雲味園

營業中

休息中

中學時代已經一直有食開雲味園，個人覺得比譚仔雲南米線更加好味！基本上每星期總有一次會幫襯，可能是習慣，又可能是學生時代的回憶。屯門友基本上無人不知，由初初$21蚊包兩餸食到依家$37蚊，味道依舊，一直好撐呢到的麻辣鷄！肉質嫩滑，口感似豐實的魚肉，基本上出面的餐廳都唔會食到咁特別的口感...今日食左蕃茄肉醬撈米加麻辣鷄，外表吸引, 而且份量頗多，食撈米最好味的係加多2匙的醋，酸味得來好開胃，食到好滿足，

因為附近返工所以成日食，兩星期無食就會心癢癢每次都會叫蕃茄肉碎撈米線多青！份量係非常多，個賣相都好靚，又紅又綠咁。蕃茄嘅汁同肉汁混埋一齊好好味。因為經常食撈米線有d厭，試下蠔仔泡飯～好多粒蠔，非常鮮味！咁就唔小心被我發現佢另一美食！又變左我嘅必食之選其實佢湯米線都好食，大部人都係食兩餸米線。入面成日都有個粗聲粗氣嘅亞姐坐陣，開頭覺得佢好無禮貌，成個癲雞咁，但食耐左都慣左，哇哈哈。但可能對其他人黎講，就未必接受到佢嘅態度嚕。我諗如果唔再係呢頭返工，最唔捨得會係呢間嘢

今晚加班,返到家附近已9時多,見到這間雲南米線還未關門,便進去,有很多款米線,所有米線,可選擇酸辣,麻辣及清湯底. bike點了兩款餸,雲吞及雞翼清湯米線米線配上腐竹,腐竹很林,湯底有些淡,雲吞餡料主要是瘦肉,沒有菜,但都有4粒份量.雞翼炸得很金黃,買相很漂亮,很脆,中間不會有血,餐廳自動把雞翼另上,可以保持脆口,而且是即炸,送上時,內裏還有出煙的.

說到米線，人們總會聯想到某連鎖店舖，但有些時候，一些小店的質素總比他們高。雲味園是屯門街知巷聞的小店，該店招牌麻辣雞吸引了許多人特地前來一試，平日要一嘗佳餚，總要輪候一段時間。麻辣米線賣相吸引，份量也算足夠。主角麻辣雞並非浪得虛名，鬆軟的肉質配上入味的麻辣湯味，令人按捺不住，不禁多吃幾塊。雞翼等煎炸食物都會分開送上，確保食物保持鬆脆。米線亦不錯，對比其他店舖，該店米線質感相對比較彈牙，整體而言，喜歡麻辣湯米線的朋友不妨一試！

唸住LUNCH HOUR早少少到, 12:15, 一位, 等了一陣, 有個短頭髮的阿姐, 大喝「你!! 幾位!!!!?」 「坐!呢!邊!!!」 阿姐自己遊了去再喝「行快D啦!!呢邊啊!!!」我心唸, 算, 快快脆脆食個晏仔。落單了, 等食。另一位阿紅喝我旁邊的4位學生 「你地唸咁耐唸乜啊? 咁到決定唔到?唔係呢樣就果樣架啦!!!落單未啊???!!!」氣氛已經極差! 我叫了的碗酸辣湯底, 豬腸+豬紅, $33(冇飲野) 到了: 之前見睇相好似不錯, 所以來吃, 但極失望, 豬腸極肥, 有陣味, 不太衛生嘅感覺, 通常叫豬腸就睇得出廚房有冇心機洗野! 感覺不太衛生.... 豬紅冇得難食的, 餐廳都係叫番黎, 湯底只係好過譚仔少少, 叫做有D色, 有D加了辣油之類的香味, 但係比真正的小鍋還差九個一皮。D湯得個咸字, 冇湯底可言。酸辣亦沒有酸, 問阿姐要醋, 叫左成個字都未拎黎。加左醋仲衰....食食下, 有一枱女仔食完, 見佢地傾兩句, 阿姐即同出面等緊的人大喝「有一枱就走喇, 食完啦, 仲唔走, 好快到你」 (我心唸, 好快到你「受」!)

雲味園我由5-6年前起都有幫襯過架勒, 開頭佢個舖頭細d, 雖然野食好味, 不過等食時間真係好耐, 試過有次我食完食碗米線男友o個碗都未有要cut order 囉. 不過自從佢上年年尾定今年年頭搬左個大d既舖頭, 食物種類多左之餘, 等既時間都短左好多, 所以我都間唔中就幫襯下. 今次就寫埋個食評啦.今日lunch時分去食, 坐滿7成位左加啦, 咁岩有卡位, good. 雖然佢食物種類多左, 但係基本上次次我都會叫佢既米線, 雙拼米線要左麻辣雞+炸雞翼, 酸辣湯底, 男友要麻辣雞+豬頸肉清湯米線. 等左唔駛10分鐘就有得食, 佢o個隻麻辣雞既味道真係嚮第二度未食過架, 肉質好淋, 辣辣地好惹味, 酸辣既湯底都岩岩好, 食完成碗都唔駛飲水囉. 雞翼我係食完碗米線先食, 個皮仲係卜卜脆, 感覺好新鮮. 而豬頸肉條邊位都係脆脆地好香口, 成餐樣樣野食都好滿意, 唔俾個讚佢都唔得啦.除左酸辣同清湯底外, 佢仲有麻辣同埋要加+$1既蕃茄湯底, 後者我未試過, 前者我之前試過, 好有麻既感覺, 不過配合辣既野食就會顯得食唔出野食本身既味道囉, 但想追求o個種「麻」感可以試試, 真係唔差.埋單每人一

平時做完gym後必會經過這食店而我從不會想過要進去的因為它位於屋村附近, 而門面裝修令我覺得它應該是一般的米線這天朋友堅持吃這間, 我就即管試一試吧反正是朋友請客! 哈哈!在芸芸眾米線中揀了蕃茄肉醬撈米線($25)這款米線第一次見, 就試試吧!而且我是蕃茄的fans, 哈哈!朋友就叫了幾個餸的米線蕃茄肉醬撈米線來了, 真的很特別, 原來要用蔥拌著吃的而且外觀也頗吸引!看上去是很好吃的樣子但原來真的很好吃!不知肉醬是怎樣調味的,有少許辣, 很香口,真的很好味!還有少許湯底, 濃濃的,拌著米線來吃很棒呀!這令我對這店產生了很大興趣!!也發覺原來真的凡事不可只看外表!門面不太美觀的店是可以帶給食客驚喜的!下次一定會再來此店試吃別的米線哩!而朋友的看來也很好吃的樣子怪不得他堅持要到這兒吃lunch啦~

今日心血來潮! 放左工本身支力到死架喇 不過都係敵唔過心魔 我又黎喇 雲味園!!><記得初初黎呢度食 係因為朋友介紹 跟住我係由一碗清湯雲吞米開始 跟住就試酸辣最後愈食愈過癮就食麻辣!! 麻辣雞米線係我既至愛! 佢地d雞係好特別 質地好似魚肉咁 旦係係真正既雞黎 食落口可以用鬆化黎形容! 非常好味 .. 加埋d麻辣 i like it宜家去食都唔會再叫雲吞呀或者其他湯低喇 因為 麻辣雞米線係真正值回票價! 另外一提雞亦 都係好正的 熱辣辣咁同個皮好脆 都不防試試阿

自從上次之後就一直支持至今，一星期去幾次，去到老闆娘都認得我們！次次基本上我都叫麻辣雞加排骨米線，男朋友就次次都唔同，呢度幾米線係煮得比較淋但未至於淋到碎曬！麻辣雞加排骨米線(清湯底+蕃茄底) 呢度落單既時候會問你要咩野湯底? (有清湯/ 酸辣湯底/ 麻辣湯底) 食得辣仲可以叫佢多辣，可惜好像我完全唔食得辣有想過下口癮就會好像我咁叫法！另外，可以加錢要蕃茄底，會放上大量碎蕃茄粒！麻辣雞米線 男朋友比我食得辣所以辣些少都可以，麻辣雞很入味而且沒有肥膏，相反我叫的排骨多數有少少肥膏但卻十分香口美味！份量大大碗，價錢相宜，值得一去再去！

我覺得佢地既麻辣雞米線真係一流呀 價錢又唔費而且佢個湯底真係好好味....間唔中諗番起都好想再食架 d雞肉好淋又無肥膏 岩哂我呀!!!!!!

本來今日想去隔隔隔離嗰間食，不過太耐無嚟，原來經已結業，於是就嚟咗呢間醫肚啦！Order 咗一個麻辣雞、豬腸米線 (清湯底) $21 配凍檸茶 +$5麻辣雞係先上粉炸過的，全是用上雞胸肉，用咗好多鬆肉粉乸到D肉鬆過龍，少少似食緊魚柳咁！豬腸就係白烚的，好碎，仲好多好肥膏係入面，我就唔係幾啱食 lu ！米線就太淋，無哂食米線嘅口感，無牙都食到！湯底反而唔錯，不過腐竹、韮菜就太少！另外Order 咗一個麻辣雞、豬腸米線 (酸辣湯底) $21 配凍檸茶 +$5酸辣湯底就酸而不辣！！其外Order 咗一個麻辣雞、豬腩肉米線 (酸辣湯底) $21 配凍檸茶 +$5豬腩肉厚厚的，夠哂入味，且淋！真的唔錯喔！還有Order 咗一個麻辣雞、牛腩米線 (酸辣湯底) $21 配凍檸茶 +$5牛腩切得薄薄的，似牛展的切工，味道也頗出色！因為大家都有叫麻辣雞的關係，所以上湯都變得略油，但唔夠辣的話，檯上有一樽麻辣醬可自行加辣！呢度啲麻辣醬幾OK架，食落就會慢慢感受到嗰種麻嘅感覺，真的不錯喔！

睇過食評之後....今日就試"雲味園"叫左個黃鱔豬腩肉辣雞肉米線中辣~ $36一開......嘩....要食得好小心...D油多到....好易整到周圍油淋淋~黃鱔就好似上海炒鱔糊個D鱔糊咁...但佢就切到一細粒,份量都多既~豬腩肉 - 只係白恰再放入湯~冇乜味~雞肉 - 炸過既~但點解要炸完再放湯呢?感覺有小小"溜"米線 - 好林...冇左米線有D咬口個種感覺!配菜有D豬皮,腐竹....總括....份量OK..湯底好油好麻但唔夠辣(我已經係叫中辣)餸既味道一般,價錢較貴!比喊樣係因為佢油既份量過份的多多多多多~我腸胃受唔住..肚"ALL"!!P.S....唔係多油就辣架咩?咁多油,辣既效果都咁差?

其本上每個星期我都會去食。係呢度食首要條件係﹣太趕時間者不宜！太餓者不宜！因為有時人多真係要等幾耐。但佢地麻辣米線真係好正，不算太辣那種，但慢慢地會feel到辣的感覺。如果食得多米線，可以轉食麵，麵係粗身的，連麻辣湯一齊食入口真係無得頂。番茄底米線清清地好好味，最啱喜歡食比較清的朋友。最後推介黃鱔米線，清湯底或麻辣底自己選擇！每樣餸也很好味，按自己喜歡就ok!但切記太趕時間或太餓者不宜！

住在附近很久,還是第一次入內,上星期路過,就即管一試蕃茄肉醬撈米線 這間店應該主要是食麻辣的,但不好辣的我,唯有一試其他!米線很淋,上面放上很多蕃茄碎和肉碎,讓食客自行混合,蕃茄很新鮮很香,配上肉碎混合,意外新鮮的一道米線麻辣雲吞米線那個是男朋友食的,他說味道比較普通!我沒有食所以不知道怎樣,但看起來不錯!

今日同左兩個朋友去試.....都係叫辣雞肉米線...嘩,等左半個鍾都未有得食~ 招呼冇......樓面有兩位姐姐...但都係叫極都唔得閒應既~坐位迫...坐得唔舒服,衛生麻麻餓到暈,終於等到....d雞肉好滑,ok~但d米線煮得好淋,淋到接受唔到~而d湯太油,"格"極都有...雖則知道麻辣米線係油,但佢真係油得過份~成碗野食唔到3份1