影片
港鐵觀塘站 B2 出口, 步行約3分鐘
繼續閱讀
電話號碼
22690838
營業時間
今日營業
11:30 - 21:00
星期一至日
11:30 - 21:00
以上資料只供參考, 請與餐廳確認詳情
今日要去觀塘附近間文具店買啲野，買完嘢去附近搵間餐廳醫肚，聽朋友講東廣場有好多新開嘅餐廳，同老公去試下，咁啱我哋喺附近行街。今日天氣都幾凍想食啲暖笠笠既湯麵，見到呢間叫做雞駅花膠雞米線專門店，即刻去食下先。我叫左胡椒豬肚雞米粉🩷🩷🩷🩷🩷佢呢個本身係米線，但佢可以轉米粉。同埋佢個豬肚係好大牙爽脆，帶點胡椒味。佢啲雞肉好滑身雞味濃郁，而且有少少嚼口，唔會太韌。個米粉吸收個雞湯味好鮮甜，而且唔會俾個胡椒味搶曬。而且嗰個份量都好夠。👍🏻老公叫左個沙薑雞飯🩷🩷🩷🩷🩷佢個沙薑味好濃，雞都係好滑又嫩，個飯加左啲甜豉油配埋爽膽清甜既青瓜好夾👍🏻同埋佢配左一隻一開二既流心蛋好正🤩撈飯一流。小食叫左蜜糖雞翼🩷🩷🩷🩷同黑松露薯條🩷🩷🩷🩷🩷原本以為係烤雞翼原來係烤雞翼，有少少脆香，雞翼都好多汁。可能我本身中意食烤雞翼多啲。不如我覺得黑松露薯條個醬調教得好好食，又唔會太過漏，同埋甜甜地好過癮。加上嗰啲薯條炸得勁脆，因為我影完相之後再食都覺得好脆👍🏻好正。仲叫咗兩杯凍檸茶解下渴😂估唔到呢個東廣場真係好多好嘢食，平靚正真係好抵食兩個主菜加兩個小食同埋兩杯嘢飲都唔洗200蚊👍🏻下次再去食吓其他野食先。
繼續閱讀
今日行開觀塘，無意中發現原來東廣場開咗好多小店食肆，見呢間花膠雞食評唔錯，梗係即刻試吓啦！❤️🔥胡椒豬肚雞米線 HKD60一碗有6大舊雞胸肉，豬肚又多又薄，雞肉滑滑地又唔肥膩，豬肚啖啖都係料！個胡椒豬肚湯熱辣辣，辣得嚟又好惹味，湯底濃郁但唔油膩。仲有蟲草花同雲耳，米線煙靭有咬口，超滿足！❤️🔥胡椒花甲粉 HKD58湯底同胡椒豬肚雞一樣，依然咁足料！花甲夠鮮甜，仲多咗菜，成碗都好正！❤️🔥原味雞翼 HKD42呢個真係大驚喜！4隻炸雞翼，外皮超脆又鹹香，咬落仲好Juicy～下次一定想試埋其他味嘅雞翼！⚠️ 小貼士：佢哋只提供外賣餐具，如果想要多個碗同人Share，就要另外俾錢喇～ 東廣場喺觀塘廣場隔離，經過唔知食咩嘅話，可以試吓呢間，真心唔伏！🫶🏻
繼續閱讀
雞駅花膠雞米線專門店 係觀塘一共有兩間分店👍🏻今次來到東廣場分店店內除左主打花膠雞米線🍜更有多款口味湯底米線、飯、上海麵同配料選擇✅我叫左兩款米線、一個小食同兩杯飲品人均$100左右招牌花膠雞米線🍜湯底濃郁雞肉嫩滑👍🏻花膠又夠Q彈!推介胡椒豬肚雞米線🍜胡椒味濃香個湯底好好味啊😋蟹肉忌廉薯餅！即叫即炸好香脆飲品就叫凍檸檬薏米水、熱柚子蜜雞駅花膠雞米線專門店 📍觀塘成業街7號東廣場1樓116號舖
繼續閱讀
有一排冇去東廣場 估唔到依家一樓好似變左food court咁 有好多餐廳新開左 當中好多係米線舖 同朋友食左好多野招牌花膠雞米線花膠滑嫩 數過至少有3件以上 雞肉鮮嫩多汁 仲要有雞脾雞翼 米線勁道十足 好爽 每一啖都能感受到精心熬製的湯底😍口水雞濃湯米線口水雞既辛辣都幾香 同埋唔算真係超級辣 餐廳分碟上 所以就算食完頂唔算個辣都可以就咁用雞湯湯底食金磚豆腐外脆內嫩 炸到金黃色的外皮包裹著嫩滑的豆腐 好好食😍黑松露醬薯條薯條即叫即炸 勁脆 搭配上濃郁的黑松露醬 好夾呢間餐廳既野食係即叫即做 所有野都好新鮮 明晒點鮮呢間餐廳真係超多人幫襯😋
繼續閱讀
觀塘東廣場地下一向都食肆林立，系附近打工仔搵食嘅好去處；最近連一樓都開多咗好多唔同嘅小店！真係夠曬多選擇!我今日就上一樓食晚餐，見到有間主打花膠雞湯嘅米線小店!🌟姬松茸竹笙花膠雞米線 $78🌟花膠雞煲翅配飯$118配凍檸檬薏米水兩碗嘅雞湯都非常濃郁好味，重點係一D都唔肥膩，飲曬都唔會覺得有罪惡感！而且仲非常足料，花膠同埋雞都份量十足！啲湯好好飲雞又嫩滑，米線同飯嘅份量啱啱好！如果以快餐平靚正嘅標準嚟講，都係唔錯嘅推介！
繼續閱讀