影片
以上資料只供參考, 請與餐廳確認詳情
第一次跟朋友試團購, 但原來好差. 可能係團購, 所以火鍋配料同正價有分別,只有望住隔離枱食 "响玲" , 但團購版就只可以點綠色單上面有個d啦,但好似西洋菜, 唐好 -- 明明寫住, 但都係無.都算啦, 點左腐竹, 但d腐竹係紫紫地... 點左肥牛, 但唔靚, 所以無人食lor .d蝦又好細隻. 而且唔加錢的話, 佢只會提供基本的 "豉油", 然後, 點左2輪之後, 佢就會甩單, 再追, 再填... 都係無見住其他枱d小菜 / 火鍋配料陸續上, 但我地都係得個 "等" 字.(因為佢只比 2張點菜紙, 所以要問佢攞, 但因為係上樓, 所以基本上係無人理你, 要等上菜先有 "待應"上黎) 到最後, 其他枱上完菜, 我地就再有火鍋配料上, 不過要呆等左大半個鐘... (由耀舞長安 等到 拳王) ... 而且點左d配料, 好似田雞, 就已經無哂啦... (好似係食左2輪之後, 佢賣剩先再比你咁) 計返條數, 酒樓d任食仲抵過佢.
繼續閱讀
因團購關係,友人買了12張票,但係OPENRICE未有此間店的食評,無得參考,即管試試整條街都有好多食店,坐到出門口,去到帶了我地上樓上,環境較迫,冷氣也不夠. 一坐低,給了團購票後,已經好快叫了兩煲雞煲,另外比一張紙給我地點其他火鍋食物.我地叫了一煲辣,一煲唔辣. 上菜時賣相不錯,食落不夠入味. 雞也食不出鮮味. 因為用鐵煲,好快黏底,要加水,攪到個雞煲更淡.後加的火鍋料,款式很多,連較貴價的生豪,鱔片都有,不過只限第一次叫,之後叫了幾次都無,一是叫10隻,來3-4隻, 一是不見影. 後來投訴下,有一個似話事人,態度好好,話會跟進,就真的較齊數.但係食物品質就真的一般,d豪好細隻,d鱔較新鮮,但係來得幾片.丸不是手打丸,平宜貨,肥牛較為好些,不會一味肥死. 有生蝦,哯,尤魚,雞子,大魚頭就最有驚喜,好大隻,好新鮮其他都係一般蔬菜,姑類,豆腐,豆卜,一般貨式.總括: 海鮮類較ok,但係就古寒,一尾漏單,要追, 肥牛ok,丸差,其他就一般. 雞煲主打,不夠味. 只能當一般任食火鍋的質素來吃,沒特別. 如無團購,就不底食.
繼續閱讀
買左5張COUPON, 88加1一位, 雞煲湯底加任食, 飲品加錢. 阿媽生日, 所以一早訂左位~ 不過去到都見到其實一定唔洗等位. 出街打邊爐真係未試過咁差既. 所有野都極唔新鮮, 同埋一睇就知無洗過. 連最普通既芝士腸都可以咁難食, 我真係估佢唔到. 啲金菇應該係直接開左包裝, 無洗過就擺上枱, 仲有成舊泥喺度. 全晚最好味既竟然係"炸魚皮"? 死未. 阿媽生日請佢食啲咁難食既野, 我真係非常唔好意思. 雖然係任食, 但食左啲之後已經無人想再嗌野食. 另外, SERVICE 方面, 叫加水竟然叫左4~5次, 用左差唔多10分鐘. 明明間野就無乜人, 我唔明點解佢可以咁慢. 行路慢, 又無禮貌. 同埋有一次寫好落單紙畀待應, 佢竟然話:"陣間叫先喇!!"我地全枱呆左. 咩叫"畀錢買難受"? 我體會到喇.
繼續閱讀