雅敍閣西餐廳

營業中

休息中

年廿八同朋友了這兒吃自助餐\。結果吃得很飽。由於是當天早上才打電話訂枱, 結果只有坐走廊的尾枱, 而且近洗手間。雖然是坐走廊尾, 但收碟的速度也可以, 唔會張枱成日都係碟。食物方面選擇亦選過得去, 不單refill 得密, 而且不時會轉新款。特別是那個芝士火煱, 真的是很美味, 不過一定要一弄完後就趁熱馬上吃。我頗喜歡那兒的壽司, 因為是一些正常壽司店不會吃到的壽司, 例如玉子, 肉鬆等。其他熟食絕對不錯, 特別是燒豬柳。甜品可算是比較失望, 我們拿了很多甜品, 但很多都是吃了一口就吃不下去了。但那個cheese cake 卻是與別不同。雪榚也是比較失望, 只是得雀巢雪榚杯。總結這間自助餐\是食得過的。

以連加一都唔駛三百蚊既價錢去hotel食dinner buffet.. 真係幾抵.. 不過請大家記住.. 俾幾多就收幾多.. 唔好期望有鮑參翅肚食.. 其實響boxing day.. 有個地方俾一大班三五知己坐低食下野.. 舒舒服服咁傾下計已經係好好呢.. 仲要係食得飽添.. 唔錯架勒.. 野食既款式就普通啦.. 味道都係普通.. 係就係無其他美麗華.. 半島呀.. 海景嘉福咁好ka la.. 碎碎地收佢貨啦.. 雖然就未必會再唻架勒!!! 食一次就算啦..

早幾日去太子維景食BUFFET, 因為見HSBC信用卡有八折, 不過食物卻......三文魚刺身有點暖, 雪糕有點融, 節瓜莆有點生, 感覺有點差....其他食物也很一般, 不過絕對飽.

3-5人九折6-9人八五折10人+ 八折不過好多信用卡都有八折~ (我HSBC)間野勝在個場唔大無咁多人, 一D都唔使爭仲源源不絕~龍蝦魚生可以食到你夠~ 不過又係無生蠔變左青口~ 都可以既~ 焗既生蠔就有好多~燒牛扒& 羊扒都好正!仲有好多海鮮蝦蟹&瀨尿蝦~ 但無蒸魚得焗魚有埋甜品& 朱古力泉(甜品款多但味就麻麻了)雪榚都係雀巢全場酒水任飲(哇卡卡~)4個人埋單748~ 差唔多每人187服務幾好~ 廚師會推介好多野食~ 侍應會不停提醒你出去囉野食.生日果位過十人有蛋糕送(不過都無咩用XDDD)

上個星期日，同屋企人一共7個食lunch buffet,每人大概$100。首先飲左個羅宋湯，味道淡左少少。然後食左d薯仔沙律,粟米蟹子沙律，夠凍所以幾好味。然後開始食main coarse,值得一讚ge有油浸白切雞,鐵板燒ge蝦同尤魚(即炒即有,好惹味!),其他就一一般般,d lemon chicken 太酸所以唔想食。冷盤有三文魚同青口,但質素mama,三文魚sushi ge 三文魚切得好核特，不過任攞,算係咁啦!最後食甜品,teramisu同拿夏崙餅有驚喜，果tart都唔差，不過d麪屯布甸有積水。總括來講，咁ge price有咁多野食,仲有ice cream,飲品任攞，可以話係幾抵。但係餐廳冷氣咁夠，應該改善下。

己改了名做「維景酒店」。女友有7折coupon，佢又想食龍蝦，於是試一試晚市自助餐。環境：絕對唔似酒店，格局極老土，只令我想起漢陽苑、椰林閣之流(當然維景好些少，但以酒店來講真係唔掂)。鋪枱的竟然唔係紙，而係一塊膠！餐具唔乾淨。加上鄰座食客鬼咁嘈，影響心情。食物：佢地以「龍蝦海鮮」招倈，但龍蝦意粉只俾一兩隻龍蝦仔你，龍蝦沙律亦只得個龍蝦殼，搵笨！刺身只得三文魚及另一種魚，我更在其中一片發現小昆蟲！生蠔ok,熟身味道麻麻。甜品亦令人失望，鮮果撻內沒有朱古力，而且撻皮lum bat bat，唔及格！竟然無cheese cake，他媽的！服務：侍應態度還可以，但食物refill速度慢，尤其係刺身，咖啡亦然，咖啡及雪糕匙亦缺乏，要我地開口要求才有，反映經理/侍應甚不醒目。食過後，方覺「為食毛毛」的食評講中哂，真後悔無先上openrice一看，唉……奉勸各位，如果對食物有要求，就唔好貪平(其實都唔自好平)，去高級啲的酒店；如果對食物無乜要求，就索性俾幾十蚊食大家樂好過。

因為有都市日報7 折coupon, 就去試下啦原本我驚咁平, 無咩野食, 得幾樣野點知去到, 俾我想像中好wor!仲比一般既酒店buffet 多choice有凍蟹, 三文魚, sushi, 刺身, 生蠔, 凍龍蝦鐵板海鮮,蝦, 青口, 秋都魚, octopus熱食有好多: 炒蟹, baked 田螺薯蓉,我最愛既懶尿蝦, 雞,牛, 豬, 菜....咩都有, salad bar, 甜品吧, 飲料等好多款總之令我喜出望外樣樣野都好新鮮,好味!7 折+1 都係每人@165好抵呀!!值得去雖然d 裝修有少少out dated!

本身好少同屋企人食ｂｕｆｆｅｔ．．因吾食得多野．．好似吾多抵．．早幾日．．屋企人剪左張ｃｏｕｐｏｎ．．嘩．．＄２０８ｘ６５折．．好平．．食物款式都幾多．．尤其仲意打邊爐．．百幾蚊就可以食埋魚生，朱古力火鍋同打邊爐．．邊到搵？口岩晒我！

都係第1次黎lee道食buffet, 因為有coupon就試下la! 不過就唔敢食生野, 見到佢d七彩壽司已經驚左la!環境一般la! 可能因為改左名, 裝修過!食物呢, 送個隻大的焗蠔, 係就係好大隻, 不過加左orange味, 好奇怪!最好食的都係鐵板la! 推介鐵板蝦, 正!!其他都係一般野囉如果無coupon就唔會去$208 X 65折

今日行開太子，突然想食生蠔，見到京港酒店有燕窩海鮮自助餐，就打電話book位，接線個位先生態度麻麻，但心想唔好同5星級酒店比較啦！到了7:30pm，準時到達，但仍要等15分鐘，後來至發覺我坐o既位係臨時加上，位好窄，環境好嘈，好似係置身茶餐廳！開始出動搵食，燕窩海鮮自助餐喎，第一時間去搵生蠔，搵唔到，只得青口，刺生只得三文魚，壽司只有雞蛋及蟹柳、腐皮！三文魚刺生賣相唔得，好似炒埋一碟，唔夠涷！無生蠔得焗蠔蓋，但隻隻都係煲粥o既蠔仔！焗蟹蓋無蟹肉蟹膏！瀨尿蝦ｄ肉好"梅"唔生鮮！係炒蝦好少少！又話係海鮮自助餐，都無咩特別，仲要好多都唔得！沙律全用罐頭生果，而全場生果只得西瓜一款，亦係唯一o既新鮮生果！沙律幾款除了磨菇個款好D，其他都普通到唔普通，無特別，又唔係好食，冷盤款式好少，唔吸引！甜品無想像過咁差！話晒都係酒店西餐廳，以為唔會好差，selling point燕窩海鮮自助餐，甜品上唔見太多燕窩，D CAKE好"鞋"，又無特別款式，俾人攪到一pat pat，睇到唔開胃！普通麵包店D CAKE都好食過佢！布丁好似食藥水！小果撻cream太多！衛生方面都唔係好好，客人亂用食物夾，明明夾焗蠔蓋

上京港網頁見到好似幾得,就同朋友上黎試試啦.熱盤就一般貨色~海鮮以至炒粉面飯之類都係味道普通.再者燕窩都唔覺得別好.冷盤方面, 壽司同剌身麻麻, 比出面D酒店自助餐仲要差.飲品就OK啦, 酸梅湯同橙汁任攞.環境麻麻啦,比較迫同嘈,景就係"麻雀館大招牌"一個.不過有一點我欣賞既,就係甜品啦.無論係凍餅,批,啫喱或者係糕點,味道都好好,質感不俗.尤其係批,有一款係肉桂+香蕉+再加個正正批底,質地非常好,甜味又適中,令到我同朋友都食左幾件呢!!價錢超值,中銀信用卡有折,每人都係150左右.總括來說,呢餐不過不失.如果要求不太高既話,都食得過!

昨晚(2006-3-6)，我地一班老年同學十幾人好耐無見。諗住用太陽報上面張代用卷去呢間餐廳食自助餐連有機火窩。想都想到百多元的自助餐好極有限，但話晒都叫做酒店內啲西餐廳，差極有個普。平平地作為聚會就最合適不過啦! 點知人算不如天算，就係差到我地唔信都唔得。首先最普通的"魚生"只得三文魚，仲要係時時都冇貨。"壽司"就有，不過只係得雞蛋、魚蛋、豆腐、蟹柳，想食物中毒都好難。"生蠔"又細又有沙，肉質同味道就一般過一般。熟食、甜品及火窩生料就品種少數量少。呢間餐廳應該係喺非洲做開生意，當正客人係非洲難民，成晚玩配給經常都冇貨，炒飯炒麵就大把。不過有一樣就唔係間間有，佢地橙汁就任你飲，不過有時會無杯。 總括來講，呢個自助餐最多值70元，多一元都食唔過。

食物都算多選擇，不時會轉款，京蔥串燒雞、炸腐皮三文魚卷&芝士袋幾好味，仲有生蠔、三文魚刺身、壽司...甜品都有十幾款，芝麻芝士蛋糕、日本甜薯批、朱古力噴泉...不過味道一般，冇乜邊様特別好食。環境ok，加上冇乜人，所以食得好舒服。原價$18X，用恒生咭八折，每人都係$170，咁0既價錢，有咁0既質數，算係幾好。

今次係我第三次唻食喇,因為將有遠行,近幾個月都不停去食buffet.上一次係自己唻食,今次係同朋友食,因為覺得平又多嘢食,仲有八折咭,更平.上次食完已經想寫個食評,但一直都好忙,又去咗好多地方食,漸漸無咗回事,今次點都要寫番.其實上次開始已發覺少咗嘢食,今次連我之前幾鍾意食嘅嗰隻有料燒豬肉都無咗,得番普通燒豬肉(朋友話似午餐肉),又無咗羊肉,青口,焗蠔蓋,只係加咗海南雞飯,椰菜卷(唔知咩餡,好似係油炸鬼),牛脷,真係少咗好多嘢食.而冷盤及甜品大致上同第一次食嘅一樣,無咩特別.我而家覺得利景好食d lu.

食物選擇唔多，食物質素差到不得了！主題為【深海獵奇大串燒】，以為即燒串燒會好食D，但都係好難食，蝦唔新鮮，"梅梅"哋，雞就照得好乾身，完全唔掂，大家食咗一口，都丟掉，可以諗到有幾差啦！壽司超凍，飯就稔pat pat，唔掂！青口拌薯茸、燒羊脾係算好D！西柚大蝦—西柚ok, 但蝦唔新鮮，有怪味！焗蟹蓋—一D蟹肉/ 膏都無，全是通心粉+ 芝士，搵笨！搵笨！甜品都係爛，又cheap，無樣好食。D cake 係美心西餅；連一樣食得落肚ge 甜品都無，超差！以呢個價錢，就算有coupon，都係唔抵！食物質素差到無得再差！我哋一行15人，大家都唔覺得有邊一樣好食！差到暈！