雲桂香米線專門店

營業中

休息中

放咗工, 近近地喺附近同朋友d 野先番屋企.  1, 小鍋米線 - ( 豬腩肉, 魚肉春卷, 豬潤, 小辣) - 朋友嘅 ($56)湯 - 湯因為係少辣變得好野味.  雖然係少辣, 我食唔到辣嘅都OK.米線 - 都係正常水平偏淋.豬腩肉 - 平時食開三哥, 佢地d 豬腩肉會連埋皮+皮下d 肥膏, 一啖食會食到唔同口感.  而呢度就我就食到豬腩肉嗰d 肉, 無乜肥膏, 都好食嘅, 會啱怕食肥同減緊肥嗰d 人多d.   但食得豬腩肉, 就想食埋佢d 爽嘅肥層囉.  又或者咁啱夾到全肉吧.魚肉春卷 - 因為用腐皮包住, 腐皮個味好出, 魚肉就食唔到味豬潤 – 薄切, 所以口感差少少同好易柴, 食唔到豬潤嘅爽口. 2, 小鍋紅薯粉 (豬腩肉, 墨魚丸, 鴨腎, 清湯) ($65)湯 – 清湯, 正常有味精味. 紅薯粉 – 煙煙韌韌幾好食. 唔會太淋. 豬腩肉 – 同上.魚丸 – 都食到有少少墨魚味道, 但唔夠彈牙鴨腎 – 薄切, 所以口感差少少唔爽而且淋晒. 3, 千層豬耳 ($43)$43 得5塊.  汁係酸酸辣辣都幾好食.  雲桂香都食過好幾次, 面嘅份量覺得比之前少1/4, 料嘅份量都O

呢間米線真係由細食到大。鍾意佢嘅米線湯底特別香，有肉碎、芽菜、韭菜等等。每次嚟我都會食小窩米線，酸辣湯底個味好香。鍾意佢可以揀小辣，辣得來惹味又夠香。同埋呢度嘅米線軟硬度適中，真係又平又好食。配料揀咗魚肉春卷及豬紅。魚肉春卷幾好食我通常鍾意叫豬紅，有益補血；而且同米線好夾。另外一碗就叫咗腩肉、大腸，呢兩個餸都係絕配。鍾意佢啲腩肉夠入味，但係又唔會太肥。豬大腸亦都洗得乾淨。食米線又夠風味。加配埋個凍檸茶，正呀！

呢幾年米線店真係開到周圍都有就好似緊有一間在左近米線來講個人就比較鍾意雲桂香覺得佢個酸辣湯頭最啱自己口味,夠晒開胃湯底、配菜同小食選擇夠多所以今日放工約咗個同我一樣都係米線控ge朋友食個快飯我地點左🍜酸辣小窩米線（小辣）$47豬皮、豬大腸🍜酸辣小窩米線（中辣）$47豬皮、腩肉另外叫咗兩個小食🍽醬拌皮蛋$20🍽千層豬耳$43之前未食過但朋友特別推介所以就叫左食落又唔錯 好爽口同入味🥤兩杯凍奶茶少甜少冰$7 💬好彩我哋今日夠早唔使等位🤭裝修完個環境都算乾淨 幾企理

今日同朋友去左沙田食午餐去左呢間雲桂香食米線, 朋友話佢住附近一直都食開呢間, 話叫我試下餐廳入面都有卡位, 好彩兩個人都可以坐到卡位, 可以坐得鬆動D佢呢度都有幾種唔同口味既湯底,米線之外, 仲可以揀紅薯粉，水晶粉之後揀辣度, 最後就揀餸我叫左個腩肉豬腸小麻辣小鍋米線, 佢個湯底好濃! 入面有肉碎, 芽菜，酸菜，葱同芫茜, 辣得幾過引! 辣得黎仲有酸味我同朋友仲叫左個蒜泥白肉SHARE食, 呢個都好惹味, 上面鋪滿左蒜泥, 入面有青瓜絲, 食落感覺唔會太膩呢間米線應該岩晒鍾意食濃味湯底既朋友

疫情底下選擇比較方便嘅快餐。今日嚟食米線！見到啲枱都闊落左，而且有圍板隔開，令食客更加安心。見到少人左，平時好多人排隊🙈 但多咗好多人嗌外賣，都好方便～不過今日趕住返工，所以都係堂食。麵底方面有好多種，除咗米線之外，仲有紅薯粉，水晶粉，而且仲有涼拌米線！湯底方面我最鍾意係酸辣湯底，次次都食呢個！今日唔係太餓，所以就冇叫到小食啦。小鍋米線 （微辣）+魚肉春卷食米線最緊要湯底！湯底方面揀咗酸辣微辣，最鍾意食呢個湯底，啱晒我呢啲唔係好食得辣嘅人，但係又想過下癮，重口味啲🤤呢個湯底入面仲有芽菜，芫荽，酸菜同埋肉碎 (肉碎辣先有)，口感更加豐富，而且好鍾意芫荽同埋酸菜香，又開胃，推介！米線方面亦都有口感，份量多，唔會過腍過硬。菜料方面我揀咗魚肉春卷。都唔少有四件，而且幾彈牙！小鍋米線（麻辣微辣）+腩肉墨魚頭麻辣就會比較辣少少，但係麻香都好正。菜料好多！腩肉切得簿易入口，入味，偏瘦比較健康！墨魚頭新鮮，而且彈牙！配埋凍檸茶，正👍🏻米線來講我都真係比較鍾意食呢間🤣因為好鍾意呢度嘅湯底酸酸辣辣，但係又唔係太辣。食材方面選擇都多，而且喺沙田市中心來講性價比高👍🏻👍🏻

HK越來越多米線鋪, 但雲桂香係我食過咁多間, 最好既連鎖米線鋪。 同朋友分別叫左 1)小鍋米線配雞絲+生菜; 2) 涼拌米線配豬軟骨+墨魚頭。 個小鍋米線係酸辣小辣, 個湯底食左咁多次都覺得好正, 酸辣既balance做得幾好, 至少好過另外2間著名連鎖米線鋪。 個雞絲就正正常常la。 另外, 第一次試涼拌米線, 配小辣, 好開胃。夏天食真係一流, 墨魚頭有好多塊, 抵食。不過豬軟骨唔浸湯, 冇咁好食。下次叫應該要叫其他"食送" 會好d。 如果雲桂香係其他區開多d分店就好la。

偉華中心雲桂香出名米線？我就覺得非也。應該最出色嘅係湯頭同辣度。兩個字：過癮！本人最最鍾意嘅食材係豬大腸，唔知佢點整可以又煙韌又入味，絕對係皇牌首選！今次又再點小鍋米線中辣，其實中辣吾算好辣，不足以冒汗。除咗皇牌大腸之外，蘿蔔亦都好正，淋、甜、入味。朋友大食，點了一碗加底嘅紅薯粉，紅薯粉的確好煙韌，如果愛速食嘅你就要考慮吓先，因為要花多一點時間咬咬。朋友加配鮮竹龍蝦卷、雲吞、芝士腸，當然唔少得有我重點推介嘅大腸。份量一定超大，滿足。飲品大大杯，推介菜蜜、菊花蜜，甜甜的解渴！

沙田呢間由細食到大既雲桂香，真係由食小辣食到而家中大辣，今日又落街簡簡單單食返餐。雲桂米線$60（套餐）每次次都會叫呢個餐 因為覺得料多又唔使諗食乜真係好方便😂 真心推介個魚肉春卷 鮮竹龍蝦卷😎😎 因為配埋個辣真係好鬼正 如果唔食得辣就叫過返酸辣，因為係真真真spicy, 另外雲桂香既米線係硬身少少唔會太淋 配埋麻辣湯底好正 秘製豬頸肉$43叫個小食又係成日叫 份量將足之餘 中意佢有陣重重香茅味 好食又香口 👍🏻

疫情又開始再來了，放工快快來個速吃，米線黎講，最喜歡雲桂香了，來到沙田偉華中心分店。座位幾多的。雲桂香既米線酸辣味最岩囗味，湯底自選辣度，餸菜亦多選擇。今次選左金菇和蟹籽丸，好味道，份量亦好夠多，金菇夠曬淋身，最喜歡酸辣湯底的配菜夠多酸酸微微又少少辣味，特別開胃。加左一個口水雞，口水雞醬汁少少麻辣味，好野味呢！不算太辣，因為點餐時同米線姐姐講「小辣」0k，味道好好，雞亦幾夠滑，花生好多，配上口水雞吃特別夾！

呢間鋪頭我細細個幫襯到大學畢業，但返工之後就好耐無食，所以回下味。過橋米線 ($63)平時都係食開蟲草花個隻，第一次食過橋米線。有位店員幫你將d配料（墨魚嘴、鵪鶉蛋、火腿、白肉、腐竹同蟹柳）加落鍋米線，然後焗佢一分鐘就食得。佢用左雞湯煮，所以d米線好重雞湯味，而且米線好彈牙，唔錯。我最鍾意個墨魚嘴，份量多又唔un。評分：4.333/5涼拌皮蛋 ($20)d皮蛋好新鮮，同埋佢有d辣汁好醒胃。評分：4.222/5

今日經過沙田偉華中心，平日都有食開旁邊嗰間，但係見到雲桂香門口寫住下午茶有飲品優惠，不妨一試比較下。其實配料有好多唔知揀邊樣好，見到本身有配夾好夾的套餐，於是叫咗個招牌雲桂米線，包含10多款配料。呢款招牌米線一定要叫辣，賣相非常非常吸引，配料多到覆蓋全碗米線，有腩肉、雞絲、魚肉春卷、鮮竹龍蝦卷、冬菇、腐竹、雲耳、芽菜、酸菜、芫茜⋯⋯份量真係多到食極食唔完。將配菜連米線一切放入口，口感特別豐富，辣辣地更加過癮！

自己本身都唔係好鐘意食飯，讀書年代已經好鐘意食雲南米線，市面上咁多間唔同既米線店，始終最愛都係<雲桂香>,因為覺得佢既湯底最足料，最好味，而且仲可以揀大辣，中辣，小辣，什至清湯基本上每次黎我都一定係食小鍋米線小辣，走青走芽菜，配料方面必食既係腩肉，辣辣地好惹味，而菜肉雲吞都唔錯㗎而我朋友就叫左清湯，如果唔食得辣既朋友就岩晒，都一樣係咁出色

本身今日諗住搭巴士返屋企食飯 實在太熱啦 男朋友話入去食埋晚餐 順便涼下 依家天氣實在係收埋人命入到去坐左陣出面都開始有人排隊好彩入得黎快 不過落單就揮極手都冇人理😂都幾多麵種簡 有米線有薯粉又有乾撈我就簡左港式米線🍜 小辣$27 有埋腐竹 芽菜同韮菜 配菜我簡左炸醬 滷水雞翼 鮮竹龍蝦卷炸醬係鹹嘅 我覺得一般般 自己比較中意食甜既滷水雞翼好味我係雞翼控男朋友叫左小鍋米線🍜中小辣 但都幾辣下 如果食唔到太辣建議叫番小辣😂不過肥牛都幾好食

出街揾食，今次食米線🍜呢間雲桂香好多分店，今次就食沙田嗰間☺️米線辣度可以揀，叫左兩碗麻酸辣，入面仲有勁多配料，如韭菜、芫荽、芽菜、酸菜同肉碎粒，好正！😆菜款方面就叫咗腩肉同豬腸,兩款都係我心水推介，其實餐廳提供好多款俾你地揀，一定有款中你心水！😃小食就叫左炸雞中翼，有四隻，次次都會叫，但今次有少少失準，炸燶咗，但都好味道既😎雲桂香依然係我食米線5大之一🤣🤣

今日同朋友路過偉華中心，突然興起想食米線。係譚仔同哩間之間糾纏左一陣，最後就揀左哩間。我地去果陣大概七點幾八點，有人但唔算太多，唔洗摞飛。整體環境算清潔，雖然檯有啲痴，但位置較同類店鋪稍為疏落。我就叫左一個蟲草花雞湯米線，麵底轉左做紅薯粉。黎到之後初初望落去整體還不錯。紅薯粉幾彈牙，雞ok滑。試左啖湯，根本冇佢所講既酒味雞湯，只係一般普通雞湯。食到最尾發現佢啲雞毛掹得唔係好乾淨，差唔多一節手指咁長既一條雞毛漂浮係個湯度。整體味道ok，唔難食但唔好食，質素有待改善。拿 見唔見到大大條雞毛（筷子夾住果度）朋友就叫左一個涼拌紅薯粉，本身比個肉醬係微辣，佢就冇睇清楚餐牌揀左個小辣。由於我本身唔食辣，我試完發現自己個嘴唇...痹咗。朋友就話哩度小辣比佢想像中辣好多，應該有外面既中辣。整體紅薯粉幾ok既，但辣度有啲意想不到。總括而言，哩間淺嚐ok，但做回頭客？我就不會了，有大把同類型餐廳做得更好。