雪山冰廳

營業中

休息中

去完D2 Place 又攰又餓，附近又唔岩食，諗起長沙灣有間雪山，凍凍地食煲仔菜都幾正，雖然行得幾遠，差唔多行左一個地鐵站距離，去到即刻有位，點了以下食物：1. 二人套餐 - 豉汁蒸鎗魚 + 啫啫雞煲 + 燉湯(海底椰煲雞腳)及白飯：今次蒸魚就過左小小火唔夠嫩滑，用魚汁撈飯都係100分，個雞煲一黎到就啫啫聲感覺好正，味道好份量幾多，是日燉湯足料好飲，而且出名快買曬。2. 加多個麻婆豆腐煲：上枱都係啫啫聲，辣度適中撈飯都係一流。服務態度幾好，問多幾次都好有耐性回覆，又推介經濟二人餐，同埋上菜速度快，讚讚讚!!!

見OpenRice啲食評好勁，尤其是呢間係一間普通嘅茶餐廳，於是就決定去試一試佢係龍定蟲。要睇一間茶餐廳好唔好食，我自己覺得一定要試吓佢杯奶茶同埋佢啲炒粉麵飯夠唔夠鑊氣，所以就叫咗星洲炒米同埋凍奶茶。Set lunch有例湯餸，個湯都捉了兼且冇味精嘅。星洲炒米就麻麻哋，炒得唔夠乾身唔夠香，不過都幾大碟。杯凍奶茶就正正常常啦，叫咗少甜少冰又真係唔會好甜同埋啲冰又唔係真係好多。總結一下，就只係普通一間茶餐廳，冇期望冇失望。

呢間「雪山冰廳」，原來已經歷史悠久，屹立超過60年，雖然已結業易手及重新裝修轉型為新派港式茶餐廳，但仍保留部分嘅經典美食！而且份量足料，自然吸引唔少嘅食客。［避風塘炸雞髀］生炸髀即叫即炸熱辣辣，色澤亮麗夠金黃！雞髀肉醃得入味之餘亦唔會過咸，表面會再灑上惹味嘅避風塘粉👍🏻［始祖椒鹽豬扒飯（炒底）］炒飯鑊氣十足，粒粒香口上色亦夠均勻。豬扒做到有輕微半煎炸感覺，肉質夠鬆軟加埋炸蒜粒、咸香惹味嘅椒鹽和五香粉，香氣十足。［雪山焗特厚豬扒飯］豬扒勁厚身，蕃茄醬汁夠杰味偏甜，醬汁挺多夠撈飯，仲有微微拉絲嘅芝士。［榛子醬西多士］表面平平無奇，原來內裏有濃濃嘅榛子醬塗滿多士間，配埋牛油糖漿🫶🏻不得了［猴頭菇杞子燉赤肉］+$15十分足料味夠濃郁，喺咁寒冷嘅天氣飲番盅，夠滋補養胃！真心推薦！［樽仔奶茶］+$9入口香濃順滑，紅茶&牛奶嘅比例調校得啱啱好，甜度非常適中。

🍊 餐廳名稱：雪山冰廳 (長沙灣)🐝 味道：7.5/10環境：7/10整體分數：7.5/10💰人均：$100———————————————————今次想食啲煮家飯，經過見到入面座無虛席，原來係呢區都幾出名，仲要每人都唔洗一百就食飽飽。滋潤燉湯二人餐 💰178首先黎飲一飲碗靚湯，飲落就知無加味精，而且足料又清清甜甜好滋潤。另外呢個餐包多2個餸，大家可以自由搭配，我地就揀左霸王雞同薯仔牛仔骨煲。霸王雞係已經幫大家起埋骨，食落去啖啖肉，加埋本身有嘅蔥豉油，完全係家的味道。仲有薯仔牛仔骨煲，上到枱仲係熱騰騰咁，薯仔係經過先炸後煮嘅方法，同埋牛仔骨份量都多，味道上都好惹味。🗺️ 長沙灣青山道413號東景大廈地下4-5號舖 🔍#FlavorforToday長沙灣🚆 長沙灣站C2出口，步行約7分鐘

哈囉！今日我黎到了長沙灣一間冰室，味道實在太正，忍唔住要即刻同大家分享下！首先，個避風塘炸蒜雞髀真係讚到boom🔥！啖啖肉嘅雞髀外層炸得金黃酥脆，掛住避風塘特製嘅炸蒜，咬一口簡直香過香薰蠟燭！再點咗個椒鹽豬扒炒飯，個豬扒夠曬香滿口肉汁，炒飯嗰份調味夠晒喉，粒粒分明，椒鹽味撲鼻而來，簡直係唔能夠擋！再黎個自家手打芝士煎蛋牛肉漢堡，肉排juicy爆汁，芝士夠拉絲，啖啖滿足感😍！話晒，平民化嘅食評唔使咁多辣嘅詞彙，最緊要食物夠曬掂就得！而份咖喱魚蛋配檸檬茶，調味夠哂勁，嗰陣咖喱香夾帶檸檬嘅清新，簡直係冷氣房裏頭嘅一股暖流，食完之後整個人都暖笠笠嘅！總之，喺這間冰室食得開心飽肚，啲食物都算係物有所值！滿足到我哋呢啲鐘意食嘅朋友啦！下次再來試埋其他嘢食，我打算成為常客喇😉！#長沙灣冰室 #現炸避風塘 #絕味炒飯 #超香漢堡

其實好食嘅餐廳唔一定超級貴, 有時平民店都有好多驚喜, 所以真係冇定律㗎, 最緊要試多啲 ☺️🌟即叫即炸避風塘炸蒜雞脾🍗非常好味!! 雞髀炸雞啱啱好, 啲皮脆卜卜, 入面啲肉一啲都唔乾, 反而好Juicy, 加上上面嘅炸蒜非常香口, 食完好想叫多一隻嚟食 😝🌟自家手打芝士煎蛋🍳牛肉漢堡包🍔我覺得好有水準! 時新執咗之後都想搵另一間食吓港式漢堡, 雪山整嘅手工漢堡真係唔錯, 有蛋漿加車打芝士同埋好重牛肉味嘅漢堡扒! 波士頓龍蝦叻沙摻摻估唔到有得拼龍蝦, 成碗麵連龍蝦上好架勢堂, 味道出色, 有馬來風味! 港式茶走紅豆冰茶記水準, 同雞髀一齊簡直絕配☺️🌟足餡榛子🌰流心西多🍞好特別! 平時食嘅西多入面係夾花生醬嘅，今次係夾榛子醬，外面嘅牛油鹹鹹地，而入面嘅榛子醬就甜甜地，幾特別! 都值得試食咗咁多嘢, 最後埋單都係$200…抵食! 滿滿嘅幸福感 😝

通常冬天唔想諗咩嘅時候就會去食冰室貪佢哋選擇多價錢合理而且上菜速度快今次嚟到雪山冰廳本來係俾佢嘅限定MENU吸引因為有香芋砂煲炒臘味飯同雙冬羊腩煲最後見到有更加抵食嘅二人餐！-🔥滋潤燉湯二人套餐 $178每人$100都唔使但係有咁多嘢食 性價比好高套餐包是日海上鮮或海南雞/霸王雞半隻季節小菜 仲有滋潤燉湯＋白飯另外熱飲+$6 凍飲+$9我哋要咗霸王雞同埋花膠海鮮雜菜煲特別推介個燉湯同埋霸王雞 真材實料👍🏻-📍 雪山冰廳

餐廳燉湯出名地好飲，食過幾次，只有一次能夠飲到，可惜打去留都賣曬，個湯係值得推介，點了以下套餐：港口味清湯牛腩飯熱檸水：清湯腩跟飯是分開上，牛腩夠腍，個湯撈埋飯超正，清甜蘿蔔有5大舊，牛腩都有6-7舊，份量唔小。芝士漢堡配薯角：唔好睇佢細細個，食落都幾飽，薯角即叫即炸夠脆，醬&芝士雖然多，但唔算膩!! 每次見到想食的餐，並唔係係餐牌見到，係朋友們order 上菜時見到嘅真實樣子，下次要試蒸魚，又大條又新鮮，更想試埋個臘味煲仔飯及羊腩煲。跟姐姐熟左，態度更親切有禮，仲好講得笑，而且上餐速度快，讚讚讚!!!

之前在附近用饍後經過蔽店, 當時已經把餐廳收藏了, 事隔多個月終於親臨用饍 😊 餐廳是60多年歷史的老字號冰廳, 除了一般茶餐廳應有的食物外, 還有越南風味食品, 更有其他創新港式美食, 款式蠻多 👍🏻避風塘生炸雞脾配紅豆冰 $44雞脾皮脆肉嫩, 用刀切開時還有咔嚓幾聲, 炸得金黃, 相當脆口! 🤩 加上避風塘口味既獨特又惹味! 至於紅豆冰紅豆份量不少, 比較多奶。綜合牛湯河配樽仔奶茶 $62所謂綜合牛, 除了一片片肥牛外, 更有牛腩和牛丸, 這個是港式與越式的組合吧 😆 牛丸彈牙多汁, 湯十分清甜, 可根據自己口味加入辣椒和青檸, 如果想單純要港式河粉不額外加配料就可以了 😌 樽仔奶茶茶味濃郁, 不太甜, 口感順滑, 難怪是熱賣之一 😋南乳雞翼 $22由於沾了南乳醬, 顏色比較紅潤, 一上碟已經嗅到陣陣南乳香味, 雞翼為全翼, 完全沒有營養不良的問題 🤣 雞翼同樣炸到金黃, 當然相對下雞脾更脆口!榛子醬西多士 $38西多士非常厚身, 除了外面的蛋香外再配有中間的榛子醬, 還有一大塊牛油和蜜糖, 既邪惡又美味! 😈 雖然二零一七年易手, 而我亦首次到蔽餐廳用饍, 但似乎保持一定水準 😉

之前食過深水埗果間雪山冰廳，已經覺得依間冰廳食物性價比幾高.今次路經長沙灣，原來長沙灣分店是在這裡，當然要幫襯下. 晚肆黃金時間，全店滿座，等咗無耐就入得，天氣涼涼哋，叫咗暖笠笠嘅秘制雙冬羊腩煲嚟食，加錢要埋好受歡迎的燉湯及白飯. 燉湯清甜好味，果日好似係牛蒡湯，配羊腩煲食可以中和羊腩煲的惹味，平衡返味蕾，食飯期間燉湯已經宣布賣晒，想飲記得早啲叫，推介👍🏻. 羊腩煲份量不少，唔太大食的話，兩個人叫多個燉湯白飯剛剛好. 支竹入味口感適中，唔會過淋身失去口感，羊腩有少少羶味，鍾意食羊嘅朋友就係應該鍾意佢依種味❤️，肉質入味淋身，個汁也做得幾好，撈飯一流食完個人好溫暖，在香港這個價錢食羊，這個份量質素，實屬不錯之選. 另外叫咗個胡志明市綜合牛河粉，河粉幾滑身，牛骨湯濃而不鹹，牛丸有肉汁，生牛鮮嫩. 全餐整體來講，不錯，下次想試吓個2 人餐，見好多人也叫好似幾正咁.

之前工作周圍走，在深水埗工作的時候經常光顧雪山冰廳深水埗總店。今日去長沙灣探朋友，見到原來長沙灣都有分店，所以帶朋友去試試🤩🤩避風塘生炸髀配紅豆冰 $44炸髀加紅豆冰是個人最鍾意的下午茶組合😍😍炸髀即叫即炸，上枱的時候熱辣辣，雞皮香脆，雞肉滑身入味。由於炸髀加了避風塘調味，令到味道帶少少辣，更惹味。辣味薯皇 +$9薯皇有驚喜，脆身香口。紅豆冰香甜美味，紅豆起沙軟糯，但保持到有咬口的口感，配上花奶味道剛剛好，不會太甜。榛子醬西多士 $38金黃色的西多士有雞蛋香味，中間是令人無法抗拒的榛子醬，加上牛油同蜜糖，是邪惡味道🤤🤤粟米雜果沙律 +$9港式雜果沙律，份量足，簡單好味。樽仔奶茶 $15 （跟餐+$9）奶茶幼滑，茶味香濃，奶同茶比例剛剛好。用樽仔裝，不會額外加冰，避免奶茶因為冰塊融化而稀釋了奶茶的味道，個人十分鍾意，忍不住叫多了一枝😂😂始祖椒鹽豬扒飯 （炒底） $70見到呢個是必試推介，決定試下。上枱已經好吸引，炸豬扒份量足，肉質鮮嫩，肥瘦適中。炒飯乾身，粒粒分明。整體調味出色濃郁，香辣惹味。餐廳裝修新淨，座位闊落，食物味道不錯，份量足，價錢親民。下午茶時間，近乎坐滿了九成客人。住附近的

行咗幾間冰室終於睇落呢間唔錯😊下午茶餐選擇有田園照燒鷄潛艇+熱奶茶$38😋🤤⋯⋯都抱有期望！等咗約12分鐘果然冇失望🤗鷄扒即燒香脆肉有彈性⋯加上外脆內暖潛艇包👍👍奶茶用咗黑白奶冲夠熱又十分香滑😘呢到卡位很多而且座位間有空間又唔迫整體氛圍都唔錯！

行咗幾間冰室最後搵咗呢間都睇落唔錯🤗比佢餐牌相片嘅田園照燒雞扒潛艇吸引住😋落單大約等咗13分鐘應該係即燒👍果然雞扒又香滑肉質有彈性！好味！加上杯熱奶茶又香滑應係用黑白奶$38高CP值🤤😊整體味道唔錯而且卡位又多座位間又唔迫!😘

長沙灣呢區都好多冰室茶記可以揀下 今次食左呢間冰室不過真係失望了 呢個蒸滑雞飯加熱檸檬茶。熱檸檬茶（ok)不過不失正常既味道蒸滑雞飯 （x)見到有蒸滑雞就諗住試下啦，點知黎到食完一塊都知不妙了，真係差唔多全部都係骨，骨全部都係骨。入邊咁多塊中，真係成堆骨無咩肉，都無幾多肉可以食，只係食左一碗白飯咁。呢個餐食完都唔飽，無咩肉食，食完既骨同未食既餐份量好似差唔多咁，見相，，呢個蒸雞應該係比較多骨既一次了。總結黎講。呢個午餐價食呢個餐完全唔值。

屋企人住長沙灣，一向都偏向鍾意食中餐，唔想吓吓去酒樓咁貴，自然搜羅一啲坐得舒服、抵食、平價又好食嘅餐廳，呢一間可算係近來至愛，二人餐非常豐富！茄子炆倉魚~倉魚香煎兩邊後，加上特製惹味嘅醬汁，令人齒頰留香而且魚肉非常厚肉！小炒王~炒得夠曬鑊氣，店家一啲都唔吝嗇，大大碟而且用到嘅海味同海鮮質素亦都唔差燉湯~坊間既二人餐多數都係例湯而呢一度竟然用燉湯！而且用料豐富，湯汁淡淡香濃！每一個菜式嘅份量都非常大，兩個人絕對可以捧住個肚走，可謂係翻兜之選！