雞蟹煲 (已結業)

在西營盤確實甚多火鍋，有很多經不起風浪一年完結，有些名氣過後保持不了水準，而這家雞蟹煲名氣不算大，位置不算起眼，卻能保持水準，三四年前食過今次再來感覺仍不錯。5人首先order“招牌香辣雞蟹煲”，以蟹份量來說確實不錯，蟹身算厚肉；雞相對入味，係滲入雞肉的味而不是停留在表面，你懂我說什麼！通常試牛肉都不會order最貴的，因為中價牛才能食出食肆的性價比，可惜已賣光。唯有order頂級手切牛，價錢不說，不過肉咪確實是有，口感亦是上佳之算。其他配料新鮮，大家不彷試試，始終人多打邊爐最溫馨，提提這家店有一間12人的房可book，亦有露天位給另類需要顧客，不過要好安靜，大家可體會下。整體感覺良好，價位中上，食物中上，可以再試。

秋風起 最適合就係打邊爐啦四個人成四個月無見講左食呢間好耐 終於食到啦-研究左湯底好耐 因為有好多選擇最後揀左野菌花甲活蟹煲(原味)朋友話煲野都大碟 叫我地唔使叫甘多餸所以我地都係叫左一碟肥牛,響鈴,蔬菜個煲到啦 確實好大煲先飲一啖湯 好清甜花甲好大粒 粒粒都有肉食我無食到蟹 不過聽佢地講都幾鮮甜入面除左蟹同花甲仲有金菇,茶樹菇同要粟米食頂級手切本地肥牛(例牌)牌場好西利 塊肉好好𡁻頭本身以為四個人太多但食食下覺得份量岩岩好還有我最愛的芋絲第一次吃䈑筍 放入口就有陣清香味道朋友最喜愛的翠玉鯇 我唔食魚架所以一聽到魚都耍手檸頭不過原來都幾爽幾好味特別推介係碟香脆響鈴但係浸兩三秒就夠架啦仲點埋油麥菜生菜清清腸胃最後食唔哂 友人決定打包回去都係既 可以拎菜去淥麵每次打邊爐都要食烏冬但今次唔使食都完全夠飽四個人食就左$1127平均$280/人左右 都幾合理下次會再來的

抵港第一顿，朋友带我来了这家餐厅，点了鸡煲加活蟹。煲本身已经很大，还加了些别的菜，从活蟹到厚切肥牛，到牛蛙再到藕片，每一样食材都非常新鲜，放入锅底煮后增添风味又不破坏食材原有的鲜味。锅底的味道咸香之中带点微辣，适合各种口味的食客，强烈推荐

我帶了一個外國人來光顧，點菜時問有幾大碟全部人只係望住個電視睇賽馬同我講"咪正常咁大碟囉"明明知道我們點錯了都不說出來。上菜後發現滋潤嫩雞煲太大煲，立刻叫她取消火鍋配料，放回雪櫃（當時桌上只有雞煲），他馬上進廚房，5分鐘後陸續把配菜放滿整個桌上，跟他說可以放回冰箱的幫我取消，他怎樣都不肯。之後發現粉絲裏面有蟲要他取消。他又說只能換新的一盤不能取消。完全不可接受！！ 

難得有些涼，兩個人都來火鍋一番，為咗要食至好味的響鈴，即決定來雞蟹煲。叫了羅漢果茶、不太甜，飲落唔苦又唔寡、好順喉。比其他店好，感覺健康啲。胡椒豬肚湯夠胡椒味又多咸菜， 湯內有很多豬肚粉腸，胡椒唔太辣，亦唔淡味。好正！當然有響鈴啦、這裡即叫即炸，大大條，熱辣辣，好脆，坊間一般都是超市那種質素，而這裡卻是自家製即叫即炸的，價錢四十多元有八條。就咁食又得，唔點湯都好好味，點了湯更不得了了！豆苗都好嫩唔「孩」，是嫰豆苤的那種，魚腩唔腥又肉滑，豬面青不是一般雪到硬的雪藏肉，肉色粉紅又切得厚薄適中，食落好滑，同胡椒湯好夾。好滿足啊

12月初曾光顧此食店想試雞蟹煲，坐下落完單後有店員介紹有些飲品是自家製，便叫了一支菊花茶試試，店員拿過來時我發現不是凍的，便問她是否已是凍，她兇我說："你自己摸下！", 我話唔係凍，她再以非常惡劣態度說："咁而家係咪要凍吖！！", 如果不是已落單叫了雞蟹煲，我想我會掉頭走便算。因受到不禮貌待遇，有少許影響了當晚食飯心情。我想表達的是，一個店員的態度，是代表緊整間食店，原以為非大集團，服務應更好，怎知擺出一副'唔憂做'的姿態，再幫襯等同貼錢買難受。 

一早就Book左枱約朋友食飯, 點知喉嚨痛, 爭扎左一輪之後, 都係抵受唔住誘惑, 決定食左先算....去到, 朋友都唔俾我食我至愛既招牌雞蟹煲, 咁唯有試個花甲煲啦。 都好, 之前次次想試, 但結果都係食左雞蟹煲, 今次有哂原因食個清淡啲既什菌花甲煲啦! 個煲黎到, 好足料, 我地3個人食, 食極都食唔哂啲花甲。 個湯好清, 有好多隻唔同既菇, 雞肶菇, 茶樹菇, 金菇..... 因為我地好鐘意食菜, 平時2-3個人打邊爐都要叫1個菜, 再加蘿白, 粟米, 芋頭。今次叫左1個西生菜都夠哂LU.留左個手切牛, 因為通常我去得比較晏, 有時去到會無哂, 所以通常我都會留定! 真係好好味。 我唔係特別鐘意食啲好"林"既牛肉, 如果鐘意"林"啲, 可以叫牛展。 我個人偏好, 好濃既牛肉味, 又唔鐘意太肥, 個手切牛肉就最啱我! 出面真係好少食到啲咁有牛肉味既火鍋牛肉, 除左個雞蟹煲, 個牛肉都係我不停番去幫襯既原因!因為我地今次得3個人, 無食到好多配料。最意外既係個炸響鈴。 新鮮炸起, 我襯大家唔覺, 拎左舊碎黎食! 新鮮熱辣真係唔同啲, 又香, 但又唔會有好大陣油益味。 呢啲咁可遇不可求

雞蟹煲響西營盤七號差館行過少少，搭車成日見倒，今次終於去左試我地冇叫雞蟹煲，淨叫左雞煲雞煲好入味，好夠花椒八角味道！好味到唔係好捨得加水本地牛好有牛味，唯一美中不足係多左少少肥膏，最鐘意未加湯時用雞煲個杰汁食，諗起都流口水響鈴亦屬於炸得好果批，鬆鬆脆脆，其他黑柏葉豬血四寶丸不過不失賣單六百幾蚊，正常價雞煲個味響西環黎講算係數一數二好味

又到最開心的family day大日子，蘿拔妹一家人今日到家附近的雞蟹煲用晚餐！其實之前已經想去好耐了，今次時間比較早，不用訂位也可以直接有位！研究餐牌好一輪，加上侍者熱情推介，決定叫招牌香辣雞蟹煲~ 食飽後再想想點什麼配料打邊爐吧！先端來調味料一大盤，包括蒜頭、炸蒜、辣椒、麻醬、沙茶醬、醋等等，總有一款合你心意！招牌香辣雞蟹煲醬汁有頗濃的藥材味，是討好的。入味又燙口的雞塊充滿醬油味，而且質感鬆軟，分量也不少呢！而蟹方面我們點了大只的（大的$446，小$406），蟹味非常濃！而且肉質是一疏疏分明又彈牙，吸收了濃濃的醬汁也不會蓋過蟹的鮮甜味道。除了雞蟹兩位主角，配料還有菇類、蔥、蒜頭、木耳、菜等等，全都入味非常，教我們一口口把整鍋吃清光！吃到差不多後，醬汁變得非常非常濃，這個時候侍者就加上清湯，可以點配料打邊爐了！牛胸尖聽店員說這是牛胸肉之間的白色膜，吃起來非常爽口。說也是真的，爽口而且帶濃濃的牛肉味，可能中間都夾雜著脂肪吧！但筋位也是非常之多，有些難嘴嚼呢！鯇魚腩這個是必點推介！魚腩肉質鮮嫩，而且脂肪比例非常高，滿口都是魚油！鯇魚新鮮，所以完全不腥，分量也是足夠的~黑松露蟹肉餃子店員標

朋友話西環有間正野想一齊去試，我聽到都打個突，咁遠唔係掛。點知佢話真心正唔係坤我，我見佢咁認真，好啦去就去啦。好彩跟左佢去咋，如果唔係實後悔！蟹煲唔係第一次食，但呢間真係好唔錯，好多配料係入面，當然仲可以叫好多啦！！！牛雞乜乜乜，乜都有，有大量的菇類呢個好重要，因為吸晒Ｄ味好正！！好少可食咁多菇^_^　講番正題，Ｄ蟹都係唔差啦，平時我好懶因為食蟹好麻煩，但今次真係破例啦，點懶都要試下，包你番尋味！！！！另外仲有Ｄ蠔都係好唔錯，一樣肥美﹐新鮮！！食蠔一定係食新鮮，唔新鮮真係唔好食！ＨＡＨＡ好在今次跟左個朋友入黎姐，如果唔係ＭＩＳＳ左今次平時我真係唔會突跟入黎囉！！！

在朋友的推薦和帶領下，下班一群人殺去西環吃雞蟹煲。店面不大，卻一如既往的整潔。因事先book佐位，所以直接人齊開餐。我們點了：雞煲、蟹煲以及若干配菜1、該店的調理比較齊全，可以不是長久放在桌子上。2、蟹煲看著很滿，料很多3、蟹煲味道比較淡，可以直接當打邊爐吃4、花甲不肥，性價比一般1、雞煲味道狠勁，不差于紅磡那些雞煲2、底料很濃厚，但雞較少4、其他配料都比較新鮮總體評價：值得一去，可以去探索更多。

主打雞蟹煲，我地2人點咗中辣，對我而言辣度剛剛好，辣得嚟唔會令人喪失味覺。雞好嫩，夠惹味，重口味之選，蟹亦夠鮮味，會返兜。其它打邊爐食物唔特出，響鈴同丸唔對版，響鈴好大個，texture同size都同平時食既唔同喔。D丸同menu and 餐廳墻上既相有d出入喔。瓜菜類正常。下次會試雪花肥牛。

為咗係這個放肆爆肚勁食嘅五月作一個完美總結所以今次揀了「雞蟹煲」打邊爐！連一個百彈嘅老爸都罕有地有讚無彈，全因超正又足料嘅湯底！其實今次已經係第二次幫襯而且仲點番同一款湯底--雜菌花甲蟹鍋（今次無加大隻蟹但都夠食）一揭開煲蓋大家都...哇！好香好多料呀！係，真係好多...淨係花甲我估應該有斤幾兩斤，最重要係隻隻好似會笑咁...口掹掹，開晒口仲好鮮甜架！當然地叫得雜菌並非得兩三種菇就叫雜，能數得出嘅都五六種再配上烹調過嘅上湯簡直有種身處紅樹林一樣... 一個無油又清甜湯底就係咁比我哋一行五人鯨吞了半煲湯（要讚的是廚師考妙地加進香芹、胡椒撇除腥味！所以不吃香芹芫茜的朋友注意咯～）當然除了湯底激讚外，前菜亦係令人回味再回味...生醃螄蚶，依度做法同其他潮州舖做法好唔同因為廚師以原粒浸（反而無咁咸）雖然食嘅時候有點不便但反而更鮮甜又有蒜頭、酒香，而且價錢大眾化＄6x 蚊，抵啜！至於配料都好新鮮：手切肥牛、聖子、手打丸丸、萵苣...下刪八九樣材料；但不得不提嘅大大舊厚厚嘅花膠（爽爽黏黏），其他店好多時用花膠筒（質地薄薄無黏黏口感）！哈哈再飲兩碗湯先！必食推介（訂位時要預留）：同打邊爐無關係嘅椰子

由於我唔太鐘意食肉，所以主要叫海鮮。🐟我地兩個人，每人一隻蟶子，超大隻，好鮮甜！😋花甲十分大隻，好新鮮！😎有時會有時令海膽刺身同三文魚刺身。大大隻桶蠔，超正！👍仲有我最愛嘅象扙蚌刺身，不過最好打去預留，我地得兩個人，可以留半條，非常好！👏因為係海鮮為主，我都會點佢地個酸菜海魚湯底，🎣好醒胃，可以食多d！另外佢地有一支支羅漢果蜜同菊花蜜，好過飲汽水頂住個肚！🍹

雞蟹煲名字直截了當，店名既沒有加上任何 B仔、明記的名號，只是簡單而清晰地道出，食肆所售的主要食品與類別就是雞與蟹。其實雞蟹煲屬於火鍋一種，不過選雞煲的話，得先嚐雞件，待放湯後變成火鍋，雞和蟹才可因應食客的選擇喜好，方能伺機會合。店內以紅、黑為主色調，為熱燙的火鍋再添滾熱的感覺。陳設與一般火鍋店無異，牆壁兩邊擺設大、小圓桌、掛上電視和食品推介等。雞蟹煲每天下午六時才啓市，直至凌晨三時才休息。電話設有留言信箱，留下相關聯絡資料，店員會於接著之下午時段回覆客人訂座的要求。雞蟹煲提供19款之多的火鍋煲底選擇，除招牌雞或蟹組合而成的乾鍋和湯鍋外，亦有較普遍的豬骨湯、豬肚湯和芫荽皮蛋湯等。我挑了野菌花甲活蟹煲，這個名字似曾相識。對了，花甲蟹煲大抵是由水佬榮在澳門原創，沒有在澳門嚐過，但曾在水佬榮香港店開幕時到訪過一次。而雞蟹煲的野菌花甲活蟹煲更有原味和辣味兩款，因老媽吃不了太辣，於是我要了原味，但要求加入丁點辣味。就當晚情況，亦可多加 30元換來更大的活蟹，不過以我們三人的食量，剛好可應付正常的份量，再多的話只會吃不消。湯滾了一會後，老媽先試了幾口湯頭，她讚湯頭鮮味。老公和我同試，發覺湯底色澤較