雲味園

營業中

休息中

屯門大興雲南米線小店**********************住屯門的朋友應該聽過呢間米線鋪內10張台左右，環境整齊乾淨，坐得舒服仲有電視睇小編今次叫左《腩肉羅白米線麻辣小辣加凍檸茶》$47腩肉: 新鮮五花腩肉，無雪藏味，好嫩好易咬，約10舊左右羅白: 約5舊，勁甜又吾老米線: 份量好多，食吾哂可以嗌少米線湯底: 本身個湯底煲到白雪雪好鮮甜，好多人都話食完吾洗係咁飲水加埋麻小辣，紅油吾算多，果種麻度中意食辣的人一定好中意另外加左《炸雞翼配豬頸肉小食》$27生炸雞翼真係無得彈，熱辣辣，味道又吾咸岩岩好豬頸肉就差少少，吾熱的至於服務，呢度啲姨姨的心情好反覆的

喺大興讀書嘅中學學生應該冇乜邊個冇食過雲味園呢一間米線佢啲米線質地啱啱好最鍾意就係食馬辣雞雞翼豬腸我會揀酸辣湯底食同埋佢嘅酸辣手帕青瓜都好好味我有啲朋友會選擇食埋佢嗰個雲吞

中午去食左個口水雞飯, 雞件都有7,8件,但偏細, 上層有半隻雞脾肉,下層果D雞件好多只係雞皮.... 有辣油有辣椒但基本上係唔辣GE, 係岩我,但味道真係無甚特別。雞肉係滑GE, 仲夠哂凍, 夏天會岩食D。

最近朋友推薦呢間米線，話食完都唔會頸渴，麻辣又好食，鐘意食辣既當然要黎，順路就黎試下啦！叫左麻辣中辣，食完微麻，湯底好甜同時又有麻辣，成件事幾特別！同平食既湯底比起，好飲好多，我差不多飲哂成碗湯哈哈。想講個日去姐姐態度都好好！根本無其他人所講既問題！會唔會個別例子呢？幫姐姐們平反返！btw會黎再試下大辣，因為中辣個feel唔係麻，唔飲水都得。同行黎食叫左蕃茄酸辣湯底都唔錯！料好多！推薦大家試下，鐘意食辣既更加唔可以錯過！

又一間屯門人推介既米線~ 麻辣雞雞翼米線 $39必點既麻辣雞一擺入口 口感同味道好似食緊浸淋左既 炸 魚 柳 🤣🤣 雞肉一絲絲的 唔韌唔dry 份量都幾多 不過可能我叫左酸辣湯底 搞到唔係好食到麻辣雞既麻辣味(不過我又見有人寫佢本身的確冇乜麻辣味xdd) 雞翼熱辣辣 炸得皮脆肉嫩 唔錯!😋酸辣湯底比較清淡 食落冇乜癮米線係幼身type 幾滑 但淋左少少屯門米線我都係覺得雲川燒(d豬頸肉)最正!!🤤

雲味園係朋友介紹我食既，今次到我介紹番比朋友！一去到開門已經有好多人係度排隊！不過我地兩位就好快入得啦！入面都係搭枱模式依舊點左「肉醬小鍋米線」個肉醬係好味既～但係米線就淋左少少！食落去第一個感覺係...嘩，好似阿婆都食得！呢個炸雞奕小食！就不嬲都好食！同樣都係我既至愛黎架！甘又完一餐午餐啦！朋友都話味道很特別，也很美味！都把食物清光光呢！

首先要講咗服務先再講食評原本想周圍搵食，向大家推薦更多美食但長髮紮辮的亞姐非常無禮貌，態度惡劣。對客人問多句唔耐煩，當點完菜之後發覺還未揀選辣度，即時向亞姐示意還未講要咩辣，個阿姐見我禮禮貌貌，覺得我好恰，亞姐惡劣回應" 你冇講要咩辣，廚房會自動出"跟住我嬲嬲地語氣加重" 咁點丫，係咪唔落得返丫"佢先死死氣過嚟幫我落跟住一路行一路碎碎諗"自己又無講"去到落單位我仲聽到佢鬧我"癡線"朋友都知我脾氣好甚少發火，態度衰到我都忍唔住講真食得米線嘅點會唔揀辣度，正常都會問下個客人囉。態度再係咁樣,D人試過一次就唔會再嚟。而味道的話喜歡食雲桂香，星林居，譚仔的話完全唔需要試原本睇到網上評價話味道唔錯，姐姐態度差，但諗住如果真係好味既，態度差我都無咩所謂，點知味道不似預期亦比較淡，仲要貼錢買難受。*人人口味不同

朋友向我推薦這間位於屯門大興邨的米線小店，賣點是滑溜的米線。既然路經此地，便進店內一試。我晚上7:30到店，當時人不多，餐廳大概半滿。貌似老闆的呀嬸指示我坐在一空置的四人桌，坐得算舒服。我點了一個麻辣米線加墨魚丸和腩肉，另加雞翼。我等了約五分鐘米線就煮好，送餐頗快。 麻辣湯底麻而不辣，但不覺特別香濃，普通貨。令人最驚喜的是米線底，一如朋友所描述的滑溜，米線也比較幼。可惜，不知是米線本身的特質，還是過度烹煮，米線比較軟和易斷，不夠彈牙，個人喜歡這種口感。而米線的其他配料如芽菜腐皮也比較少。説到墨魚丸，就是譚仔那種，無特別。腩肉比較肥，是白烚的，切法過碎，失敗。雞翼，炸得幾香脆但無燶，不錯。吃到一半時，有四人客進店內，老闆安排他們坐卡位。那個卡位正有一位老闆的親戚坐著吃米線。於是老闆就請那位親戚搬到我的對面坐。我聽到老闆問親戚：使唔使我掉開果個人？（即是我)我心想：我食到一半，你掉我做乜？你親戚又唔係無位坐。幸好，那親戚説：無關係。這件小事讓我明白為何食客都不太滿意這小店的服務，更準確説，這位呀嬸的服務。最後我用46元吃了這碗平平無奇的米線。總結：價錢相宜，米線滑溜但過軟，湯底和配料一般，

食過好多間的米線終於俾我搵到間啱口味嘅小店，佢坐落喺工廠區嘅街角，非常顯眼易搵餐牌除了主打小鍋米線外，還有其他選擇小鍋酸辣米線配雞亦豬扒湯底跟很多配料，有腐皮，韮菜，銀芽，肉碎，酸菜，而酸菜不似一般的死咸死酸，味道剛好帶出肉碎湯底的鮮味，酸辣味配合得很好，重點是成碗米線你唔會見到有辣油浮面及太多辣椒皮，不會太酸太咸及過辣，湯底是我欣賞的，至於米線不是一般煙煙韌韌難消化那種，而是軟滑而有咬口雞亦炸得金黃香口，但肉質嫩滑仍保留肉汁，而豬扒則冧滑而不韌，而且貼心的剪開數件上枱

講起雲南米線論質素論誠意比起譚仔同三哥我更加鍾意小店自選米線套餐湯底唔係味精反而好有肉香，而且可以選擇酸辣麻辣或者清湯；辣度亦都可以選擇大辣中辣或者小辣，但係好似我咁如果怕辣但又想食酸辣可以要求微辣；配料方面有韮菜芽菜同少量肉碎，特別嘅係有其他地方比較少見嘅腐皮；米線軟硬適中咁幾有口感雞中翼配豬扒兩款餸菜都係新鮮炸起另上；雞翼炸到金黃香脆咬落嫩滑仲有肉汁好正；豬扒腌得好香好惹味食落都好軟腍有肉汁唔錯

久不久都想嚐試一些之前未曾吃過的小店，今天去大興邨郵局寄件的時候，途經石排，忽然想起姨姨之前推介的雲味園米線，我一直都未去吃，是日午餐就吃它，不用多想。看看餐牌，我第一次在米線店有黃鱔米線賣，很特別的配搭，比起肉醬小鍋米線和鮮肉小鍋米線，黃鱔米線吸引得多了。當然只是黃鱔一款配料不能滿足我這個大胃王，我還加配雲吞和麻辣雞。湯頭方面我挑了小酸辣的，但喝不到酸辣的味道，只有菜蔬味。雲吞皮頗薄，餡料則是純豬肉餡，主要以瘦肉為主，挺扎實的，並以薑絲調味，整體尚可。麻辣雞零麻辣味，跟湯一樣，所以一點也不過癮，雞肉味不太顯現，唯一可取之處是滑嫩。最滿意的配料一定是黃鱔，富彈性無骨刺，份量超多，入味非常，配米線吃真的不錯。另外，還有豬皮作配料，咬起來蠻爽彈的，如果湯底夠酸辣會更好。

成日行經過雲味園都見到好爆 好多人 所以就算住係附近都一直冇試過 聽朋友講最出名係食麻辣雞今晚冇飯食 咁岩又行過 因為見到佢太多人所以就叫左外賣啦我叫左麻辣雞米線 中麻辣湯底麻辣雞份量好多呀 同埋口感好特別 好似係比較硬身的魚柳 配合埋麻辣湯底好入味 米線係屬於幼身 唔太淋 有咬口不過湯底我就覺得比較油 大家如果食既話可以試下其他湯底

屯門好吃的不太多，這裡算是不錯的選擇，街坊價味道中上。推介雞翼肉燥飯，一直好吃從未失手！蠔仔泡飯是招牌菜，很多時很好吃，但偶然會有沙和肥肉過多，要碰運氣。麻辣雞豬扒米線也是很好吃，但水準不穩定。一大碗飯或米線不到四十元，配凍飲也是四十多元，味道大部分時間幾好，所以長期滿座。缺點是，坐得比較迫，阿姐語氣態度非常惡劣，對此要有心理準備。

中學時代的回憶，由中學到現在都喜歡它獨有的味道。雖然地方較偏，但偶爾還是會回來再度品嚐這裡的米線。肉醬小鍋米線加配麻辣雞，酸辣湯底：如果吃得辣，一定要加肉醬，非常好味，會食過番尋味。不吃辣的，也可叫麻辣雞，麻辣雞與一般地方不同，是獨有的款式，軟淋淋，很好吃。推薦酸辣湯底，不吃辣的可點少酸辣，一樣好味。如果吃得辣，還有麻辣湯底可選。另外，雞翼是炸的，每次都新鮮滾熱辣地上台，十分好味。豬頸肉也是本人推薦的食物，同樣熱辣美味。

中學時期的我們，常常吃這間米線店的外賣。這天我們不約而同想吃這間的米線。我們最愛吃的當然是麻辣雞豬頸肉米線，麻辣雞無論在質感和視覺上好像魚柳，感覺就像在吃份子料理。豬頸肉的邊煎得脆脆，米線軟硬適中，配上麻辣湯底，那種麻辣的感覺，吃到頭皮也有點發麻，令人又愛又恨，真不愧是我們心目中的出色米線。