得只值$40一位一入到去, 行出去一圈已經睇曬第一個感覺, 中左招, 不過冇計, 唔通起身走人咩熱食篇:- 碗仔池: 凍的, 同街邊冇得比, 食兩淡已經唔想再食- 燒味得叉燒only, 冇食, 見到個tray得番5-6舊係度, 到我走時都係一樣, 冇多冇少都係個幾舊- 牛尾算係最ok的唯一choice, 食左3件, 入得口- 炒面, 石頭飯, 兩樣都冇食, 睇樣真係以為白飯炒雜豆- 炸魚, 同快餐店的一樣- 有個檔口, 有魚蛋, 牛丸, 青口, 菜, 金菰, 粉面, 哥哥幫你用水煮, 同屋企自己整差不多- 羊脾, 叫個阿姐切左少少食, 冇咩味道, 少少so味, 可接受程度- 豬腳薑, OK, 但都係凍的, 其實佢整體D TRAY都好似冇咩保溫(加溫)功能, 所有食品都係凍凍的感覺凍食篇:- 有款沙拉, 好似係菜 / 吞拿魚, 但見到真係好唔掂, 好似放左好耐咁樣- 凍面同一情況, 睇樣都feel放左好耐, 好硬, 好乾的感覺 >.<- 得三文魚ONLY(冇其他野, 蛋, 蟹柳都冇), 要去個哥哥前問佢拎, 口感問題不大, ok的, 但總

和女朋友聖誕平安夜自助晚餐 @ 旺角維景酒店去到枱上竟已放有聖誕帽，還有一些玩具，可能是針對小朋友和一家人的客人環境比較迫，食物款式也不多，還有很多中式的菜式，可能是平時比較多大陸人，但大部份味道尚可，但最大問題係每道菜都沒有菜名signage，都唔知食左d咩，揀菜都要逐一揭開才見到不過都有不少海鮮款式，但龍蝦仔我就覺得麻麻地甜品也有不少款式但有樣抵讚，這酒店的侍應比起大間酒店的更加好服務，更加親切貼心，還和食客有講有笑，還會製造氣氛，更有侍應扮聖誕女郎和聖誕老人，還逐枱合照tim!!

六點準時去到 ... 食物種類雖然唔係十分多但係食物賣相好樣樣都好似好好味另外食物 refill 可以快的 魚生新鮮 ... 蟹肉蒸水蛋直得推介但有機會都會再去食雖然不停有新出的食物，但感覺就係唔多選擇；以這樣的價錢，有這麼多食物，其實又真係幾平；但質數就真係麻麻了。