雲南桂林過橋米線 (已結業)

哈,一直也很喜歡吃雲南米線愛其湯底味濃郁,而且可選擇辛辣程度,大大碗價錢都可以接受,所以經常在尖沙咀及荃灣一帶幾間出名的雲南米線光顧,當然覺得好好味才時常去光顧,昨晚去了銅鑼灣行花市,所以在附近找東西吃,突然想起吃米線於是就去了駱克道那間雲南米線舖,見招牌上寫著雲南桂林米線(銅鑼灣分店)一心以為是連鎖店的分店應該ok,唔會差得去邊,我與朋友各自order了小鍋米線(加腩肉,芥蘭)一食之下,OH唔掂!只係有湯底酸味得個酸,湯相當稀!如果要求酸閞胃都無題,但係成碗又酸及稀真係好難食,所以我都唔會再去幫襯,原來唔係個招牌寫著雲南桂林米線XX分店就間間差唔多,真係有D似真似假,所以一定要食過先知中招!!!!

這店雖然主賣米線，我卻愛這兒的日式豬扒湯烏冬。這兒的豬扒是即炸的。粉漿薄，但豬扒卻沒有一般港式食肆造的那樣薄，還保留一點肉汁，不錯。米線呢，雖然不算驚為天人，卻洽如其份。他們同時供應一些特式小食。嘗過一種是以墨魚膠作餡、豬油網作皮的（不好意思，忘了名字），皮脆脆的，也不錯嘍。在銅鑼灣要找價格相宜，又食物水準穩定的店並不多，不妨試試這家。

尋晚朋友要食的有湯既野, 粉麵飯都冇所謂, 就同左佢黎食喇...我地叫左:- 龍蝦丸/豬軟骨/蟹柳- 龍蝦丸/豬軟骨/豬大腸其實兩碗都係差唔多野, 我同朋友都覺得唔知點解好酸,佢開頭打算連湯飲都唔得, 最後食左半碗就話好飽停左手喇... 我就覺得都係咁上下啦, 不過尋晚酸得黎唔辣, 但係上星期食就剩係得個辣字, 的水準真係好飄忽... - 春卷<===都似係速成品, 夠熱, 不過個汁唔夠味飲熱既柚子茶<==甜得黎ok, 唔似茶餐廳個的好淡埋單total: $86 咁既價錢算係咁上下啦

我食腐竹同魚腐, 前者就硬到好似無煮過咁, 後者就完全唔似魚腐, 似魚片多d, 又硬又實不過其實個湯係好正既, 又多配料, 芽菜好味, 又好大碗, 好飽, 我係學生, 仲要平dtim~ 只係23蚊咋

呢度D酸辣真係好食又抵(23蚊好大碗),酸辣兩種味唔會分開,而係辣中有酸，配合得好好。湯底好,米線都好,非常彈牙唔會一PAT PAT。每次來都必叫大腸或小肚,超級好味~~有肚的話會叫埋炸雲吞,佢呢度D雲吞皮厚,落湯唔好食,但用來炸到脆卜卜就超正。不足ge係佢地d普通配料如蘿蔔,牛丸都唔靚,好一般...

話說某日同個朋友睇完戲便過對面呢間野食野。去到門口都有d驚唔敢入去，因為門口有張枱有個紋身大漢坐係到睇梗報紙，好似睇場咁喎。入到去仲勁，差唔多大部份枱既人都係食煙同埋d死飛仔咁款既人。野食都ok既，味道唔錯酸酸辣辣，但係就幾油下，因為有d肥腩脂浮係碗麵上，事關我要左個魚腐、牛腩米綫。下次應該唔會再去，因為唔想吸二手煙呀！

星期一放學後同朋友仔去食, 我叫左碗腐竹大腸蘿白米線小辣, 朋友叫左腩肉肚絲米線小辣. 份量ok, 但味道並不及荃灣店, 蘿白勁多"咋", 仲完全唔入味, 似用滾水煑熟就算. 腩肉"鞋"唔好食, 肚絲及大腸都只係叫ok. 湯底都幾開胃既. 都係荃灣果間好味dd

做完gym,肚餓揾嘢食,去左呢度.叫左腩肉豬軟骨中辣米線,個人並不喜歡薄切切的腩肉,又散修修,豬軟骨無咩特別,好似同腩肉的味道差不多,都唔知係唔係一齊煮既!米線都唔係多個湯底都幾咸同多味精,因為食完之後要飲好多水,同埋成碗野好多芽菜九菜咸酸菜!

食過菜肉雲吞，要唔辣湯底，個湯底好酸，個人口味唔係咁鍾意，菜肉雲吞就普普通通啦．朋友食肥牛米線，話唔錯，試過佢ｄ大麻辣湯底，有辣味中和下ｄ酸味好ｄ，但就真係好辣，辣到唔係好食到味道．

今天經過接二連三的失望，最後在這裡吃了茶餐：上海咸肉拉麵，配齋啡。上海咸肉拉麵：上海咸肉，味似燒肉，拉麵ok 啦，在雲南米線舖，食咸肉拉麵，是自作孽^m^。齋啡：可能是心情不好，覺得特別苦。題外話：經過刺激、勞累的一週，想獎勵自己。可惜今天在飲食途上，頭頭碰著黑。目標一：中環水記，牛腩，打電話無人接。目標二：灣仔辣鎮，雞湯飯，摺。目標三：生發棧，墨丸河，又摺埋。

個人鐘意食<雲南桂林過橋米線>多於<譚仔雲南米線>。每個人既口味都唔同；但鍾意食米線既你，一定要試哩間呀!!!黎親都係食<腩肉小鍋米線>，哩碗米線真係好正！勁多配料！！有肉碎、芽菜、韭菜、酸菜、芫茜，當你夾麵既時候，就會夾埋佢地既配料，咁多種唔同既口感，真係好正！同譚仔一樣，分小辣、中辣、大辣同特辣，個人唔係太食得辣，小辣可以啦！佢地既小辣，唔會太辣，令你一邊食、一邊加料包雲吞，加上湯底有D酸酸辣辣，好野味！！行開個頭去試下啦~腩肉小鍋米線$23

戚起條筋想食米線....於是走左黎食....要左個腩肉小鍋米線加豬軟骨....要小辣....好鐘意佢個湯....仲有勁多配料...芽菜呀...酸菜呀...韭菜呀...仲有D肉碎....好好味....食極都仲有.....正....但係D腩肉就比上次食果陣失色左少少....而豬軟骨更加令我失望...早知唔加好過.....

原打算往褔褔吃拉麵, 行了兩圈也找不到, 巳差不多九點了, 見這店還坐滿人,所以決定一試, 打開餐牌,除了米線, 原來重有拉麵, 但人家的主打強項是米線, 沒理由在此吃拉麵吧, 於是要了個豬軟骨米線, 米線煮得剛好, 不林不硬, 最怕吃到的是煮不熟的米線, 而豬軟骨肉質很鬆軟, 鹵得有肉香味而不鹹, 沒胃口的時候, 選了這個酸走辣米線, 確是沒有入錯門口了。

今日經開呢頭，就試下d米線，叫左肥牛米線，加炸醬肉，腐竹，再加個豬頸肉！試下佢有幾辣，叫左大辣。第一口，大鑊！可樂唔該！辣得滯，都唔知乜味，但個豬頸肉都ok。下次都係小辣算啦。埋單$62。

中午黎到絧纙灣,見到有個好大個牌,寫住雲南桂林過橋米線,咪去食囉.叫左麻辣牛肉米線,我要中辣.雖然我覺得自己好食得辣,但都有D定唔到.辣就夠啦,但就唔係好似麻辣囉.食完麻辣應該條唎麻麻地同滑滑地,但今次無左這種感覺.份量都算幾大,送都好夠,二十八蚊都OK...