雪村串燒 (已結業)

之前曾經和同事一同到此餐廳進膳. 感覺很不錯, 因為食物的質素頗佳, 而且價錢亦算合理. 於是這天便介紹朋友一同前往這間餐廳吃午飯. 結果是這次的經驗把之前的良好分數扣掉了. 上次到這間餐廳吃魚生飯, 很新鮮, 加上餐廳環境相對比較靜, 所以吃得頗舒服. 這次便和朋友試試這裏的熟食, 結果是失望... 稻庭烏冬不煙韌也算了, 但質地竟然似河粉. 最慘的是那雞肉, 竟然充滿著不新鮮的雞味. 炸雞還好一點, 可能不新鮮的味道已經被炸走了. 我們都明白, 價錢既然已經相宜, 當然就不能要求太多... 只是這間餐廳的服務真的很不濟... 待應不醒目, 要叫才會過來清理枱面... 又不問顧客要甜品還是要飲品... 我們發覺其他客人在吃甜品時, 便問待應為什麼我們沒有甜品, 他才說選了飲品就沒有甜品... 問題是他們根本沒有問我們在先... 事後還給我們面色看... 那個看似是 leader / supervisor 的女士態度更令人吃不消, 黑口黑面的... 我以為我欠了她債... 大的都這樣了... 難怪難怪... 顧客不再光顧, 有時不一定因為食物... 更大的原因可能是服務... 我不會

呢度嘅老闆Ricky鄭，呢輪確實大出風頭，又日本一tuna又和味無窮，但自己就從來唔信呢D所謂嘅名氣，其轄下嘅餐廳皆未曾光顧過...今日忽發雅興，想去又一城揾食，就想起呢度...早D去到，唔使同人爭。坐响壽司枱旁，叫個uni魚生飯定食，再喝一口茶，優哉悠哉...飯本身並不純用胖嘟嘟嘅日本珍珠米。午市不可能有太大要求嘞...uni當然並唔係頂級貨，食唔出海水味之餘亦不夠鮮。不過响午市嚟講已不算太差...反而自己最討厭嘅三文剌身食落又不俗，頗肥美；hamachi亦不錯..."主菜"竟然係個沙律及麵豉湯。沙律汁落得份量剛好，酸咪咪挺開胃；miso soup加入三文魚骨去煮，多了一份鮮味，當然不可以跟從前响日本飲過嘅蟹腳麵豉湯相比，但比起普通嘅即溶貨色已係高級許多...睇嚟有機會要試埋dinner，才可定奪...

今日同honey去咗又一城行街，本來想食板前，但係見到個門口已經唔想去排，咁惟有去試隔離果間啦，又唔錯喎，$68一個壽司飯Set lunch，味噌湯好多配料，好夠味(又唔係嚟自味精果種喎)；沙律啲菜好新鮮，但個汁好咸，要扣分；個飯呢...嘩不得了勁新鮮囉啲魚生，仲有個啲海膽好鮮甜呀(麗梅語氣)，啲飯都好好食，佢啲wasabi係鮮磨果種，成個飯超超超好食。至於個甜品--綠茶雪糕，一般啦，不過不失，無咩驚喜。今日實在好suprise食到個咁正壽司飯，而家已經好想返去再食過!順帶一提，佢啲bar枱都好濶落下，一啲都唔迫!

食日本野最重要係咩?衛生。一月中的一個下午，去雪村食午餐。見一蒼蠅在空中飛舞，醒目落單叫熟食：滑旦豬排飯。開放式KITCHEN 在中央，可見師父即場處理魚類食品。圍著KITCHEN 是BAR枱。由於距離太近，全程嗅到魚腥味。BAR枱外尚有４人卡位，但不多，５張左右。所以環境俾一分。等待期間欣賞蒼蠅曼妙的舞姿，時而飛揚，時而降落在有待處理的魚生上。舞姿仿佛帶著魔法般令人如痴如醉，包括場內員工。這不是工作態度的問題，是意識的問題。他們知道自己在賣魚生嗎？服務本應一分，但員工尚算有禮加一分。為自己叫熟食的明智選擇而高興。但可惜就在當日的下午，肚潟。熟食都不能幸免。緊記滑旦豬排飯。說味道與技巧，不是特別出眾。唯一奶味雪糕不錯，但我不是來食雪糕的。所以味道２分。這個價錢，加少少行過QUEEN'S 食該該是個更好選擇。

今晚同朋友一齊去慶生,諗住開開心心咁食番餐,點知食到一肚火!!!佢d串燒算係不過不失啦,我就叫左碗烏冬,極唔好彩,食左幾啖之後,咬咬下,硬倔倔既!?竟然發覺有d鐵線碎喺我口裡面!!!!唔係嘛!?鐵線碎喎!!!吞哂咪死得人!?當堂即刻全部野吐番哂出黎!!!拿拿臨叫個部長過黎啦,點知佢淨係話cancel左個烏冬就算,唔係咁呀嘛?cancel左就算喇?會唔會無左d誠意呀?於是佢話送多個甜品俾我地如果d野食唔好味,或者難食,送個甜品就話得姐,而家係好過份地,食到鐵線碎,食落肚,係唔知會點會喎!?點解佢可以咁求其既?佢真係唔驚會食死人架!?咁梗係同佢理論啦!!後尾佢同個高級d既人商量之後,就免左我地依餐但係,而家唔係錢既問題,而係關乎一間餐廳對於食物安全管理,以及佢對待客人誠意既問題。老實講,咁樣食鐵線法,我真係無可能黎第二次.....

有之同女朋友去食......."叫左幾樣野食..D野份量少~對我黎講就真係唔夠!!"唔夠飽!!不過味道唔錯!!"但係就唔多抵食~"如果唔睇錢...都值得一去!"**個次去企出面個個waitress個樣好似好惡==

上星期六，我和太太到九龍塘又一城的雪村串燒吃午餐。當我們坐下時，我問服務員傍邊的門的位置可否擺放嬰兒車，那個服務員說可以。後來郭了一會，有位經理過來要求我們把嬰兒車放到別的地方。天呀！他們不可以先溝通好嗎！很煩！還有雪村的沙律裏面的菜很老，很難吃！因爲我們吃的是套餐，只能選甜品或飲品，但服務員在我們點飲品時又沒有問我們要點甜品還是飲品。我覺得這餐廳的食品還可以（沙律裏面的菜除外），但服務真不行！

雖然午市定食要$60-$100,但刺身實在很鮮美,推介:甜蝦魚生飯及刺身定食,不過串燒比較多油,但味道還可.

剛從日本旅行回來, 在日本吃了很多串燒, 十分好味, 本想到標榜有日本串燒功力香港有名的串燒店吃回味道, 但完全找不到一點日本的香料味...為什麼呢?? 但佢地係香港做到香港人接受的味道就很不錯了, 但願佢地快d入口一些香料啦...

本人比較喜歡到雪村食Lunch，因為真係好扺食，特別是魚生飯，每次食完都會好滿足，好開心。

Farewell同事,又係訂雪村. 打去時如果指定訂房最低消費要$1500,我就話叫佢如果冇人訂就安排俾我啦(咁就唔使最低消費). 因為佢地方太細,所以人數多少好決定佢點安排坐,又由於人數不斷變,打去幾次佢地改都十分有禮貌. 抵讚!今次食蔥吞拿魚腩飯($98),果然入口甘香. 除海膽魚生飯($68),呢個都係抵食之選. 基本上午市定食都係好抵,以份量,質素,服務絕對超值.希望唔會越變越差啦!最後要多謝離職同事M請客!!

住得近所以試-四個人食晏-一黎就話佢地三點收工-我地諗佢應該唔會趕我地走掛(如果未食完)-叫左串燒拼盤-仲有set lunch-味道還可以-炒牛肉無咩牛肉味,但勁有醬油味-串燒唔多熱-覺得熱會好食d-無窗-環境有d嘈-厠所要上一層-其他算係有交代

小女子今日正日生日，當係生日願望啦，麻煩哂，多謝哂!!

溫暖，是因為一班朋友仔食飯，也是因為大家好有心，不但同我一起欣賞我好想睇的《五星級大鼠》，還準備了精美的驚喜。很開心! 　星期日的早上返完崇拜，回到又一城剛好是午餐時間。與隔離板前一樣，雪村不接受訂檯，好在六個人等一張檯就可以了。店內環境比預期中光猛，座位有一點窄，除了色調不是紅色，其實幾有和民feel的!　各人order一個午餐，各包沙律、味噌湯、雪糕或飲品；環境歸環境，雪村的沙律與味噌湯可要比和民的好很多，尤其沙律夠新鮮，水準令人幾滿意。　口淡淡的我，揀了壽司定食($78)：壽司大大小小共有11件，而且魚生豐厚，壽司飯就少得多，比例約是5:2，與幾年前在日本吃到的壽司相約，以量計是十分大份抵食。當然魚生的質素不會很高，至少一定不如隔離的板前。龍的香蔥吞拿魚定食($108)也很好吃，雖然我們都一致同意doraya的吞拿魚蓉飯會更好吃，也較平。　來到雪村，當然我不會忘記試串燒。散叫幾串明太子雞柳燒($18@)、雞脾肉燒($18@)及特級虎蝦($45@)，不知是否期望太高，我全都覺得一般，其中，全部串燒都是溫暖，不夠熱辣是致命傷。還是晚市會好一點?　餐後一杯綠茶雪糕(午餐附送)，成為美好

星期六下午又來了又一城, 見這裡未食過, 又聽說這裡也不錯. 是日人龍不太長, 就來試試.結果都等了差不多半小時先入坐, 最大原因係這裡地方比較細, 人流量不算快. 午市來, 當然係叫午餐, 再加一串串燒試試.鰻魚飯$65: 8分, 包括有沙律, 麵豉湯, 鰻魚飯, 甜品或咖啡茶. 一落單唔夠一分鐘就有得食, 快過方太, 不過味道無話有大影響. 沙律簡簡單單, 幾新鮮, 麵豉湯也不錯, 幾多料. 鰻魚幾靚, 肥美, 無腥味, 撈飯一齊食都幾香.香味炒牛肉$60: 9分, 包括有麵豉湯, 沙律, 白飯, 甜品或咖啡茶. 牛肉比想像中仲大碟, 炒得好香口, 牛肉唔太老, 火候剛好, 醬汁唔太濕, 相當扯飯. 一碗白飯又點夠?鹽燒雞翅$18: 8分, 一人一件, 始終小弟偏好鹽燒, 都幾滿意, 燒得熱辣辣, 夠香口, 雞皮幾脆, 雞肉仲保持到幾嫩滑.餐後係要了一凍咖啡一雪糕. 太熱了, 唔要熱, 要了凍咖啡, 一樣夠香濃, 始終係日店飲咖啡有一定保證. 綠茶雪糕好香綠茶味, 都幾滑.午市都幾抵食, 幾樣食物水準都比想像中高. 或許這裡唔係好傳統的日店, 但係都係幾有水準. 反正這商場的好選擇