雅景餐廳小廚

營業中

休息中

近些日子，需要北上工作時，我總會在上水或粉嶺停一停，找個好地方食早餐。這兩次，就選擇了在粉嶺落車，貪個充滿早餐店既商場就在車站旁，夠方便。不過，當我行到入商場，我被一個路牌吸引到了，說是連接祥華邨的天橋。原來一出去，就是祥華邨的冬菇亭。我見《雅景餐廳小廚》充滿了人氣，就決定來拜訪了，而且一黎，就黎左兩次。這是一個真正獨立屋的冬菇亭式大排檔，如今，這類型的屋邨食肆，已經是買少先少。所以，每一次來，都有一個令人懷念90年代的感覺。第一次來，已經發現這是一間包包羅萬有的茶餐廳。有香港式的公仔麵餐，扒餐。有粥品，有點心，更有盅頭飯。單是早餐，已經會令人覺得花多眼亂。第一次來，心只想快快趣食個麵再北上，所以我點了一份雞扒蛋麵。沒想到，公仔麵的湯底，是一個蘿蔔清湯，仲有大大舊蘿蔔助陣。而雞扒是煎到脆皮的出品，醃得入味，配合2全熟的煎蛋同爽口的麵條，可真是一個好質素的公仔麵餐，自己未必煮得出這質素。另一次北上，又選擇停在這餐廳用餐了。上次，眼見鄰檯的一盅兩件，搞到的心思思。而這也是我決定再訪的主要原因。這一次，我就叫了一盅鳳爪排骨飯。然後，店員端出來的蒸飯非常之特別。因為有排骨，有鳳爪之餘，仲有好好

好食冬菇亭茶記係以前冬菇亭的感覺啊😍今次呢間茶餐廳地點好近粉嶺火車站都算方便嘅，雅景餐廳小廚之前食開午市，早餐今次真係第一次來食！坐底就好快揀左個豬扒煎蛋米食豬扒煎炸好香口，唔柴唔乾身👍🏻另外煎蛋我叫左熟DD，唔會過熟，有蛋香米粉無特別整體合格有突啦！🤤仲有火腿奄列同牛油餐包跟👍🏻再黎多杯回魂奶茶🤤😍💦環境夠冷氣 好舒服的，一開始坐風口位要求換位，靚女都好好服務幫我跟進👍🏻👍🏻👍🏻

去食早餐啦！雅景餐廳小廚就正正經過粉嶺火車站附近，返工叮點都要去食一下沙嗲牛肉米線41$沙嗲香濃美味嘅，幾好食的🤤跟左個火腿奄列同牛油餐包，一杯熱奶茶個奶茶真係要讚！香滑係基本啦，一上枱嗰下係勁熱的，奶茶一定係飲熱，啲茶香奶滑出矖黎👍🏻🔥👍🏻🔥就係茶餐廳標準，份量足夠！有室內外，室外坐位寬敞 👍，還有戶外傘之擋太陽，日間坐得非常舒服👍下次可能下午時間去hea，推薦推薦🤤👍🏻🤤👍🏻

放假決定留港消費，真係要多啲幫襯香港嘅餐廳，支持一下！今日去咗位於粉嶺祥華村冬菇亭入面嘅雅景餐廳食Tea，下午時間簡簡單單叫咗一個咸牛肉炒蛋厚多士，飲品叫咗杯熱奶茶。鹹牛肉炒蛋，厚多士份量十足，厚多士都真係幾厚，炒蛋蓬鬆柔嫩，與鹹香適嘅牛肉巧妙融合，每一啖都好滋味，厚多士外層烘烤得好香脆，內裡保持著綿密嘅質感，恰到好處。多士吸咗炒蛋與鹹牛肉嘅精華，相當美味。呢道真係經典港式下午菜令人最滿足之一，滿足感滿分。飲品方面，杯熱奶茶好香滑，茶香十足，成個餐都係30幾蚊，呢個價錢相當抵食。大家多啲一齊支持香港嘅小店，振興香港經濟！

細細個成日去冬菇亭🍄食嘢，雖然已經冇乜熱辣辣大排檔🥲，但轉成有冷氣❄️嘅餐廳都坐得好舒服😉。前幾日去粉嶺祥華村嘅雅景餐廳小廚食下午茶，咸牛肉炒蛋厚多士🥪 + 熱奶茶☕️， $36 都算抵食，個炒蛋夠乾身🍳，咸牛肉🐄份量都 ok，厚多士雖然唔係好厚，但有烘底，少少烤香＆有煙韌感👍🏻奶茶有茶甘味🤗🤗，呢個set真係我嘅 comfort food😃😃。下午茶時間唔多人，可以慢慢嘆，慢慢食👍🏻。

呢間茶記好近粉嶺火車站，大眾選擇，久唔久最鍾意去茶記食下午茶😚生炸雞髀配雜果沙律🍗（$42）大大隻炸雞髀，金黃香脆☺️雜果沙律份量超級足，大大座沙律山，係港式沙律嘅超級多沙律醬嘅味道，童年回憶返晒嚟，勁多蘋果，甘筍🍎🍐🍏🍠等等😊❤️奶茶☕️每次去茶餐廳飲一半嘅原因都係為咗杯奶茶，🥺🥺🥺呢度嘅奶茶都唔錯❤️❤️❤️❤️❤️📍雅景餐廳小廚 (粉嶺)粉嶺新運路38號祥華邨3樓平台1-4號舖

香港冬菇亭買少見少，呢間冬菇亭喺火車站隔離地點好方便，早餐份量好大，每次嚟都一定係食沙嗲牛出前一丁。早餐時段去到11:30，就算瞓晏咗都仲可以食到，不過就算真係趕唔切都仲可以叫常餐。呢度嘅沙嗲牛丁唔係清湯底，真係本身個湯底已經夠晒味，加埋個牛本身肉質唔錯，味道又夠晒沙嗲，絕對係必食之選。雖然減緊肥食完好有罪惡感但係又好滿足，呢個沙嗲牛就係有咁嘅魅力。其實呢度嘅奶油豬都好唔錯，雖然冇得用跟早餐嘅餐包轉奶油豬，但係下午茶有奶油豬餐，加杯嘢飲都係唔錯嘅選擇嚟㗎。

過往一直都有食開沙嗲牛麵做早餐嘅餐廳執咗，之後好努力搵咗一排邊間餐廳可以食返沙嗲牛麵，俾我搵到呢一間餐廳。雖然睇落好麻甩，但係個沙嗲牛面一啲都唔普通，不但只牛肉多，又唔會好霉，啲醬又濃，個面有好爽。平時街邊嘅餐廳食開嗰啲沙嗲牛麵都係得好少沙嗲醬加個清湯，但係呢個嘅沙嗲牛麵係連個湯底都好配合，仲要個早餐時間去到11:30，真係一個好好嘅週末之選之後睇返社交平台原來都好多人推介過呢間餐廳，再加上本身原來係冬菇亭，應該係粉嶺人都試過

同家人2個人星期日去食晚餐，去咗粉嶺雅景餐廳小廚。地點係好近粉嶺站，出咗站行5分鐘都唔洗就到，行名都商場小天橋出口，轉左，經過KFC個邊一出就係。星期日6點前到，唔洗等位，點了3個小菜，香煎蠔餅，薑汁炒芥蘭，香芋雞煲每碟小菜份量都唔少㗎👍🏼3個小菜，2個飯，2杯野飲，都係$226有時唔去深圳，去粉嶺近近地都有好野食，可以慳返過關時間，搭車錢㗎！邊個話香港侍應態度唔好，呢間餐廳侍應大叔阿姐都好主動，上菜快，有效率，態度都好好👍🏼👍🏼👍🏼香港人要支持下本地餐廳👍🏼香芋雞煲：打開蓋香噴噴，雞煎過，芋頭夠腍又入味，正！香煎蠔餅：一上菜太驚喜！蠔餅有2隻手掌大，比臉還大🤩新鮮，脆，好多蠔仔，足料！一定夠3-4人食薑汁芥蘭：芥蘭好新鮮，條條菜都好有薑汁味，又唔辣！平時我好少食芥蘭都覺得好好味呀😋👍🏼

用餐時間（11:56am lunch）正嘢 for more food info🐒 支持我哋發掘更多美食 😋冬菇亭買少見少，見到呢間粉嶺屹立不倒咁多年嘅冬菇亭🍄仲營運緊，即刻仆入去。天寒地凍，飲碗南瓜豬骨湯🎃🦴真係無得頂，望落就知係老火湯，成個南瓜嘅纖維煲到一絲絲咁，啖湯清清甜甜，飲完唔會仲口渴，例湯應該要係咁。嚟冬菇亭叫炒嘢🥘是常識吧。雖然前後左右都食緊咖喱牛腩飯（下次會試）今日想食佢個炒飯。鹹魚粒切得好細，而且煎香過好出味，好似煙肉碎煎香一樣。🥓🥓佢啲雞粒似係由白切雞🐔咁切出嚟，因為好多都連住雞皮同埋好大嚿。啲雞就冇乜味冇醃過。碟炒飯有一啲不知名嘅蔬菜，挑出嚟食真啲，原來係西蘭花的莖梗🥦 ，因為出過水軟焾身，食落口一啲都唔硬。啲飯成座山咁🏔️ ，而且落料唔吝嗇，每一啖都係豐富嘅口感。茶水最後飲埋杯茶☕️，中規中矩，唔算有驚喜。

三個人四個餸，食唔哂要打包，跟飯跟嘢飲埋單只需三百幾，份量好足味道又唔錯，真係充滿驚喜。生意好好全場爆場，唔怕熱嘅話可以坐出邊，有大排檔風味。椒鹽大蝦同金沙魷魚都好香好惹味，八珍豆腐好多料（如果有豬潤就更經典），潮州滷水拼盤又係好豐富，裡面咩都有，墊底嘅豆腐反而唔多，好有良心。鍾情口味奄尖嘅細佬都讚個蝦整得好食，節約慳儉嘅阿媽都話抵食唔貴，我就整體嚟講都好滿意。菜式甚多選擇，街坊家常便飯好地方！👍🏼

今日嚟到祥華邨平台食早餐，叫咗個歐陸早餐，牛扒餐肉炒蛋，送牛油厚多士、茄汁豆。牛扒係薄牛扒，都唔會好韌。茄汁豆係凍嘅，味道就正常。午餐肉同炒蛋都正正常常。牛油多士牛油絕對夠，仲好香牛油味，牛油係搽滿成塊㗎，同埋都夠脆嘅。另外仲有個哈密瓜😃 哈密瓜都幾甜😂總結：整體都OK啦，牛油多士幾好食😋

今日瞓晏咗自身拿拿臨食個lunch就去返工，近近地去樓下祥華邨冬菇亭，呢間餐廳之前都食過好多次！午餐選擇種類都幾多！今日我哋就叫咗蝦醬海鮮什錦炒飯及蘿蔔牛腩飯！價錢唔貴而且經濟實惠！蝦醬海鮮什錦炒飯上堂已經聞到好香，份量仲係但係大大碟，我一個女仔真係食唔晒，配料入邊有蝦仁、魷魚、用左蝦醬提鮮，米飯也炒到好乾身.蘿蔔牛腩飯啲蘿蔔炆到好林好入味，而且好清甜，牛腩唔會紋到柴口，加埋啲牛腩汁送飯真係一流！餐湯都係沙葛湯，飲囉清清地又唔覺有味精..正

今日中午時間叫咗兩個午餐，鮮茄焗豬扒大蝦飯，干炒叉燒河。鮮茄焗豬扒大蝦飯 $50由於係即叫即焗嘅關係，製作需時，焗豬扒飯係要襯炒飯底先正，豬扒大大塊，仲有幾隻大蝦，好抵食呀。乾炒叉燒河$50河粉係用上幼身嘅細河粉，即叫即炒，夠晒鑊氣。大大杯凍檸檬茶 (跟餐加$10)嘩，呢個勁抵飲，見好多人都叫，咁啱我又好口乾，呢間嘅凍檸茶茶味濃，都幾好飲。我竟然飲得晒，正呀。凍阿華田 (跟餐加$3)阿華田正正常常，冇乜特別。

🍔食物質素：👍🏻👍🏻👍🏻👍🏻  💵價錢性價：👍🏻👍🏻👍🏻👍🏻  📸打卡指數：👍🏻  🪑環境衛生：  👍🏻👍🏻👍🏻  🤵🏻店員服務： 👍🏻👍🏻👍🏻👍🏻  fai.lok除左食貴野，都會好貼地食好多茶餐廳，今次fai.lok就黎依間街坊茶餐廳食晚餐。整體環境同普通茶餐廳一樣，至少枱面乾淨，又無大排檔咁髒，但佢又有大排檔鑊氣，廚房入面真係猛火煮緊。至於茶餐廳就一定有電視俾你睇好似屋企一樣。時菜炒牛肉(通菜, 蝦醬) 套餐  ( $64 )雅景餐廳小廚啲小菜都有包白飯同餐飲，60幾蚊依個價就真係幾化算。兩個人食茶餐廳晚餐，fai一般都會先叫個有菜有肉的小菜，之後再叫一個當天喜歡食小菜。時菜炒牛肉叫了通菜，當然要配蝦醬，蝦醬炒通菜食落唔鹹好入味，肉質好彈口，依種就係猛火先炒到的效果。但咖啡就有少少失色，唔識形容，唔係好飲個種苦，下次會飲可樂比較好。蠔餅  ( $78 )蠔餅屬於打冷小菜，所以就無套餐包，所以fai.lok自己再叫左個白飯，蠔餅都算多蠔，而且蠔仲要都幾大粒下，蠔餅就係一淡食到蠔同炸粉餅先夠滋味。而且蠔餅炸得唔算乾面，蠔同粉餅比例岩岩好。小小分享: 食蠔餅除左點魚露，仲可以試下點泰式