雞霸王 (已結業)

去骨海南雞飯$60睇色相幾吸引，但係份量太少。事後上openrice 睇一睇食評，見到晚市既海南雞飯$68，份量差別之大😥分別係雞件分量同有沙律同例湯。我寧願比多8蚊。味道方面雞肉算滑，不過冇咩肉味😥油飯色澤夠哂黃，份量大碗飯。食落唔覺有油香，不過飯煲得幾好，粒粒分明，軟硬度適中可惜唔夠餸送飯🌚醬料都係一般海南雞醬三款，一般般，點左好似差啲唔點又好似冇咩味道。如果專門食雞尼講，有啲令人失望。整體都一般般，對唔住呢個價。

前幾晚相約一家人去雞霸王食飯，一行八人，去到已經要排隊㩒飛，心想佢地地方都大，多四人枱，應該好快到我地！但無奈見到四眼男係咁入A飛同B飛，完全冇諗住留兩張四人枱，好唯有再等，再等了半小時就去問四眼男我地八個人要等幾耐，嗰一刻佢至走入去望下睇下有冇枱，心想其實佢地係咪冇心做大枱，唔等到客人問等幾耐，都唔會幫你留枱！竟然係這樣的話，不如在門口貼紙不接受C飛的客人，免得浪費大家時間！

#小秘書 已經為咗身上嘅 #皮膚敏感 睇咗三次醫生👩🏻‍⚕️👨🏽‍⚕️ 雖然開始有啲好轉，不過手腳上嘅紅點依然未退😪 搞到我邊度都唔想去👉🏻👈🏻 收咗工只好喺附近買啲 #日常用品 就返屋企。因為 #醫生 話要飽肚食藥，屋企又有排都未開飯，諗住簡簡單單食碗麵，填吓個肚。商場近來開咗幾間新餐廳，今日就試吓 #雞霸王 啦！餐牌上有個湯麵套餐，既然未試過，就叫一份馳名嘅 #湛江雞 做配料啦，湯底我揀咗 #擔擔湯🥢 不過唔知點解個 #服務員 落單時硬係要我點多個餸，我見餐牌上又好似無注名wow... 不過是但啦！我點嘅麵餐唔夠五分鐘就嚟到，外表都幾吸引嘅，不過 #擔擔湯底 就一啲都唔似，無論口味同顏色都唔似😅 雞件都唔差，肉質好滑，不過無咩雞味😛 雞件上面仲曬滿花生、香蔥粒等配料，好香口，不過口感就油膩啲啦😅 至於後加嘅 #雲吞 就得兩粒，味道一般，而且包得死實實咁😅 埋單$69一碗港式「車仔麵」我就覺得略嫌有啲貴喇！

今日黎左黃大仙新開果間雞霸王 見到佢係食雞一直都想去試下。🤔叫左碗薯粉，個味道都ok既，但係食食下既時候見到碗裹面有條黑黑地銀銀地色既野。😱😐用筷子夾佢起身發現原來係一條鐵絲。好彩發現得早無食到落肚🤦🏼‍♀️個職員話換過碗😅 其實吾係食物既問題，而係好吾安全，如果同一碗麵，其他人真係吾小心食左落去既話點算！？下午茶既吉列三文治個味道有啲怪怪地🤢吾甜吾鹹咁，仲要超油，所以食左一半之後都無食個餃子都正正常常，午市加$10就有以後都可能吾會再去食而間野，都吾知下次會食到啲咩出黎😰🤢

食物其實ok,不嬲對食物冇太高要求，但係員工態度真係有待改善。嗰晚明明指住menu個set嚟嗌，個set包兩個飯，之後見到淨係上咗一個飯就問個職員。個職員就態度勁差話你地散嗌嫁喎，緊係得一個飯。明明就冇揭開過個主菜單何來散嗌呢，仲要講到我地錯咁。嚟食個飯都要受氣，見到咁多comment 都話員工態度差，餐廳係咪應該改善下？

今日見呢間食店無乜人排隊咪諗住試吓，眼見店内大把“吉”位，但張張枱都未執好。侍應們見店外有人等候入座，仍是一貫爱理不理的模樣。待客之道的確有待改善。整體而言，食物的價錢很大眾化，晚市套餐约六十、七十蚊左右有飯丶有餸及例湯，收費很合理。食店嘅招牌秘製去骨海南雞配油飯，通常海南雞都係稳陣之選，因為蒸雞一般唔會衰得去邊。呢度嘅海南雞不過不失，唔會有咩特别驚喜俾到大家。呢款脆爆豬手配黑椒汁及白飯，賣相不錯，份量也不少，但略嫌黑椒味淡及不夠惹味，令整體的食味未能突出。萬绿叢中總有一點红，呢款小吃新疆燒雞翼令我驚喜萬分。燒雞翼用上新疆香料孜然粉，醃料加香料很配合，非常惹味，值得一試！整體不過不失，小食替食店挽回不少分數，價錢算公道，唔好抱太大期望，可以一試！

自從黃大仙開左呢間野,都食過好幾次,因為太鍾意食雞,呢間野服務真係不願置評,因為佢地冇加一,所以都冇太高要求,不過今日真係好鬼嬲,本來就已經決定食呢間,當行到門口,已經有個侍應係到拉客,我地行入黎,佢仲立即對住對講機講,即刻有2個啦,之後有個女仔就話,你可唔可以拉d30歲以下既女入黎,唔好拉埋d師奶,乜入黎食野都有年齡限制架?咁我以後都唔黎!

今日行過黃大仙中心見到譚仔勁多人排隊（ 譚仔排隊係經常性）於是乎就行咗過隔嚟試下呢間嘢， 係之前丼丼屋個位， 望落去dinner set都係六十零蚊， 於是乎走咗入去試， 唔入由自可一入中雷中到暈， 要雞味冇雞味， 要鹹味冇鹹味， 食完仲後悔， 點解唔排隔離譚仔😭😭😭我哋叫咗兩個set dinner + 一杯嘢飲 +一個小食買單187蚊（❌加1）一個係鹵水豬髀飯， 已經叫咗一個飯，所以+咗5蚊轉咗 手切麵其實佢一擺上枱我已經覺得似有間台灣個間 coffee shop, 不過得個賣相，食落完全一塌糊塗， 首先講咗個手切湯麵先，無咩特色， 好明顯係雞味師傅湯底， 嗰個豬髀膩和漏， 每一塊都好似比一層油包裹住塊肉甘，仲要無味， 唔鹹唔甜唔酸唔辣， 師父你唔係打算購下面啲鹹酸菜出未啊❓❓另一個係秘製無骨海南雞飯（油飯）呢個海南雞飯落咗單就九秒九即刻送上黎， 仲快過杯嘢飲， 望落去都ok嘅， 不過明顯就見到油飯嘅色唔係咁均勻， 同埋個沙律嘅汁好小， 望完外表示試下味道， 首先d海南雞不但冇鹹香味，又完全冇雞味，仲 有少少梅（ 老實講仲差過翠x）， 啲雞件冇味， 咁就諗住點下嗰三個醬， 我三個醬分

第一次試食呢間，叫了一個炙燒海鹽雞套餐和一杯凍朱古力，合共$71，如果食物質素可以的話$71都可以的，但一食，這個套餐不值$71；已知道雪藏雞係無雞味，但無雞味都唔應該有雪味呀！雞太咸還凍的，還有‘點’雞醬汁，用薄荷汁，真係O晒咀，如果用返䓤油還可以的，但這個雞真係難食到一個點，還有叫了凍朱古力遲遲未到，吹了三次才到（等了三十分鐘），到咗一點朱古力味都沒有，因為花奶多過朱古力，飲了一半已經飲唔落，同飲花奶加冰水無分別。如果有人想食呢間，請自己諗諗！

peak hour 大把人等二人枱，佢就不停咁叫人搭枱，我眼前已有幾張四人枱只坐左兩個人，等左成四十五分鐘重係等二人枱，有系統地分析下就知食客人數分佈，不停叫人搭枱。個姐姐就叫人等下啦等下啦。呢間餐廳冇前途

今日同朋友去完黃大仙廟，貪近又方便就係黃大仙商塲食飯，揀左雞霸王。餐廳唔駛講都知主打雞，諗都吾洗諗就嗌雞啦，於是叫了薑葱霸王雞和炙燒海鹽雞。雞肉滑口，可沾上2款不同醬汁，分別是辣汁和醬油，再配合香濃薑葱放入口，不錯。至於炙燒海鹽雞也是，燒香的雞皮，雖然未到脆口唔似炸子雞，但都算不錯。估唔到嘅係，50幾蚊有咁多餸，我估有1/4隻雞，而且啖啖肉，肉質夠滑。加理餐飲大约$60，雖然不算超好食，但也不錯加上幾化算，勝在性價比高，地方也坐得舒服，間中可以再去。

行過門面吸引， 今日帶埋阿仔黎食下午茶， 因為見佢選擇都算多。有窩夫， 有厚西多， 廿幾蚊， 加三蚊配茶啡， 都算ok. 我個仔係朱古力窩夫， 個賣相好靚， 啱啱整出黎，仲熱熱地，個仔話好食； 厚多士我自己最鐘意， 係正常咁樣， 但係我下午茶至愛。 其實佢有自助飲水位 ， 可以斟凍水。伙記都算多， 環境新又乾淨， 卡位或靠邊位都唔少， 坐得幾舒服。落單到上菜時間有d耐， 因為窩夫要耐少少。有珍珠， 奶蓋茶， 價錢及味道都係可接受。下次會試下晚飯或打包隻雞加料。整體係算滿意， 希望南館多d新食肆啦💪🏻💪🏻💪🏻#因為太餓 唔記得影相已食完😅

黃大仙中心最近新開左呢間餐廳見係雞霸王好似係勁野黎一於去試下呢度環境好闊落好乾淨，坐窗口嘅卡位又有靚景，都唔錯我地就叫左個薑葱霸王雞同四川重慶口水雞下午茶係配白飯嘅，細嘅先至$43炸其實細碗都已經好夠食啲雞都好滑，配埋四川麻辣，好滋味佢嘅麻辣唔會太辣，比你過到想食辣嘅癮薑葱霸王雞就咸咸地，有啲香蔥味我個人就中意四川口水雞多啲

味道一般，唔值$60-70，如果係$30-40還可以，老火湯勁重味精，根本飲唔落口。雞其在太肥太多油，皮太厚，冇乜肉，小炒亦偏喊。如果十分滿分，美味道只值4分，唔合格。職員態度亦十分差，「湯碗你果度自己攞啦」、「熱水果度，自己啦」、「無呢隻雞，廚房準備好少，叫第二啲」（晚市套餐6點先開始，餐廳亦未坐滿，但6:15分已經冇哂）。職員服務態度2.5分，強差人意。環境還可以，新裝修，尚算乾淨。總結係，只此一次，唔會再有第二次。

四川回鍋肉做法一點不正宗，平時別家店舖用的五花腩炒回鍋肉好好吃，但這家加了洋蔥並用了打邊爐的薄身豬肉片代替五花腩，真是嚇死人，一點都不尊重食物，味道真是很差。另外晚餐點了重慶口水雞及湛江雞，估不到只在凍雞上加了一些重慶口水汁罷了，湛江雞一點味道也沒有，只是在雞面上加了一些蔥油蒜頭醬。從來很少幾件雞的晚餐會有吃剩的場面，可想而知味道如何吧！這餐晚飯食了$209，這種難吃的雞還用來做招牌菜真是失望，希望店鋪加以改善