雨林軒

營業中

休息中

呢間茶餐廳食咗幾次，今日同朋友仔兩個去食下午茶，真係又抵食又好味😋***雨林公司三文治（蕃茄，生菜，芝士，炒蛋火腿，煙肉）配脆薯皇***$43炸薯皇很香口，公司三文治烘底，熱辣辣上好正😋***厚切芝士流心西多士 配紅豆冰***$38芝士很厚，夾西多士很特別，值得一試👍

呢間餐廳幾年前新開張時，曾同朋友嚟食過下午茶，覺得焗飯不錯，價錢都算經濟抵食。今日經過再嚟食午餐，呢度地方唔大，午飯時間，很多装修工人會嚟食飯，貪呢處午餐份量大，重可以加飯。呢度午餐有餐湯同餐飲，我揀咗枝竹蘿蔔炆牛腩飯。羅宋湯一般，無肉，放太多糊椒，稍為辣些。牛腩同枝竹满滿一大碗，炆得亦夠腍，飯多到食唔晒，食得好飽，最後飲埋杯檸檬水埋單走人。

平日6點時間尚早，決定食個快飯再做運動。咖哩芝士魚柳焗意粉 4/5 熱辣辣上菜，香脆既芝士邊，嫩滑既魚肉，伴上咖哩意粉，雖然份量的骰，但味道唔錯。喇沙雞扒米線+流心牛角包 2/5常餐湯底唔夠香濃，好淡味，牛角包好厚實好硬，流心係奶皇但好平常唔夠突出。地點:灣仔地鐵站一出就係，附近又多商戶，同時都想像到佢地平時做午市係幾多生意。環境: 茶餐廳格局，基本設置。價錢:人圴$50包野飲，便宜抵食吸引。服務:友善唔差。

灣仔區都有好多隱藏平價美食，行完動漫節搵食，呢間都算係灣仔區黎講超抵食小炒😚😋😋仲要餐廳係灣仔站A出口步行1分鐘就到😂 鋪頭唔大間，但就新裝修既格局，位置都好坐既。.重點係個價錢真心抵食，$136(2人餐), $266(4人餐) 跟餐附送白飯、例湯、咖啡茶😅好平.簡單晚餐，3個人食唔到咁多，我地叫左個2人餐「醬燒茄子斑腩煲」and「梅菜蒸肉餅」，另加左個菜「鹹魚蓉炒白菜仔$70」，價錢抵食都要睇食物質素得唔得，好似個茄子斑腩煲，煲仔最緊要夠鑊氣，又唔會太淋，食落個質感係脆脆地但又多汁🙂 梅菜蒸肉餅，肉餅要夠淋身又好食，其實要將豬肉剁到好細再夠粉醃，蒸既時間岩岩好，加埋梅菜粒粒，夠晒健康。鹹魚蓉炒白菜仔夠惹味又有鑊氣😍.幾十蚊個人頭食飯，呢間都算唔話得，多講一句，職員好有禮貌又helpful 🥰

經過灣仔港鐵站，順便食埋個飯先返屋企。窮到窿嘅日子想搵間又平又食得飽嘅餐廳，梗係轉入譚臣道搵食。「雨林軒」個名幾有詩意，一於試吓。晚餐中式小菜二人套餐$136六點後仲有九折，果然合乎本人嘅經濟原則。奉送餐湯、白飯云云小菜中，揀兩味都要幾經掙扎，終於揀好。先上枱是餐湯、中湯和紅湯各一。湯就是例湯的水平。小菜差唔多同時間奉上，熱辣辣、咋咋聲嘅「黑松露野菌炆滑雞煲」雞件被野菌汁包園，香味撲鼻、非常惹味；配料也是同樣索味，雞髀菇、大冬菇、三色椒等將香港緊扣起來。百吃不厭，亦系我嘅喜愛小菜之一「菠蘿咕嚕魚柳」份量挺多，魚柳大大件，可惜一啲都吾脆，外皮有小小漿口，幸好炸皮不是太厚，魚肉實淨加返少少分。咕嚕汁甜酸度平勻，菠蘿粒也多，整體來說都也合格。另加多碟「蒜蓉炒白菜仔」份量足，正常水準。凍檸蜜五片檸檬片，中和了茶蜜的甜品，酸微微咁超解喝。六點後九折，更抵。

睇完套緊張刺激嘅戲係時候食飯啦🤣呢排食太多好西 遲吓有排還🙃頹頹地食個茶記飯都唔得😅—————————————————————唔得唔係因為搵唔到而係我無估到有咁大碟😮叫左XO醬茄子魚柳炒河平時食不嬲都係得一碟仔呢度係1又2/3碟係咪傻架大碟到嚇親 睇下啲茄子幾靚❤️味道啱啱好唔會太咸炒公仔麵呢賣相靚過一般茶餐廳好多公仔麵有鑊氣又彈牙 牛肉嫩滑多種配料例如洋蔥乾蔥芝麻襯托令一碟普通公仔麵變得不普通芝麻香仲有點晴作用因為唔知咁大碟仲叫左個小菜🙃喇沙金菇肥牛煲平時都係見沙嗲多 喇沙第一次見濃郁喇沙仲帶有椰香味粉絲肥牛吸滿曬喇沙汁😋仲有呢度個紅豆冰係真係椰汁紅豆冰唔係淡奶加冰水🙄紅豆又夠綿密👍🏻—————————————————————⨀ XO醬茄子魚柳河 $60⨀ 干炒黑椒牛肉公仔麵 $58⨀ 喇沙金菇肥牛粉絲煲 $72⨀ 椰汁紅豆冰 +$8

假期一個豐富的下午茶🫖☕️：食個下午茶☕️做人唔會濛查查日日無厘頭吃出滋味在心頭😂—————————入門口有座城堡心思擺設夠睇頭每件積木用心砌砌出環景食物美大碟抵食又好味咖啡檸茶好提神蜜糖雞翼好鬼正脆薯即炸又滋味吉列豬扒脆卜卜新鮮生果做沙律椰汁香滑豬扒靚配埋流心牛角酥流心軟滑牛角脆帶子意粉平靚正食物大碟又夠平早午晚餐都咁正👏👍😋————————-🟫凍咖啡🧋：嘆慣咖啡嘅我，一飲就知道咖啡夠哂濃香，清香醒神🥳—————————🟧凍檸茶🧋：冰凍解喝凍檸茶解喝怡人更醒神————————🟩蜜糖炸雞翼🥓配脆薯王🥔：真係大碟又抵食，大大隻的雞全翼，烤得皮脆肉嫩、滋潤的蜜糖味道、更是滋味，即炸的新鮮脆薯🥔……配上獨立包裝又衛生的茄汁👍—————————🟪吉列豬扒🧇配蘋果沙律🥗：外皮的吉列炸得又脆又鬆化、卜卜脆的口惑實在新鮮，豬扒肉質鮮嫩咬落又有肉汁就是新鮮好味道，配上的沙律更是新鮮製作，有新鮮蘋果🍎粒、粟米🌽粒、什果…….等等。沙律🥗實在是美味😋——————————🟥椰汁喇沙豬扒湯米🐷 🍜配流心牛角酥🥐：想不到一家小小的餐廳，有這麼好吃的牛角酥，中間夾著的流心奶皇香滑軟熟、牛角酥鬆化又脆口。👏😋香滑的椰汁

下午去了灣仔工作，於是就選擇了這間雨林軒食，入到去環境不差，冷氣也足夠，其實選擇這間食都是被它午餐其中一個西炒飯吸引了，於是一試，大家普遍都知道灣仔食一個lunch價錢一定一定有返咁上下，$58我就覺得係中上價錢，咁我就睇吓佢俾唔俾得返$58嘅嘢我食，結果呢，係沒有令我失望的，首先講碗湯，細左啲，同埋冇白湯選擇這個紅湯味道尚可講返電話，睇幅相都知道，足晒料夠份量，味道相當不錯，不過最敗筆就係杯茶走，超級難飲，我唔知飲緊杯係乜鬼嘢嚟㗎，不過成個食評我都會比好評佢！

做完野同朋友去灣仔食個Tea, 就入咗呢間雨林軒，成間餐廳以黑色為主，可算是「型格的茶記」😂朋友叫咗個「蘋果粟米沙律配吉列豬扒」（ $40 ）下午茶餐，我就叫咗個「黑松露瑪蘇里拉焗蝦球蟹柳焗意粉」（ $50 ）。雖然是下午茶價錢，但係我覺得個意粉份量冇小到，面頭有一堆黑松露，芝士味唔算好濃郁，有幾隻蝦同蟹柳，意粉硬度剛好，我加$8轉餐飲做雜果賓治，似凍利賓納加咗雜果，偏甜。朋友嘅下午茶餐都幾吸引，蘋果粟米沙律有大量沙律醬，而吉列豬扒都好大塊，唔會炸得太乾，脆卜卜都幾好食嘅。

雨林軒位於灣仔譚臣道103號地鋪，最近新開業，係正宗港式茶餐廳，份量非常多，價錢合理，夠哂飽肚！招牌芝士蕃茄焗豬扒意粉 $47可以選擇飯或意粉，份量非常多！面層有芝士及蕃茄醬，番茄醬份量好多，可以撈埋整個意粉！豬扒較為薄身，以切件，方便進食！燒汁洋蔥肥牛大碗飯 $60肥牛及飯嘅份量亦都係非常多，超級飽肚！燒汁夠鹹夠味，撈飯啱晒！紅豆冰 跟餐加$8紅豆份量多，好甜好軟淋，加埋椰汁，好甜美！凍奶茶 跟餐加$3

今日同朋友係修頓打完籃球，好肚餓想食茶餐廳之後見到呢間下午茶有非常多選擇就決定入去試下！常餐就一定唔少得，但佢特別在有得選擇辛辣麵同芝士麵比一般茶餐廳更有誠意仲可以配葡撻，實在太邪惡！下午茶好多選擇，有我最愛既焗飯！皇牌咖哩芝士雞扒焗飯賣相已經滿分，咖哩同芝士焗到呈金黃色雞扒熟到剛好，肉質軟滑仲有豐富肉汁，無焗得過熱而變得乾身之後將飯同咖哩芝士撈均食簡直係人間美食吉列豬扒配蘋果粟米沙律吉列豬扒炸到金黃色外脆內軟沙律亦夠醬汁蘋果爽脆新鮮一啖豬扒一啖沙律，一凍一熱既口感好特別

小編上個月完成100K逆走麥徑越野賽，終於有獎牌攞👏 攞完獎牌落樓，餓底要食返餐好嘅獎勵自己，呢間新茶記就在灣仔A3出口附近非常方便，本著靜靜雞食個麻甩飯心態進餐，誰不知有雙重驚喜，細細碗嘅餐湯有著扒房雜菜湯的濃湯原味，打開左個胃來迎接招牌主角出場。=̶ 招牌雙重芝士原茄焗豬扒飯 =̶ $47推介:⭐️⭐️⭐️⭐️⭐️上檯充滿誠意嘅焗飯! 而價錢係抵過快餐廳!😱店主用下午茶價延至收鋪都叫到嘅招牌焗飯，兩款芝士滿佈於全塊豬扒之上，而豬扒份量有成張焗碟嘅9成Size😨茄汁Juicy直流於飯底下，一大塊原茄新鮮美味，痴線咩～係呢附近重會返去食快餐廳咁笨?🤣由於餐牌唔見有小食款，細問一下店員原來有椒鹽雞翼叫，即點!5大隻脆炸雞翼外脆內滑滋味飽肚👏升級埋杯特飲龍鳳雙檸可樂都只係$+8港島旺區有間貨真價實嘅茶記小店，實屬附近打工仔的開飯恩物👍👅美味: 7/10 😮驚喜: 8/10✨環境: 7/10 💆‍♂️服務: 7/10💡性價: 10/10 🐽飽肚: 10/10💫回頭: 8/10 👍推薦: 8/10

忍唔住即刻寫過食評個蒸肉餅飯真係超級好食女仔之家食到都想添飯，肉餅份量好多蛋黃都好多，個飯整得啱啱好，超正食完又食，不過d湯咸左d ,同環境感覺唔太乾淨。但服務都係超好的

灣仔嘅茶餐廳經常有好多驚喜，今次食呢間雨林軒，本身開到夜晚8:00，晚市堂食竟然有八折，下午茶餐牌都去到夜晚8:00。今晚自己一個，揀左以下：沙爹金菇粉絲牛肉煲（$72）大大個煲，味道帶少辣，主要黎自沙爹味，配飯一流。粉絲、金菇同牛肉嘅份量都多，牛肉就係平時瘦肉嘅厚度，肉質軟得黎帶點咬口。本身跟左白飯大大碗，另外有個迷你雜菜湯，但味道就偏淡。紅豆冰（$8）好重椰奶我鐘意！甜度啱我，唔算太甜，而又帶出紅豆味。紅豆份量都多。總括黎講食物絕對對得起價錢，八折後全單$64，食飽飽。

今午到灣仔探望舊老闆及同事，講下舊事，展望下未來，大家暢談一番後，不知不覺已經大半天，我開始覺得好肚餓，就在附近吃個飯先，行過譚臣道被紅藍綠嘅招牌「雨林軒」吸引，雖然店舖不算大，但重要是裏面乾淨棋你，餐廳更提供皇牌焗飯、即叫即炒下午茶客飯、炒粉麵、西式意粉飯🍝⋯⋯任君選擇😘😘黑松露馬蘇里拉芝士焗蝦球蟹柳飯 $50焗到金黃色、熱辣辣、香噴噴炒蛋飯、加上蝦球爽脆丶蟹柳鮮甜、配上黑松露獨特嘅味道、creamy mozzarella芝士醬汁，味道香濃😋😋瑞士牛肉炒河 $60至於瑞士汁牛河，最主要是用上瑞士汁炒煮，味道甜甜哋，牛肉軟腍，炒得剛剛好，不會變韌，配料有紹菜、銀牙，而河粉炒起來亦不油膩，食落好惹味👍👍👍跟歺特飲 $8我最鍾意嘅紅豆冰及菠蘿冰❤️