雞翼山 (新都會廣場) (已結業)

最近睇網上雜誌介紹， 新都會開左間雞翼山。 原來依間雞翼山係用富士山做主題， 好多富士山周邊野，連放濕機都係富士山， 但全部擺曬收銀，好難影到相。位置有d難搵，要問客戶服務先個位置，位置係天仁旁邊， 一過左天仁已經有攻鼻feel，試左個避風塘炒雞翼， 避風糖炒蟹就聽得多， 炒雞翼就真係好小聽。 試左味道唔錯，如果辣d就好， 雞翼都算大隻， 跟埋好多蒜香&麵包糠，正。依傢只有現金&八達通， 有多幾樣比錢方法就好d， 須要改善下 。

從網上得知雞翼山在葵芳新都會開分店！對於我地呢d雞翼控，未去朝聖已經十分期待！難得今日同朋友一行六人去開葵芳，就一齊去試下！有咁多人就緊係要試多幾隻味😍去到新店裝修簡潔清新！仲提下大家食雞翼係唔需要儀態😆😆好啦！我地不嬲都無咩儀態既😝門口放住menu清楚睇到各種口味，不過店長今日出黎話原來餐牌會定期更新，雞翼控如果要試哂真係好唔得閒🤣🤣先睇menu 有9款味道！朋友商量後點左4款！分別係文青風政瑰味，鹹檸七味，檸檬茶味及鹹蛋黃味！文青風玫瑰味有好香蜜糖味，同行有小朋友，呢款就最岩小朋友！👧🏻鹹檸七同檸檬茶都好特別，真係好似飲緊兩款飲品咁！幾新鮮既配搭👍鹹蛋黃就當然惹味，食到停唔到口😋店內仲好貼心，有手套或叉提供！又提議大家可放回紙兜去回收處👍👍整體來說，味道無令雞翼控失望！期望下次有機會再試下其他味道🤩🤩

今日特登入葵芳試新開張的雞翼名店「雞翼山」。之前喺銅鑼灣食過一次「玫瑰蜜糖」，今次試埋另外兩隻味：「鹹檸七」同「蟹皇蟹籽」。食過果然驚為天人，檸檬味同雞翼好夾，清新得黎由中和返炸雞翼的熱氣感；蟹皇雞翼個蟹膏味勁香，直頭香到好似食靚的大閘蟹咁正，連我本身唔太好雞翼既老婆都話正。連鎖店既雞翼完全比唔上即炸又juicy既雞翼。$38/4隻，飽肚價錢又合理，下次返去加碗飯又可以係一餐。其實飲杯珍珠奶茶都係咁上下價錢，去葵芳如果要食小食，與其去葵廣掃街，不防對自己好啲食靚雞翼。

檸檬茶既雞翼買左戲飛等睇戲時，去天仁買定飲品，甘岩見到開左間雞翼山，距離開場仲有時間，就買試左檸檬茶既雞翼， 有塊檸檬和唔知有咩用既牙簽。4隻$38 中等價錢啦， 食落真係好似飲緊檸檬茶甘，酸酸地，睇落好似真係用檸檬煮甘， 做到好鬼入味，雞肉本身都有d味道，不過d雞翼有大有小， 唔平均。潮流興環保， 個食物盒可以回收再用， 值得一贊。總括黎講，雖然好食，但有d偏貴仲有9種味咁多，我一定會再試，兩個星期轉幾款味，我食唔切呀！

這已是「雞翼山」第四間分店了，單賣雞翼也能殺出一條血路，自有過人之處。可惜的是1份order只能選1款口味，店主解釋每份雞翼都是即叫即炸，離鑊後不能等，所以每份只做1款口味，是對品質的堅持。這天點了1份鼠尾草鹹蛋黃哥+1份港式避風塘蒜香。等了大約6-8分鐘，熱辣辣的雞翼出爐了。葵芳分店現在試業階段，在Facexxxx like 便可獲贈多2隻雞翼店主說有4款雞翼20/12便會下架，想試晒咁多款口味就要快了！

離遠見到好大個富士山，點知係原來開左間雞翼山。可惜一直好多人係富士山前，影唔到相原本已經飽飽地，但店員主動介紹每款口味， 仲講明即叫即炸，飽都要試下。 $38/4隻雞翼店員介紹熱情果時話用新鮮生果做，加上本身鍾意熱情果，酸酸甜甜，最後試左依款，無失望，反而仲有驚喜。大約等左15分鐘左右就有，佢地係雞翼上面真係加上新鮮熱情果，外面好脆，雞肉就嫩既，而且味道都夾，會再去試其他口味🤤， 希望可以影到富士山啦

星期六同女朋友經過新都會, 見雞翼山新開左分店. 之前同佢係其他雞翼山分店食過唔錯, 佢又係雞翼控, 於是試下呢間.同店員confirm D雞翼係即叫即製....叫左3款: 玟瑰, 檸茶 同避風塘.等左5分鐘度就有得食啦.一睇所有雞翼都係大大隻, 比起M字頭快餐店個D大30%左右.  新鮮炸即香氣令人胃口大開, 隻隻金黃色.第一件食玫瑰雞翼先 : 玫瑰花蜜外面, 輕輕甜甜.  咬落雞翼內面外脆內軟. 成功保密肉汁, JUICY. 同之前係其他分店食既水準一樣.之後食避風塘: 第一次食. 雞翼上面有炸蒜同小小辣椒粒, 香味惹人. 原本以為會好辣, 其實微辣.   味道唔錯.最後食檸茶: 檸檬茶味第一次見雞翼. 新穎口味, 酸酸地,檸茶好香. 值得一試.女友話中意玫瑰味多D. 我自己中意檸茶.  整體新鮮好味, 中意香口脆口小食既應該會LIKE的. 好多女仔都中意食雞翼, 所以尤其推介比女性友人. 見到隔離叫左鹹蛋黃, 鹹香味湧過黎, 下次應該試下.

在葵芳新都會行街，剛好看到雞翼山新鋪試業，這個品牌之前見過但未食過，即管睇睇餐牌。門口招牌十分明亮醒目，九款口味雞翼一目了然。靚仔老闆親自招呼，推介了「文青風玫瑰」、「我係鹹檸七」及「鼠尾草鹹蛋黃哥」口味。還說今天試業，所有口味雞翼加送2隻，十分抵食!「文青風玫瑰」甜密清新，吃下去有初戀的感覺。「我係鹹檸七」刺激食慾，甜酸交替似熱戀。「鼠尾草鹹蛋黃哥」香濃豐滿，口味變得成熟有內涵。另外，店舖的裝修十分有特色，整體走的是富士山風，看得出老闆別出心裁的設計，同時，勾起了淡淡回憶，「東京之旅一早比一世遙遠......」整體來說，食物是初見驚艷，期望再試依然!

即叫即整既大大隻雞翼熱到要等一陣先放得入口D雞翼仲要係無添加激素雞翼 試左熱情果紅棗寶寶味，酸酸甜甜食唔停口真係超級好味道依家新張期間某社交平台仲會送多2隻雞翼聽日要再食過先得