雨林軒

營業中

休息中

灣仔嘅茶餐廳經常有好多驚喜，今次食呢間雨林軒，本身開到夜晚8:00，晚市堂食竟然有八折，下午茶餐牌都去到夜晚8:00。今晚自己一個，揀左以下：沙爹金菇粉絲牛肉煲（$72）大大個煲，味道帶少辣，主要黎自沙爹味，配飯一流。粉絲、金菇同牛肉嘅份量都多，牛肉就係平時瘦肉嘅厚度，肉質軟得黎帶點咬口。本身跟左白飯大大碗，另外有個迷你雜菜湯，但味道就偏淡。紅豆冰（$8）好重椰奶我鐘意！甜度啱我，唔算太甜，而又帶出紅豆味。紅豆份量都多。總括黎講食物絕對對得起價錢，八折後全單$64，食飽飽。