更多
2020-11-03
1237 瀏覽
先前星期六經過,發覺呢間餐廳好多人等位,walk-in要等接近6張枱,唯有敗走。輪到平日行過,人潮係有,但總算比星期六下午的少,直接有得入座。餐牌設計好似局限人嗌一個餸。點解咁講?另加餸就加$9,但丸類、菜類根本唔值呢$9。太多肉又唔係個個鍾意。我覺得想人多消費,餐廳應考慮配料分段收費,達致大家雙贏。最終揀咗個需另加$1的豬頸肉,聽聞係呢度打響名堂既配料。豬頸肉用類似炭燒咁煮,加上麻辣香味噗鼻,只需三扒兩撥就食完。湯底有啲辣肉碎,但唔知太碎定太少,真係唔太覺眼。如果食慣咗連鎖米線鋪,呢間不失為替代的選擇之一。
張貼