雲南小鍋米線 (華都商場)

營業中

休息中

今日來屯門, 好耐無食過😅過來食一下, 可能已經下午2点多, 所以無乜客人, 又或者附近太多野食了, 天氣太熱, 食湯粉會比較舒服d☺️ 叫左通菜豬紅螺旋藻白菜雲吞小鍋米線配熱🍋茶, 等左一陣湯粉先到, 賣相也不差, 飲啖湯先😚 好微辣, 第一啖覺得好咸, 之後第二啖就好d😚 食米線先, 煮得啱啱好, 唔會太淋亦唔會太硬, 份量就正正常常, 唔係特別多, 通菜ok豬紅味道也不錯, 螺旋藻亦好味, 白菜雲吞有二粒, 入面饀也多, 亦多菜😁, 幾好食😄, 食晒成碗好滿足🤩 不過🍋茶個味就怪怪地, 但可以接受😅 但之後都唔係好口渴😋😋👍唔需要勁飲水🤣算好好

縱橫屯門咁多年都唔知這商場有米線，只知小巴黎或椰林閣。其實佢嘅味道真係冇乜特別出色，🙈米線份量冇乜特別多，不算太彈牙煙韌，麻辣都不太嗆，😕基本上所有出品都比較土炮，例如這個蒜泥白肉，只是一個小小的碟子載着一些肉片，然之後有啲帶辣的蒜泥，不算太過特別。我的熱拌米線，因為近期都喉嚨有啲痛，因此沒有特別吃辣，諗住用白肉上的蒜泥混合就可以了。😫但是，熱拌米線裏面的雞翼尖，係凍啲，唔係普普通通嘅凍，而係完全喺雪櫃攞出嚟嗰種凍，🤷🏾😨真糟糕。另外的滷水雞翼，餵了一些給嬰兒之後，自己吃一口取赫然發覺原來那麼鹹，之後那些雞皮的位置都沒有給它再吃了。😑佢個位置係喺華都商場中間嗰層最邊皮位置，因此好多時候都會有啲人坐喺外邊的露天位置，都算有阿遮頭，不過就坐喺好似露台嘅位置，因為喺鋪入邊嘅位置都唔係特別多，可能有12個左右，如果你人又多嘅話，很多時候都要坐外邊。都唔算霸咗佢個位好耐，因為一開始根本佢就無客，12時之前已經去到，不過俾錢嘅時候，那男士仍然係黑口黑面，讓人難免有半點難受。我只可以話，有一個後生啲嘅哥仔端菜攞嘢嚟，都算有禮貌呢度有笑容，另一個中年阿叔，的確真係木口木面，好似你去俾錢都得罪佢咁樣。

尼間米線已經好多年價錢比起其他米線舖黎講，都算比較平😋希望大家都可以多d支持小店🫶🏻同埋佢麵底可以轉上海幼麵，尼個都幾特別😛不過自己中意食米線多d，所以叫左米線-湯底都OK，但唔太辣中意食辣既朋友仔，可以比平時嗌高一至兩個辣度同埋d米線🍜煮得彈牙，岩我口味-餸方面 嗌左韮菜餃+滷水雞翼，韮菜餃好味😋皮薄餡多！雞翼都好食，夠入味👍🏻-小食方面嗌左個蒜泥白肉，但冇咩味🥲如果比多d蒜泥就好🙈

買咗飛喺樓上睇戲，得半個鐘食嘢，食米線就啱晒🍜正正常常一碗米線，冇咩特別😆份量同以前比少咗好多，不過呢個價錢其實都好抵食，已經好少見有餐廳可以$40樓下食到小鍋米線麻辣小鍋米線（中辣）配豬頸肉、雞絲，湯底好重花椒味，食落唔算太辣，花椒味重到唔係好食到其他味🤔豬頸肉係滷水味，同湯底唔夾，就咁當小食嘅話係幾好食嘅，不過浸埋落湯隻味就唔出，配搭清啲嘅湯底應該會好啲，雞絲份量多👍🏻兩碗面埋單$74，平到有啲離地😂😂😂

本身食左好多年 一直都覺得唔錯 米線算爽口，湯底夠酸夠好味。最近疫情，店舖講明唔做堂食只做外賣，冇問題。誰不知外賣米線既湯底味道明顯不同，失去酸辛辣之層次，只剩下咸油味的湯底。但最大獲係米線，淋到好似浸左係湯半晚咁，完全冇哂口感，好似食緊粉絲咁，作為一間主打米線的店，竟然連米線既質素都保持唔到，是完全不能接受。第二晚比多次機會佢，今次分湯上，結果亦一樣，未落湯既米線已完全崩壞，絕對不能接受和入口。對於因疫情而導致這樣飲食質素，完全唔得，故十分失望，浪費金錢時間，以前幾好食都冇用，永遠blacklisted 唔會再食。

呢間米線舖位於屯門華都商場一樓的角落，位置不多顯眼，但我哋食過返尋味，一再回購！小鍋米線（小小辣）$25（外賣加$1）有得揀小小辣程度，辣味來自肉噪，唔算好辣，但食到雲南米線風味，算俾唔食得辣的人一個選擇。酸辣米線（小辣）$25（外賣加$1）這款比小鍋米線湯底多了一種醋酸味。重慶酸辣粉（小辣）$28（外賣加$1）加配腩肉$7首先要讚一讚呢間薯粉是我喜歡的圓粗型那種，不是有紋的，令我對這間鋪頭一再回購的原因之一。味道方面正正常常，算好味，但不是特別出色的。

以前食過好多次，每次都係叫麻辣/酸辣湯底、豬腸、轉上海麵、走芽菜，因為芽菜真係會比好多，個人覺得影響口感。有時湯底會唔夠味，不過通常都好濃夠味。環境衛生係一般，好多時滿座要係出面自己開枱，無冷氣捱風扇食辣野滴晒汗。服務員都係大剌剌，無服務可言，又唔係高級餐廳，不過都未到好差。以前住屯門每次諗唔到食咩都好自然行咗過去食。而家住紅磡果邊果間真係麻麻，無再食過了。難得返入屯門就再食佐一次，維持水準。

來華都，無食過呢間米線都唔好話自己來過華都真系一個恩物 超好味 勁好味！d 送多到hihi d 湯底好味到食過番尋味中辣食得好過引食到流水水鼻水仔岩岩好 加埋杯凍0茶， perfect!❤️推薦： 豬軟骨，豬大腸， 豬頸肉，腩肉，墨魚咀。(ृ 　 ु´ヮ`)ु))

第一次係open rice寫食記呢間雲南米線係由讀書時期，住屯門嘅同學介紹黎食嘅。之後每次去屯門行街，都會揀食呢間米線。不知不覺幫襯咗4年 。話說係今日2020年11月28日（星期五）約20:30分同男朋友去食啦，本來滿心歡喜去食碗薯粉。諗好曬食咩就舉手示意侍應可以黎寫單啦，咁係位身穿黑色polo衫嘅中年呀叔黎同我落單嘅。我：小辣湯薯粉，多酸 （之後講要咩餸）咁我見佢係咁寫寫寫，之前去食都見過佢㗎喇，覺得佢係到做咁耐，都唔會有咩漏單嘅情況掛🤔咁點知送到上枱，係變咗做碗米線，我就問位同我寫單嘅呀叔啦我：唔該 我係要薯粉喎佢就一句噠埋黎：你都無講 冇聽到喎 你都無講係薯粉我就好清楚自己係有講嘅，唔怕佢開cam睇返聽返。咁我就話算喇，唔煮都煮咗佢仲要加多句：係囉 我叫佢煮 呢碗就要倒嘩！真係聽到火都黎埋！🤯麵係好食，但你地啲員工咁嘅待客態度，唔會再幫襯！一黎就屈個客無講，寫錯單我都無鬧你啦！我唔怕重睇cam🤬！我無必要去老屈一間食肆！各位去幫襯佢嘅街坊，真係要佢讀一次張單落左咩先好比佢走！！

見呢間米線鋪長期爆滿，相信群眾智慧會正確，於是我都唔執輸咁入去食。門面呢塊餐牌好似似曾相識，好似唔少米線鋪都類似！？進場後，仲有塊詳細些少的餐牌睇。麻辣小鍋米線－－腩肉、韭菜餃 $45上菜時，已聞到個米線有陣酸味，再睇返餐牌先發覺麻辣湯底有酸菜，真係好酸！腩肉：份量正常，切到好易入口，Nice!韭菜餃：如圖所示，係硬硬地，感覺好似未完全解凍就扔落去煮。湯底：麻辣小辣湯底，但酸味好出，食食下又發覺麻大於辣，只可以話好重口味。餐飲：凍飲既杯係有顏色膠杯，感覺一般，奶茶冇特別，唔可以話難飲，但絕對不是好飲。（我見唔少中學生配紙包檸檬茶……）

呢日星期日屯門市中心間間餐廳都勁多人，諗住行去華都搵食，由於好多💛💛💛店，令到平時喺我心目中都算係低調嘅華都都充滿左人流，正諗住放棄嘅時候，發現轉角仲有一間漏網之魚，係食雲南小鍋米線，咁啱琴晚其實都有諗起想食米線，加上又行到攰攰地，就試下啦！我叫左雞絲雲吞酸辣米線 少辣可能好耐無食辣，頭一啖有小小濁親，但味道ok嘅👌🏻湯底色澤雖然無其他連續店睇落咁深色，但我反而表示欣賞，起碼感覺無咁多味精，健康d本身有嘅配菜酸菜、肉醉都多，而配料雞絲更加唔駛講，多到啖啖米線都配到雞絲食👍🏻👍🏻而菜肉雲吞味道ok,但皮就好厚🙈老公唔鍾意食酸辣米線，麻辣又只係食某一間；所以佢就叫左雲吞上海麵，加墨魚咀同豬紅；豬紅幾好味；墨魚咀本身係想叫小食，但賣哂唔夠貨，只可以加餸，所以覺得味道一般，相信小食有埋醬汁會好食好多；蒜泥白肉蒜味係夠嘅👍🏻但敗筆喺肉太厚，同埋食到有明顯梳打粉味總結：係一間低調小店，價錢都好相宜，好抵食，如果你喜歡食酸辣米線，應該都會覺得唔錯👍🏻

雲南小鍋米線 #屯門雖然而家好少post米線，但喺未開呢個account之前嘅我絕對係一個超級米線控，基本上嗰啲全港十大米線店我都試暈晒🤪🤪所以而家先咁少再食。唔知大家有冇聽過石蔭有一間好出名嘅米線店，位置有啲偏僻，而且店舖比較細，但佢哋嘅雞絲螺旋藻配料非常出名，呢一間就係屯門嘅分店！(當然作為米線控嘅我亦都試過石蔭嗰間啦，仲要係特登搭去)雖然依家唔係總店，但係都好多人食，而且絕對冇令我失望。豬頸肉豬腩肉豬軟骨酸辣米線 $49唔好睇佢要成$50，但係真係好多料，而且好好味，特別係佢嘅豬軟骨，非常淋，啲軟骨淋到漿住晒個口，完全唔使咬。豬腩肉亦唔係一大舊肥肉嗰種，而係瘦肉較多，但依然好淋。米線偏幼身，但非常有咬口，煮得恰到好處。湯底酸中帶鹹，非常濃郁。雞絲墨魚頭熱撈紅薯粉 $44個墨魚頭超級驚豔，我超唔鍾意嗰啲韌到好似擦膠咁嘅墨魚，但係呢個係異常彈牙，好咬得來唔會牙軟，我從未食過咁好味嘅墨魚，大力推介！至於雞絲個人就認為一般，特別在於佢哋真係切得好幼，一絲絲咁，雖然係佢哋嘅招牌，但係略嫌冇咩味，有啲乾。佢嘅紅薯粉係比一般嘅紅薯粉煙韌，好好咬！但係醬汁就冇乜特別，只係少少嘅鹹味，始終都係酸辣

唔係第一次幫襯，我其實比較鐘意去新墟個間米線（十約年前食開荃灣分店）點知圍哂板，唔知係執左定.......聽琴日真係小鍋米線癮發作，醒起華都有間但都成年咁耐無幫襯過，決定收工返入去食時間算早唔係好多人，叫左豬腸腩肉，好快有得食，效率高左，送都多埋，記得以前食都係得幾舊，正常分量啦。今次差唔多d送多過米線👍我食酸辣湯底，雖然冇新墟嗰間既湯底咁濃郁，但味道都有八成相似，都可以止到我既癮肉碎同芽菜呢，既分量充小左d.但係送多都好滿足 希望我下次去，d師父講‘衰野’唔好咁大聲比我地聽得咁清楚喇

星期日又係出街食晚飯既日子由於上星期吃了荃灣的雲南小鍋米線分店，懷念其味道所以今日決定去屯門分店是晚三人同行點了三碗米線加一款小食1️⃣麻辣米線小辣配腩肉魚皮餃2️⃣麻辣米線小辣配墨魚頭雞絲3️⃣酸辣紅薯粉小辣配豬軟骨豬腸4️⃣炸春卷麻辣米線小辣配墨魚頭雞絲墨魚頭 - 爽脆可口而且有墨魚的鮮甜味雞絲 - 依舊分量十足，食極都有好抵食湯底 - 叫咗小辣都係好辣繼續食到噴火麻辣米線小辣配腩肉魚皮餃米線 - 煮得比較碎腩肉 - 較為碎濕，沒有完整的一片魚皮餃 - 都是屬於四海的品牌，知道好吃的，但只有兩粒不夠喉呢酸辣紅薯粉小辣配豬軟骨豬腸紅薯粉 - 相當煙韌，值得一試豬軟骨 - 入味而且相當淋豬腸 - 都洗得相當乾淨沒有任何異味，有咬口推薦試一試炸春卷香脆可口配上酸甜醬，真的很好吃春卷餡以蔬菜為主屯門分店座位雖然沒有荃灣的寬敞，但下次都再會去相比起連鎖式店舖經營的，這裡有更多配料選擇而且食完都唔會好口渴

屯門市中心係我由細到大都去到熟哂既地方，每當要係屯門市中心諗唔到食咩既時候，雲南小鍋米線 就係必二之選，位於華都商場一樓，仲要轉角位先見到，雖然係禁，但人流都不斷，唔係大排長龍，而係人核人往，又係平、靚、正之選而呢度啲薯粉標明健康高纖低脂，食左好多年都係好好味！屯門人必試。每次一定叫薯粉，因為鍾意薯粉有口感，小小彈牙得黎可以慢慢食。腩肉魚皮餃薯粉湯底有芽菜、肉碎豐富口感、酸菜、韭菜增加層次，湯味濃郁，鹹甜酸辣皆俱。腩肉本身係小辣，肉既口感接近豬頸肉，食落都酸嫩彈，同時有小小脂肪增加肉香。魚皮餃食落係新鮮果隻，唔似超市買既果隻-d肉係梅既。最重要係湯底，濃味之餘又不失風味。電視劇成日話啲湯底由遠古年前開始滾到家下，再不斷加料，味道先會禁好味，事實係點我唔想知，只知道呢間雲南小鍋米線真係好好味推介，腩肉係必食！整體黎講，呢間雲南小鍋米線正唔正宗我就唔知，只知道好唔好味，呢間真係光顧了無限次！時不時都會黎呢度食下薯粉，就係貪呢間係小店，位置僻d人流少d一定有位，但係食物質素唔錯，性價比高。