雲川 米線．紅薯粉 (盈豐商場)

營業中

休息中

一間幾出名嘅酸辣米線專門店~ 入到屯門就決定嚟呢度食個午餐！ 入到門口見到落單四步曲嘅攤牌，有少少誤導左以為可以叫兩個餸(・∀・)而且仲有姐姐行出黎同我哋講話可以加多個$9嘅餸，$9以上嘅就加返錢，點知埋單嘅時候先知道原來個餸係唔包套餐入面，我哋每人41蚊套餐再加左10幾蚊。。我同第二個朋友都誤會咗，雖然可能係我哋兩個嘅問題但係覺得餐廳可以寫返好少少。。不過水準唔錯，極度推薦豬頸肉！韭菜水餃同墨魚丸都好食！唯一有少少失望嘅係湯底醋味幾重，冇果種酸辣湯嘅酸味，價錢上以酸辣米線來講到唔試抵食，不過好想食米線嘅都可以一試！

黎到屯門當然要食雲川燒😋😋呢間係屋村商場裏面嘅小店一到繁忙時間就勁多人無論係等外賣定係堂食都要等一段時間🤣不過等待係值得嘅！呢度嘅米線配豬頸肉真係勁出名同埋佢有唔同嘅湯底選擇，怕辣嘅可以食豬骨湯同魚湯都一樣咁滋味！配料方面都有好多唔係平常出邊食米線食到嘅料任君選擇😋😋我就叫咗個豬頸肉爆章魚丸米線湯底叫咗麻辣小辣湯底個湯底一開始食落去唔算好辣，大概係譚仔10小辣左右反而之後係越食越辣🤣🤣不過好值得一提嘅，就係呢度嘅米線真係好抵食！配料嘅豬頸肉雖然望落去好似切得好薄，但係包保你食完碗米線都仲未食得晒啲料😂😂😂😂豬頸肉食落去仲係脆嘅，同埋個口感味道一流！米線方面都好足料，女仔嘅話應該食唔晒😂魚丸方面就一般般，不過都好重墨魚味。朋友叫咗個蘿蔔微辣米線大約比譚仔嘅10小辣在冇咁辣，入到口啱啱食到辣嘅香味但係唔會覺得太刺激蘿蔔都好足料，淨係睇相都知有幾大舊🤣呢度叫米線就包熱飲，如果想飲特飲/凍飲就要加錢叫咗之後都好快上菜，不過呢度真係好繁忙，所以一食完就要走🥲🥲喺呢度返工嘅一定唔好錯過！

之前黎雲川燒都係食湯米線，今次試下熱拌面，叫咗個熱拌米線，估唔到好好食，啲汁好香，撈埋啲肉碎幾好食，加咗豬頸肉，豬頸肉真係好正，係雲川燒既招牌，強烈推薦，未試過熱拌麵既可以試下

又一間食左好多年嘅米線✨好記得似前佢仲係向街嘅小鋪位，個陣最鍾意開枱坐外邊，可以邊食邊同街坊們嘅🐶🐶玩🥰個陣仲有串燒食架🔥（依家淨係保留咗幾樣好出色嘅燒物)搬左大鋪位，坐得舒服左😋😋依舊嘅美味😋食咗乜：酸辣湯小窩米線（小辣）+豬頸肉+凍檸茶HKD$41+1+3湯底十分濃郁，充滿炸醬😋好足料嘅小窩米線，不過可能廚師哥哥今次重手左🤣淡番小小就正啦豬頸肉啡啡地嘅烤色✨燒到焦香焦香✨仲要切成條狀，食起上嚟好方便😋呢個餸喺必食推介👍🏽👍🏽老實說，食左咁多年，雖然經過好多次嘅價格調整🙈但都仲算係親民價🧡依家都會不時返去encore

先前星期六經過，發覺呢間餐廳好多人等位，walk-in要等接近6張枱，唯有敗走。輪到平日行過，人潮係有，但總算比星期六下午的少，直接有得入座。餐牌設計好似局限人嗌一個餸。點解咁講？另加餸就加$9，但丸類、菜類根本唔值呢$9。太多肉又唔係個個鍾意。我覺得想人多消費，餐廳應考慮配料分段收費，達致大家雙贏。最終揀咗個需另加$1的豬頸肉，聽聞係呢度打響名堂既配料。豬頸肉用類似炭燒咁煮，加上麻辣香味噗鼻，只需三扒兩撥就食完。湯底有啲辣肉碎，但唔知太碎定太少，真係唔太覺眼。如果食慣咗連鎖米線鋪，呢間不失為替代的選擇之一。

睇完『Kiki & May隨意吃樂部』出院後，即刻坐兩個輕鐵站去到盈豐商場食返碗米線。我偷聽到後面張枱都係睇咗佢地條片，所以入嚟試食魚湯米線。下午茶$37包1個餸，一款餸+$9凍飲+3我叫咗酸辣湯底，豬膶+豬頸肉+墨魚嘴湯底✖️食得出有少少麻，對我嚟講有啲過酸。都係以前雲味園個酸辣湯底最啱我食！豬頸肉✖️如果可以切返厚身少少，肉感多咗，食肉獸會覺得飽肚啲。至於味道，就同我媽咪煮嗰啲一樣咁好食！豬潤✖️唔太厚唔太薄，灼到啱啱好，好好食簡直係唔夠喉墨魚咀✖️喺日本餐廳食炸墨魚咀就多，估唔到食米線都有份。原來唔炸過嘅墨魚咀都好Q彈！

自從上次食完「雲川燒」嘅豬扒豬頸肉米線 我一直對佢念念不忘 茶飯不思 決定要再去食多次...💢😑自己單拖過黎 照舊下午茶時間嚟食 因為下午茶時間比平時平四蚊 凍飲加三蚊 要左杯凍檸茶少甜🉐我叫咗佢嘅豬頸肉麻辣紅薯粉 因為上次食咗小鍋米線 今次想轉下新野 紅薯粉係有新嗰隻掛湯能力當然冇米線咁強😐比起上嚟會清淡一啲 口感方面好有咬口QQ🤤 係另一種風味呀～豬頸肉切成幼條 面層燒至焦脆 再加上佢外皮應該有查過蜜糖先攞去烤 香口得黎甜甜地 肉質軟嫩 一流😭😭湯底今次嗌咗大辣 真係比上次仲中辣勁咗好多 食到我咀都紅晒 但係感覺佢真材實料 刺激得黎超好食！推‼️

見到openrice 甘多好評，就膽粗粗去試下不過因為疫情關係，我今次系外賣🥡自取的。去到門口已經好多人系度等位等外賣。我見里面都系跟足限聚令指定，兩位兩位甘坐滿曬。有吾同的湯底選擇我地叫左一碗系豬骨湯小鍋米線🍜加左菜肉雲吞 及 蘿蔔湯底清甜，少少少少辣味蘿蔔很甜，但有少少硬菜肉雲吞好食😋皮不算厚另外一碗系酸辣米線（微辣）加了豬頸肉 及 墨魚咀 及 豬大腸豬頸肉切到幼身一條條，肥瘦剛剛好，好食😋墨魚咀一開始找不到，原來都在米線之下不過真系好細粒。豬大腸就幾爽幾薄脆，無臭味，不錯👍🏻總結：絕對可以再去。整體來講，系好味😋

雲川燒係屯門都算係幾人氣既米線店，今次就試下叫外賣食，不過今次唔係食麻辣湯，而係食佢既魚湯，今次叫左個魚湯韭菜雲吞米線，米線既份量都好多，魚湯食落都好鮮甜同好濃郁，而韮菜雲吞有3粒，食落個皮都幾薄，都唔錯

自從朋友帶過我食第一次之後，真係番唔到轉頭...本身唔係特別鍾意食米線，因為我既唔食辣都唔食酸，永遠都只會食小鍋米線😂 雲川燒既豬骨湯小鍋米線真係令我上左癮...首先佢既湯底(無論豬骨湯定鮮魚湯)都好濃郁，我食得到係無味精‼️ 因為我對味精係超級敏感，輕則口渴重則失眠🤢所以如果有味精我一定會有反應🤯除左湯底出色之外，佢既豬頸肉都係重點!!! 切到一條條既豬頸肉好爽口之餘，茶上蜜糖烤焗，味道一流，份量都算多，係我每次必點既餸黎!!! 香茅豬扒都唔錯，不過上次食就乾左啲，其他配料都屬正常水平，真係為左豬頸肉幫襯左10次8次🐷

之前一直都好想寫呢一間既食評，上星期終於得閒再去了！呢一間喺屯門黎講都算係好出名既米線鋪。鋪頭其實都算多位，但依然長時間都要等位架，咁就睇得出佢幾受歡迎啦！.首先要介紹下佢地個湯底，有分豬骨湯，鮮魚湯，酸辣湯同麻辣湯，仲可以揀冇湯添。雲川燒每個湯底都各有特色，而且好入味。就連辣都有別於連鎖米線鋪單一既味道，食得出辣之餘仲保留左其他餸菜既原有味道，呢一點真係好值得推薦。最後，唔食辣既朋友就要注意番得鮮魚湯係完全唔辣架！其實之前都食過好多次，雖然幾乎每次都會嗌下唔同既餸同小食試下，但佢地既豬頸肉真係食過番尋味！佢地既豬頸肉真係好脆好好食，整得啱啱好，唔會太老太韌。另外佢地仲會將豬頸肉切絲，切到同米線差唔多粗，可以一齊擺晒入口，簡直係味覺既享受。佢地既米線如果一個人食就都幾大碗，但上次去同朋友食，諗住唔太肚餓，同朋友一齊加底再share，發現同冇加底係冇分別，真係好失望，所以下次都係唔會咁做了。.另外，唔知係咪最近換左另一款米線，感覺冇之前嗰款咁入味，希望之後會用番舊款啦。除左呢兩點，其實呢一間米線既性價比真係好高架！

餐廳位於一個街坊商場內, 位置不顯眼, 身為屯門牛但其實一直冇太留意, 始終附近都好多餐廳選擇。唔知有冇人同我一樣睇左某對Youtuber介紹, 之後黎左試呢?食當日係二點左右, 全場爆滿, 幸好流動快唔使好耐已經入得。阿姐靈活運用夾板, 不停分出單人位雙人位, 難免有點窄, 但睇在價錢同質素, 物有所值絕對推薦。酸辣豬頸肉米線, 酸辣係重口味湯底, 酸味夠。豬頸肉入味香口, 不愧係招牌。另一聽到最受歡迎既係魚湯。熟客主要應該係叫魚湯+豬頸肉而唔係酸辣的。魚湯有近豬骨湯質感, 亦有鮮味, 唔錯。豬扒亦都大件入味, 但口感就太淋。雲吞正常。麵已經連飲品, 係轉凍飲加3蚊。連單100蚊有找。

-雲川 (原名：雲川燒)-酸辣湯紅薯粉（小辣🌶）$41餸：豬頸肉、墨魚咀+$8配菜：蔥、芽菜、韭菜、酸菜、辣肉碎-小店提供4款湯底（豬骨湯、鮮魚湯、酸辣湯、麻辣湯）同1款無湯既熱伴米線/紅薯粉套餐每款$41配1款餸同飲品 另加餸就+$8酸辣湯同麻辣湯都可以選擇辣度（微、小、中、大）-酸辣湯飲落好似冬蔭功湯但少咗泰式香料既味道，係偏中式d既酸度同辣度都好平均，唔會其中一邊搶咗風頭紅薯粉係呈波浪形，特別有咬口個人覺得紅薯粉索哂d湯汁食起上黎好惹味😋而且店家俾既配料好多！墨魚咀睇相好似唔多，其實佢地只係沉咗底🤣都有5、6粒，粒粒都好有咬口重點推介豬頸肉！！！！💕豬頸肉有浸燒過既香烤味，肉質肥瘦相間，食落好軟淋！！比起平時見到既燒豬頸肉，呢款係切得較幼身，但食落啖啖肉，真係好好食！！！😭份量都俾得相當慷慨！食哂d紅薯粉都仲有好多豬頸肉淨😆大力推薦屯門牛要去試下！！

呢間米線鋪之前已經成日聽屯門的朋友仔提起，今次咁岩經過終於可以試一試。呢次食大概係晚餐時段，七至八點左右，門口已經有幾台客等緊，大約等左十分鍾左右就可以入座。咁我就叫左個熱拌米線配豬頸肉，豬頸肉係燒個種，而且佢係剪到一條條咁，食落好脆口，個味醃得唔錯，食落好惹味。而熱拌米線個配菜都好足料，有肉醬，花生，酸菜等等，整體感覺好豐富，下次經過會再過黎試下。

期待已久既米線！叫左小酸辣米，配菜就同朋友share 食，咁就可以試多d野食！呢到最出名既係豬頸肉，緊係要叫佢黎試試啦，仲有叫左豬大腸體同蘿蔔！先講豬頸肉，的確冇得頂😍佢切左一條一條細細條嘅份量都好又易入口，煎到好趣口又入，朋友都大讚👍🏻👍🏻👍🏻👍🏻豬大腸好淋身又入味，食落口唔會話有一大舊肥膏，我喜歡💕蘿蔔有驚喜，比想像中清甜好多，食咗一碗咁濃味既米線再食返夠蘿蔔好舒服👍🏻👍🏻唯一覺得唔好嘅係佢嘅座位有啲窄，同埋湯底食完之後好口渴🙉