雞霸王 (已結業)

百搭風味湯麵飯(特濃蕃茄湯、紅燒牛筋、北京水餃、手切麵）$54黃大仙中心一帶真係好難揾到非藍嘅店呢間已經算係我暫時見唔到有咩立場嘅😕 中咗伏大家記得話我聽試過呢度嘅海南雞但係啲雞其實真係唔係太好食😳 比較鞋身 但明明價錢已經唔算特別平湯麵就正正常常 個湯底就酸酸地唔會係加咗啲好假甜嘅味道手切麵唔係煙un嗰隻但係至少都冇煮到林晒份量算係ok的

這間餐廳主打食雞，我見到午餐set都幾抵食，叫咗個蔥油雞扒飯💰$43hkd +凍咖啡 💰$3hkd 首先講下賣相不錯👍🏻雞扒煎得金黃，雞肉不乾算滑，雖然面有薑蔥及類似蝦米/魚乾，但食落又未去到好惹味🤔不過不失，另外叫咗杯凍咖啡少甜，杯咖啡係深啡色，一飲之下好澀😕乜小甜就係會澀㗎咩？跟住就叫侍應加番啲奶，加完奶之後又冇咗咖啡味，不過都好過澀😅 整體來說味道和價錢成正比， 打工仔嚟食飯都襟飽😁P.S 待應有點怪怪，除會不停講私事(客人聽到的情況下)，還會望你，雖然唔知佢哋望嚟做咩，可能睇吓你有冇須要，但係好似食餐飯都係咁俾人眼望望有啲奇怪。(呢間餐廳食左3次)📍雞霸王 (黃大仙)黃大仙正德街103號黃大仙中心南館1樓132號舖

劣質餐廳雞霸王今天剛在黃大仙中心行，突然好餓見到一間雞霸王，就入去嘗試一下,入鋪內完全沒有人招呼理會去，只好自己找位置坐，坐下叫了一個秘製去骨海南雞油飯下午茶大碗成為60元正。1.秘製去骨海南雞油飯擺盤睇落幾靚，配菜有蕃茄，青瓜，酸菜及一條蘆筍。可惜好睇唔好食，雞肉好鞋颯颯，沒有雞味，油飯硬過我條命。完全是生米未煮熟。整體的感覺👎🏻👎🏻👎🏻回味指數👋🏻👋🏻👋🏻👋🏻👋🏻

週未頹頹地係屋企附近搵野食，呢間雞霸王開左一段時間，剛開果陣見太多人排隊，果陣費時等未有機會試。呢日行過見人少少，就入去試一試。餐廳設計算有心思，特別係門口既裝修，用得意既雞仔來裝飾，為店舖增添左活潑既生氣。店內都幾多卡位，約朋友來呢度聚舊慢慢傾下計，都可以坐得舒舒服服。呢日我叫左個海南雞配油飯，感覺呢間野應該招牌就係雞，點可以唔試下呢？ 來到賣相真係唔錯，有黃有綠有紅，d海南雞真係仔細去左骨，方便一眾想食滑雞又懶得去損骨既懶人。個雞食落都幾滑，味道都好，始終雞係呢度招牌。 朋友冇咩胃口，就頹頹地叫左個紅燒牛筋米線，味道就係普通米線味，冇咩特別。另外叫左雞翼，味道都ok啦～Btw, 來雞霸王當然係食雞比較穩陣。

係黃大仙中心南見到呢間食中菜，未食過，今日想食中餐就入左去試下我嗌左個去骨海南雞跟油飯嚟到個擺盤都算有落過啲心思，因為個餐有跟幾款配菜，青瓜、番茄、菜心、芽菜咁，同埋有3款醬汁望落隻雞都好有光澤~ 食落肉質都幾嫩，無骨啖啖肉，係唔錯嘅! 我就中意點薑蔥食，而油飯香噴噴唔差加$5有碗中湯，清清地幾好飲，唔覺似落好多味精個種 下次可以試口水雞、湛江雞，仲有麵餐，有薯粉又有成都麻辣水煮湯底，好似都幾好食咁 店嘅左手邊有賣台式茶飲，有機會再試

星期日中午見無人等位所以去食，誰知一坐下就氣氛怪怪，全店員工無心工作，特別是一位紋身中長頭髮女員工及男店長，只顧高聲閒談私人事及客人是非，完全無心去服務的感覺，亦不介意讓客人聽到。諗住食完快啲走，點知都中伏。落單唔洗五分鐘，海南雞送到，然是冰冰的，質素差，無雞味，飯更是生米。所以要求更換，店長說雞飯是這樣的，唯有換菜飯。但更換菜飯吃過後，店員偷偷走來換我的單，拿來看時發現被加錢。追問後說我轉飯加錢，餐牌都寫左。我火火地地要理論一番，不是錢的問題，而是這樣的食物加服務，是完全不能接受。當我理直氣壯，那員工才改回那張單，真係唔出聲當客人傻。🤬

見到鋪頭裏面寫臺式茶飲買一送一，覺得都抵，於是選咗芝士奶蓋四季春試下，由於呢個選擇係本身嘅四季春再加$8去加奶蓋，所以佢會同你講如果第二杯都要買個話要另外俾$8，姐係唔係原本優惠所講嘅相同茶飲買一送一啦，極度取巧囉。畀多少少錢都唔緊要喇，點知味道勁差，所謂嘅奶蓋連奶味都冇，更加無芝士味，好失望，連奶泡都叫唔上，得手指公打橫咁少咁薄，而且好希，茶底亦都茶味唔濃，呢個商場另一邊已經有賞茶、一芳，真係冇乜必要特登行過嚟。之所以點解我唔揀有珍嘅飲，係因為三點幾嘅黃金時間佢居然同我講暫時未有珍珠，即係超過九成嘅嘢飲都唔使叫啦🙄🙄呢邊嘅臺式飲品嗰部分係由餐廳嘅廚房隔一個窗仔嚟買嘅，我都係建議大家如果要飲臺式飲品去番專賣嘅飲品店會比較好囉，呢度就真係唔推薦，寧願要一杯好飲嘅都開心過要兩杯唔好飲嘅囉。

這間店，除了不知所謂四字外，還有貼錢買氣受！這家店，先不說食物是否好吃，只說員工質素已不值光顧，我很小寫別人差評，我只認為，付款買氣受的我真受不了，想點個餐，手舉起半個小時都無人埋，手都酸了，多個店員看到卻裝作看不見，最後要逼得我大叫店員才有人埋！這是什麼？再說食物，說實話，沒什麼特別好吃的，最可笑的是麻辣湯是沒有辣度可選的！能吃辣的還好，吃不了太辣的，一不小心真會被它給辣死！這家店我是再也不會去光顧的了！😒

之前行開黃大仙中心 俾我嘅感覺都係多大型連鎖店 晚飯時間 又到搵食嘅時候 行行下見到有間新餐廳雞霸王 就入去試下叫左兩個晚市套餐口水雞黎到雞霸王 點都要叫個招牌嘅口水雞試下 一食落口 個汁辣度適中 唔會太辣 又夠惹味 用黎撈飯一流 肉質幾實幾好食黃金豬仔脾一開始睇相 以為佢係炸嘅 其實佢係蛋黃做 一上菜就聞到好香嘅蛋黃香味 食落去嘅就冇聞落咁香 唔算好入味 豬仔脾肉質都幾腍 整體黎講一般 味道偏淡 同埋留意返 個餸唔包白飯 要另加嘅 呢個就唔太推薦 整體黎講 口水雞值得推介嘅 加上黃大仙中心連鎖店以外嘅選擇唔多 呢間係新選擇

明明喺雞霸王 門口有大大個QR code ，掃了可以滿200元減20元，到結賬嘅時候，開住部電話 顯示住張減20元電子券， 大大隻字寫住雞霸王 (圖一)200元減20元， 遞埋個電話畀位收銀姐姐睇，問係咪有得減20元， 收銀姐姐話係領展要到客戶服務先換領到， 我便指住counter個d promote牌，再問個收銀姐姐:{哦……原來不是係度即刻減？}， 當時 收銀姐姐也跟住指住嗰個promote牌(圖二)，其實係領展另有一個優惠係100元簽visa可獲20元優惠券， 我當時是完全不明白， 唯有到客戶服務再問, 點知黃大仙中心南館 客戶服務姐姐話， 雞霸王嗰張滿200元減20元 電子券 ，要喺畀錢嘅時候扣減, 所以我返上去雞霸王問個收銀姐姐， 佢竟然話係我冇開住張電子券畀佢睇， 仲話我只係指住 領展個promote牌, 我覺得係雞霸王有心取巧， 我的確係開住雞霸王 張電子券遞個電話比佢睇過， 而張電子券根本都係喺領展同一個apps，我食滿200元就指了我去攞簽visa 優惠，但係 借啲意 就唔畀我扣減雞霸王20元， 仲冤枉我冇show過出嚟, 話有show過一定會扣減

今日下午約咗個妹去食飯，行過商場搵咗間雞霸王試一試！睇落環境幾乾淨！我倆坐低叫咗兩碟海南雞飯！再睇餐牌上有買一送一不過要同款！我妹睇到有四季春不知道是什麼？就叫咗個四眼男職員過嚟問一問？四眼男職員態度勁差！！不願回應我細妹問題！開咗大半年態度勁差食客點回來再食啊！又不是非常好食！海南雞肉質麻麻又唔滑！男嘅一樣女都是一樣！冇下次。

店員真係好無禮貌，唔係對容內容上無禮貌，而係態度上無禮貌。完全一副「做少你單生意無所謂」ge面口。至於古惑的餐牌，就係當日打算試個百搭粉麵入面ge麻辣湯底+薯粉。佢個餐牌寫住「任選2餸」，點知原來呢兩個餸係要另外加錢，所以最後我就俾左80蚊食左個2餸麵。呢樣都唔緊要，之前未幫襯過，而且自己都想食呢2個餸，話唔定物有所值呢。但結果就係：麻辣湯完全唔麻辣，薯粉un到咬得好辛苦唯有成條吞就算數，兩個餸不過不失但唔覺要加幾廿蚊先食到嗰種水平。總結：以後唔會再食

行黃大仙中心時咁啱經過見到有間新開張的餐廳叫做雞霸王，佢劃分咗兩個area，一邊做堂食，一邊賣台式飲品外帶。啱啱新開張做緊台式飲品買一送一優惠，就叫咗近期勁hit的黑糖珍珠鮮奶試下係完全冇期望之下我覺得呢間的黑糖珍珠鮮奶相當唔錯，黑糖和鮮奶味道並重，攪勻後甜度啱啱好，珍珠份量多，夠彈牙，另外甜度和冰量都可以自選整體質素我認為比起好多來自台灣的品牌仲要好飲同平，就算比正價$24一杯我都會買，更何況而家係買一送一，優惠去到8月31日，住黃大仙附近的朋友仔一定要試呀

今天收工好想食雞，就想起黃大仙中心南館有一間《雞霸王》開了很久也未試過，於是就去試一下，坐底看一下招牌雞晚市套餐，選擇已經有六款，而且除了雞也有其他食品可點，但是今天我來食雞的，所以我就點了四川重慶口水雞套餐，很快套餐就來了，雞件也算多味道也不錯，加埋可樂埋單$71 不算平，不過有機會也可以試下其餘五款。

路過見新開喎，係要走入去試下啦⋯⋯😏旁有茶飲店連著，但見不太吸引就無點野飲雞。霸王喎，當然點招牌雞飯之一秒制去骨海南雞飯配油飯一上見到海南雞色澤麻麻，見有點乾身咁，食落咪ok la ，無太出色咁，有醬汁點尚可。油飯都係乾身，得色水咁，普通囉。附3個醬汁點，總之無咩驚喜.....脆爆豬手黑椒汁配白飯上桌見好吸引，色澤都不錯，咬落脆口，但無咩肉可以食到，只能食到脆豬皮咁，真係啖啖皮😂，驚喜係黑椒汁幾好👍🏼👍🏼⋯⋯檸水😅